ARYNews.tv | Urdu – Har Lamha Bakhabar

Tag: america

  • طالبان، امریکا مذاکرات آج قطر میں ہوں گے

    طالبان، امریکا مذاکرات آج قطر میں ہوں گے

    دوحہ: غیرملکی خبرایجنسی کے مطابق طالبان ذرائع کا کہنا ہے کہ امریکی حکام اورطالبان کے درمیان امن مذاکرات آج ہوں گے جبکہ دوسرا دورجمعے کو ہوگا۔

    طالبان ذرائع کے مطابق مذاکرات کے نتیجے میں فی الحاک کچھ نہیں کہا جا سکتا، افغان سفارتی حکام نے خدشہ ظاہرکیا ہے کہ افغان طالبان کے امیرملا عمرمذاکرات کے عمل میں رکاوٹ پیدا کرسکتے ہیں

    دوہزار ایک میں قطر میں ہونے والے طالبان اورامریکی حکام کے مذاکرات بے نتیجہ رہے تھے تاہم نئے افغان صدراشرف غنی کی امن کی بحالی کے لئے کی جانے والی کوششوں کے باعث اس مرتبہ مذاکرات کے نتیجہ خیز ہونے کی امید کی جارہی ہے۔

  • کرپشن بل پیش کرنے پر یوکرائنی پارلیمنٹرین میں ہاتھا پائی

    کرپشن بل پیش کرنے پر یوکرائنی پارلیمنٹرین میں ہاتھا پائی

    کیف: یوکرائن میں ارکان پارلیمنٹ کرپشن بل پیش کرنے کے معاملے پر ایک دوسرے سے لڑپڑے ۔

    یوکرائن کی پارلیمنٹ کے باہر دوارکان پارلیمنٹ آپس میں لڑ پڑے،لڑائی کی بنیادی وجہ بنا کرپشن سے متلق بل جو پیش کیا گیا۔

    دو ممبران نے پارلیمنٹ کے باہر ہاتھا پائی کی جس میں ایک ارکان پارلیمنٹ کی ناک بھی پھٹ گئی۔

    پارلیمنٹ کی کمیٹی نے دونوں ممبران کو پانچ روز کے لئے معطل کردیا ہے۔

  • وزیراعظم نواز شریف اور امریکی وزیر خارجہ جان کیری کی ملاقات

    وزیراعظم نواز شریف اور امریکی وزیر خارجہ جان کیری کی ملاقات

    اسلام آباد: وزیراعظم اور امریکی وزیر خارجہ جان کیری کی ملاقات میں پاک امریکہ تعلقات اور خطے کی مجموعی صورتحال پر تبادلہ خیال کیا گیا۔

    امریکی وزیر خارجہ نے وزیر اعظم نواز شریف سے اسلام آباد میں وزیر اعظم ہاوس میں ملاقات کی،جس میں وزیر اعظم نواز شریف کا کہنا تھا کہ سانحہ پشاور پر وہ صدر اوباما کی دوستی اور تعاون کو قدر کی نگاہ سے دیکھتے ہیں، ان کا کہنا تھاکہ امریکہ خارجہ پالیسی میں پاکستان کااہم ترین شراکت دارہے۔

    وزیراعظم کاکہنا تھا کہ پاکستان مصنوعات کی امریکی منڈیوں میں زیادہ رسائی اور روزگار میں اضافےکےلئے امریکی سرمایہ کاری کا خواہشمند ہے، امریکی وزیر خارجہ جان کیری نے سانحہ پشاور پر تعزیت کرتے ہوئے کہا کہ دہشتگرد پاکستان اور امریکا کے مشترکہ دشمن ہیں اور امریکہ شدت پسندی کے خاتمے کے لئے پاکستان سے تعاون جاری رکھے گا۔

  • جان کیری دو روزہ دورے پر پاکستان پہنچ گئے

    جان کیری دو روزہ دورے پر پاکستان پہنچ گئے

    اسلام آباد :امریکی وزیر خارجہ جان کیری بھارت کے دورے کے بعد پاکستان پہنچ گئےہیں، وہ سب سے پہلے وزیراعظم نوازشریف سے ملاقات کریں گے۔

    تفصیلات کے مطابق امریکی وزیر خارجہ جان کیری دلی یاترا کے بعد اسلام آباد پہنچ گئے ہیں۔ دورہ بھارت میں جان کیری نے نہ صر ف درخشاں گجرات نامی سرمایہ کاری کانفرنس میں شرکت کی بلکہ وزیراعظم مودی کے میک ان انڈیا نعرے کی بھی خوب پذیرائی کی۔

    جان کیری کا بھارت آنے کا مقصد دوطرفہ معاشی تعلقات میں بہتری لانااور رواں ماہ امریکی صدر کے دورہ بھارت کیلئے راہ ہموار کرناتھا۔

    امریکی وزیرخارجہ نے بھارتی وزیراعظم نریندر مودی سے ملاقات بھی کی،اب جان کیری پاکستان پہنچ چکے ہیں اور وہ وزیراعظم نوازشریف سے ملاقات کریں گے۔

    جان کیری مودی کے نعرے کی توتعریف کرآئے لیکن دیکھناہے کہ وہ دہشت گردی کیخلاف اتحادی ملک کیلئےکیالے کرآئے ہیں اور کیا دے کرجائیں گے۔

  • امریکی ریاست لاس انجلس میں سجا گولڈن گلوب ایوارڈز کا میلہ

    امریکی ریاست لاس انجلس میں سجا گولڈن گلوب ایوارڈز کا میلہ

    لاس انجلس: امریکی ریاست لاس انجلس میں گولڈن گلوب ایوارڈز کا میلہ سجایا گیا،جہاں ہالی ووڈ فلم نگری سے آئے ستاروں نے تقریب کی رونقیں دوبالا کردیں، سال کی بہترین فلم کا ایوارڈ ’بوائے ہوڈ ‘ نے جیت لیا۔

    لاس اینجلس کے بیورلے ہلٹن ہوٹل پر ستاروں کا جھرمٹ چھا گیا، ہالی وڈ کے بہترین فلمی ستارے جب گولڈن گلوب ایوارڈز کے ریڈ کارپٹ پر اترے تو سب دیکھتے ہی رہ گئے۔ حسیناؤں کی قاتل اداو ں اور چمکتے دمکتے اسٹائلش گاؤنز نے سب کے دل جیت لئیے، ایوارڈ تقریب میں بہترین فلم کا ایوارڈ ’’بوائے ہوڈ ‘‘ کے نام ہوا ۔

    دی تھیوری آف ایوری تھنگ کے ایڈی ریڈ مین بہترین اداکار قرار پائے، سٹیل الائس کی جولیانے مور نے بہترین اداکارہ کا ایوارڈ حاصل کیا، سال کی بہترین انیمیٹڈ فلم کا ایوارڈ ’ہاؤ ٹو ٹرین یور ڈریگن ٹو ‘نے جیتا، جبکہ انٹرٹینمنٹ کی دنیا میں آؤٹ اسٹینڈنگ پرفارمنس پر جارج کالونی کو ایوارڈ سے نوازا گیا ۔

  • پاکستان کیلئےتریپن کروڑ بیس لاکھ ڈالرامریکی امداد کی منظوری

    پاکستان کیلئےتریپن کروڑ بیس لاکھ ڈالرامریکی امداد کی منظوری

    اسلام آباد : امریکی سفیر رچرڈ اولسن کا کہناہے کہ امریکی کانگریس نےکیری لوگر بل کے تحت پاکستان کیلئےتریپن کروڑ بیس لاکھ ڈالر امداد کی منظوری دے دی ہے۔

    امریکی سفیر رچرڈ اولسن نے وزیر خزانہ اسحاق ڈار سے ملاقات کی ۔ ملاقات میں امریکی سفیر نے پشاور سانحہ پر تعزیت بھی کی۔ امریکی سفیر نے بتایا کہ یہ رقم توانائی،دہشت گردی کے خلاف اقدامات،سماجی کاموں،تعلیم اور صحت پر خرچ کی جائے گی۔

    وزیرخزانہ اسحاق ڈار کا کہناتھاکہ یہ رقم شمالی وزیر ستان کے آئی ڈی پی کی بحالی کیلئے خرچ کی جائے گی۔

  • امریکی پولیس کی فائرنگ سے ایک اور سیاہ فام نوجوان ہلاک

    امریکی پولیس کی فائرنگ سے ایک اور سیاہ فام نوجوان ہلاک

    میزوری : امریکی ریاست میزوری میں پولیس نے فائرنگ کر کے ایک اور سیاہ فام نوجوان کو ہلاک کر دیا ۔ اٹھارہ سالہ انٹونیو مارٹن کو بارکلے میں گیس سٹیشن کے قریب فائرنگ کا نشانہ بنایا گیا۔

    عینی شاہد کے مطابق مارٹن نے پولیس کو تلاشی لینے سے روکا جس پر پولیس افسر نے اس پر گولیاں برسادیں۔ نوجوان کی ہلاکت کے بعد سیکڑوں افراد گیس اسٹیشن پر جمع ہوگئے ۔

    پولیس کے مطابق مسلح نوجوان نے پولیس کی جانب اسلحہ دکھایا تو افسر کو فائرنگ کرنا پڑی ۔ اس سے پہلے اگست میں فرگوسن میں پولیس افسر نے فائرنگ کر کے ایک نوجوان کو ہلاک کر دیا تھا ۔

  • ملیحہ لودھی امریکہ میں پاکستان کی مستقل مندوب مقرر

    ملیحہ لودھی امریکہ میں پاکستان کی مستقل مندوب مقرر

    اسلام آباد: ملیحہ لودھی کو امریکہ میں پاکستان کا مستقل مندوب مقرر کر دیا گیا۔

    ملیحہ لو دھی امریکہ میں پاکستان کی مستقل مندوب مقرر کر دی گئیں ملیحہ لودھی اس سے قبل دو مرتبہ امریکہ میں پاکستانی سفیر بھی رہ چکی ہیں ، پہلئ مرتبہ انیس سو ترانوے سے انیس سوچھیا نوے اور دوسری مرتبہ انیس سو ننا نوے سے دو ہزار دو تک اس عہدے پر فائز رہیں وہ بر طا نیہ میں پاکستانی ہا ئی کمشنر کے عہدے پر بھی رہیں ۔

    ملیحہ لو دھی نے سیاسیات میں پی ایچ ڈی کیا، ٹیچر کی حیثیت سے قائد اعظم یو نیورسٹی اور لندن اسکو ل آف اکنا مکس میں خدما ت انجا م دے چکی ہیں پاکستان سے شائع ہو نے والے دو انگریزی رونا موں کے ایڈیٹر بھی رہیں انہیں ان کی خدما ت کے صلے میں دو ہزار دو میں ستارہ امتیاز سے بھی نوازا گیا ملیحہ لو دھی کتا بوں کی مصنف اور کالم نگار کی حیثیت سے بھی پہنچانی جا تی ہیں۔

  • جنرل راحیل شریف اور جان کیری کی ملاقات بامقصد رہی، امریکا

    جنرل راحیل شریف اور جان کیری کی ملاقات بامقصد رہی، امریکا

    واشنگٹن: امریکی محکمہ خارجہ کا کہنا ہے آرمی چیف جنرل راحیل شریف اور امریکی وزیرخارجہ جان کیری کی ملاقات میں سیکیورٹی امور پر بامقصد بات چیت ہوئی ہے۔

    محکمہ خارجہ کی ترجمان میری ہاف نے ہفتہ وار میڈیا بریفنگ میں کہا کہ کشمیر سے متعلق امریکی پالیسی میں کوئی تبدیلی نہیں آئی ہے۔ مسئلہ کشمیر پر مذاکرات کا تعین پاکستان اور بھارت خود کرسکتے ہیں۔

    انہوں نے کہا کہ تازہ ترین صورتحال پرامریکی سفارتخانوں کے ذریعے دونوں ملکوں کے حکام سے رابطے میں ہے۔ پاکستان اور بھارت کو تشدد کے خاتمے کے لئے مل کرکام کرنا چاہئیے۔

    ترجمان نے جنرل راحیل شریف کی امریکی حکام سے ملاقاتوں کو بامقصد قرار دیا ہے۔

  • ایرانی طیاروں نےبھی داعش کےٹھکانوں پربم بر سادیئے

    ایرانی طیاروں نےبھی داعش کےٹھکانوں پربم بر سادیئے

    واشنگٹن:ایرانی طیاروں نےبھی داعش کےٹھکانوں پربم برسا دیئے،امریکی حکام کہتے ہیں ایرنی طیاروں کی کارروائی سے آگاہ ہیں۔

    میڈیا رپورٹس کے مطابق گزشتہ روزایرانی فضائیہ نےعراقی صوبے دیالہ میں شدت پسند تنظیم داعش کےٹھکانوں کونشانہ بنایا،کارروائی میں ایرانی فضائیہ کے امریکی ساختہ ایف فور فینٹم طیاروں نےحصہ لیا۔

    عراقی فوجی حکام ایرانی جیٹ طیاروں کی مدد کر رہے ہیں،امریکی حکام نے واقعے کی تصدیق کرتے ہوئے کہا ہے کہ دیالہ میں ایرانی طیاروں کی کارروائی کےثبوت ملےہیں۔