ARYNews.tv | Urdu – Har Lamha Bakhabar

Tag: AMBASSADOR

  • سعودی عرب نے خالد بن بندر کو جرمنی میں سفیر تعینات کردیا

    سعودی عرب نے خالد بن بندر کو جرمنی میں سفیر تعینات کردیا

    برلن/ریاض : سعودی عرب کی حکومت اور جرمنی سے سفارتی تعطل ختم کرتے ہوئے خالد بن بندر بن سلطان کو برلن میں سعودی سفیر تعینات کردیا۔

    تفصیلات کے مطابق چند روز قبل سعودی عرب اور جرمنی کے وزراء خارجہ کے درمیان ہونے والی ملاقات کے بعد سعودی حکام نے خالد بن بندر کو برلن میں سفیر مقرر کر دیا، جنہوں نے ایک مرتبہ پھر جرمنی میں سعودی سفیر کی حیثیت سے ذمہ داریاں سنبھال لی ہیں۔

    غیر ملکی خبر رساں ادارے کا کہنا تھا کہ سعودی وزارت خارجہ کی جانب سے جاری بیان میں تصدیق کی گئی تھی کہ خالد بن بندر نے برلن میں واقع سعودی سفارت خانے میں سفارتی ذمہ داریوں کی انجام دہی شروع کردی ہیں۔

    عرب میڈیا کے مطابق جرمنی کے وزیر خارجہ نے سماجی رابطے کی ویب سائٹ پر ٹویٹ کے ذریعے بتایا سعودی سعودی سفیر خالد بن بندر نے برلن میں وزیر خارجہ ھایکو ماس سے ملاقات کے دوران باہمی دلچسپی کے امور پر گفتگو کی گئی تھی۔

    خیال رہے کہ 26 ستمبر کو اقوام متحدہ کی جنرل اسمبلی کے اجلاس کے موقع پر سعودی عرب اور جرمنی کے وزراء خارجہ کے مابین ملاقات ہوئی تھی، جس میں دونوں ممالک کے وزراء خارجہ نے باہمی دلچسپی کے امور پر تبدلہ خیال اور باہمی تعلقات کی اہمیت کا اعتراف کیا تھا۔

    سعودی وزیر خارجہ عادل الجبیر نے امریکا میں پریس کانفرنس سے جرمن وزیر خارجہ کے ہمراہ مشترکہ خطاب کرتے ہوئے کہا تھا کہ سعودی عرب اور جرمنی کے درمیان کوئی کشیدگی نہیں ہے، سعودی عرب بہت جلد اپنا سفیر جرمنی بھیجے گا۔

    دونوں ممالک کے وزراء خارجہ کا کہنا تھا کہ دونوں ممالک کے درمیان سفارتی کشیدگی محض غلط فہمی تھی۔

    یاد رہے کہ گذشتہ برس جرمن وزیر خارجہ نے کہا تھا کہ سعودی عرب نے لبنانی وزیر اعظم سعد الحریری کی مرضی کے بغیر روکا تھا جس پر سعودی عرب نے برلن میں تعینات اپنے سفیر واپس بلالیا تھا۔

  • اسپیکر بلوچستان اسمبلی کی چینی سفیر سے ملاقات، سی پیک پر گفتگو

    اسپیکر بلوچستان اسمبلی کی چینی سفیر سے ملاقات، سی پیک پر گفتگو

    کوئٹہ: اسپیکر بلوچستان اسمبلی میر عبدالقدوس بزنجو سے چینی سفیر یاؤجنگ نے ملاقات کی، اس دوران سی پیک پر تبادلہ خیال کیا گیا۔

    تفصیلات کے مطابق پاکستان میں تعینات چینی سفیر یاؤجنگ نے بلوچستان اسمبلی کے اسپیکر میر عبدالقدوس بزنجو سے ملاقات کی، باہمی گفتگو کے دوران پاک چین تعلقات بھی موضوع رہا۔

    اس موقع پر قدوس بزنجو کا کہنا تھا کہ امید ہے چین بلوچستان کو ترقی دینے میں اپنا کردار ادا کرے گا، سی پیک منصوبہ خطے میں خوشحالی کی نوید ہے۔

    چینی سفیر یاؤجنگ کا کہنا تھا کہ سی پیک منصوبے کے ساتھ دیگر شعبوں میں بھی تعاون کررہے ہیں، بلوچستان کی ترقی میں اپنا کردار ادا کرنے کے لیے تیار ہیں۔

    ملاقات میں سابق نگراں وزیراعلیٰ بلوچستان علاؤ الدین مری اور صوبائی وزیر سردار سرفراز ڈومکی بھی موجود تھے۔

    خیال رہے کہ رواں سال اگست میں چین کے سفیر یاؤ جنگ نے اسپیکر قومی اسمبلی اسد قیصر سے پارلیمنٹ ہاؤس میں ملاقات کی تھی۔

    ملاقات میں دوطر فہ تعلقات اور باہمی دلچسپی کے دیگر امور پر تبادلہ خیال کیا گیا تھا۔

    اس موقع پر اسپیکر قومی اسمبلی اسد قیصر نے کہا تھا کہ پاک چین مثالی دوستی ہمیشہ ہر امتحان پر پوری اتری ہے اور دونوں دوست ممالک نے علاقائی اور عالمی فورمز پر ایک دوسرے کے موقف کی حمایت کی ہے۔

  • سعودی عرب جلد اپنا سفیر برلن بھیجے گا، جرمن وزیر خارجہ

    سعودی عرب جلد اپنا سفیر برلن بھیجے گا، جرمن وزیر خارجہ

    نیویارک : سعودی عرب اور جرمن وزیر خارجہ نے مشترکہ پریس کانفرنس سے خطاب کرتے ہوئے کہا ہے کہ دونوں ممالک کے درمیان سفارتی کشیدگی محض غلط فہمی تھی۔

    تفصیلات کے مطابق سعودی عرب کی حکومت اور جرمنی کےدرمیان قائمسفارتی تعطل کو ختم کرنے کے لیے دونوں ممالک کے حکام کی جانب سے کوششیں تیز کردی ہیں۔

    غیر ملکی خبر رساں ادارے کا کہنا تھا کہ اقوام متحدہ کی جنرل اسمبلی کے اجلاس کے موقع پر سعودی عرب اور جرمنی کے وزراء خارجہ کے مابین ملاقات ہوئی جس میں دونوں ممالک کے وزراء خارجہ نے باہمی دلچسپی کے امور پر تبدلہ خیال اور باہمی تعلقات کی اہمیت کا اعتراف کیا۔

    غیر ملکی خبر رساں ادارے کہنا تھا کہ وزراء خارجہ نے امریکا میں پریس کانفرنس سے مشترکہ خطاب کرتے ہوئے کہا کہ سعودی عرب اور جرمنی کے درمیان کوئی کشیدگی نہیں ہے، سعودی عرب بہت جلد اپنا سفیر جرمنی بھیجے گا۔

    خبر رساں ادارے کا کہنا تھا کہ گذشتہ روز جرمن وزارت خارجہ کے ترجمان نے میڈیا کو بتایا کہ مشرق وسطیٰ میں سعودی حکومت جرمنی کی اہم اتحادی ہے، جس پر وزیر خارجہ عادل الجبیر نے جرمن وزارت خارجہ کے بیان کا خیر مقدم کیا۔

    عرب میڈیا کے مطابق جرمنی کے وزیر خارجہ گایکو ماس نے پریس کانفرنس کے دوران اعتراف کیا کہ جرمنی اور سعودی عرب کے درمیان کسی قسم کا سفارتی تعطل نہیں ہے اور جو ماضی میں تھا وہ غلط فہمی کا نتیجہ تھا۔

    عرب خبر رساں ادارے کا کہنا تھا کہ سعودی وزیر خارجہ عادل الجبیر نے پریس کانفرنس کے بعد جرمن وزیر خارجہ کو سعودی عرب کا دورہ کرنے کی بھی دعوت دی۔

    عرب میڈیا کے مطابق سعودی وزیر خارجہ عادل الجبیر نے خطاب کرتے ہوئے کہا تھا کہ سعودی حکومت اور برلن کے مابین مضبوط اور تاریخی تعلقات قائم ہیں۔

    ان کا کہنا تھا کہ دونوں ممالک تاریخی تعلقات مزید مستحکم کریں گے، ریاض تمام شعبوں میں جرمنی کے ساتھ تعلقات قائم کرنے کی کوشش کررہا ہے۔

  • سعودی عرب میں پاکستانی سفیر کا سب سے بڑی جیل الحائر کا دورہ

    سعودی عرب میں پاکستانی سفیر کا سب سے بڑی جیل الحائر کا دورہ

    ریاض: سعودی عرب میں پاکستانی سفیر خان ہشام بن صدیق نے سب سے بڑی جیل الحائر کا دورہ کیا اور جیل کے ڈائریکٹر کرنل عبدالحکیم الصویغ سے ملاقات کی۔

    تفصیلات کے مطابق سعودی عرب میں تعینات پاکستانی سفیر خان ہشام بن صدیق نے سب سے بڑی جیل الحائر کا دورہ کیا اور پاکستانی قیدیوں سے متعلق بات چیت بھی کی۔

    دورہ سے متعلق پاکستانی سفیر ہشام بن صدیق کا کہنا ہے کہ سفارت خانہ ادارہ جیل خانہ جات کے ساتھ رابطوں کو مستحکم کررہا ہے۔

    انہوں نے کہا کہ سعودی جیل میں قید پاکستانیوں سے متعلق بات ہوئی ہے جبکہ سفارت خانہ سزائیں ختم ہونے پر رکاوٹیں دور کرنے کے لیے کام بھی کررہا ہے۔

    سعودی جیلوں میں 40 ممالک کے 5 ہزار شہری قید، پاکستانی بھی شامل

    پاکستانی سفیر کا مزید کہنا تھا کہ حکومتی ہدایت پر پاکستانی قیدیوں کی ہرممکن مدد کریں گے، قیدیوں کی منتقلی کے لیے سعودی عرب سے معاہدے کی کوششیں کررہے ہیں۔

    خیال رہے کہ گذشتہ سال سعودی وزارتِ داخلہ نے اپنے جاری کردہ رپورٹ میں کہا تھا کہ چالیس ملکوں کے 5085 شہری دہشت گردی کی سرگرمیوں یا سیکیورٹی سے متعلق کیسوں میں ملوّث پائے گئے، جن میں 68 پاکستانی شہری بھی شامل ہیں۔

    یاد رہے کہ سعودی حکام نے کہا تھا کہ زیر حراست یا قید افراد میں سے کچھ کے خلاف عدالتی احکامات کی روشنی میں تحقیقات کا عمل جاری ہے جبکہ انٹیلی جنس ادارے بھی غیر ملکی قیدیوں کے خلاف تفتیش کررہی ہے۔

  • امریکا یورپی گاڑیوں پر عائد اضافی ٹیکس ختم کرنے کو تیار ہے، امریکی سفیر

    امریکا یورپی گاڑیوں پر عائد اضافی ٹیکس ختم کرنے کو تیار ہے، امریکی سفیر

    برلن/واشنگٹن : جرمنی میں تعینات امریکی سفیر نے جرمن کار ساز کمپنیوں کے سربراہوں کو پیشکش کی ہے کہ ’اگر یورپ امریکی گاڑیوں پر عائد محصولات ختم کردے تو امریکا یورپی گاڑیوں پر اضافی ٹیکس ختم کرنے کو تیار ہے‘۔

    تفصیلات کے مطابق یورپی یونین کے رکن ممالک جرمنی کی گاڑیاں بنانے والی کمپنیوں کے سربراہان کو جرمنی میں تعینات امریکی سفر رچرڈ گرینل نے ایک شرط کی بنیاد پر واشنگٹن کے ساتھ تجارتی تنازعہ ختم کرنے کی پیشکش کردی۔

    جرمن خبر رساں ادارے کا کہنا تھا کہ امریکی سفر نے جرمنی کے کار بنانے والی کمپنیاں فوکس ویگن، بی ایم ڈبلیو اور ڈائملر کے سربراہوں نے بدھ کے روز برلن میں امریکی سفر سے ملاقات کی۔

    برلن میں موجود امریکی سفارت خانے میں امریکی سفیر اور جرمن کارساز کمپنیوں کے سربراہوں کے درمیان ہونے والی ملاقات کے دوران امریکی سفیر نے کہا کہ یورپی ممالک امریکی ساختہ گاڑیوں پر عائد محصولات ختم کردیں تو امریکا بھی یورپی گاڑیوں پر عائد اضافی ٹیکس ختم کردے گا۔

    غیر ملکی خبر رساں ادارے کے مطابق امریکی سفیر رچرڈ گرینل کا کہنا تھا کہ یورپی یونین اور جرمنی کے ساتھ پیدا ہونے والے تجارتی تنازعے کو ختم کروانے کی ذمہ داری سونپی گئی ہیں، امریکی سفیر کی پیش کردہ پیشکش بی ایم ڈبلیو کے چیف ایگزیکیٹو ہارالڈ کروئگر، ڈائملر کے سیچے اور فوکس ویگن کے ہیربرٹ ڈیس کو پسند آئی۔

    خیال رہے کہ امریکی صدر ڈونلڈ ٹرمپ امریکا درآمد کی جانے والی یورپی ساز گاڑیوں پر 20 فیصد اضافی ٹیکسز عائد کرنے کی دھمکی بھی دی تھی۔

    غیر ملکی خبر رساں ادارے کا کہنا تھا کہ امریکی ساختہ گاڑیوں کو یورپ میں درآمد کرنے پر 10 فیصد ٹیکس ادا کرنا پڑتا ہے جبکہ امریکا میں یورپی گاڑیوں کی درآمدات پر صرف ڈھائی فیصد اور ٹرکوں پر 25 ٹیکس لیا جاتا ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • امریکا نےعلی جہانگیر صدیقی کی بطور پاکستانی سفیر منظوری دے دی

    امریکا نےعلی جہانگیر صدیقی کی بطور پاکستانی سفیر منظوری دے دی

    واشنگٹن: علی جہانگیر صدیقی کی وائٹ ہاؤس میں اپنے اسناد سفارت پیش کرنے کے بعد امریکا نے ان کی بطور پاکستانی سفیر منظوری دے دی۔

    تفصیلات کے مطابق پاکستانی سفیر علی جہانگیر صدیقی وائٹ ہاؤس پہنچے جہاں انہوں نے اپنے سفارتی اسناد امریکی صدر ڈونلڈ ٹرمپ کو پیش کیں جس کے بعد انہیں بطور پاکستانی سفیر منظوری دے دی گئی۔

    خیال رہے کہ 30 مئی کو  علی جہانگیر صدیقی نے امریکا میں پاکستانی سفیر کی حیثیت سے اپنی ذمہ داریاں سنبھالی ہیں، علی جہانگیر صدیقی واشنگٹن میں قائم پاکستانی سفارت خانے کے عملے سے ملاقات کے بعد سے ہی کام کا آغاز کر چکے ہیں۔

    علی جہانگیر صدیقی کو امریکا میں سفیر تعینات کرنا باعث شرمندگی قرار

    یاد رہے 8 مارچ کو وزیراعظم شاہد خاقان عباسی نے امریکا کے سفیر اعزاز چوہدری کی مدت ملازمت ختم ہونے کے بعد اپنے معاون خصوصی علی جہانگیر صدیقی کو واشنگٹن میں سفیر تعینات کرنے کی منظوری دی تھی۔

    سفارتی حلقوں کی جانب سےعلی جہانگیر صدیقی کی تعیناتی کو میرٹ کے خلاف قرار دیا گیا تھا کیونکہ وہ مطلوبہ تعلیم اور سفارتی معاملات کو دیکھنے کی اہلیت نہیں رکھتے۔

    امریکا میں نامزد سفیر علی جہانگیر صدیقی نے ذمہ داریاں سنبھال لیں

    واضح رہے کہ علی جہانگیر صدیقی پر 55 ارب روپے خورد برد کا الزام ہے، ذرائع کے مطابق ان کی کمپنیاں اسٹاک مارکیٹ میں کرپشن میں ملوث پائی گئی ہیں، اس کے علاوہ ان پر انسائڈر ٹریڈنگ کا بھی الزام ہے۔

    خیال رہے کہ علی جہانگیر صدیقی ملک کے معروف کاروباری گروپ جے ایس گروپ کے مالک جہانگیر صدیقی کے صاحبزادے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • ایران نے معاہدے کے بعد خطے میں دہشت گردی کو مزید فروغ دیا، خالد بن سلمان

    ایران نے معاہدے کے بعد خطے میں دہشت گردی کو مزید فروغ دیا، خالد بن سلمان

    ریاض\واشنگٹن : امریکا میں تعینات سعودی سفیر خالد بن سلمان نے امریکی فیصلے کی حمایت کرتے ہوئے کہا ہے کہ ایران نے جوہری معاہدے کے بعد حاصل ہونے منافعے کوخطے میں افراتفری اور انتشار پھیلانے کےلیے استعمال کیا.

    تفصیلات کے مطابق امریکا میں تعینات سعودی عرب کے سفیر شہزادہ خالد بن سلمان نے امریکی صدر ڈونلڈ ٹرمپ کے اقدام پر امریکا کی حمایت کرتے ہوئے سماجی رابطے کی ویب سائٹ ٹویٹر پر ٹویٹ کیا ہے’جوہری معاہدہ مشرق وسطیٰ میں ایران کے نظریات کو توسیع دے رہا تھا‘۔

    خالد بن سلمان کا کہنا تھا کہ امریکا نے سنہ 2015 میں ایران کے ساتھ طے ہونے والے جوہری معاہدے سے علیحدگی کا اعلان کرکے اس بات کا اظہار کیا ہے کہ وہ ایران پر دوبارہ پہلے کی طرح اقتصادی پابندیاں عائد کرے گا۔

    امریکا میں تعینات سعودی سفیر کا کہنا تھا کہ عالمی طاقتوں کے ساتھ طے ہونے والے معاہدے نے ایران کو مشرق وسطیٰ میں اپنی غلط سوچ اور نظریات پھیلانے میں تعاون فراہم کیا اور ایٹمی معاہدے کی وساطت سے جو مالی منافع ایران کو ہوا وہ اس نے خطے میں دہشت گردی اور انتشار پھیلانے میں استعمال کیا۔

    شہزادہ خالد بن سلمان نے اپنے ٹویٹر پیغام میں گذشتہ بیان کا حوالہ دیتے ہوئے کہا کہ ’ہماری صورتحال اس جہاز جیسی ہے جو آٹو پائلٹ پر ہے اور پہاڑ کی جانب بڑھ رہا ہے‘۔

    سعودی سفیر خالد بن سلمان کا اپنے پیغام میں کہنا تھا کہ سنہ 2015 میں ایران اور چھ عالمی طاقتوں کے مابین جوہری معاہدہ طے ہونے کے بعد ایران کو عالمی سطح پر ایک ذمہ دار مملکت کی حیثیثت سے اقدامات کرنے چاہیے تھے جو اس نے نہیں کیے۔

    ان کا مزید کہنا تھا کہ ایرانی حکومت نے معاہدے پر دستخط ہونے کے بعد پوری دنیا بالخصوص مشرق وسطیٰ میں سرگرم دہشت گردوں کی مزید حمایت کرنے لگا اور بیلسٹک میزائل جسیے خطرناک میزائل حوثی جنگوؤں فراہم کیے تاکہ وہ نہتے سعودی شہریوں پر میزائل داغ سکیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کویت میں فلپائنی سفیر کو ملک چھوڑنے کے حکم پر دفتر خارجہ نے وضاحت طلب کر لی

    کویت میں فلپائنی سفیر کو ملک چھوڑنے کے حکم پر دفتر خارجہ نے وضاحت طلب کر لی

    کویت: خلیجی ریاست کویت کی جانب سے فلپائنی سفیر کو ایک ہفتے کے اندر ملک چھوڑنے کے حکم پر فلپائنی دفتر خارجہ نے وضاحت طلب کر لی۔

    تفصیلات کے مطابق کویت اور فلپائن کے سفارتی تعلقات شدید بحران کا شکار ہیں، گذشتہ دنوں کویت حکام نے فلپانئی سفیر کو ایک ہفتے کے اندر اندر ملک چھوڑنے کا حکم دیا تھا جس کے بعد فلپائنی حکام نے معاملے سے متعلق وضاحت طلب کر لی ہے۔

    فلپائنی وزارت خارجہ کی جانب سے جاری کردہ بیان میں کہا گیا ہے کہ محکمہ خارجہ نے کویت کے سفارت خانے کو ایک سفارتی مراسلہ بھیجا ہے جس میں کویت میں متعین فلپائنی سفیر ریناٹو پیڈرو ویلا کو ناپسندیدہ شخصیت قرار دینے اور ملک چھوڑنے سے متعلق وضاحت طلب کی گئی ہے۔

    کویت اور فلپائن میں سفارتی بحران شدید: فلپائنی سفیر کو ملک چھوڑنے کا حکم

    مذکورہ مراسلے میں فلپائنی وزیر خارجہ ایلن پیٹر کیٹانو نے کویتی حکومت سے مطالبہ کیا ہے کہ وہ فلپائنی سفارت خانے کے چار ملازمین کو حراست میں رکھنے اور تین سفارتی اہلکاروں کے وارنٹ گرفتاری جاری کرنے کی بھی وضاحت کرے۔

    خیال رہے کہ فلپائن کے سفارتی عملے نے گھروں میں کام کرنے والی ملازماؤں کو ناروا سلوک کی اطلاعات پر ریسکیو کے نام پر کویتی حکومت کو اطلاع دیے بغیر نکالنے کی کارروائیاں کی تھیں جس پر کویت نے سفارت خانے سے شدید احتجاج کیا تاہم عملے نے باضابطہ طور پر معذرت کرلی تھی۔

    کویت: حکومت کی جانب سے جارحانہ بیانات پر فلپائنی سفیر دفتر خارجہ طلب

    واضح رہے کہ کویت نے ملازماؤں کو نکالنے کی کارروائیوں میں مصروف سفارتی عملے کے دو ارکان کو گرفتار بھی کیا تھا، فلپائن کے وزیر برائے امور خارجہ نے ہنگامی پریس کانفرنس میں کہا تھا کہ ایسے واقعات کا اعادہ نہیں ہوگا اور دونوں ممالک تارکین وطن کے تحفظ کے ایک معاہدے پر کام کر رہے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کویت: حکومت کی جانب سے جارحانہ بیانات پر فلپائنی سفیر دفتر خارجہ طلب

    کویت: حکومت کی جانب سے جارحانہ بیانات پر فلپائنی سفیر دفتر خارجہ طلب

    کویت: فلپائن کی سفیر ریناٹو پیڈرو ویلا کو سفارتی قوائد وضوابط کی خلاف ورزی کرنے اور فلپائنی حکومت کی جانب سے کویت کے خلاف جارحاجہ بیانات پر دفتر خارجہ طلب کر لیا گیا۔

    تفصیلات کے مطابق کویت کے وزارت خارجہ کے ترجمان کا کہنا ہے کہ فلپائنی حکومت جانب سے مسلسل کویت کے خلاف بیانات دیے جارہے ہیں اور سفارت خانے میں موجود عملہ سفارتی آداب کے منافی سرگرمیوں میں بھی ملوث ہیں جس کے پیش نظر فلپائنی سفیر کو دفتر خارجہ طلب کیا گیا ہے۔

    عالمی میڈیا کا کہنا ہے کہ کویت کی وزارت خارجہ نے فلپائن کے سفیر ریناٹو پیڈرو ویلا کو طلب کیا اور احتجاج ریکارڈ کرایا، جبکہ فلپائنی حکام کے کویت کے خلاف حالیہ جارحانہ بیانات پر دو احتجاجی مراسلے بھی ان کے حوالے کیے گئے ہیں۔

    سعودی عرب،کویت،یواےای کا اپنے شہریوں کولبنان چھوڑنے کا حکم

    ان احتجاجی مراسلوں میں فلپائنی سفارت خانے کے بعض ملازمین کی سفارتی آداب کے منافی سرگرمیوں کا بھی تذکرہ کیا گیا ہے، اور سفارتی قوائد وضوابطہ کی خلاف ورزی یوں ہی جاری رہی تو کویت حکام کی جانب سے ایکشن لیے جانے کا بھی اشارہ دیا گیا ہے۔

    خیال رہے کہ فلپائنی سفارت خانے کا عملہ اور ملازمین سفارتی تعلقات سے متعلق عالمی سفارتی اخلاقیات کی خلاف ورزی کے مرتکب ہورہے ہیں اور ان کی ان سرگرمیوں سے دونوں ممالک کے درمیان دوستانہ تعلقات متاثر ہونے کا اندیشہ ظاہر کیا جارہا ہے۔

    کویت: ٹریفک قوانین کی خلاف ورزیوں‌ پر غیر ملکیوں‌ کو بے دخل کرنے کی سفارش

    واضح رہے کہ گذشتہ دنوں سوشل میڈیا کے ذریعے ایک ویڈیو منظر عام پر آئی ہے جس میں واضح دیکھا جاسکتا ہے کہ فلپائنی سفارت خانے کی ایک ٹیم سفارتی لائسنس پلیٹ والی کاروں پر گھریلو ملازمین کو کویتی گھروں سے مبینہ طور پر اسمگل کر کے لے جارہی ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • جمہوریت کیلئے اظہار رائے کی آزادی ناگزیر ہے، مریم اورنگزیب

    جمہوریت کیلئے اظہار رائے کی آزادی ناگزیر ہے، مریم اورنگزیب

    اسلام آباد : وزیرمملکت اطلاعات مریم اورنگزیب نے کہا ہے کہ پاکستان یورپی یونین سےتعلقات کواہمیت دیتا ہے، جمہوریت اورآزاد معاشرے کیلئے اظہار رائے کی آزادی ناگزیر ہے۔

    یہ بات انہوں نے یورپی یونین کے سفیر جین کاٹین سے ملاقات کے موقع پر کہی، ملاقات میں اطلاعات اورثقافت کے شعبوں میں تعاون کے فروغ پر تبادلہ خیال کیا گیا۔

    وزیر مملکت نے دوران گفتگو کہا کہ حکومت صحافیوں کوپیشہ ورانہ تربیت کے منصوبے پر کام کررہی ہے، حکومت نے صحافیوں کی فلاح وبہبود کیلئے متعد د اقدامات اٹھائے ہیں۔ ہمیں توقع ہے کہ ذرائع ابلاغ کے تربیتی پروگرام میں یورپی یونین بھرپورتعاون کرے گا۔

    جس کے جواب میں جین کاٹین نے وزیر مملکت کو اپنے مکمل تعاون کی یقین دہانہ کروائی، مریم اورنگزیب نے کہا کہ وزیراعظم نواز شریف اظہار رائے کی مکمل آزادی پر یقین رکھتے ہیں۔

    جمہوریت اورآزاد معاشرے کیلئے اظہار رائےکی آزادی ناگزیر ہے، پاکستان کے مثبت تشخص کیلئے قومی ثقافت کو اجاگرکر رہے ہیں۔

    دوسری جانب سفیر یورپی یونین جین کاٹین نے وزیرمملکت کو روم ٹریٹی کی 60 سالہ تقریبات میں شرکت کی دعوت بھی دی۔