ARYNews.tv | Urdu – Har Lamha Bakhabar

Tag: American woman

  • امریکی خاتون کا قبول اسلام، چترال کے پولو کھلاڑی سے شادی کرلی

    امریکی خاتون کا قبول اسلام، چترال کے پولو کھلاڑی سے شادی کرلی

    پاکستان کے صوبہ خیبرپختونخوا کے ضلع چترال کے ایک نوجوان پولو کھلاڑی سے امریکی خاتون نے اسلام قبول کرکے شادی کرلی۔

    رپورٹس کے مطابق پولو کھلاڑی انور ولی اور امریکی خاتون کلئیرا سٹیفن کا نکاح جمعرات کو اسلام آباد میں ہوا۔ تقریب میں لڑکے کے اہل خانہ بھی شریک ہوئے۔ جبکہ تقریب انتہائی سادگی سے انجام پائی۔

    چترالی نوجوان انور ولی کا ایک انٹرویو میں کہنا تھا کہ کلئیرا سٹیفن ایک سال قبل چترال آئی تھیں اور بونی میں واقع ہمارے ہوٹل میں قیام کیا تھا۔ انہیں چترال کا ماحول اور لوگ اتنے اچھے لگے کہ یہاں انہوں نے اپنا قیام 6ماہ تک بڑھا دیا۔

    انور ولی کا کہنا تھا کہ امریکی خاتون کلئیرا سٹیفن اپنے قیام کے دوران یہاں کے لوگوں کے ساتھ گھل مل گئیں اور انہوں نے چترالی ثقافت کو سمجھنے کی پوری کوشش کی، چترال میں خاتون کا تجربہ کافی مختلف اور بہت اچھا رہا۔

    امریکی خاتون کلئیرا سٹیفن کا کہنا تھا کہ میں پوری دنیا گھوم چکی ہوں لیکن چترال کی ثقافت میرے لیے بہت متاثر کن تھی۔

    خاتون نے بتایا کہ وہ امریکا میں ایک مقامی اسپورٹس میگزین سے منسلک ہیں، اسی سلسلے میں چترال میں پولو میچ دیکھنے کے لئے پہنچی تھی، انہوں نے کہا کہ انور ولی پولو کے بہترین کھلاڑی ہیں۔

    سابق کرکٹر نے حارث رؤف کو اپنے ورلڈ کپ اسکواڈ سے باہر کردیا

    امریکی خاتون کا کہنا تھا کہ وہ کچھ عرصے تک چترال میں قیام کریں گی جس کے بعد وہ امریکہ روانہ ہو جائیں گی۔

  • کرونا سے صحت یاب ہو کر خون کا عطیہ کرنے والی پہلی امریکی خاتون

    کرونا سے صحت یاب ہو کر خون کا عطیہ کرنے والی پہلی امریکی خاتون

    واشنگٹن : کورونا وائرس کی وبا سے صحت یاب ہونے کے بعد خون کا عطیہ دینے والی پہلی امریکی خاتون نے مثال قائم کردی جبکہ وائرس سے متاثرہ پاکستانی نوجوان نے بھی اپنا پلازمہ عطیہ کیا ہے۔

    تفصیلات کے مطابق دنیا بھر میں کرونا وائرس سے صحت یاب ہونے والے مریضوں خون پر تحقیق کی جارہی ہے جبکہ کچھ سائنس دانوں کا کہنا ہے کہ ایسے افراد کے خون کو ویکسین کے طور پر استعمال کیا جاسکتا ہے۔

    گزشتہ دنوں کورونا وائرس سے متاثرہ ایک امریکی خاتون ٹیفانی پنکنی نے مرض سے بچنے کے بعد خون کا عطیہ دیا، وائرس کی وبا سے چھٹکارہ پانے کے بعد ٹیفانی پنکنی خون کا عطیہ دینے والی پہلی امریکی خاتون بن گئی ہیں۔

    اس حوالے سے ٹیفانی پنکنی کا کہنا ہے کہ مجھے وہ وقت اچھی طرح یاد ہے جبکہ کوویڈ 19 نے میری سانسیں چرانے کی کوشش کی تھی۔ پنکنی نے مسرت کا اظہار کرتے ہوئے کہا کہ مجھے خوشی ہے کہ میرا خون کورونا کو مناسب جواب دینے میں کامیاب رہا ہے۔

    طبی ماہرین کا ماننا ہے کہ دنیا بھر میں جو 86 ہزار افراد اس وبا سے صحتیاب ہو چکے ہیں ان کے خون کو بطور ویکسین استعمال کیا جا سکتا ہے، صحتیاب مریضوں کے مدافعتی نظام سے پیدا ہونے والے اینٹی باڈیز مریضوں کو کم از کم تھوڑی دیر کے لیے وائرس محفوظ رکھیں گے۔

    مزید پڑھیں : پاکستان میں کورونا سے صحتیاب پہلے نوجوان یحییٰ جعفری نے پلازمہ عطیہ کردیا

    علاوہ ازیں پاکستان میں کورونا وائرس سے صتحیاب ہونے والے یحییٰ جعفری نے اپنا پلازمہ عطیہ کیا ہے، یحییٰ جعفری پاکستان میں کورونا وائرس کے پہلے مریض تھے۔

    خیال رہے این آئی بی ڈی میں بلڈ ڈزیز کے اسپیشلٹ ڈاکٹرطاہر شمسی کا کہنا ہے کہ سندھ حکومت نے پلازمہ ٹیکنیک سے کورونا کے مریضوں کا علاج کرنے کی اجازت دے دی ہے۔

  • پہلی بار پاکستانی نژاد خاتون امریکی ریاست کی جج مقرر

    پہلی بار پاکستانی نژاد خاتون امریکی ریاست کی جج مقرر

    واشنگٹن : امریکا میں پہلی مرتبہ پاکستانی نژاد خاتون رابعہ کولیر نے بطور جج سول ڈسٹرکٹ کورٹ ٹیکساس کا حلف اٹھالیا۔

    تفصیلات کے مطابق امریکی تاریخ میں پہلی مرتبہ پاکستانی نژاد خاتون رابعہ کولیر کو امریکی ریاست ٹیکساس کی 113 ویں سول ڈسٹرکٹ عدالت کی جج کی تعینات کردیا گیا۔

    غیر ملکی خبر رساں ادارے کا کہنا تھا کہ رابعہ کولیر گذشتہ 12 برس سے وکالت کے شعبے سے وابستہ ہیں اور ٹیکساس بار کونسل میں بھی خدمات انجام دے رہی ہیں۔

    امریکی میڈیا کا کہنا ہے کہ رابعہ کولیر ہیرس کاونٹی میں ڈیموکریٹ لائرز ایسوسی ایشن کی بورڈ ممبر اور ایسوسی ایشن آف ویمن اٹارنی کی رکن بھی رہ چکی ہیں۔

    امریکی میڈیا کا کہنا ہے کہ رابعہ ٹیکساس کی پروفیشن بار کمیٹی میں بھی خدمات انجام دے چکی ہیں جبکہ اس سے قبل ہیوسٹن ینگ لائرز ایسوسی ایشن کی شریک چیئرمین بھی رہی ہیں۔

    مقامی خبر رساں ادارے کے مطابق رابعہ کولیر نے کنگ ووڈ ہائی اسکول ہیوسٹن سے گریجویشن مکمل کیا اور آسٹن میں موجود یونیورسٹی آف ٹیکساس سے بیچلرز آف آرٹس ڈگری حاصل کی جبکہ ٹیکساس سڈرن یونیورسٹی سے جیورس ڈاکٹر کی ڈگری حاصل کی تھی۔

    امریکی خبر رساں ادارے کا کہنا تھا کہ پاکستانی نژاد خاتون نے مقدمہ بازی، کمرشل مقدمہ بازی، کنزیومر لاء اور شہری حقوق میں مہارت رکھتی ہیں اور اب تک وفاقی اور ریاست عدالتوں میں تقریباً 250 مقدمات لڑچکی ہیں۔

    واضح رہے کہ رابعہ نے رابرٹ کولیر نامی شخص سے شادی کی تھی جو بحیثیت اٹارنی تعینات ہیں، رابعہ اپنے خاوند رابرٹ کولیر اور دو بیٹوں کے ہمراہ شمالی ہیوسٹن میں رہایش پذیر ہیں۔

  • کروڑوں ڈالرکی لاٹری جیتنے والی خاتون نےنوکری چھوڑدی

    کروڑوں ڈالرکی لاٹری جیتنے والی خاتون نےنوکری چھوڑدی

    نیویارک : امریکہ میں 53 سالہ خاتون نے 75 کروڑ 80 لاکھ ڈالر کی پاور بال جیک پاٹ لاٹری جیت کر نوکری چھوڑ دی۔

    تفصیلات کے مطابق امریکہ میں 53 سالہ خاتون میوس ونسزیک نے75 کروڑ 80 لاکھ ڈالر کی پاور بال جیک پاٹ لاٹری جیت لی۔ امریکی تاریخ میں انعامی رقم کی مناسب سے یہ اب تک کی سب سے بڑی لاٹری ہے۔

    میوس ونسزیک نے لاٹری کا ٹکٹ امریکی شہر چیکوپی کے ایک پٹرول پمپ سے خریدا اور ان کی اس لاٹری کے ٹکٹ کا نمبر6،7،16،23،26،4 تھا۔

    میڈیا سے بات کرتے ہوئے لاٹری جیتنے والی خاتون نے کہا کہ وہ گزشتہ 32 سال سے ایک میڈیکل سینٹر میں کام کررہی تھیں۔ انہوں نے کہا کہ میں نے اب ملازمت چھوڑ دی ہے اور صرف آرام کرنا چاہتی ہوں۔

    میوس ونسزیک کا کہنا تھا کہ انہوں نے لاٹری کے نمبر مختلف برتھ ڈے کی تاریخوں کی مناسب سے خریدے تھے۔

    پاور بال جیک پاٹ لاٹری کی انعامی رقم میں سے 50 ہزار ڈالرلاٹری فروخت کرنے والے کو دیے جائیں گے۔

    پٹرول اسٹیشن کے مالک باب بالبک کا کہنا ہے کہ وہ 50 ہزار ڈالر کی انعامی رقم کو خیراتی ادارے کو دیں گے۔

    یاد رہے کہ گزشتہ سال جنوری میں پاور بال لاٹری کا انعام ایک ارب چھپن کروڑ ڈالر تھا جسے جیتنے والے تین لوگوں میں تقسیم کیا گیا تھا۔

    واضح رہے کہ ٹیکس اور دیگر اخراجات نکالنے کےبعد میوس ونسزیک کو 44 کروڑ 33 لاکھ ڈالر دیے جائیں گے۔