Tag: america visit

وزیراعظم نے بھارت کا مکروہ چہرہ دنیا کے سامنے بےنقاب کردیا، فردوس عاشق اعوان

اسلام آباد : معاون خصوصی فردوس عاشق اعوان نے کہا ہے کہ وزیراعظم عمران خان نے بھارت کا مکروہ چہرہ دنیا کے سامنے بےنقاب کردیا، پاکستان، ترکی، ملائیشیا مشترکہ انٹرنیشنل انگلش چینل لانچ کریں گے۔

ان خیالات کا اظہار انہوں نے اسلام آباد میں پریس کانفرنس سے خطاب کرتے ہوئے کیا۔ وزیر اعظم کی جانب سے دورہ امریکا پر کابینہ ارکان کو بریفنگ سے متعلق صحافیوں کو تفصیلات بتاتے ہوئے فردوس عاشق اعوان نے کہا کہ وزیراعظم عمران خان کا مشن امریکا کامیاب رہا۔

وزیراعظم عمران خان نے دورہ امریکا پر کابینہ کو اعتماد میں لیا ہے، انہوں نے عالمی رہنماؤں کو کشمیر کی صورتحال سے آگاہ کیا اور بھارت کا مکروہ چہرہ دنیا کے سامنے بےنقاب کیا۔

فردوس عاشق کا مزید کہنا تھا کہ وزیراعظم کی زیرصدارت کابینہ اجلاس میں14 نکاتی ایجنڈا تھا، وزیر اعظم نے دورہ امریکا میں 70سے زائد ملاقاتیں کیں۔

ایک سوال کے جواب میں ان کا کہنا تھا کہ پاکستان، ترکی، ملائیشیا مل کر اسلامو فوبیا کیخلاف اقدامات اٹھائیں گے، اس سلسلے میں تینوں ممالک مل کر ایک انٹرنیشنل انگلش چینل لانچ کریں گے۔

معاون خصوصی نے بتایا کہ وزیراعظم عمران خان کیا جانب سے آٹے کی قیمت کنٹرول میں رکھنے کے حوالے سے صوبائی اور متعلقہ اتھارٹیز کو سختی سے ہدایت جاری کی گئی ہیں۔

اجلاس میں وزیراعظم کو ڈینگی ک یموجودہ صورتحال اور اس کے تدارک کیلئے اقدامات سے آگاہ کیا گیا۔

اکتوبر 1, 2019
وزیراعظم کے دورہ امریکہ کا مقصد کشمیریوں پر بھارتی مظالم سے آگاہ کرنا ہے، زلفی بخاری

نیویارک : وزیراعظم کے معاون خصوصی زلفی بخاری نے کہا ہے کہ وزیراعظم عمران خان کے دورہ امریکہ کا مقصد مظلوم کشمیریوں پر بھارتی مظالم سے آگاہ کرنا ہے، بیرون ملک قید پاکستانیوں کے مقدمات میں ریلیف دلوانے کی کوشش کررہے ہیں۔

ان خیالات کا اظہار انہوں نے نیو یارک میں اے آر وائی نیوز سے خصوصی بات چیت کرتے ہوئے کیا۔ انہوں نے کہا کہ اقوام متحدہ کی جنرل اسمبلی اجلاس کے موقع پر پاکستانی اور کشمیری کمیونٹی کی جانب سے بھارتی مظالم کیخلاف بھرپور احتجاج کیا جائے گا۔

احتجاج میں ہیومن رائٹس گروپس بھی شریک ہوں گے، وزیراعظم کے دورہ امریکہ سے متعلق گفتگو کرتے ہوئے ان کا کہنا تھا کہ وزیراعظم عمران خان کے دورہ امریکہ کا مقصد کشمیریوں پر ہونے والے بھارتی مظالم سے دنیا کو آگاہ کرنا ہے۔

زلفی بخاری کا مزید کہنا تھا کہ مختلف جرائم میں ملوث بیرون ممالک میں قید پاکستانیوں کے مقدمات میں ریلیف دلوانے کی کوشش کررہے ہیں۔

سعودی عرب، متحدہ عرب امارات اور سری لنکا کی جیلوں میں متعدد پاکستانی قید کی سزا کاٹ رہے ہیں، انہوں نے بتایا کہ گزشتہ ایک سال میں پاکستانی ایمبیسیز اور قونصل خانوں کی کارکردگی میں کافی حد تک بہتری آئی ہے، سعودیہ، یو اے ای میں کمرشل اور کمیونٹی ویلفیئر اتاشیوں کی تعداد میں بھی اضافہ کررہے ہیں۔

ستمبر 17, 2019
وزیراعظم عمران خان کے دورہ امریکا کی تیاریاں، زلفی بخاری کی اہم ملاقاتیں

اسلام آباد : وزیراعظم عمران خان کے دورہ امریکا کی تیاریاں حتمی مراحل میں داخل ہوگئیں، وزیراعظم کے معاون خصوصی زلفی بخاری نے امریکا میں اہم ملاقاتیں کی ہیں۔

امریکا میں مقیم کشمیری وفد نے پی ٹی آئی رہنماؤں اور غلام نبی فائی سے ملاقات کی، اس موقع پر وزیراعظم عمران خان کے شاندار استقبال اور دورے کی تیاریوں کا جائزہ لیا گیا۔

بھارتی وزیراعظم نریندر مودی کے خلاف جارحانہ حکمت عملی پر مشاورت مکمل کی گئی، اس کے علاوہ نریندر مودی کے خلاف جنرل اسمبلی اجلاس کے دوران شدید احتجاج کا فیصلہ بھی کیا گیا۔

وزیر اعظم کے دورہ امریکا کے دوران ملاقاتوں کے شیڈول پر بھی مشاورت کی گئی، یو این جنرل اسمبلی سیشن کے دوران پاکستانی اور کشمیری پرچم لہرانے پر بھی غور کیا گیا۔

دریں اثناء وزیر اعظم عمران خان کا دورہ امریکہ کا شیڈول مرتب کرلیا گیا ہے، اس حوالے سے ذرائع کا کہنا ہے کہ وزیر اعظم 21 ستمبر کو امریکہ پہنچیں گے۔

وزیر اعظم کی امریکی صدر ڈوملڈ ٹرمپ سے دو ملاقاتیں طے ہیں، امریکی صدر سے پہلی ملاقات طہرانے کے بعد جبکہ دوسری ملاقات ہائی ٹی کے موقع پر ہوگی۔

ستمبر 15, 2019
وزیراعظم عمران خان سے وفاقی وزیر اعظم خان سواتی کی ملاقات، اہم امور پر تبادلہ خیال

اسلام آباد: وزیراعظم عمران خان سے وفاقی وزیر پارلیمانی امور اعظم خان سواتی نے ملاقات کی، اس موقع پر وزیراعظم کے دورہ امریکہ کے دوران خیر مقدمی اجتماعات پر مشاورت کی گئی۔

تفصیلات کے مطابق وزیراعظم عمران خان سے وفاقی وزیر پارلیمانی امور اعظم خان سواتی نے ملاقات کی جس میں اہم فیصلے کیے گئے۔

ملاقات میں مقبوضہ کشمیر، دورہ امریکا ،پارلیمانی امور اور چیف الیکشن کمشنر بارے ریفرنس پر تبادلہ خیال کیا گیا۔

اس حوالے سے ذرائع کا کہنا ہے کہ وزیر اعظم اور وفاقی وزیر پارلیمانی امور نے چیف الیکشن کمشنر کے خلاف ریفرنس پر مشاورت جاری رکھنے پر اتفاق کیا۔

ملاقات میں اس بات پر بھی اتفاق کیا گیا کہ ریفرنس فوری دائر کرنا ہے یا حکمت عملی تبدیل کرنی ہے؟ تاہم حتمی فیصلہ مزید مشاورت کے بعد ہوگا۔ وفاقی وزیر پارلیمانی امور اعظم خان سواتی نے وزیر اعظم کو مختلف آرڈیننسز اور بلز پر بریفنگ دی۔

اعظم سواتی نے قومی اسمبلی اور سینیٹ میں زیر التوا بلز اور آرڈیننسز میں پیش رفت کے بارے میں بھی آگاہ کیا۔ وزیر اعظم کے دورہ امریکا کے دوراں خیرمقدمی اجتماعات پر بھی غور کیا گیا۔

اس دوران الیکشن کمیشن کے دو نئے ممبران کی تقرری پر بھی تبادلہ خیال کیا گیا جس پر وزیر اعظم نے اطمینان کا اظہار کیا ۔ وزیراعظم نے اعظم سواتی کو ہدایت کی کہ آرڈیننسز اور بلز کے معاملے میں تیزی لائی جائے۔

اعظم سواتی نے کہا کہ بھارتی وزیر اعظم مودی کے دورہ کے دوران ہیوسٹن میں بڑا مظاہرہ کیا جائے گا،مودی کے خطاب کے دوران نیویارک میں بھی بڑے مظاہرے ترتیب دئیے جارہے ہیں۔

ستمبر 15, 2019
امریکی کانگریس مین نے بھی وزیراعظم عمران خان کا دورہ کامیاب قرار دے دیا

واشنگٹن : امریکی کانگریس مین جم بینکس نے بھی وزیراعظم عمران خان کا دورہ کامیاب قرار دے دیا، علی زیدی سے ملاقات میں ان کا کہنا تھا کہ عمران خان کی صدر ٹرمپ سے ملاقات نتیجہ خیزثابت ہوئی۔

تفصیلات کے مطابق وفاقی وزیر علی زیدی نے واشنگٹن میں امریکی کانگریس مین جم بینکس سے ملاقات کی ، ملاقات میں وزیر اعظم عمران خان کے دورہ امریکہ سے متعلق امور پر بات چیت کی گئی۔

اس موقع پر امریکی کانگریس مین نے وزیراعظم عمران خان کے دورہ امریکہ کو کامیاب قرار دیتے ہوئے کہا کہ وزیراعظم عمران خان کا دورہ انتہائی مثبت رہا۔

ان کی صدر ٹرمپ سے ملاقات نتیجہ خیز ثابت ہوئی ہے، وزیراعظم کے ساتھ پاک امریکا تعلقات پر تفصیلی بات چیت ہوئی، دونوں ممالک نے ماضی میں درپیش چیلنجز سے نمٹنے کا طریقہ کار طے کیا۔

جم بینکس کا مزید کہنا تھا کہ امریکا پاکستان کے وزیراعظم سے تعلقات کی بحالی کے اقدامات اٹھائے گا، خطے میں امن اور افغانستان میں استحکام دونوں ممالک کی ضرورت ہے۔

دونوں ممالک کےدرمیان بہترین تجارتی تعلقات کےوسیع مواقع ہیں،جم بینکس نے کہا کہ پاکستانیوں کی بڑی تعداد امریکی معیشت کی بہتری کے لئے کام کررہی ہے، امریکا یہاں مقیم پاکستانیوں کو قدر کی نگاہ سے دیکھتا ہے۔

اس موقع پر وفاقی وزیر پورٹ اینڈ شپنگ علی زیدی نے کہا کہ زبردست مہمان نوازی پر کانگریس مین جم بیک کے شکر گزار ہیں، ماضی میں پاک امریکا تعلقات ہمیشہ کچھ دو اور کچھ لو کی بنیاد پر تھے۔

دونوں مممالک کے درمیان پہلی بار انسانی ترقی، معیشت اور تجارت کے فروغ پربات کی گئی،علی زیدی کا مزید کہنا تھا کہ پہلی مرتبہ پاکستانی وزیراعظم کا وائٹ ہاؤس میں شاندار استقبال ہوا، امریکی صدر ڈونلڈ ٹرمپ وزیراعظم عمران خان کی ملاقات سے پاک امریکہ تعلقات کی نئی سمت کا آغاز ہوگا۔

جولائی 24, 2019
وزیراعظم کے دورہ سے امریکہ کے ساتھ تعلقات میں مثبت تبدیلی آئے گی، شفقت محمود

لاہور: وفاقی وزیر تعلیم شفقت محمود نے کہا ہے کہ وزیر اعظم عمران خان کے دورہ سے امریکہ کے ساتھ تعلقات میں مثبت تبدیلی آئے گی، مقروض ملک کاوزیراعظم شاہ خرچیاں نہیں کررہا۔

ان خیالات کا اظہار انہوں نے ایوان اقبال میں میڈیا سے گفتگو کرتے ہوئے کیا، میڈیا سے گفتگو کرتے ہوئے وفاقی وزیر تعلیم شفقت محمود کا مزید کہنا تھا کہ ہمارے خطے کی ترقی دیکھ کر امریکہ نے وزیر اعظم کو دورے کی دعوت دی۔

اس دورے سے امریکہ کے ساتھ تعلقات میں جو سرد مہری تھی اس میں مثبت تبدیلی آئی ہے۔ وفاقی وزیر نے لطیفہ سناتے ہوئے کہا کہ نواز شریف کہتے ہوں گے عمران امریکہ جا کر کیا بولے گا پرچی تو میری جیب میں ہے۔

شفقت محمود کا کہنا تھا کہ مقروض ملک کا وزیر اعظم شاہ خرچیاں نہیں کر رہا۔ نواز شریف پی آئی اے کا جہاز بھی لے جاتے تھے اور سو سو لوگ بھی ہمراہ ہوتے تھے۔

ایک سوال کے جواب میں شفقت محمود کا کہنا تھا کہ معیشیت کی خرابی کے ذمہ دار ٹیکس نہ دینے والے لوگ ہیں۔

جولائی 23, 2019
وزیر اعظم عمران خان کا دورہ امریکہ انتہائی اہمیت کا حامل ہے، ترجمان دفتر خارجہ

اسلام آباد : ترجمان دفتر خارجہ ڈاکٹر محمد فیصل نے کہا ہے کہ وزیر اعظم عمران خان کا دورہ امریکہ انتہائی اہمیت کا حامل ہے، اس دورے سے پاک امریکہ تعلقات میں مزید بہتری آئے گی، وزیراعظم اورامریکی صدر کے درمیان ملاقات میں دونوں ممالک کے تعلق باہمی تعلقات بالخصوص زیر غور آئیں گے۔

یہ بات انہوں نے میڈیا سے گفتگو کرتے ہوئے کہی، ڈاکٹر محمد فیصل نے کہا کہ گزشتہ کچھ سالوں سے پاک امریکہ تعلقات میں کچھ سرد مہری تھی ،جب موجودہ حکومت آئی توتعلقات میں بہتری لانے کی کوشش کی گئی۔

انہوں نے کہا کہ اسی تناظرمیں ستمبر میں وزیر خارجہ نے واشنگٹن کا دورہ کیا اور وہاں اہم ملاقاتیں ہوئیں، بعد ازاں معاملات آگے بڑھتے رہے اور امریکی صدر کی طرف سے وزیراعظم کو دورے کی دعوت ملی،22 تاریخ کی ملاقات طے ہوئی، یہ ملاقات انتہائی اہم ہے، ملاقات میں باہمی تعلقات ،سرمایہ کاری، فوجی اور دیگر معاملات پر بات چیت ہوگی۔

ترجمان دفتر خارجہ نے کہا کہ پاکستان ملاقات میں باہمی تعلقات کے فروغ پر خصوصی توجہ مرکوز کرے گا، امریکہ بھی چاہتا ہے کہ دونوں ممالک کے باہمی تعلقات میں بہتری آئے لہٰذا وزیراعظم اور امریکی صدر کے درمیان یہ ملاقات اس حوالے سے پہلا قدم ہوگا۔

انہوں نے کہا کہ پاک امریکہ تعلقات سات دہائیوں پرمحیط ہیں، دونوں ممالک کے درمیان بڑے گہرے تعلقات رہے ہیں مگر کچھ عرصے سے ان تعلقات میں کچھ فاصلہ پیدا ہو گیا ہے۔

انہوں نے کہا کہ ملاقات میں ایف اے ٹی ایف کا معاملہ بھی زیر غور آئے گا، ہمیں اس معاملے میں دنیا کے تمام ممالک کی مدد چاہیے تاہم ملاقات میں یہ بات ضرور زیر بحث آئے گی کہ ہمیں سیاسی طور پر نشانہ نہ بنایا جائے۔

جولائی 22, 2019
وزیراعظم عمران خان کا امریکا میں شانداراستقبال ہوا، فواد چوہدری

جہلم : وزیر سائنس اینڈ ٹیکنالوجی فواد چوہدری نے کہا ہے کہ وزیراعظم عمران خان کا امریکا میں شانداراستقبال ہوا، دورہ امریکا کے معیشت پر مثبت اثرات مرتب ہوں گے۔

یہ بات انہوں نے جہلم میں میڈیا سے گفتگو کرتے ہوئے کہی، فواد چوہدری نے کہا کہ وزیراعظم عمران خان کی امریکاآمد پر وہاں مقیم پاکستانی خوشی سے پھولے نہیں سمارہے، انہوں نے اپنے وزیراعظم کا پرجوش انداز میں استقبال کیا اور ان پر پھولوں کی پتیاں نچھاور کیں۔

ان کا مزید کہنا تھا کہ امریکا سے ہمارےتعلقات بہت پرانے ہیں، وزیر اعظم کے دورہ امریکا کے ملکی معیشت پر مثبت اثرات مرتب ہونگے۔

علاوہ ازیں وزیر سائنس اینڈ ٹیکنالوجی فواد چوہدری نے ایک بار پھر اعلان کیا ہے کہ ملک بھر میں عید الاضحیٰ 12اگست کو منائی جائے گی۔

واضح رہے کہ12 اگست کو عید الاضحیٰ کا مطلب ہے کہ اس موقع پر سرکاری اور کئی نجی شعبوں سے تعلق رکھنے والے ملازمین کو کم از کم پانچ روز کی چھٹیاں ملیں گی کیونکہ12 اگست کو پیر ہے اور اس سے پہلے ہفتے اور اتوار کو چھٹی ہوتی ہے جبکہ عیدالاضحی کے تیسرے روز14 اگست بھی عام تعطیل کا دن ہوگا۔

جولائی 21, 2019
عمران خان پاک امریکا تعلقات میں نیاباب تحریر کرنے جارہے ہیں، سینیٹر فیصل جاوید

واشنگٹن : پی ٹی آئی رہنما اور سینیٹر فیصل جاوید نے کہا ہے کہ وزیراعظم عمران خان پاک امریکا تعلقات میں نیاباب تحریر کرنے جارہے ہیں، پاکستان عالمی برادری سے تعلقات کو نئے خطوط پر استوار کررہا ہے۔

ان خیالات کا اظہار انہوں نے واشنگٹن میں میڈیا سے گفتگو کرتے ہوئے کیا، انہوں نے کہا کہ دیانتدار اور ساکھ کی حامل قیادت میسر آئے تو فرق یوں ہی نمایاں ہوتا ہے۔

پاکستان کی خارجہ پالیسی بھی ایک نیا موڑ لے رہی ہے، نیا پاکستان پرامن اور خود مختار مملکت کے طور پر ابھرکر سامنےآرہا ہے۔

سینیٹر فیصل جاوید کا مزید کہنا تھا کہ وزیراعظم پاک امریکا تعلقات میں نیاباب تحریر کرنے جارہے ہیں، پاکستان عالمی برادری سے تعلقات کو نئے خطوط پر استوار کررہا ہے۔

جوں جوں وزیراعظم کا خطاب قریب آرہا ہے، پاکستانیوں کاجوش بڑھ رہاہے، جنون امریکا ہی نہیں بلکہ کینیڈا جیسے قریبی ممالک تک پھیل چکا ہے، امریکا اور قرب وجوار کے ممالک سے پاکستانی اپنے قائد کو سننے پہنچ رہے ہیں۔

جولائی 21, 2019
واشنگٹن : وزیراعظم عمران خان تین روزہ دورے پرامریکا پہنچ گئے

واشنگٹن : وزیراعظم عمران خان تین روزہ دورے پرامریکا پہنچ گئے، آرمی چیف جنرل قمرجاوید باجوہ اور دیگر عہدیداران بھی ان کے ہمراہ ہیں، ایئر پورٹ پر ان کا شاندار استقبال کیا گیا۔

تفصیلات کے مطابق وزیر اعظم عمران خان امریکی صدر ڈونلڈ ٹرمپ کی دعوت پرامریکا کے تین روزہ دورے پر واشنگٹن پہچ گئے، گئے، ان کا امریکا کا یہ پہلا سرکاری دورہ ہے وہ پیر کو امریکی صدر ڈونلڈ ٹرمپ سے ملاقات کریں گے۔ عمران خان22جولائی کو واشنگٹن میں امریکی صدر ڈونلڈ ٹرمپ سے ملاقات کریں گے

قبل ازیں ایئر پورٹ پر وزیر اعظم کا پرتپاک استقبال کیا گیا، پھولوں کی پتیاں نچھاور کی گئیں، امریکہ میں مقیم پاکستانیوں کی بڑی تعداد ان کی ایک جھلک دیکھنے کیلئے موجود تھی۔

وزیراعظم عمران خا ن کی واشنگٹن ڈی سی آمد پر پاکستانی کمیونٹی خوشی سےنہال ہوگئی۔ واشنگٹن میں پاکستان ہاؤس پہنچنے پر پاکستانی کمیو نٹی نے ان کا پرتپاک استقبال کیا۔

وزیراعظم عمران کی ایک جھلک دیکھنے کیلئے لوگ بےتاب نظر آئے۔ ایئر پورٹ سے وزیر اعظم پاکستان ہاؤس پہنچے اس موقع پر تحریک انصاف کے کارکنان کی بڑی تعداد اپنے قائد کو ویلکم کہنے کیلئے پاکستان ہاؤس کے باہر موجود تھی۔

خواتین اور بچوں کا جوش بھی قابل دید تھا، کارکنان کی بڑی تعداد نے ڈھول کی تھاپ اور پارٹی ترانوں پر رقص کرکے خوشی کا اظہار کیا۔ پاکستان ہاؤس کےاطراف قومی اورپی ٹی آئی پرچموں کی بہار ہے۔

عمران خان کی آمد کے ساتھ ہی فضا پاکستان زندہ باد کے فلک شگاف نعروں سے گونج اٹھی۔ اس موقع پر سیکیو رٹی کے انتہائی سخت انتظامات دیکھنے میں آئے۔

واضح رہے کہ وزیراعظم دورے کے دوران آئی ایم ایف کے قائم مقام ایم ڈی، عالمی بینک کے صدراور دیگر کاروباری شخصیات سے ملاقاتیں کریں گے۔

وزیراعظم پاکستانی کمیونٹی سےخطاب بھی کریں گے، وزیراعظم عمران خان کی تئیس جولائی کو امریکی وزیر خارجہ مائیک پومپیو سے ملاقات ہو گی۔

اس حوالے سے زلفی بخاری کا کہنا ہے کہ وزیر اعظم عمران خان کا جلسہ تاریخی ہوگا، کیپٹل ارینا لوگوں سے بھر جائے گا، یاد رہے کہ وزیراعظم عمران خان نے سادگی کی نئی تاریخ رقم کردی ہے، وہ امریکا کے سرکاری دورے کیلئے کمرشل پرواز کااستعمال کرنے والے پہلے وزیراعظم بن گئے۔

جولائی 21, 2019