Tag: ameer Jamat e islami

مدینہ منورہ : امیر جماعت اسلامی پاکستان سینیٹر سراج الحق نے کہا ہے کہ عالمی سامراج مسلم ورلڈ کودومتحارب گروپوں میں تقسیم کرنا چاہتا ہ ، جسے ناکام بنانے کیلئے پاکستان کو قائدانہ کردار ادا کرنا ہوگا۔

یہ بات انہوں نے مدینہ منورہ میں پاکستانی کمیونٹی کے اجتماع سے خطاب کرتے ہوئے کہی۔ امیر جماعت اسلامی کا کہنا تھا کہ عالمی سامراج کی سازشوں کو ناکام بنانے کیلئے پاکستان کو امت کی طرف سے قائدانہ کردارادا کرنا ہوگا، پاکستان اپنا یہ کردار اسی وقت ادا کرسکتا ہے جب ملک میں دیانتدار با کردار اور اسلامی اصولوں پر عمل پیراقیادت برسرا قتدار آئےگی۔

سینیٹر سراج الحق نے مزید کہا کہ پاکستان کو دولخت کرنا، ایران عراق جنگ، عراق پر قبضہ ،سوڈان اور انڈونیشیا کی تقسیم اور لاکھوں مسلمانوں کا قتل عام امریکی گریٹ گیم تھی.

پاکستان عالم اسلام کا انتہائی اہم ملک اور ایٹمی طاقت ہے، عالمی سامراج کی سازشوں کو ناکام بنانے کیلئے پاکستان کو امت کی طرف سے قائدانہ کردارادا کرنا ہوگا، پاکستان اپنا یہ کردار اسی وقت ادا کرسکتا ہے جب ملک میں دیانتدار با کردار اور اسلامی اصولوں پر عمل پیراقیادت برسرا قتدار آئے گی۔

انہوں نے کہا کہ سعودی عرب دنیا بھر کے مسلمانوں کیلئے عقیدت و محبت کا مرکز ہے ،حرمین شریفین کی حفاظت عالم اسلام کی مشترکہ ذمہ داری اور ہمارے ایمان کا حصہ ہے ۔ عالم اسلام میں تنازعات پیدا کرنا اسلام دشمن قوتوں کی سازش ہے، مسلم ملکوں میں جنگ کا فائدہ ہمیشہ امریکہ اور اسرائیل کو ہوتا ہے۔

امیر جماعت اسلامی نے کہا کہ پاکستان اس وقت بدترین معاشی حالات سے دوچار ہے ،اب تک کے حکومتی اقدامات نے ثابت کردیا ہے کہ حکومت کے پاس معیشت کوٹھیک کرنے کا کوئی منصوبہ اور وژن نہیں، مہنگائی نے عوام کا جینا دوبھر کردیا ہے اور وزیر خزانہ کہتے ہیں کہ ابھی تو مہنگائی کم ہے، عوام کو مزید مہنگائی کیلئے تیار رہنا ہوگا۔

انہوں نے کہا کہ تبدیلی سرکار نے عام آدمی کو فاقوں پر مجبور کردیا ہے ،لوگوں کیلئے پہلے دوائی خریدنا مشکل تھا اب بچوں کیلئے کتابیں خریدنا بھی ممکن نہیں رہا۔