سڈنی: بھارت کے پارٹ ٹائم اسپن بولر امباتی رائیڈو کا بولنگ ایکشن مشکوک قرار دے دیا گیا۔
انٹرنیشنل کرکٹ کونسل (آئی سی سی) نے بھارتی آل راؤنڈر امباتی رائیڈو کا بولنگ ایکشن مشکوک قرار دے دیا، سڈنی میں آسٹریلیا کے خلاف پہلے ون ڈے میچ میں ان کا بولنگ ایکشن امپائرز کی جانب سے رپورٹ کیا گیا۔
[bs-quote quote=”رائیڈو کو 14 روز میں اپنے ایکشن کے تفصیلی معائنہ کرانے کی ہدایت” style=”style-7″ align=”left”][/bs-quote]
میچ آفیشلز نے بھارتی ٹیم منیجر کو آف اسپنر رائیڈو کے ایکشن کے بارے میں آگاہ کردیا ہے۔
آئی سی سی کی جانب سے جاری کردہ پریس ریلیز کے مطابق امباتی رائیڈو کو 14 روز میں اپنے ایکشن کے تفصیلی معائنہ کرانے کی ہدایت کی گئی ہے۔
رپورٹ آنے تک وہ انٹرنیشنل کرکٹ میں بولنگ جاری رکھ سکیں گے، 33 سالہ اسپنر نے آسٹریلیا کے خلاف میچ میں 2 اوورز میں 13 رنز دئیے تھے جبکہ بیٹنگ میں وہ کوئی رن نہیں بناسکے تھے۔
مزید پڑھیں: پاکستانی آف اسپنر بلال آصف کا بولنگ ایکشن مشکوک قرار
واضح رہے کہ بھارتی آل راؤنڈر رائیڈو 46 ون ڈے اور 6 ٹیسٹ میچز کھیل چکے ہیں، انہوں نے اب تک کے ون ڈے کیریئر میں صرف 3 وکٹیں حاصل کی ہیں۔
یاد رہے کہ اس سے قبل بھی آئی سی سی کی جانب سے متعدد کرکٹرز کے بولنگ ایکشن مشکوک قرار دئیے جاچکے ہیں جن میں پاکستان کے سعید اجمل، محمد حفیظ اور ونڈیز کے شلنگفورڈ ودیگر شامل ہیں۔