Tag: american citizen

  • طالبان نے امریکی شہری کو رہا کر دیا

    طالبان نے امریکی شہری کو رہا کر دیا

    افغان حکومت نے امریکا سے مذاکرات کے بعد امریکی شہری کو رہا کردیا۔

    امریکی نمائندہ خصوصی ایڈم بوہلر اور سابق امریکی سفیر زلمے خلیل زاد پر مشتمل امریکی وفد نے طالبان حکام سے ملاقات کی اور جارج گلیزمین کی رہائی کیلئے بات کی۔

    امریکی وزیر خارجہ مارکو روبیو نے جارج کی رہائی کی تصدیق کردی ہے، امریکی شہری کی رہائی میں قطرنے اہم کردار ادا کیا۔

    جارج گلیزمین دوسال سے افغانستان میں قید تھے، جارج گلیزمین کو دسمبر 2022 میں اس وقت گرفتار کیا گیا تھا جب پانچ دن کے دورے پر افغانساتان کے تاریخی وثقافتی مقامات دیکھنے آئے تھے۔

    امریکی محکمہ خارجہ نے جارج گلیزمن کی رہائی کو مثبت قدم قرار دیا ہے، امریکی محکمہ خارجہ کا کہنا ہےکہ چند امریکی اب بھی افغانستان میں قید ہیں۔

    افغان وزیر خارجہ امیر خان متقی کا کہنا ہےکہ  افغانستان متوازن خارجہ پالیسی پر عمل پیرا ہے، امریکا سمیت تمام ممالک کے ساتھ تعمیری تعلقات کے خواہاں ہیں، امریکا کو مذاکرات کے ذریعے مسائل حل کرنے چاہئیں تاکہ اعتماد بحال ہو سکے۔

  • دمشق سے ملنے والا امریکی شہری کون ہے؟ اہم انکشاف

    دمشق سے ملنے والا امریکی شہری کون ہے؟ اہم انکشاف

    شام کے دارالحکومت دمشق کے نزدیک ایک امریکی شہری ملا ہے جس کے بارے میں قیاس تھا کہ اس کا تعلق شعبہ صحافت سے ہے لیکن اب اس کی حقیقت سامنے آگئی۔

    غیر ملکی خبر رساں ادارے کی رپورٹ کے مطابق اس سے قبل میڈیا میں رپورٹ کیا گیا تھا کہ یہ وہی جرنلسٹ ہے جو 12 سال پہلے شام میں پکڑ کر قید کر دیا گیا تھا۔

    گذشتہ روز مذکورہ امریکی شہری کے ملنے کے بعد یہ معلوم ہوا کہ اس کا نام ٹراؤسٹ ٹائمر مین ہے اور نہ ہی یہ کوئی صحافی ہے،

    ایک مقامی اہلکار نے نام ظاہر نہ کرنے کی شرط پر بتایا کہ ٹیمرمین کو اردن منتقل کردیا گیا ہے اور وہ اس وقت محکمہ خارجہ کے اہلکاروں کے پاس موجود ہے۔

    قبل ازیں ٹائمرمین نے ‘العربیہ’ سے بات کرتے ہوئے کہا تھا کہ وہ 7 ماہ پہلے مذہبی تبلیغی مشن پر شام آیا تھا۔ تب بشار حکومت نے جیل میں ڈال دیا تھا۔

    مذہب کی خاطر خطرہ مول لے کر شام پہنچنے والے اس امریکی شہری نے بتایا کہ قثہ لبنان کی طرف سے شام میں غیر قانونی طور پر داخل ہوا تھا اس کے پاس شام میں داخل ہونے کا اجازت نامہ نہیں تھا۔

    امریکی شہری نے کہا مجھے کچھ معلوم نہیں کہ 2012 سے گرفتار شدہ امریکی صحافی آسٹن ٹائس کا کیا معاملہ ہے اور وہ کہاں ہے۔

    امریکی شہری ٹائمر مین کا مزید کہنا تھا کہ میں ایک مسیحی ہوں اور میں شام میں اپنے مذہبی دورے کے سلسلے میں آیا تھا۔ اس دوران مجھے قید تو کیا گیا لیکن کوئی برا سلوک نہیں کیا گیا۔

    ادھر آسٹن ٹائس کی والدہ نے پچھلے ہفتے کہا کہ انہیں امریکی حکومت کی طرف سے یہ بتایا گیا ہے کہ ان کا بیٹا شام میں زندہ ہے اور اسے اچھے ماحول میں رکھا گیا ہے۔

    خیال رہے آسٹن ٹائس ایک فری لانس فوٹو جرنلسٹ ہیں اور وہ بین الاقوامی خبر رساں ادارے ‘اے ایف پی’ سے وابستہ ہیں۔

    آسٹن ٹائس کے بارے میں اس کی گرفتاری سے اب تک بہت کم معلومات باہر آسکی ہیں۔ جب اسے 14 اگست 2012 کو گرفتار کیا گیا تھا تو اس کی عمر 31 سال تھی۔ لیکن تب سے اب تک نہیں معلوم کہ وہ کہاں اور کس حال میں ہے۔

  • امریکی شہری آن لائن بھیک مانگ کر ماہانہ ہزاروں ڈالر کمانے لگا

    امریکی شہری آن لائن بھیک مانگ کر ماہانہ ہزاروں ڈالر کمانے لگا

    واشنگٹن : سوشل میڈیا کے اس دور میں امریکی شہری نے حد ہی کردی، ویڈیو بنا کر آن لائن بھیک مانگنا شروع کرکے ماہانہ 4 ہزار ڈالر سے زائد کی رقم کمانے لگا۔

    غیر ملکی خبر رساں ادارے کے مطابق امریکی شہری 25 سالہ جوآن ہل اپنی ویڈیو بناکر سوشل میڈیا پر شیئر کرتا ہے جس میں وہ اپنے چاہنے والوں سے گھر کے کرائے اور دیگر اخراجات کےلیے پیسوں کا مطالبہ کرتا ہے۔

    مقامی میڈیا کا کہنا تھا کہ بے روزگار امریکی نوجوان 3 ہزار پاؤنڈ ماہانہ آن لائن بھیک مانگ کر کماتا ہے تاکہ عیاشیوں کا خرچ پورا کرسکے۔

    جوآن ہل اپنی فلم بناتا ہے جس میں وہ اپنے سوشل میڈیا فینز سے رقم عطیہ کرنے کا مطالبہ کرتا ہے تاکہ وہ گھر کا کرایہ دے سکے اور اخراجات بھی پورے کرسکے، جس میں ویڈیو گیمز، مہنگی ٹی شرٹس اور کینابیس (منشیات) شامل ہیں۔

    آن لائن گداگر امریکی شہر بروکلن میں مقیم ہے اور گداگری کےلیے سماجی رابطوں کی مختلف ویب سائٹس کا استعمال کرتا ہے جس میں پریاسکوپ، انسٹاگرام، یوٹیوب اور ٹویٹر شامل ہیں، جہاں مذکورہ نوجوان کے 2 لاکھ سے زائد چاہنے والے ہیں۔

    جوآن ہل نے سوشل میڈیا پر کہا کہ ’آج میں بہت غریب ہوں‘ اگر تم لوگ اپنا کوئی ٹیکس معاف کروانا چاہتے ہو تو برائے مہربانی جوآن خیراتی فنڈ میں رقم عطیہ کرو۔

    امریکی میڈیا کا کہنا ہے کہ حیرت انگیز طور پر سوشل میڈیا پر ویڈیو پوسٹ ہونے کے کچھ دیر بعد ہی مذکورہ نوجوان کے پے پال اکاؤنٹ میں پیسے آنا شروع ہوگئے۔

    جوآن ہل کو پیسے دینے والے ایک شخص نے لکھا کہ ’میرے روزانہ صبح اٹھ کر کام کے لیے جانے کی بس ایک وجہ ہے کہ میں پیسے کماکر جوآن کو دے سکوں‘۔

  • ہٹلر کا لباس زیب تن کرنے پر امریکی شہری کو دھمکیاں

    ہٹلر کا لباس زیب تن کرنے پر امریکی شہری کو دھمکیاں

    واشنگٹن : امریکی شہری کو ہیلوئن کے تقریبات کے دوران نازی لباس زیب تن کرنے اور 5 سالہ بیٹے کو ہٹلر کے کپڑے پہنانے پر تنقید اور جان سے مارنے کی دھمکیاں موصول ہونے لگیں۔

    تفصیلات کے مطابق امریکا کے مشرق جنوب میں واقع ریاست کینٹکی کے اونزبورو ٹاؤن کے رہائشی بریانٹ گولڈبیچ نے عیسائیوں کے مذہبی تہوار ہیلوئن پر کے موقع پر لی گئی اپنی اور بیٹے کی تصویر فیس بُک پر شیئر کی شدید تنقید کا سامنا کرنا پڑا۔

    غیر ملکی خبر رساں ادارے کا کہنا تھا کہ والد بریانٹ گولڈ بیچ نے ہیلوئن کے موقع پر نازی یونیفارم زیب تن کرنے اور 5 سالہ بیٹے کو ہٹلر کے کپڑے پہنانے پر تمام سوشل میڈیا صارفین سے معافی بھی مانگی۔

    امریکی شہری بریانٹ کا کہنا ہے کہ میں نے عمداً(جان بوجھ کر) کسی کی توہین کی اور ایسے کپڑے پہن کر کوئی سیاسی بیان بنانے کی کوشش کی ہے۔

    غیر ملکی خبر رساں ادارے کا کہنا تھا کہ امریکی شہری نے گذشتہ ہفتے ہیلوئن کی تقریبات کے موقع پر اپنے اور بیٹے کی تصویر فیس بُک پر شیئر کی تھی جس کے باعث مذکورہ مذکورہ افراد کو دھمکیاں دی جارہی ہے۔

    بریانت گولڈ بیچ کو نازی لباس زیب تن کرکے ہٹلر اور نازیوں کی توہین کرنے کے الزام میں ایک ہفتے سے شدید تنقید کا سامنا کرنا پڑ رہا ہے۔

    غیر ملکی خبر رساں ادارے کا کہنا تھا کہ والد (بریانٹ گولڈبیچ) نے ابتدائی طور پر اپنی پسند کا دفاع کرتے ہوئے کہا کہ ’ہر وہ شخص جو ہمیں جانتا ہے وہ جانتا ہے کہ ہم اپنی تاریخ نے محبت کرتے ہیں اور اکثر کپڑے بھی تاریخی شخصیات کے پہنتے ہیں‘۔

    برطانوی خبر رساں ادارے کے مطابق گولڈ بیچ نے سیکیورٹی اداروں کو شکایت درج کروائی کہ 5 سالہ بیٹے کو ہٹلر کا لباس پہنانے پر جان سے مارنے کی دھمکیاں دی جارہی ہیں۔

    غیر ملکی خبر رساں ادارے کا کہنا تھا کہ سوشل میڈیا صارفین کی دھمکیاں اور تنقید سے پریشان ہوکر امریکی شہری نے اپنا فیس بُک اکاؤنٹ حذف کرکے معافی مانگتے ہوئے کہا کہ سفید فام افراد کی بالادستی کو قابل مذمت سمجھتا تھا۔

  • امریکی شہری نے لاٹری ٹکٹ سے 24 کروڑ 56 لاکھ ڈالر جیت لیے

    امریکی شہری نے لاٹری ٹکٹ سے 24 کروڑ 56 لاکھ ڈالر جیت لیے

    نیو یارک : امریکی شہری منگل نے اپنی ناقابل یقین قسمت کے باعث امریکا کی پاور بال نامی لاٹری کے ٹکٹ سے 24 کروڑ 56 لاکھ ڈالر کی خطیر رقم انعام میں جیت لی۔

    تفصیلات کے مطابق براعظم امریکا کے ملک متحدہ ہائے امریکا کے شہر نیویارک کے اسٹیٹن آئس لینڈ میں مقیم شہری 42 سالہ نندلال منگل پر قسمت کی دیوی ایسی مہربان ہوئی کہ اس نے ایک ہی دفعہ میں لاٹری ٹکٹ کے ذریعے کروڑوں ڈالر کی رقم جیت لی۔

    امریکی خبر رساں ادارے فوکس نیوز کا کہنا ہے کہ منگل نے 6 ڈالر خرچ کرکے 11 اگست 2018 کو لاٹری کا ٹکٹ خریدا تھا اور امریکی شہری اپنا ٹکٹ باورچی خانے میں رکھ کر بھول گیا اور شہر سے باہر چلا گیا۔

    کروڑوں ڈالر کی لاٹری جیتنے والے خوش نصیب امریکی شہری نے میڈیا کو بتایا کہ ’میں اپنا ٹکٹ کچن میں ہی بھول گیا تھا اور جب ایک ہفتے بعد میں نے ویب سائٹ چیک کی تو میں حیران رہ گیا کیونکہ میرا بمبر انعام نکلا تھا۔

    نند لال منگل کا کہنا تھا کہ میں نے گروسری کی دکان سے پاور بال جیکٹ پاٹ لاٹری کا ٹکٹ خریدا تھا، میں نے سوچا کہ اپنی قسمت آزمانے کا یہ اچھا موقع ہے۔

    امریکی خبر رساں ادارے کا کہنا ہے کہ منگل کروڑوں ڈالر کی لاٹری جیتنے والے 91 ویں شخص جنہوں نے رواں برس 24 کروڑ 56 لاکھ امریکی ڈالر جیتے ہیں۔

    یاد رہے کہ رواں برس مئی میں کیلیفورنیا کے ایک رہائشی نے اپنی ناقابل یقین قسمت کے باعث 6 مہینوں 60 لاکھ امریکن ڈالر کی لاٹریاں جیتی تھیں، امریکی ریاست کیلیفورنیا کے رہائشی 30 سالہ شخص اینٹونیو مزاریگوز نے لاٹری کے چار ٹکٹ خریدے تھے۔

  • حکومت نے گھٹنے ٹیک دیے، امریکی جاسوس میتھیو کو ملک بدر کرنے کا حکم

    حکومت نے گھٹنے ٹیک دیے، امریکی جاسوس میتھیو کو ملک بدر کرنے کا حکم

    اسلام آباد: حکومت نے بالآخر ایک بار پھر امریکا کے سامنے گھنٹے ٹیک دیے، امریکی جاسوس میتھیو کو ملک بدر کرنے کا حکم جاری کردیا، میتھیو کو چند روز بعد ملک بدر کردیا جائے گا، ملزم بلیک لسٹ ہونے کے باوجود جعل سازی کے ذریعے ویزا حاصل کرکے پاکستان پہنچ گیا تھا۔

    USA-main


    اسلام آباد سےامریکی شہری گرفتار


    ذرائع کے مطابق وزارت داخلہ نے امریکی شہری اور مبینہ جاسوس میتھیو بیریٹ کو ملک بدر کرنے کا حکم جاری کردیا، میتھیو آئندہ چند روزہ پاکستان سے پرواز کرکے بحفاظت اپنے واپس وطن پہنچ جائے گا۔


    اسلام آباد سے گرفتارامریکی شہری سے متعلق اہم انکشافات


    امریکی شہری میتھیو بیریٹ کو چند برس قبل حساس علاقے میں گھسنے کی کوشش کرنے پر گرفتار کرکے ملک بدر کردیا گیا تھا تاہم وہ چند ہفتے قبل نام بدل کر ہیوسٹن کے پاکستانی ویزا آفس سے ویزا حاصل کرکے دوبارہ وطن پہنچ گیا جہاں اسے اسلام آباد میں گرفتار کرلیا گیا تھا۔


    وزیر داخلہ کا امریکی جاسوس کو دوبارہ ویزا ملنے کی تحقیقات کا حکم


    ذرائع کا کہنا ہے کہ حکومت پر امریکی شہری کو چھوڑنے کے لیے دبائو تھا جس کے بعد وزارت داخلہ نے امریکی جاسوس کو چھوڑنے کا فیصلہ کرلیا جس کے بعد جعل سازی اور غیر قانونی طریقے سے پاکستان آمد کے باوجود میتھیو کو ملک بدر کیا جارہا ہے۔


    ریمنڈ ڈیوس کی طرح: امریکی شہری میتھیو کوچھوڑنے کا فیصلہ


    چند روز قبل اطلاعات موصول ہورہی تھیں کہ امریکی شہری کو چھوڑ دیا جائے اور اب اب حتمی بات سامنے آئی ہے کہ اسے ملک بدر کرنے کا حکم جاری کردیا گیا ہے

  • ریمنڈ ڈیوس کی طرح: امریکی شہری میتھیو کوچھوڑنے کا فیصلہ

    ریمنڈ ڈیوس کی طرح: امریکی شہری میتھیو کوچھوڑنے کا فیصلہ

    اسلام آباد: جاسوسی کے الزام اور دھوکا دہی سے ویزا حاصل کرنے والے بلیک لسٹ امریکی شہری میتھیو بیرک کوچھوڑنے کا فیصلہ کرلیا گیا، ملزم کو چند روز میں ملک بدر کیے جانے کا امکان ہے ، وزارت داخلہ نے میتھیو کا ویزا منسوخ کردیا۔

    فیڈرل انویسٹی گیشن ایجنسی (ایف آئی اے )کے ذرائع کے مطابق امریکی شہری میتھیو بیرٹ کا ویزا منسوخ کردیا گیا اور اسے چند روز میں ملک بدر کیے جانے کا امکان ہے۔

    یاد رہے کہ میتیھو بیرک کو بلیک لسٹ ہونے کے بعد نام بدل کر دوبارہ پاکستان آنے کے جرم میں‌ 6اگست کو اسلام آباد کے ایک گیسٹ ہائوس سے گرفتار کیا گیا تھا، میتھیو کو ویزا دینے والے ہیوسٹن کے پاکستانی ویزا آفس کے عملے اور اسلام آباد میں ویزا آفس کے عملے کے خلاف کارروائی کی گئی، خاتون ڈائریکٹر سمیت کئی ملازمین کو معطل کردیا گیا جب کہ مزید تحقیقات جاری ہیں۔


    اسلام آباد سےامریکی شہری گرفتار


    وزیر داخلہ چوہدری نثار علی خان نے اجلاس منعقد کرکے امریکی جاسوس کو دوبارہ ویزا ملنے کی تحقیقات کا حکم دیا تھا اور ہیوسٹن میں موجود ویزا آفس کی خاتون ڈائریکٹر کی معطلی کا حکم بھی جاری کردیا گیا تھا۔


    وزیر داخلہ کا امریکی جاسوس کو دوبارہ ویزا ملنے کی تحقیقات کا حکم


    یہ بھی اطلاعات ملی تھیں کہ میتھیو نے ایک پاکستانی خاتون سے شادی کی ہوئی ہے، اس کے بچے بھی ہیں جس کی بنیاد پر میتھیوپاکستانی شہریت لینا چاہتا تھا، وہ اس قبل بھی دو بار پاکستان آچکا تھا تاہم اس دوران وہ ایک خفیہ جاسوسی مشن پرغیر قانونی طور پر گولڑہ شریف کے علاقے میں ایک حساس مقام پر گیا ، جس پر حساس اداروں کی رپورٹ پر اس کے خلاف ایک مقدمہ گولڑہ شریف میں بھی درج ہوا۔


    اسلام آباد سے گرفتارامریکی شہری سے متعلق اہم انکشافات


    جمعہ کو اسلام آباد میں پریس کانفرنس کےدوران امریکی شہری میتھیو بیریٹ کے معاملے پر وزیر داخلہ کا کہنا تھا کہ میتھیو سال 2011 میں پاکستان سے ڈی پورٹ ہوا، عدالتی حکم پر اسے جیل سے نکال کر ملک بدر کیا گیا، اس پر جاسوسی کا الزام نہیں تھا تاہم وہ سیکیورٹی علاقے میں پایا گیا تھا۔

    وزیر داخلہ کا مزید کہنا تھا کہ امریکی شہری کا ویزا فارم منگوایا ہے میتھیو نے پانچ سال بعد پھر ویزے کے لیے درخواست دی تھی،اسے ویزا دینے والوں کے خلاف سخت کارروائی ہو گی،غلطی کی نشاندہی کرنے والے کو ایک لاکھ روپے انعام دیا گیا ہے۔ انہوں نے بتایا کہ جے آئی ٹی رپورٹ کی روشنی میں امریکی شہری کو ڈی پورٹ کیا جائے گا اور جس نے امریکی شہری کو چھوڑا وہ حراست میں ہے۔

  • یمن میں ریسکیوآپریشن ناکام، امریکی شہری ہلاک

    یمن میں ریسکیوآپریشن ناکام، امریکی شہری ہلاک

    یمن : جنگجوؤں کے قبضے سے امریکی مغوی کوچھڑانے کے لئے یمن میں آپریشن کے دوران امریکی مغوی ہلاک ہوگیا۔غیرملکی میڈیا سے موصول ہونے والی اطلاعات کےمطابق یمن میں جنگجوؤں نے ایک امریکی شہری 33 سالہ لیوکس سومر کویرغمال بنا رکھا تھا۔

    جسے آزاد کرانے کے لئے یمنی فورسزنے آپریشن کیا، مذکورہ شخص کو ایک سال قبل یمنی القاعدہ نے اغواء کیا تھا۔

    آپریشن میں دس جنگجومارے گئے جبکہ جنگجوؤں اورفورسز میں جھڑپ کے دوران مغوی امریکی شہری بھی مارا گیا۔ امریکی وزیردفاع چک ہیگل نے امریکی شہری کی ہلاکت کی تصدیق کرتے ہوئے اسے افسوسناک قراردیا ہے۔