Tag: Altaf Hussian

آزاد میدوار محفوظ یارخان کا ایم کیو ایم میں شمولیت کا اعلان

کراچی : ایم کیوایم کے قائد الطاف حسین نے کنورنوید کے حق میں عوامی مسلم لیگ کے امیدوار محفوظ یار کی دستبرداری اور ایم کیوایم میں شمولیت کو حق پرستی کی فتح قرار دیا ہے۔

این اے دوسوچھیالیس کےعوامی مسلم لیگ کے امیدوار محفوظ یارخان ایم کیوایم کے حق میں دستبردار ہوگئے، ایم کیوایم کے قائد الطاف حسین نے ان کی دستبرداری کو حق پرستی کی فتح قرار دیتے ہوئے انہیں ایم کیوایم میں شمولیت پر مبارکباد پیش کی۔

اس موقع پر عوامی مسلم لیگ کے سابق رہنما محفوظ یار خان نے کہا کہ وہ پچاس سال سے حق پرستی کا علم اٹھائے ہوئے ہیں لیکن حق پرست آج بنے ہیں۔

انہوں کہا کہ حلقہ این اے دوسو چھیالیس کے ضمنی انتخاب میں ایم کیو ایم عمران خان اور ان کے چیلے کی ضمانت ضبط کرادے گی۔

اپریل 20, 2015
این سے 246: 23تاریخ کو مقابلہ نہیں مقابلی ہوگی،الطاف حسین

لندن : ایم کیو ایم کے قائد الطاف حسین کا کہنا ہے کہ حلقہ دو سو چھالیس میں مقابلہ نہیں مقابلی ہوگی، نوجوان سوشل میڈیا پر فعال ہو جائیں۔

ایم کیو ایم کے قائد الطاف حسین نے رات گئے کارکنوں سےخطاب کرتے ہوئے کہا کہ کارکنان این اے دوسو چھالیس کےانتخاب سے متعلق تیاریاں مکمل کرلیں، الطاف حسین کا کہنا تھا کہ تئیس تاریخ کو مقابلہ نہیں مقابلی ہونے جارہی ہے۔

الطاف حسین نے پارٹی نوجوانان کو تاکید کی کہ سوشل میڈیا پر فعال ہوجائیں جبکہ خواتین کو ہدایت کی این اے دو سو چھالیس کے ضمنی انتخاب میں خواتین پہلے ووٹ ڈالیں۔

اپریل 16, 2015
آج پیشی پر جاؤں گا ،کارکنان دعا کریں، الطاف حسین

لندن : منی لانڈرنگ کے مقدمے میں آج ایم کیو ایم کے قائد الطاف حسین کی ضمانت ختم ہوگئی ہے، الطاف حسین کا کہنا ہے کہ آج وہ لندن میٹرو پولیٹن اسٹیشن میں پیش ہوں گے، عوام ان کے لئے دعا کریں۔

رات گئے جناح گراونڈ میں ایم کیو ایم کے زیرِ اہتمام انتخابی مہم کے سلسلے میں کارکنان سے خطاب کرتے ہوئے ایم کیو ایم کے قائد الطاف حسین کا کہنا تھا کہ لندن میں ان پر مقدمات چل رہے ہیں آج ان کی پیشی ہے۔

الطاف حسین این اے دو چھیالیس میں ضمنی انتخاب کی مہم کے تناظر میں الطاف حسین نے کارکنوں کو مخاطب کرتے ہوئے کہا کہ ہر قیمت پر لڑائی جھگڑے سے دور رہا جائے تاکہ پر امن طریقے سے ضمنی الیکشن ہوسکیں ۔

انھوں نے کہا کہ این اے دو چھیالیس کی نشست ایم کیوایم کی ہے اور عوام اپنے ضمیر کے مطابق ووٹ دیں۔

اپریل 14, 2015
منی لانڈرنگ کیس: الطاف حسین کی ضمانت کی مدت آج ختم

لندن: منی لانڈرنگ کیس میں ایم کیو ایم کے قائد الطاف حسین کی ضمانت کی مدت آج ختم ہورہی ہے، جس کے بعد متحدہ قائد آج پولیس کے سامنے پیش ہونگے۔

ایم کیو ایم کے قائد الطاف حسین کیخلاف منی لانڈرنگ کی تحقیقات کا آغاز اس وقت ہوا جب لندن پولیس ڈاکٹرعمران فاروق قتل کیس کے سلسلے میں چھ دسمبر دوہزار بارہ کو متحدہ کے دفتر پہنچی اور چھاپے کے دوران، لاکھوں پاؤنڈ برآمد کیے گئے۔

پولیس متحدہ موقف سے مطمئن نہ ہوئی اور رقم قبضے میں لے لی رقم کے ساتھ کمپیوٹر،اوربعض دستاویزبھی تحویل میں لی گئیں رقم کی برآمدگی کے بعد اسکاٹ لینڈ یارڈ کاؤنٹر ٹیررازم ڈیپارٹمنٹ متحرک ہوا۔

اٹھارہ جون 2013 کو لندن پولیس نے الطاف حسین کے گھر کی تلاشی لی، گھر سے خطیر پاؤنڈ نکلے، برطانوی قانون کیمطابق رقم غیر قانونی تھی۔

تین جون2014 اسکاٹ لینڈ یارڈ نے الطاف حسین کی رہائش گاہ کی تلاشی لی، اور متحدہ قائد کو حراست میں لے لیا گیا، علالت کے باعث انہیں اسپتال منتقل کردیا گیا اور6 جون2014 کو اکتیس جولائی تک الطاف حسین ضمانت پر رہا کر دئے گئے۔

اکتیس جولائی2014 کو متحدہ سربراہ کی ضمانت میں دسمبر2014 تک توسیع ہوگئی، دسمبر میں ایکبار پھر متحدہ قائد کی ضمانت میں 14اپریل 2015تک توسیع کی گئی، ضمانت کی معیاد ختم ہونے کے بعد الطاف حسین کو آج پولیس انٹرویو کیلئے پھر پیش ہونا ہے۔

اپریل 14, 2015
گرفتارمعظم علی خان کا ایم کیوایم رہنما محمد انورسے قریبی رابطہ تھا، ذرائع

کراچی: کراچی سےگرفتارمعظم علی خان کاایم کیوایم رہنمامحمد انورسےقریبی رابطہ رہا،لندن پولیس کےمطابق عمران فاروق قتل کیس حل ہونے کی طرف جارہا ہے۔

کراچی سے بابر چغتائی اور معظم علی کی گرفتاری،لندن میں عمران فاروق قتل کیس حل کی طرف جانے لگا گرفتاریاں اس وقت ہوئیں جب اگلےروزلندن میں الطاف حسین کی ضمانت ختم ہورہی ہیں۔

ذرائع کا کہنا تھا کہ الطاف حسین کی صحت کو دیکھتے ہوئے انہیں بُلائے بنا ضمانت میں تو سیع کر دی جائے گی لیکن لندن میں زرائع کا کہنا ہے کہ موجودہ صورتحال میں پیشی یقینی ہوگی۔

ذرائع کے مطابق بابر چغتائی اور معظم علی کا محمد انور سے قریبی تعلق ہے جنہیں چند روز قبل لندن پولیس نے گرفتار کیا تھا بابر چغتائی کومنی لانڈرنگ اور معظم علی کو عمران فاروق قتل کیس میں گرفتار کیا گیا۔

لندن پولیس کے مطابق کیس میں تیزی سے پیشرفت ہورہی ہے اوراسےجلد حل کر لیں گے۔

واضح رہے کہ 16ستمبر2010 :لندن میں ایم کیوایم کے رہنما عمران فاروق کا قتل ہوا۔

۔ 8 دسمبر 2012: لندن پولیس کا ایم کیوایم کے دفتر پرچھاپہ

۔ 18 جون 2013 :لندن پولیس کی الطاف حسین کے گھر کی تلاشی

۔ 24 جون 2013:عمران فاروق قتل کیس میں پہلی گرفتاری ہیتھرو ایئرپورٹ سےالطاف حسین کےبھتیجے افتخار حسین کی گرفتاری

۔ 27 مئی2014: دو مطلوب افراد کی تصویریں جاری

۔ 13 مارچ2015:ملزم لندن بھجوانےوالا کراچی سےگرفتار

اپریل 13, 2015
عمران فاروق کے قاتلوں کو باہربھجوایا، گرفتارملزم کا اعترافی بیان

کراچی: گرفتارملزم معظم علی خان نے ابتدائی تفتیش میں ایم کیوایم رہنما حماد صدیقی کانام لیا ہے،معظم علی خان نے بتایا کہ حماد صدیقی نے ہی عمران فاروق قتل کےلیےبریفنگ دی تھی۔

زرائع کےمطابق ملزم معظم علی کوکل صبح عزیزآبادسے گرفتارکیا گیا، ملزم نے اعترافی بیان دے دیا جس کی رپورٹ وزارت داخلہ کو بھجوادی گئی۔

ملزم کا کہنا تھا کہ وہ حماد صدیقی کے احکامات پرعمل کرتاتھا، حماد صدیقی کے کہنے پر دونوں افراد کےلندن کے ویزے لگوائے ۔

معظم علی کا کہنا ہے کہ حماد صدیقی نے دونوں افراد کی مالی معاونت کی اور مشن پورا کرنے کو کہا تھا،ملزم نے کہا کہ عمران فاروق قتل سے متعلق انہیں معلومات دی گئیں تھیں،دونوں افراد کو بھجوانے کے لئے اسپانسر شپ لندن سے منگوائی گئی ۔

؎ذرائع کے مطابق ملزم کے پاس سے اہم دستاویزات ملے ہیں، تمام تر تفصیلات کی انوسٹی گیشن رپورٹ تیار کرلی گئی ہے جو ڈی جی رینجرز نے اپنے پاس رکھی ہے،ملزم پر باقاعدہ طور مقدمہ درج کیا جایا گا۔

دوسری جانب ایم کیوایم نے ڈاکٹر عمران فاروق قتل کیس کے ملزم معظم علی خان سے لاتعلقی کا اعلان کردیا۔

اپریل 13, 2015
ایم کیوایم نےمعظم علی خان سے لاتعلقی کااظہارکردیا

کراچی: ایم کیوایم نے ڈاکٹر عمران فاروق قتل کیس کے ملزم معظم علی خان سے لاتعلقی کا اعلان کردیا۔

متحدہ قومی مومنٹ کا کہنا ہے وزیر داخلہ چوہدری نثار نے جو بیان دیا ہے اس پر قانونی اورآئینی ماہرین سے صلاح مشورہ کررہے ہیں، مشورے کے بعد چودھری نثار کے بیان پر موقف دیں گے ۔

ایم کیوایم کا کہنا ہے عمران فاروق قتل کیس میں ایم کیوایم اسکاٹ لینڈ یارڈپولیس کی بھرپورمعاونت کررہی، عمران فاروق کا قتل کیس عدالت میں ہےایم کیوایم عدالتوں کا احترام کرتی ہے۔

دوسری جانب معظم علی کی اہلیہ نے سندھ ہائی کورٹ میں درخواست دائر کردی ہے، درخواست میں صوبائی وزارت داخلہ، ڈی جی رینجرز، آئی جی سندھ اور ایس ایچ او عزیز آباد کو فریق بنایا گیا ہے۔

درخواست میں موقف اختیار کیا گیا ہے کہ بارہ اپریل کی صبح چھاپہ مار کر رینجرز اہلکار معظم علی کو اپنے ساتھ لے گئے۔

اپریل 13, 2015
عمران فاروق کیس: چوہدری نثار کا مرکزی ملزم کوکل عدالت میں پیش کرنے کا اعلان

اسلام آباد: چوہدری نثار نے کہا ہے کہ عمران فاروق قتل کیس کا ملزم ہمارے پاس زیر حراست ہے، کل عدالت میں پیش کیا جائے گا۔

پارلیمنٹ کے باہر گفتگو کرتے ہوئے وفاقی وزیر داخلہ چوہدری نثار علی خان کا کہنا تھا کہ عمران فاروق قتل کیس پاکستان کے لئے بھی امتحان تھاعمران فاروق قتل کیس کا مرکزی ملزم کو گرفتار کرلیا گیا ہے ۔

ان کا کہنا تھا کہ ہمارا مقصد کسی کی جان لینا نہیں ملزم کو کٹھرے میں لانا ہے، عمران فاروق کو قتل کرنے والے دونوں افراد کو باہر بھجوانے والا مطلوب تھا،عمران فاروق قتل کے اصل کردار کو گزشتہ روز کراچی سے گرفتار کیا گیا۔

وزیر داخلہ نے کہا کہ سیکورٹی ایجنسی کو انٹیلی جنس ایجنسی کی مشترکہ کاوش میں عمل آئی ہے، عمران فاروق قتل کیس کی جے آئی ٹی بھی بنائی جائے گی۔

ان کا کہنا تھا کہ عمران فاروق کو قتل کرنے والے کو بھی کراچی میں ہی گرفتار کیا گیا، جبکہ بینک سے بھیجی گئی رقم کی تفصیل بھی حاصل کرلی گئی ہے ۔

چوہدری نثار نے کہا کہ برطانوی حکومت کے ساتھ مکمل تعاون کرہے ہیں، مذکورہ شخص کو کل عدالت میں پیش کیا جائے گا۔

اے آر وائی کے رپورٹر کامل عارف کے مطابق گزشتہ رینجرز نےعلی الصبح ایم کیو ایم کے مرکز نائن زیرو کے قریب ایک گھر پر کارروائی کے دوران رینجرز اہلکاروں نے معظم علی نامی شخص کو حراست میں لے کر تفتیش کیلئے نامعلوم مقام پر منتقل کردیا تھا۔

اپریل 13, 2015
اسمبلیوں کوجعلی کہنے والے پارلیمنٹ میں آگئے، الطاف حسین

کراچی : سعودی عرب اور یمن کے درمیان کشیدگی پر ایم کیوایم کے قائد الطاف حسین نے کہا کہ معاملات بات چیت سے حل کیے جانے چاہیے، پی ٹی آئی پر تنقید کرتے ہوئےانہوں نے کہا کہ اسمبلیوں کو جعلی کہنے والے پارلیمنٹ میں آگئے ہیں۔

جناح گراؤنڈ میں کارکنان سے خطاب کرتے ہوئے ایم کیو ایم قائد الطاف حسین پاکستانی آئین کا حوالے دیتے ہوئے پی ٹی آئی پر برس پڑے۔

متحدہ کے قائد کا کہنا تھا کہ میں آج کسی تفصیل میں جانا نہیں چاہتا ہوں، اگر کوئی رکن 40روز ایوان سے غیر حاضر رہے تو اسکی رکنیت ویسے ہی ختم ہو جاتی ہے، جو رکن استعفا جمع کرائے گا، اسکی رکنیت اسی وقت ختم ہوجاتی ہے۔

ان کا کہنا تھا کہ 23اپریل کو ایم کیو ایم کا امیدوار بھاری اکثریت سے کامیاب ہوگا، تحریک انصاف کے جلسہ گاہ پر ایم کیو ایم کے کارکنان نے حملہ نہیں کیا تھا، گالیاں ایم کیو ایم کو دی گئی تھیں اور غصہ وہاں پر عوام کا تھا۔

یمن کی صورتحال پر گفتگو کرتے ہوئے ایم کیو ایم کے قائد نے کہا کہ معاملات گولہ باری سے نہیں بات چیت کے ذریعے حل کیے جائیں۔

الطاف حسین کا کہنا تھا کہ پاکستان مشکلات میں گھرا ہوا ہے، اللہ تعالیٰ پاکستان کو امتحانات سے نکالے۔

اپریل 7, 2015
سوشل میڈیا پر رینجرزکیخلاف پیغامات سے کوئی تعلق نہیں، الطاف حسین

لندن: متحدہ قومی موومنٹ کے قائد الطاف حسین نے کہا ہے کہ ایم کیوایم میں کوئی عسکری ونگ نہیں ہے، کچھ لوگ سوشل میڈیا پر ایم کیوایم کا نام استعمال کرکے سازش کررہے ہیں، اگر چند افراد نےقانون ہاتھ میں لیا تو یہ ان کا ذاتی فعل تھا، پارٹی کی پالیسی ہرگز نہیں۔

قائد الطاف حسین کا کہنا تھا کہ ایم کیوایم جمہوری ، لبرل، ترقی پسند خیالات اور عدم تشدد پر یقین رکھنے والی جماعت ہے، انکا کہنا تھا کہ انہیں اطلاع ملی ہے کہ بعض عناصر سوشل میڈیا پر خود کو ایم کیوایم کا ظاہر کرکے پولیس اور رینجرزاہلکاروں سے محاذ آرائی کے پیغامات کا تبادلہ کر رہے ہیں۔

الطاف حسین نے ایم کیوایم کےذمہ داران اور کارکنوں ایک بار پھرسختی سے یاد دہانی کرائی ہےکہ وہ امن پسند ی کادرس کوہرگز نہ بھولیں۔

انہوں نے کہا کہ ایم کیوایم، قانون نافذ کرنیوالے کسی بھی ادارے سے محاذ آرائی نہیں چاہتی بلکہ اپنے ساتھ ہونیوالی ناانصافیوں کیخلاف آئین وقانون کےدائرے میں رہتے ہوئے پرامن احتجاج پر یقین رکھتی ہے۔

الطاف حسین نےکہا کہ جو لوگ سوشل میڈیا پر رینجرز، پولیس سمیت قانون نافذ کرنیوالے اداروں سے محاذآرائی کا درس دے رہے ہیں، ان کا ایم کیوایم سے کوئی تعلق نہیں، انہوں نے اسے ایم کیو ایم کو بدنام کرنیکی سازش قرار دیا۔

انکا کہنا تھا کہ ایسےعناصر کا متحدہ سے کوئی تعلق نہیں اپنے ساتھ ہونے والی ناانصافیوں کے خلاف آئین وقانون کے دائرے میں رہتے ہوئے احتجاج کریں گے۔

مارچ 16, 2015