اسلام آباد : جماعت اسلامی کے امیرسراج الحق نے کہا کہ پاکستان میں ایسی حکومت قبول نہیں جو مودی سے یاری اور کشمیریوں سے غداری کرتی ہو۔
ان خیالات کا اظہار انہوں نے لاہور سے اسلام آباد پہنچنے والے کشمیر کارواں سے خطاب کرتے ہوئے کیا، اس سے قبل کشمیر یوں سے اظہار یکجہتی کے لئے کشمیرکارواں لاہور سے اسلام آباد پہنچا تو اس کا والہانہ استقبال کیا گیا۔
Pakistan is incomplete without Kashmir: Siraj… by arynews
یوم الحاق پاکستان کے موقع پر لاہور سے رہنماؤں کی قیادت میں روانہ ہونے والے انسانوں کے ٹھاٹھیں مارتے سمندر پر مشتمل قافلہ جہاں جہاں سے گزرا فضا کشمریوں کے حق میں نعروں سے گونجتی رہی۔
کشمیرکارواں سے خطاب کرتے ہوئے امیر جماعت اسلامی سراج الحق نے کہا کہ کشمیر کے بغیر پاکستان نامکمل ہے، انہوں نے کہا کہ پاکستان میں ایسی حکومت قبول نہیں جو مودی سے یاری اور کشمیریوں سے غداری کرتی ہو ،حکمران مودی سے دوستی اور تجارت کے لئے کشمیر میں بہنے والے خون کو بھول گئے ہیں۔
نریندرمودی کو تحائف بھیجنے والے پاکستان کی سا لمیت اور بقا کیلئے دی جانے والی قربانیوں سے بے وفائی کررہے ہیں۔
سینیٹر سراج الحق نے کہا کہ ملک کے اندر بھارتی لابی پاکستان کی بجائے ہندوستان کے مفادات کیلئے سرگرم ہے، بھارتی جنرلز اعتراف کرتے ہیں کہ ہم کشمیرمیں ہاری ہوئی جنگ لڑ رہے ہیں۔
ان کا کہنا تھا کہ کشمیر ی عوام بھارت کا ظلم و جبر اور وحشیانہ تشدد بڑی بہادری سے برداشت کررہے ہیں ، وہ کشمیر کیلئے نہیں پاکستان کیلئے لڑ رہے ہیں.
