ARYNews.tv | Urdu – Har Lamha Bakhabar

Tag: america

  • امریکی مخالفت کے باوجود فلسطین ترقی پذیر ممالک کی تنظیم جی 77 کا سربراہ منتخب

    امریکی مخالفت کے باوجود فلسطین ترقی پذیر ممالک کی تنظیم جی 77 کا سربراہ منتخب

    نیویارک: امریکی مخالفت کے باوجود فلسطین کو اقوام متحدہ کی جنرل اسمبلی میں ترقی پذیر ممالک کی تنظیم جی 77 کا سربراہ منتخب کرلیا گیا۔

    غیرملکی خبررساں ادارے کے مطابق اقوام متحدہ کی جنرل اسمبلی میں ترقی پذیر ممالک کی تنظیم جی 77 کی سربراہی کے لیے فلسطین کو بھاری اکثریت سے منظور کرلیا گیا ہے، فلسطین کو سربراہی دینے کی قرارداد مصر نے پیش کی تھی۔

    قرارداد کے حق میں 146 اور مخالفت میں صرف 3 ووٹ ملے، پندرہ ممالک غیر حاضر رہے، قرارداد کی مخالفت میں امریکا، اسرائیل اور آسٹریلیا نے ووٹ دیا۔

    اقوام متحدہ میں امریکی سفیر نکی ہیلی نے قرارداد کی منظوری کو اقوام متحدہ کی غلطی قرار دیتے ہوئے کہا ہے کہ ایک مبصر ملک کو جی 77 کی سربراہی دے دی گئی ہے جس کے مثبت نتائج حاصل نہیں ہوں گے، اقوام متحدہ کے گروپ 77 میں اب 134 ممالک شامل ہوگئے ہیں۔

    اقوام متحدہ میں قرارداد کی منظوری کے بعد فلسطین کو خصوصی اختیارات حاصل ہوگئے ہیں جن کے تحت فلسطین ترقی پذیر ممالک کی سب سے بڑی تنظیم جی 77 کی سربراہی کرسکے گا اس سے قبل فلسطین اقوام متحدہ کا رکن نہیں بلکہ مبصر کی حیثیت سے شرکت کرتا رہا ہے۔

    فلسطین کو رواں برس جولائی میں جی 77 کی سربراہی کے لیے نامزد کیا گیا تھا جس کی امریکا اور اسرائیل نے شدید مخالفت کی تھی۔

    خیال رہے کہ 1964 میں اقوام متحدہ نے ترقی پذیر 77 ممالک کی تنظیم جی 77 کی بنیاد رکھی تھی اور اس میں اب فلسطین سمیت 134 ممالک شامل ہیں۔

  • ایرانی عوام کے قانونی مطالبات کی حمایت کرتے ہیں، امریکی وزارت خارجہ

    ایرانی عوام کے قانونی مطالبات کی حمایت کرتے ہیں، امریکی وزارت خارجہ

    واشنگٹن: امریکی وزارت خارجہ کی ترجمان ہیدر نوئرٹ نے کہا ہے کہ امریکا ایران میں ہڑتالوں سے متعلق رپورٹوں کا جائزہ لے رہا ہے، ایرانی عوام کے قانونی مطالبات کی حمایت کرتے ہیں۔

    امریکی وزارت خارجہ کی ترجمان ہیدر نوئرٹ نے سماجی رابطے کی ویب سائٹ ٹویٹر پر کہا کہ ہم قانونی مطالبات کو پر امن طریقے سے پیش کرنے کے حوالے سے ایرانی عوام کے حق کی تائید کرتے ہیں۔

    ہیدر نوئرٹ نے کہا کہ ایران میں ہونے والی ہڑتالیں حکمراں نظام کو یہ پیغام دے رہی ہیں کہ ایران کی دولت کو بیرون ملک برباد کرنے کا سلسلہ روک دیں اور اپنے عوام کی ضروریات پوری کرنا شروع کردیں۔

    مزید پڑھیں: امریکا ایران کی شرپسند سرگرمیوں کے خلاف کھڑا رہے گا: ترجمان امریکی محکمہ خارجہ

    واضح رہے کہ ایران کے شہر تہران، اصفہان، شیراز اور اہواز میں اساتذہ کی مسلسل دوسرے روز ہڑتال جاری ہے، اساتذہ دوسرے روز بھی کلاسوں میں نہیں کیے اور احتجاج کا سلسلہ جاری رکھا۔

    ایران کے مختلف شہروں میں ہڑتال کا آغاز اتوار کے روز ہوا تھا، اساتذہ انجمنوں کی رابطہ کار کمیٹی نے اس ہڑتال کی کال مہنگائی، افراط زر، اساتذہ کی قوت خرید میں کمی اور تعلیمی انجمنوں کے سرگرم کارکنان کی گرفتاری کے خلاف احتجاجا دی تھی۔

    رپورٹ کے مطابق ایرانی سیکیورٹی حکام نے اسکولوں کے پرنسپلز کو خبردار کیا ہے کہ وہ اساتذہ کی ہڑتال کی تصاویر پوسٹ نہ کریں۔

    یاد رہے کہ ایران میں ٹرک ڈرائیوروں کی جانب سے بھی ملک گیر ہڑتال کی گئی تھی جس کے دوران 200 سے زائد افراد کو گرفتار کرلیا گیا تھا۔

  • امریکی صدر نے چین پر مزید اضافی محصولات کی دھمکی دے دی

    امریکی صدر نے چین پر مزید اضافی محصولات کی دھمکی دے دی

    واشنگٹن: امریکی صدر ڈونلڈ ٹرمپ نے چین کو دھمکی دی ہے کہ اگر چین نے امریکا کے خلاف کوئی اقدامات کیے تو مزید اضافی محصولات عائد کردیے جائیں گے۔

    تفصیلات کے مطابق چین اور امریکا کے درمیان تجارتی جنگ میں شدت آچکی ہے، امریکی صدر نے ایک بار پھر چین کو خبردار کیا ہے کہ ان کی مصنوعات پر اضافی ٹیکس عائد کیے جاسکتے ہیں۔

    واشنگٹن میں صحافیوں سے گفتگو کرتے ہوئے صدر ٹرمپ کا کہنا تھا کہ امریکا کے خلاف اقدامات اور امریکی محصولات پر ردعمل کی صورت پر چینی درآمدات پر 267 بلین ڈالر کے مزید اضافی ٹیکس نافذ کر دیے جائیں گے۔

    گذشتہ روز امریکی وزیر خارجہ مائیک پامپیو نے اپنے چینی ہم منصب سے چین کے دارالحکومت بیجنگ میں ملاقات کی تھی، اس دوران باہمی تنازعات کے پیش نظر سخت جملوں کا تبادلہ بھی ہوا تھا۔

    خیال رہے کہ گذشتہ ماہ ہی ٹرمپ کی انتظامیہ نے چینی درآمدات پر دو سو بلین ڈالر محصولات عائد کیے تھے، جس کے جواب میں چین نے امریکی درآمدات پر ساٹھ بلین ڈالر کے ٹیکس لگا دیے تھے۔

    امریکا نے چینی مصنوعات پر مزید 16 ارب کے اضافی درآمدی محصولات عائد کردئیے

    دوسری جانب امریکی وائٹ ہاؤس نے بھی واضح الفاظ میں کہہ چکا ہے کہ چین امریکی صدر کے ارادوں کو ہلکا مت لے، وہ اپنی تجارتی پالیسیوں پر عمل پیرا رہیں گے۔

    قبل ازیں چینی وزیر خارجہ ’وانگ یی‘ نے گذشتہ ماہ اپنے ایک بیان میں کہا تھا کہ تجارتی جنگ کے دوران امریکا اپنے ’دماغ کو ٹھنڈا‘ رکھے اور سوچ سمجھ کر فیصلے کرے۔

    انہوں نے یہ بھی کہا تھا کہ امریکا کی جانب سے چین کو دبانے کے لیے جو بھی اقدامات کیے جارہے ہیں وہ کسی کام کے نہیں ہیں، چین اپنی تجارت جاری رکھے گا۔

  • امریکا کی اقتصادی پابندیاں، ایران مذاکرات کے لیے راضی ہوگیا

    امریکا کی اقتصادی پابندیاں، ایران مذاکرات کے لیے راضی ہوگیا

    تہران: ایرانی وزیر خارجہ محمد جواد ظریف نے کہا ہے کہ ایران امریکا سے مذاکرات کے لیے تیار ہے۔

    ان خیالات کا اظہار انہوں نے برطانوی نشریاتی ادارے کو انٹرویو دیتے ہوئے کیا، ایرانی وزیر خارجہ کا کہنا تھا کہ ایران امریکا سے مذاکرات کے لیے تیار ہے، بشرط یہ کہ مذاکرات جامع اور مربوط ہوں جس پر امریکا خود بھی عمل کرے۔

    انہوں نے کہا کہ ہماری طرف سے مذاکرات کے دروازے ہمیشہ سے کھلے ہیں، لیکن مذاکرات ایسے ہوں جس پر عمل درآمد ہو، دونوں ممالک اس پر عمل کریں۔

    پوچھے گئے ایک سوال پر جواب ظریف کا کہنا تھا کہ امریکا کی جانب سے ایران جوہری ڈیل سے دست برداری کے بعد یورپی ممالک نے ایران کا بہت ساتھ دیا۔

    ایران کی سعودی عرب کو امریکا کے خلاف اتحاد کی پیش کش

    اس سے قبل رواں سال مئی میں امریکی صدر ڈونلڈ ٹرمپ ایران کے ساتھ جوہری معاہدے سے دستبرداری کے بعد کہا تھا کہ ایران مذاکرات کرے یا پھر کسی بھی طرح کے حالات کا سامنا کرنے کے لیے تیار رہے۔

    خیال رہے کہ دو روز قبل ایرانی وزیر خارجہ جواد ظریف نے سماجی رابطے کی ویب سائٹ ٹویٹر پر طنز کرتے ہوئے کہا تھا کہ سعودی حکومت کو ایران کے ساتھ مل کر امریکا کے خلاف مضبوط اتحاد بنانا چاہیے تاکہ مشرق وسطیٰ کو مضبوط کیا جاسکے۔

    واضح رہے کہ مشرق وسطیٰ میں سعودی عرب امریکا کا سب سے مضبوط اتحادی ہے دونلڈ ٹرمپ نے اپنے غیر ملکی دوروں کا آغاز بھی سعودی عرب سے کیا تھا۔

  • امریکا میں خوفناک کار حادثہ، 20 افراد ہلاک

    امریکا میں خوفناک کار حادثہ، 20 افراد ہلاک

    واشنگٹن : امریکا کے شہر نیویارک میں تیز رفتاری کے باعث بے قابو گاڑی ہجوم کو روندتی ہوئی درخت سے ٹکرا گئی جس کے نتیجے میں 20 افراد ہوگئے۔

    تفصیلات کے مطابق امریکا کی ریاست نیویارک میں گذشتہ روز شادی کی تقریب سے واپس لوٹنے والی افراد سے بھری لیموزین وین تیز رفتاری کے باعث بےقابو ہوگئی ہوکر سڑک پر پیدل چلنے والے شہریوں پر چڑھ گئی۔

    غیر ملکی خبر رساں ادارے کا کہنا تھا کہ جائے حادثہ پر شہریوں کی بہت بڑی تعداد موجود تھی، کار حادثے میں 20 افراد موقع پر ہی ہلاک ہوگئے تھے۔

    پولیس کا کہنا ہے کہ لیموزین شہر کی مصروف ترین شاہراہ سے گذر رہی تھی کہ اچانک بے قابو ہوکر اسٹور کے قریب درخت سے جاٹکرائی جس کے نتیجے میں گاڑی میں سوار 18 افراد ہلاک ہوگئے جبکہ دو پیدل چلنے والے افراد گاڑی کی زد میں آکر ہلاک ہوئے۔

    غیر ملکی خبر رساں ادارے کا کہنا تھا کہ پیدل چلنے والے متاثرہ افراد پارکنگ ایریا میں موجود تھے جب گاڑی سے نے انہیں روندا تھا تاہم حادثے میں کسی کے زخمی ہونے کی اطلاع موصول نہیں ہوئی۔

    مقامی میڈیا کا کہنا ہے کہ متاثرہ گاڑی درخت سے ٹکرانے اور شہریوں کو روندنے سے پہلے 2015 ماڈل کی ہائی لینڈر سے ٹکرائی تھی جس کے نتیجے میں زور دار دھماکے کی آواز سنائی دی۔

    نیویارک پولیس کی جانب سے واقع کے اصل حقائق جاننے کے لیے کی جانے والی تفتیش تاحال ابتدائی مراحل میں ہے۔

    امریکی خبر رساں اداروں کا کہنا ہے کہ سنہ 2009 میں پیش آنے والا حادثہ جس میں 49 افراد لقمہ اجل بن گئے تھے، 2009 کے بعد یہ امریکا کی تاریخ کا خطرناک روڈ حادثہ ہے۔

    پولیس کا کہنا ہے کہ حادثے کے وقت گاڑی میں سوار چار سگی بہنیں اور شادی کے بندھن میں بندھنے والے نئے دلہا دلہن بھی حادثے میں ہلاک ہوگئےْ۔

  • عالمی عدالت انصاف کا امریکا کو ایرانی اشیائے ضرورت پر پابندی ہٹانے کا حکم

    عالمی عدالت انصاف کا امریکا کو ایرانی اشیائے ضرورت پر پابندی ہٹانے کا حکم

    ہیگ: عالمی عدالت انصاف نے امریکا کو ایرانی اشیائے ضرورت پر پابندی ہٹانے کا حکم دے دیا۔

    تفصیلات کے مطابق عالمی عدالت انصاف نے امریکا کو ایرانی اشیائے ضرورت پر پابندی ہٹانے کا حکم دیتے ہوئے کہا ہے کہ امریکا ایرانی اشیائے صرف سے انسانی بنیادوں پر پابندی ہٹائے۔

    عالمی عدالت کے حکم کے مطابق خوراک، زرعی مصنوعات، ادویات میڈیکل سسامان پر پابندیاں ختم کی جائیں، پابندیوں کے باعث ایرانی عوام کی صحت و زندگی پر سنجیدہ اثرات ہوسکتے ہیں۔

    عالمی عدالت انصاف کے حکم نامہ میں کہا گیا ہے کہ اقوام متحدہ ایران پر عائد ایسی پابندیوں کو ہٹانے کے لیے اقدامات کرے اور سفری پابندیوں کو نرم کرنے کے لیے امریکا کو مجبور کیا جائے۔

    ایرانی حکومت نے عالمی عدالت انصاف کے فیصلے کا خیرمقدم کرتے ہوئے کہا ہے کہ ایران پر عائد تمام پابندیوں کو ہٹایا جانا چاہئے، اقوام متحدہ عالمی عدالت انصاف کے فیصلے پر جلدازجلد عملدرآمد کرائے۔

    عالمی عدالت انصاف کے فیصلے امریکی پابندیوں کے خلاف فیصلہ تو دے دیا ہے مگر ماہرین کا کہنا ہے کہ فیصلے پر عملدرآمد کرانے کے لیے عالمی عدالت کے پاس اختیارات نہیں اور نہ ہی وہ امریکا فیصلے پر عملدرآمد کے لیے مجبور کرسکتی ہے۔

    واضح رہے کہ ایک سال قبل ایران نے امریکی پابندیوں پر عالمی عدالت انصاف سے رجوع کرتے ہوئے اقتصادی پابندیوں کو معطل کرنے کی استدعا کی تھی.

    خیال رہے کہ امریکا نے پابندیاں 2015 میں کیے گئے ایرانی جوہری معاہدے کی منسوخی کے بعد لگائی تھیں تاہم امریکا کی جانب سے عالمی عدالت انصاف کے فیصلے پر کوئی ردعمل سامنے نہیں آیا ہے۔

  • جنوبی کرولینا میں پولیس مقابلہ، ملزم گرفتار، سات اہلکار زخمی

    جنوبی کرولینا میں پولیس مقابلہ، ملزم گرفتار، سات اہلکار زخمی

    واشنگٹن : امریکا میں پولیس نے مقابلے کے بعد مسلح شخص کو گرفتار کرلیا، فائرنگ کے تبادلے میں 7 پولیس اہلکار زخمی ہوئے، زخمی اہلکاروں میں ایک کی حالت تشویش ناک ہے۔

    تفصیلات کے مطابق امریکی ریاست کیرولینا کے جنوبی شہر فلورینس فائرنگ کا واقعہ پیش آیا ہے جس میں مسلح شخص کی فائرنگ کے نتیجے میں 7 پولیس اہلکار زخمی ہوگئے۔

    امریکی پولیس کا کہنا ہے کہ فلورینس شہر کی پولیس ہیلپ لائن پر فون کال موصول ہوئی تھی، پولیس پارٹی جائے وقوعہ پر پہنچی تو مسلح ملزم نے بچوں کو یرغمال بنا رکھا تھا اور پولیس مقابلے کے دوران یرغمال بچوں کو ہی ڈھال لیا۔

    امریکی میڈیا کا کہنا ہے کہ مسلح شخص اور پولیس ٹیم کے درمیان دو گھنٹے تک شدید فائرنگ کا تبادلہ جاری رہا، گولیوں کی زد میں آکر 7 پولیس اہلکار زخمی ہوگئے جن میں ایک کی حالت تشویش ناک بتائی جارہی ہے۔

    مقامی خبر رساں ادارے کے مطابق پولیس اہلکار دو گھنٹے مقابلے کے بعد مسلح شخص کو گرفتار کرنے میں کامیاب ہوگئے تاہم ملزم کی شناخت تاحال نہیں ہوسکی ہے اور نہ ہی حملے کی وجوہات واضح ہیں۔

    امریکی صدر ڈونلڈ ٹرمپ نے جنوبی کیرولینا میں ہونے والے پولیس مقابلے کے حوالے سے اپنے ٹویٹ میں کہا ہے کہ ’میری دعائیں فلورینس کاؤنٹی کے پولیس اہلکاروں کے ہمراہ ہیں‘۔

    برطانوی خبر رساں ادارے کا کہنا ہے کہ امریکا میں اب تک 23 ہزار 408 امریکی پولیس اہکار ڈیوٹی کے دوران ہلاک ہوئے ہیں جس میں 112 اہلکار وں کو رواں برس فائرنگ کرکے قتل کیا گیا۔

    برطانوی میڈیا کے مطابق سنہ 2017 کے دوران متحدہ ہائے امریکا میں 15 ہزار افراد کو فائرنگ کرکے قتل کیا گیا ہے۔

    مزید پڑھیں : امریکا: بینک ہیڈکوارٹر میں فائرنگ، 3 افراد ہلاک، دو زخمی

    یاد رہے کہ گذشتہ ماہ کے آغاز میں امریکی ریاست اوہائیو کے شہر چنچناٹی میں قائم بینک ہیڈکوارٹر میں گھس کر حملہ آور نے اندھا دھند فائرنگ کے نتیجے تین افراد ہلاک جبکہ 2 زخمی ہوگئے تھے۔

    خیال رہے کہ رواں سال جولائی میں امریکی ریاست ٹیکساس کےعلاقے رابزٹاؤن کے نرسنگ ہوم میں نامعلوم حملہ آور نے گھس کر اندھا دھند فائرنگ کردی تھی جس کے نتیجے میں ایک خاتون سمیت 4 افراد جان کی بازی ہار گئے تھے۔

    یاد رہے کہ رواں سال 15 فروری کو فلوریڈا کے ہائی اسکول میں 19 سالہ حملہ آور نے اسکول کے اندر گھستے ہی فائرنگ کردی تھی جس کے نتیجے میں 17 افراد ہلاک جبکہ متعدد زخمی ہوگئے تھے۔

  • امریکی صدر اور عسکری حکام کو مشکوک خطوط بھیجے جانے کا انکشاف

    امریکی صدر اور عسکری حکام کو مشکوک خطوط بھیجے جانے کا انکشاف

    واشنگٹن: امریکی صدر ڈونلڈ ٹرمپ اور عسکری حکام کو مشکوک خطوط بھیجے جانے کا انکشاف ہوا ہے، خطوط کے لفافے زہریلے موادسے  بھرے تھے۔

    تفصیلات کے مطابق امریکی صدر ڈونلڈ ٹرمپ اور عسکری حکام کے نام ایسے خطوط کا انشکاف ہوا ہے، جو زہریلے موجود میں لپٹے تھے، خطوط کا معائنہ کیا جارہا ہے۔

    امریکی حکام کا کہنا ہے کہ پنٹاگون میں مشتبہ زہریلے مواد سے بھرے 2 پیکٹ پکڑے گئے، مشتبہ پیکٹ قریبی اسکریننگ سینٹر پر پکڑے گئے، دونوں لفافے مشتبہ زہررائسن سے بھرے تھے۔

    حکام کے مطابق پیکٹ وزیردفاع اور نیوی ہیڈ ایڈمرل جان رچرڈسن کے نام بھیجے گئے تھے، صدر ٹرمپ کو بھیجے گئے مشکوک خط کا بھی معائنہ کیا جارہا ہے۔

    حکام کا کہنا تھا کہ ٹرمپ کے نام بھیجا گیا خط وائٹ ہاؤس پہنچنے سے قبل ہی پکڑا گیا۔ خیال رہے کہ امریکی حکام نے ٹرمپ کو بھیجے گئے خط میں زہر کے شواہد ملنے سے متعلق کچھ بتانے سے گریز کیا۔

    خیال رہے کہ مئی 2013 میں امریکی وائٹ ہاؤس میں ڈاک کی چھان بین کرنے والوں کو ایک ایسا مشکوک خط ملا جس میں ممکنہ طور پر اسی طرح کا زہر آلود مواد تھا۔

    واضح رہے کہ اس وقت کے امریکی صدر باراک اوباما کو ارسال کیا جانے والے لفافے میں لکھا ہوا تھا کہ ’تم نے میر ی بات نہیں مانی ،اب تمہیں او رلوگوں کو مرنا ہو گا‘، بعد ازاں کوئی وضاحت سامنے نہیں آئی۔

  • بھارت سے تمام مسائل کے حل اور جامع مذاکرات کے لیے تیار ہیں: وزیرخارجہ

    بھارت سے تمام مسائل کے حل اور جامع مذاکرات کے لیے تیار ہیں: وزیرخارجہ

    نیویارک: وزیرخارجہ شاہ محمود قریشی نے کہا ہے کہ بھارت سے تمام مسائل کے حل اور جامع مذاکرات کے لیے تیار ہیں، بھارتی حکومت مذاکرات کے معاملے پر داخلی سیاست کا شکار ہوگئی۔

    تفصیالات کے مطابق وزیرخارجہ شاہ محمودقریشی نے امریکا کے قومی سلامتی کے مشیر سے ملاقات کی، اس دوران شاہ محمود نے جان بولٹن کو خطے میں بڑھتی ہوئی بھارتی جارحیت سے آگاہ کیا۔

    شاہ محمود اور جان بولٹن کے درمیان ملاقات میں باہمی تعلقات پر تبادلہ خیال ہوا اور افغان مسئلے کے پُرامن حل اور خطے کی صورت حال پر بھی گفتگو ہوئی۔

    اس موقع پر وزیر خارجہ کا کہنا تھا کہ وزیراعظم عمران خان کی امن کی دعوت کا مثبت جواب دے کر بھارت مکر گیا، بھارت سے تمام مسائل کے حل کے لیے تیار ہیں۔

    ان کا کہنا تھا کہ مسئلہ افغانستان کا کوئی عسکری حل نہیں، پاکستان افغان مفاہمتی عمل کی حمایت جاری رکھے گا، افغانستان میں امن پاکستان کے دیرپا امن وترقی کے لیے ضروری ہے۔

    ان کا مزید کہنا تھا کہ پاک امریکا تعاون خطے کے امن اور سلامتی کے مفاد میں ہے۔ خیال رہے کہ وزیرخارجہ نے افغان مسئلے کے سیاسی حل کے لیے نئی امریکی کوششوں کا خیر مقدم بھی کیا۔

  • امریکی خاتونِ اول غیر ملکی دورے پر گھانا پہنچ گئیں

    امریکی خاتونِ اول غیر ملکی دورے پر گھانا پہنچ گئیں

    اکرا: امریکی خاتون اول میلانیا ٹرمپ غیر ملکی دورے پر افریقی ملک گھانا پہنچ گئیں، ان کی آمد پر دارالحکومت میں پرتپاک استقبال کیا گیا۔

    تفصیلات کے مطابق امریکی صدر ڈونلڈ ٹرمپ کی اہلیہ میلانیا ٹرمپ گھانا پہنچ گئیں، اس دوران ملکی دارالحکومت اکرا میں ان کا بھرپور استقبال کیا گیا، انہوں نے مختلف اسکولوں کا دورہ بھی کیا۔

    غیر ملکی خبر رساں ادارے کے مطابق امریکی خاتون اول کا یہ پہلا دورہ افریقہ ہے، وہ گھانا کے علاوہ دیگر افریقی ملکوں کا بھی دورہ کریں گی، دورے کا مقصدر تعلیم اور صحت کے شعبوں سے متعلق بہتری پر زور دینا اور آگاہی فراہم کرنا ہے۔

    میلانیا نے اکرا میں قائم ایک اسپتال کا بھی دورہ کیا، اور صحت کے شعبوں میں ہونے والے کام کاجائزہ لیا، انہوں نے گھانا کی خاتون اول ریبیکا اکوفو اددو سے ملاقات کی۔

    میلانیا ٹرمپ کا دورہ سعودی عرب ،سر سے اسکارف غائب

    خاتونِ اول کا یہ دورہ ’بچوں کی دیکھ بھال‘ سے متعلق جاری اپنی مہم #BeBest کے سلسلے کی ایک کڑی ہے۔

    اس سے قبل گذشتہ سال مئی میں امریکی صدرڈونلڈ ٹرمپ اپنے پہلے غیر ملکی دورے پر اپنی اہلیہ کے ہمراہ سعودی عرب کا دورہ کیا تھا، اس دوران بھی ان کا پرتپاک استقبال کیا گیا تھا۔

    واضح رہے کہ مذکورہ دورے میں میلانیا ٹرمپ نے سعودی دارالحکومت ریاض میں امریکی انٹریشنل اسکول کا دورہ کرتے ہوئے تعلیمی سرگرمیوں کا جائزہ لیا تھا اور اساتذہ سے ملاقاتیں بھی کی تھیں۔