ARYNews.tv | Urdu – Har Lamha Bakhabar

Tag: ameer gilani

  • ماورا حسین کو ’صنم تیری قسم‘ کے پوسٹر سے ہٹائے جانے پر امیر گیلانی کا ردعمل

    ماورا حسین کو ’صنم تیری قسم‘ کے پوسٹر سے ہٹائے جانے پر امیر گیلانی کا ردعمل

    پاکستان شوبز انڈسٹری کے اداکار امیر گیلانی نے اہلیہ و اداکارہ ماورا حسین کے ’صنم تیری قسم‘ کے پوسٹر سے ہٹائے جانے پر ردعمل دیا ہے۔

    شوبز انڈسٹری کی اداکارہ ماورا حسین کے شوہر اداکار عامر گیلانی نے پاکستان اور بھارت کے درمیان جاری تنازع کے درمیان بالی ووڈ فلم ’صنم تیری کسم‘ کے پوسٹر سے ہٹائے جانے کے بعد ردعمل کا اظہار کیا ہے۔

              جنگی جنون میں مبتلا بھارت اب نیچ حرکت پر اتر آیا ہے، پاک بھارت کشیدگی کے دوران مودی سرکار نے او ٹی ٹی پلیٹ فارمز، میڈیا اسٹریمنگ سروسز اور پاکستانی مواد کے حوالے سے ایڈوائزری جاری کی تھی۔

    یہ بھی پڑھیں: فواد خان کی ’عبیر گلال‘ کے گانے اور ٹیزر یوٹیوب سے ڈیلیٹ

    پاکستانی فنکاروں کی تصاویر بالی وڈ گانوں کے پوسٹرز سے ہٹا دی گئیں

    تاہم اب پاکستانی اداکارہ ماورا حسین کو اسپاٹائف اور یوٹیوب میوزک پر ان کی بالی وڈ فلم ’صنم تیری قسم‘ کے البم کور سے ہٹا دیا گیا ہے جس پر اداکارہ کے شوہر نے ردعمل دیا ہے۔

    امیر گیلانی نے کہا کہ ہمارے اسٹارز کی وجہ سے آپ لوگوں کے بہترین پروجیکٹس میں اضافہ ہوا، انہیں ایڈٹ کرنے کے بجائے اپنے اسکرپٹ کو درست کریں اور معیاری پروجیکٹس بنائیں۔

    امیر گیلانی کے علاوہ اداکارہ حنا الطاف بھی ماورا کی حمایت میں سامنے آئیں ہیں، انہوں نے کہا کہ اس سے کیا فرق پڑتا ہے، وہ یہاں مضبوطی سے اپنے لوگوں کے ساتھ کھڑی ہے۔

     

    View this post on Instagram

     

    A post shared by Galaxy Lollywood (@galaxylollywood)

  • ماورا حسین اور امیر گیلانی کی تقریبِ ولیمہ کی تصاویر وائرل

    ماورا حسین اور امیر گیلانی کی تقریبِ ولیمہ کی تصاویر وائرل

    پاکستان شوبز انڈسٹری کی معروف جوڑی ماورا حسین اور امیر گیلانی کے ریسپشن کی تصاویر توجہ کا مرکز بن گئیں۔

    ماورا حسین اور امیر گیلانی کی شادی کی تقریبات بالآخر اسلام آباد میں ایک خوبصورت ریسپشن کے ساتھ اپنے اختتام کو پہنچ گئیں، اس تقریب میں جوڑے کے قریبی خاندان اور دوستوں نے شرکت کی۔

    ولیمے کی تقریب میں ماورا حسین سلور و ہلکے سرمئی رنگ کی لانگ میکسی میں ملبوس نظر آئیں جبکہ امیر گیلانی ماورا سے ٹوئننگ کرتے ہوئے سوٹ پینٹ پہنے دکھے۔

     

    View this post on Instagram

     

    A post shared by Ameer Gilani (@ameergilani)

    شیئر کیا گیا فوٹوشوٹ کھلے آسمان کے نیچے کیا گیا اور متعدد تصاویر میں آسمان پر نظر آنے والے چاند کو بھی توجہ کا مرکز بنایا گیا۔

    ماروا حسین اور امیر گیلانی کی جانب سے شیئر کی گئی مشترکہ پوسٹ کے کیپشن میں بالی وڈ فلم ’قسمت کنیکشن‘ کے گیت ’باخدا‘ کا پہلا شعر ’باخدا تم ہی ہو‘ لکھا ہے۔

    ماورا اور امیر گیلانی کی جانب سے شیئر کی گئی تصویروں کو انٹرنیٹ صارفین کی جانب سے خوب پسند کیا جا رہا ہے۔

     

    View this post on Instagram

     

    A post shared by Galaxy Lollywood (@galaxylollywood)

    میڈیا رپورٹس کے مطابق ماورا حسین نے اپنے ولیمے کے لیے خدیجہ شاہ برانڈ کا لباس زیب تن کیا ہے جو کہ بظاہر کافی مہنگا معلوم ہوتا ہے مگر اس کی قیمت تاحال سامنے نہیں آ سکی ہے۔

    واضح رہے کہ اداکارہ ماورا اور اداکار امیر نے رواں ماہ کی 5 تاریخ کو نکاح کیا ہے، جوڑے کی شیندی کی تقریب 6 فروری کو لاہور میں منعقد کی گئی تھی۔

  • ’بہترین دوست سے شادی کرلی‘ امیر گیلانی کا شادی کے بعد پہلا پوسٹ منظر عام پر

    ’بہترین دوست سے شادی کرلی‘ امیر گیلانی کا شادی کے بعد پہلا پوسٹ منظر عام پر

    اداکار عامر گیلانی نے اپنی بہترین دوست اور ساتھی اداکارہ ماورا حسین کے ساتھ اپنے نکاح کے بعد پہلی پوسٹ شیئر کردی۔

    5 فروری ماورا حسین اور امیر گیلانی کی جوڑی کو پسند کرنے والوں کیلئے خوشگوار و یادگار دن ثابت ہوا کیونکہ اس دن دونوں نے اچانک اپنے نکاح کی تصاویر فینز کے ساتھ شیئر کیں اور فوٹو اینڈ ویڈیو شیئرنگ ایپ انسٹاگرام پر خوشی کا ماحول بنادیا۔

     

    View this post on Instagram

     

    A post shared by MAWRA (@mawrellous)

    شیئر کی گئی پہلی پوسٹ میں شامل تصاویر میں دونوں شاہی قلعہ کی خوبصورتی سے فائدہ اٹھاتے ہوئے اپنے یادگار دن کو مزید یادگار بناتے دکھے۔

    ماورا حسین کی جانب سے تصاویر سوشل میڈیا پر شیئر کرنے کے بعد سے ہی انکے فینز کیلئے توجہ کا مرکز بنی ہوئی ہیں وہی اب امیر گیلانی نے نکاح کے بعد پہلی پوسٹ شیئر کردی ہے۔

     امیر گیلانی کی جانب سے شیئر کی گئی تصاویر میں دونوں کو خوشی کے لمحات کو انجوائے کرتے ہوئے دیکھا جاسکتا ہے، رومانوی شوٹ اور نکاح نامے پر دستخط کرنے کے پر مسرت لمحات کی تصاویر بھی سامنے آئی ہے۔

     

    View this post on Instagram

     

    A post shared by Ameer Gilani (@ameergilani)

    امیر گیلانی نے اپنی دوست کیساتھ نئے سفر کا آغاز کرتے ہوئے کیپشن میں لکھا کہ’ الحمدللّٰہ، کل بہترین دوست سے شادی کر لی، اور اپنی دنیا کے ساتھ جشن منایا، پیار اور دعاؤں کے لیے سب کا شکریہ ‘۔

  • اداکار امیر گیلانی نے کورونا وائرس کو شکست دے دی

    اداکار امیر گیلانی نے کورونا وائرس کو شکست دے دی

    کراچی: پاکستانی ڈرامہ انڈسٹری کے نوجوان اداکار امیر گیلانی کورونا وائرس سے صحت یاب ہوگئے۔

    تفصیلات کے مطابق اداکار امیر گیلانی نے سماجی رابطے کی ویب سائٹ انسٹاگرام پر اپنی نئی تصویر شیئر کی اور بتایا کہ وہ کورونا وائرس سے صحت یاب ہوگئے ہیں۔

    امیر گیلانی نے لکھا کہ ’گزشتہ 15 دنوں سے میں اکیلا ہی خود کا دوست، ساتھی اور ہمدرد تھا، قرنطینہ کے 15 دن میرے لیے انتہائی خوفناک اور پریشان کن ثابت ہوئے ہیں۔‘

    اداکار نے مداحوں کا شکریہ ادا کرتے ہوئے کہا کہ ’میں آپ سب کی دعاؤں سے اب بالکل ٹھیک ہوگیا ہوں، اس مرتبہ میرے کورونا وائرس ٹیسٹ کے نتائج منفی آئے ہیں۔‘

    مزید پڑھیں: اداکار امیر گیلانی کورونا وائرس کا شکار

    واضح رہے کہ رواں ماہ کے اوائل میں امیر گیلانی میں کورونا وائرس کی تشخیص ہوئی تھی۔

    اداکار نے فوٹو اینڈ ویڈیو شیئرنگ ایپ انسٹاگرام پر شیئر کردہ اسٹوری میں ویڈیو پیغام جاری کرتے ہوئے لکھا تھا کہ ’میں نے اپنے کمرے میں خود کو آئسولیٹ کرلیا ہے کیونکہ میرے کورونا وائرس ٹیسٹ کے نتائج مثبت آئے ہیں۔

    امیر گیلانی نے کورونا کی علامت بتاتے ہوئے کہا تھا کہ ’مجھے کھانے کا ذائقہ محسوس نہیں ہورہا اور سونگھنے کی حس بھی ختم ہوچکی ہے۔‘

    انہوں نے مداحوں سے دعا کی اپیل کرتے ہوئے کہا تھا کہ میرے اہلخانہ اور میری جلد صحت یابی کے لیے دعا کریں کیونکہ آپ کی دعاؤں میں بہت طاقت ہے۔

  • اداکار امیر گیلانی کورونا وائرس کا شکار

    اداکار امیر گیلانی کورونا وائرس کا شکار

    کراچی: پاکستانی ڈرامہ انڈسٹری کے نوجوان اداکار امیر گیلانی میں کورونا وائرس کی تشخیص ہوئی ہے۔

    تفصیلات کے مطابق اداکار عثمان مختار اور اداکارہ صحیفہ جبار خٹک کے بعد اداکار امیر گیلانی بھی کورونا وائرس کا شکار ہوگئے، اداکار کا کہنا تھا کہ میرا کورونا وائرس ٹیسٹ مثبت آیا ہے جس کے بعد گھر میں خود کو قرنطینہ کرلیا ہے۔

    امیر گیلانی کا کہنا ہے کہ میرے لیے یہ وقت بہت مشکل ہے اور اس مشکل گھڑی میں مجھے اپنے تمام چاہنے والوں کی دعاؤں کی بہت ضرورت ہے۔

    اداکار نے فوٹو اینڈ ویڈیو شیئرنگ ایپ انسٹاگرام پر شیئر کردہ اسٹوری میں ویڈیو پیغام جاری کرتے ہوئے لکھا کہ ’میں نے اپنے کمرے میں خود کو آئسولیٹ کرلیا ہے کیونکہ میرے کورونا وائرس ٹیسٹ کے نتائج مثبت آئے ہیں۔

    امیر گیلانی نے کورونا کی علامت بتاتے ہوئے کہا کہ ’مجھے کھانے کا ذائقہ محسوس نہیں ہورہا اور سونگھنے کی حس بھی ختم ہوچکی ہے۔‘

    https://urdu.arynews.tv/sahifa-jabbar-became-infected-with-coronavirus/

    انہوں نے مداحوں سے دعا کی اپیل کرتے ہوئے کہا کہ میرے اہلخانہ اور میری جلد صحت یابی کے لیے دعا کریں کیونکہ آپ کی دعاؤں میں بہت طاقت ہے۔

    اداکار نے کہا کہ آپ سب اپنا خیال رکھیں اور میں سوشل میڈیا پر آپ سے رابطے میں رہوں گا۔

    واضح رہے کہ امیر گیلانی کا حال ہی میں ڈرامہ اختتام پذیر ہوا ہے، ڈرامے میں ان کے ہمراہ ماورا حسین، عثمان مختار، سارہ خان نے مرکزی کردار ادا کیا تھا۔