واشنگٹن : امریکی طالبہ عائشہ تارڑ رواں ہفتے اسکواش کے عالمی ٹورنامنٹ میں امریکا کی نمائندگی کریں گی، وہ یہ اعزاز حاصل کرنے والی پہلی پاکستانی لڑکی ہیں۔
تفصیلات کے مطابق امریکی شہر بالٹی مور کی رہائشی پاکستانی نژاد عائشہ تارڑ کم عمری میں ہی دنیا بھر اپنی کامیابی کے جھنڈے گاڑتے ہوئے اسکواش کے میدان میں درجن سے زائد ایوارڈز اپنے نام کرچکی ہیں۔
پاکستانی نژاد امریکی طالبہ نے محض 11 برس کی عمر میں امریکا میں پہلی پوزیشن حاصل کرنے کے بعد انڈر 13 میں امریکا کی نمائندگی کرتے ہوئے 5 اگست کو کینیڈا کے خلاف ’بیٹر آف دی بارڈر ٹورنامنٹ‘ کھیلیں گی۔
عائشہ تارڑ کم عمری میں اسکواش ٹورنامنٹ میں امریکا کی نمائندگی کرنے کا اعزاز حاصل کرنے والی پہلی پاکستانی ہیں، عائشہ تارڑ نے میڈیا سے گفتگو کرتے ہوئے کہا کہ ’میں اسکواش کے حوالے سے بہت پرجوش ہوں‘۔
پاکستانی نژاد طالبہ کا کہنا تھا کہ ’پاکستان اسکواش کے حوالے سے بہت مشہور ہے، اسکواش کی پاکستانی کھلاڑی جنگیز خان نے مجھے بہت متاثر کیا ہے اور میں نے ان کے اسکوئش کی تمام ویڈیوز دیکھیں ہیں‘۔
عائشہ تارڑ نے بتایا کہ ’میں جب 7 برس کی تھی تو میری والدہ نے مجھے اسکواش کے بارے میں بتایا اور کھیلنا سکھایا تھا، اس کے بعد میں مسلسل اسکواش کھیل رہی ہوں‘۔
ان کا مزید کہنا تھا کہ میرے والدین نے مجھے قومی اور عالمی سطح پر لانے کے لیے بہت قربانیاں دی ہیں، میری جتنی بھی کامیابیاں ہیں وہ سب میرے والدین کی وجہ سے ہیں‘۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
واشنگٹن/انقرہ : امریکا کی جانب سے ترک وزراء پر پابندی عائد کیے جانے پر ترک حکام نے کہا ہے کہ ’امریکا نے جارحانہ رویہ ترک نہیں کیا تو ترکی کے پاس امریکی وزراء کی طویل فہرست موجود ہے جنہیں کالعدم کیا جاسکتا ہے‘۔
تفصیلات کے مطابق ترکی میں امریکی پادری اینڈریو براؤنسن کی گرفتاری میں اہم کردار ادا کرنے والے ترک وزیر قانون و انصاف عبدالحمید گل اور وزیر داخلہ سلیمان سویلو پر امریکا نے پابندیاں عائد کردی ہیں۔
غیر ملکی خبر رساں ادارے کا کہنا ہے کہ ترکی فورسز کی زیر حراست امریکی پادری اینڈریو براؤنسن پر سنہ 2016 کی ناکام فوجی بغاوت میں مبینہ دہشت گردی اور کالعدم سیاسی گروپ سے تعلقات کا الزام ہے۔
امریکی میڈیا سے گفتگو کرتے ہوئے وائٹ ہاوس کی ترجمان سارا سینڈر نے کہا ہے کہ ’ہمیں یقین ہے کہ متاثرہ پادری اینڈریو براؤنسن کے ساتھ غیر منصفانہ اور ظالمانہ رویہ اختیار کیا جارہا ہے‘۔
سارا سینڈر کا کہنا تھا کہ ’ہمیں ایسا کوئی ثبوت نہیں ملا جس سے پادری براؤنسن پر لگائے جانے والے الزامات ثابت ہوسکیں‘۔
وائٹ ہاوس کی ترجمان کا کہنا ہے کہ ’امریکی پادری کی گرفتاری میں ترکی کے دو وزیروں نے اہم کردار ادا کیا تھا‘ حکام نے امریکا میں موجود ترک وزیروں کی املاک اور اثاثے منجمد کردیے گیے ہیں اور امریکی شہریوں کو مذکورہ وزیروں کے ساتھ تجارت کو بھی ممنوع قرار دیا ہے۔
سارا سینڈر کا کہنا تھا امریکی صدر ڈونلڈ ٹرمپ نے پادری کے معاملے پر ترک ہم منصب سے بارہا بات چیت کی گئی ہے، لیکن ترکی کی جانب سے کوئی مثبت جواب نہیں دیا گیا۔
دوسری جانب ترکی نے وفاقی وزراء پر پابندی عائد کیے جانے پر برہمی کا اظہار کرتے ہوئے مؤقف اختیار کیا کہ امریکا کی جانب سے پادری اینڈریو براؤنسن کی آزادی کا مطالبہ کسی صورت قبول نہیں کیوں کہ مذکورہ پادری نے ترکی کے دشمنوں کا ساتھ دیا ہے۔
غیر ملکی خبر رساں ادارے کا کہنا تھا کہ بدھ کے روز ترکی کے وزیر خارجہ کی جانب سے جاری بیان میں کہا گیا تھا کہ ’ہم امریکا سے پادری کے معاملے پر لیے گئے غلط فیصلے سے پیچھے ہٹنے کا مطالبہ کرتے ہیں‘۔
ترک وزارت خارجہ کا جاری بیان میں کہنا تھا کہ ’ترک حکام امریکا کا جارحانہ رویہ ہرگز برداشت نہیں کریں گے‘۔
امریکا کی طرف سے ترک وزراء پر پابندیوں کے اعلان کے بعد ترک وزارت خارجہ نے سخت برہمی کا اظہار کیا ہے۔ وزارت خارجہ کا کہنا ہے کہ ہمارے پاس بھی امریکی عہدیداروں کی ایک طویل فہرست موجود ہے جنہیں ہم بلیک لسٹ کرسکتے ہیں۔ ان میں کئی سینیر امریکی وزراء بھی شامل ہیں۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
واشنگٹن/ریاض : امریکا کی ہاروڈ یونیورسٹی نے دو بچوں کی جان بچاتے ہوئے ڈوب کر جاں بحق ہونے والے سعودی طالب علموں کو خراج تحسین پیش کرنے کے لیے رواں ہفتے سعودی عرب کا قومی پرچم لہرانے کا اعلان کردیا۔
تفصیلات کے مطابق امریکا میں دو بچوں کو ڈوبنے سے بچاتے ہوئے اپنی جانیں قربان کرنے والے سعودی طالب علموں کے اعزاز میں امریکی ریاست کونیٹکی کٹ میں واقع یونیورسٹی آف ہاروڈ نے رواں ہفتے سعودی عرب کا قومی جھنڈا لہرانے کا اعلان کیا ہے۔
سعودی خبر رساں ادارے کا کہنا تھا کہ ہاروڈ یونیورسٹی کی جانب سے جاری اعلامیے میں کہا ہے کہ یونیورسٹی میں 27 سالہ ذیب الیامی اور 25 سالہ جاسر الراکا گزشتہ پانچ برس سے اسکالر شپ پر سول انجینئرنگ کی تعلیم حاصل کررہے تھے اور آئندہ دو ہفتوں کے دوران ان کی تعلیم مکمل ہونے والی تھی۔
غیر ملکی خبر رساں ادارے کے مطابق 6 جولائی جمعے کے روز دونوں طالب علم امریکی ریاست میسا چوسٹس میں دو مقامی بچوں کو ڈوبنے سے بچانے کی کوشش میں خود ڈوب کر جاں بحق ہوگئے۔
غیر ملکی خبر رساں ادارے کا کہنا تھا کہ دونوں سعودی طالب علموں مقامی بچوں کی جانیں بچالیں، تاہم خود اپنی جان قربان کرکے عظیم انسانی خدمت کرگئے۔ جسے ہمیشہ یاد رکھا جائے گا۔
سعودی خبر رساں ادارے کا کہنا تھا کہ دریا میں ڈوب کر جاں بحق ہونے والے دونوں سعودی طالب علموں کی میتیں سعودی عرب کے صوبے نجران پہنچا دی گئی ہیں۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
ابو ظہبی/واشنگٹن : امریکی شہری احمد برہان نے دبئی میں منقعدہ عالمی قرآن مقابلے میں پہلے پوزیشن حاصل کرکے ڈھائی لاکھ درہم اپنے نام کرلیے۔
تفصیلات کے مطابق گذشتہ روز متحدہ عرب امارات میں قرآن کریم کی حسن قرت کا 22 واں دبئی عالمی قرآن ایوارڈ کا مقابلہ امریکا کے احمد برہان نے جیت لیا۔
غیر ملکی خبر رساں ادارے کا کہنا تھا کہ دبئی کے ثقافت اور سائنٹیفک ایسوسی ایشن کے آڈیٹوریم میں تقسیم ایوارڈ تقریب میں امریکا سے تعلق رکھنے والے احمد برہان نے دبئی عالمی قرآن ایوارڈ کا مقابلہ جیت کر ڈھائی لاکھ درہم کی خطیر رقم انعام میں اپنے نام کرلی ہے۔
عرب میڈیا کا کہنا تھا کہ قرآن ایوارڈ کے مقابلے میں لیبیا کے حمزہ بشیر اور تیونس کے محمد ماریف نے دوسری پوزیشن حاصل کر کے انعام میں 2 لاکھ درہم وصول کیے جبکہ الجیریا کے احمد حیرکٹ نے چوتھا اور سعودی عرب کے الساوی ابراہیم نے پانچواں انعام حاصل کیا۔
غیر ملکی خبر رساں ادارے کے مطابق دبئی عالمی قرآن ایوارڈ کی تقریب میں امریکا سے شرکت کرنے والے افراد گذشتہ برسوں میں دوسری پوزیشن حاصل کرتے رہے ہیں، لیکن یہ پہلی بار ہے کہ امریکی امیدوار نے تقریب میں پہلا انعام حاصل کیا ہے۔
دبئی عالمی قرآن ایوارڈ کمیٹی کے سربراہ کا کہنا تھا کہ مذکورہ تقریب تین حصّوں میں منعقد ہوتی ہے، پہلے مرحلے میں رمضان المبارک کی پہلی سات راتوں کو دروس کا انقعاد ہوتا ہے، دوسرے مرحلے میں حسن قرت اور تیسرے مرحلے میں سال کی بہترین اسلامی شخصیت کا ایوارڈ دیا جاتا ہے۔
دبئی عالمی قرآن ایوارڈ کی تقریب منعقد کرنے والی کمیٹی کے سربراہ کا کہنا تھا کہ رواں برس پوری دنیا سے 104 امیدواروں نے مقابلے میں شرکت کی تھی۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
واشنگٹن : امریکا نے ایران کی سپاہ پاسداران کے ساتھ تعاون کرنے شبے میں چھ ایرانی باشندوں اور تین کمپنیوں پر یواےای کی مدد سے پابندیاں عائد کردی۔
تفصیلات کے مطابق چھ عالمی طاقتوں اور ایران کے درمیان ہونے والے جوہری معاہدے میں امریکا کے نکل جانے اور ایران پر دوبارہ پابندیاں عائد کے کرنے کے بعد سے دونوں ممالک کے مابین کشیدگی مزید بڑھنے لگی ہے۔
غیر ملکی خبر رساں اداروں کا کہنا تھا کہ امریکا کی انتظامیہ نے 6 ایرانی باشندوں اور تین کمپنیوں پر ایران کی سپاہ پاسداران سے روابط کے الزام پر پابندیاں لگادی ہیں۔
غیر ملکی میڈیا سے گفتگو کرتے ہوئے امریکی وزیر خزانہ اسٹون مونچن کا کہنا تھا کہ امریکا نے حالیہ عائد کی پابندیوں میں ان افراد کو ہدف بنایا ہے جو ایران کو ڈالرز کی صورت میں رقم فراہم کرتے ہیں، جس کا استعمال سپاہ پاسداران امریکا اور اس کے حامیوں کے خلاف کرتا ہے۔
غیر ملکی میڈیا کا کہنا تھا کہ امریکی وزیر خزانہ نے الزام عائد کیا ہے کہ ایران کا سرکاری بینک بھی سپاہ پاسداران کی ڈالرز تک رسائی حاصل کرنے میں تعاون فراہم کررہا ہے۔
غیر ملکی خبر رساں اداروں کا کہنا تھا کہ امریکی محکمہ خزانہ نے ان افراد کے نام بتانے سے انکار کردیا البتہ ان کا کہنا تھا کہ جن افراد پر پابندی عائد کی گی ہے وہ سب ایرانی ہیں۔
امریکا کی وزیر خزانہ اسٹون مونچن کا کہنا تھا کہ مذکورہ کمپنیوں اور افراد پر متحدہ عرب امارات کے ساتھ مل کر پابندی عائد کی گئی ہے جس کے بعد کسی بھی کمپنی یا ملک کو جرت نہیں ہوگی کہ وہ ایران کے ساتھ تعلق رکھے۔
امریکی وزیر خزانہ کا اپنے ایک بیان میں کہنا تھا کہ ایرانی حکومت اور ایران کے سرکاری بینک نے متحدہ عرب امارات کے اداروں تک رسائی حاصل کرنے کی کوشش کی تاکہ سپاہ پاسداران اور خطے میں منفی سرگرمیاں انجام دینے والے ایرانی حمایت یافتہ گروہوں کو ڈالرز اور اسلحے کی صورت میں مدد پہنچائی جاسکے۔
اسٹون مونچن کا کہنا تھا کہ امریکا ایران کی سپاہ پاسداران کے تمام ذرائع آمدنی بند کردے گا جس کے ذریعے پاسداران کا مالی استحصال کیا جائے گا۔
ایران کی سپاہ پاسداران
یاد رہے کہ سنہ 1979 میں انقلاب اسلامی کے وقوع پذیر ہونے کے بعد سپاہ پاسداران کو وجود میں لایا گیا تھا تاکہ اسلامی نظام، مقدسات اور اقدار کا کسی بھی جگہ تحفظ کیا جاسکے، سپاہ پاسداران ایران کی بڑی سیاسی اور اقتصادی قوت بھی ہے۔
خیال رہے کہ ایران کی سپاہ پاسداران بہت مضبوط ہے اور ملک کی قومی سلامتی کو خطرہ درپیش ہوتو پولیس اور خفیہ ادارے اس کا مقابلہ کرتے ہیں لیکن اگر صورت حال بہت کشیدہ ہوجائے حکومت اور سیکیورٹی ادارے معاملات سپاہ پاسداران کے حوالے کردیتے ہیں۔
برطانوی خبر رساں ادارے کے مطابق ایران پر عائد کردہ اقتصادی پابندیوں کا مقصد بھی سپاہ پاسداران اور اس کے خصوصی دستے القدس بریگیڈ کو کمزور کرنا ہے۔
برطانوی خبر رساں ادارے کا کہنا تھا کہ امریکا کے صدر ڈونلڈ ٹرمپ نے سپاہ پاسداران پر ’بدعنوان دہشت گرد فورس قرار دیا تھا‘ اور گذشتہ برس اکتوبر میں پابندیوں کے ذریعے مذکورہ مسلح گروہ کو نشانہ بنانے کا عندیہ دیا تھا۔
یاد رہے کہ ایران پر عائد کردہ اقتصادی پابندیوں کا دوبارہ اطلاق امریکی صدر نے جوہری معاہدے سے علیحدگی کا اعلان کرنے کے بعد ہوا ہے۔
خیال رہے کہ امریکا نے سنہ 2015 میں طے ہونے والے جوہری معاہدے سے علیحدگی کا اعلان رواں ماہ مئی میں کیا ہے۔
امریکی صدر ڈونلڈ ٹرمپ کی جانب سے جوہری معاہدے کی خلاف ورزی کے بعد سپریم لیڈر آیت اللہ خامنہ ای نے کہا تھا کہ ’امریکا نے ایٹمی سے علیحدگی اختیار کرکے بہت بڑی غلطی کی ہے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
واشنگٹن : مائیکل کوہن کی جانب سے اسٹورمی ڈینئیلز کو دی گئی رقم کو سیکیورٹی ایجنسیوں نے انتخابی مہم میں شمار کیا، تو ٹرمپ کو حکومتی سطح پر مقدمے کا سامنا کرنا پڑسکتا ہے۔
تفصیلات کے مطابق امریکی صدر ڈونلڈ ٹرمپ کے خلاف صدرارتی انتخابات کے دوران روس سے تعلقات کے حوالے سے تفتیش پہلے سے جاری تھی، مزید ان کے وکیل کے مائیکل کوہن کو شامل تفتیش کرنا ٹرمپ اور ان کے قریبی رفقا کے لیے مشکلات کاسبب بن سکتا ہے۔
مائیکل کوہن ٹرمپ کے وکیل ہونے کے ساتھ ساتھ ٹرمپ آرگنائزیشن کے بیرون ملک کاروباری معاملات طے کرنے والی مرکزی شخصیت بھی تھے۔
غیر ملکی خبر رساں ادارے کے مطابق مائیکل کوہن کا سن 2011 میں ایک اخبار کو دیے گئے انٹرویو میں کہنا تھا کہ ’میں ان کا دایاں بازو اور وفادار ملازم ہوں‘۔
اگر مائیکل کوہن تفتیس کے دائرے میں آگئے تو ان کی مدد سے صدر ٹرمپ کے کاروبار کی ساری تفصیلات کھل کر سامنے آجائے گی، کیوں کہ ٹرمپ کے روس میں پراپرٹی کے معاملات پر پراسیکیوٹر رابرٹ میولر اور ان کی ٹیم نے دقیق نگاہ رکھی ہوئی تھی اور مائیکل کوہن اس معاملے میں ٹرمپ کے شریک تھے۔
واضح رہے کہ برطانوی جاسوس کرسٹوفر اسٹیل نے اپنی دستاویزات میں ٹرمپ اور مائیکل کوہن کا کافی ذکر کیا تھا۔
میڈیا رپورٹس کے مطابق امریکی صدر ڈونلڈ ٹرمپ کے وکیل کے خلاف کارروائی کا آغاز رابرٹ میولر کی ٹیم کو موصول ہونے والی خفیہ معلومات کی بنیاد پر کیا گیا تھا، البتہ ان کے دفتر پر چھاپہ مارنے کے لیے امریکا کے اٹارنی جنرل نے نیویارک کے جنوبی ڈسٹرکٹ کو حکم دیا تھا۔
امریکا کے سرکاری افسران اپنی تحقیقات کے دوران مائیکل کوہن سے متعلق تفصیلات جمع کررہے ہیں، جس میں ان کے ٹیکس ریکارڈ، کاروباری سرگرمیاں اور صدر ٹرمپ سے تعلقات رکھنے والی اسٹورمی ڈینئیلز نامی خاتون کو 1 لاکھ ڈالر سے زائد کی رقم شامل ہے۔
غیر ملکی خبر رساں ادارے کے مطابق مائیکل کوہن کا کہنا تھا کہ اسٹورمی ڈینئیلز کو اکتوبر 2016 میں ٹرمپ اور ان کے درمیان تعلقات کو خفیہ رکھنے کےلیے اپنی جیب سے 1 لاکھ 30 ہزار ڈالر کی رقم ادا کی تھی۔
خیال ظاہر کیا جارہا ہے کہ اگر امریکا کی سیکیورٹی ایجنسیوں نے اس رقم کو انتخابی مہم کی فنڈنگ میں شمار کرلیا، تو ڈونلڈ ٹرمپ کو حکومتی سطح پر مکمل مالی تفصیلات پیش نہ کرنے پر مقدمے کا سامنا بھی کرنا پڑسکتا ہے۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
واشنگٹن: ڈونلڈ ٹرمپ کی جانب سے جان بولٹن کو قومی سلامتی کا مشیر مقرر کرنے پر اسرائیلی حکام کا ٹرمپ کے فیصلے کا خیر مقدم کرتے ہوئے کہنا تھا کہ موجودہ امریکی صدر زیادہ اسرائیل دوست ہے۔
تفصیلات کے مطابق امریکی صدر ڈونلڈ ٹرمپ نے دو روز قبل اقوام متحدہ میں امریکا کے سابق سفیر جان بولٹن کو قومی سلامتی کا مشیر منتخب کیا تھا۔
صدر ٹرمپ نے بش دور میں اقوام متحدہ میں تعینات کیے گئے سفیر اور سخت گیر سوچ رکھنے والے جان بولٹن کو جنرل میک ماسٹر کی جگہ قومی سلامتی کا مشیر نامزد کیا تھا۔
جان بولٹن کے بارے میں مشہور ہے کہ وہ اسرائیل کے حامی اور ایران کے بہت بڑے مخالف ہیں۔ جان بولٹن نے اسرائیل کی حمایت میں یہ بیان بھی دیا تھا کہ مسئلہ فلسطین پے پر امریکا کا تجویز کردہ دو ریاستی نظریہ تجویز کیا تھا وہ دم توڑ گیا ہے۔
اسرائیل میں سخت گیر دائیں بازو کی جماعت جوئش ہوم پارٹی اور اسرائیلی وزیر اعظم بن یامن نیتن یاہو کی لیکود پارٹی کے وزراء نے جان بولٹن کی نامزدگی کا خیر مقدم کیا ہے۔
اسرائیلی وزیر اعظم بن یامن نیتن یاہو
نیتن یاہوکا کہنا تھا کہ ڈونلڈ ٹرمپ اوران کی کابینہ سمیت تمام امریکی حکام امریکا کی تاریخ میں سب سے زیادہ اسرائیل دوست ثابت ہورہے ہیں۔
اسرائیل کے وزیرِ تعلیم نفتالی بینٹ جو جوئش پارٹی کے سربراہ بھی ہیں ان کا اپنے ٹویٹر پیغام میں کہنا تھا کہ جان بولٹن ایک غیر معمولی سکیورٹی ماہر ہیں، تجربہ کار سفارت کار اور سب سے بڑھ کر اسرائیل کے ایک گہرے اور قریبی دوست ہیں۔
اسرائیل کے وزیرِ انصاف کا ایک بیان میں کہنا تھا کہ صدر ٹرمپ اپنی اسرائیل دوستی کا ثبوت دیتے ہوئے مسلسل اسرائیل کے سچے اور کھرے دوستوں کو اہم عہدوں پر فائز کر رہے ہیں۔
دوسری طرف فلسطینی حکام نے اپنے غصے کا اظہار کرتے ہوئے بولٹن کی نامزدگی کی سخت مذمت کی ہے۔ فلسطین کے ترجمان حنان اشروی کا کہنا تھا کہ بولٹن کی فلسطین مخلاف سوچ کسی سے ڈھکی چھپی نہیں ہے اور وہ اُس وقت سے فلسطین کے مخالف ہیں جب وہ اقوام متحدہ میں امریکا کےسفیر تھے اوراسرائیل کے ہر ناجائز موقف کا بڑھ چڑھ کر دفاع کرتے تھے۔
فلسطین کی ترجمان جنان اشروی
ان کا کہنا تھا کہ جان بولٹن کو قومی سلامتی کا مشیر بنانے کے بعد ٹرمپ انتظامیہ انتہا پسند صہونی اور بنیاد و نسل پرست مسیحّوں کا حصہ بن گئی ہے، ٹرمپ انتظامیہ کا یہ اقدامات کرنا فلسطین کے لیے تباہ کن ثابت ہو سکتے ہیں۔
امریکہ کے سابق صدر جارج ڈبلیو بش کے زمانے میں وہ اقوام متحدہ کے سفیر تھے جہاں وہ اپنی تُند و تیز بیانات اور اسرائیل کی حمایت کرنے کی وجہ سے متازع حیثیت اختیار کر گئے تھے۔
امریکی جریدے کے مطابق میں سنہ2009 میں شائع ہونے والے ایک مضمون میں انھوں نے کہا تھا کہ مسئلہ فلسطین کا دو ریاستی حل پیدائش سے پہلے ہی مر چکا ہے۔ اسی مضمون میں انھوں نے تجویز کیا تھا کہ فلسطینی علاقوں کو مصر اور اردن کے حوالے کر دینا چاہیے۔
انھوں نے کہا تھا کہ اس مسئلہ کو حل کرنے کے لیے تین ریاستی حل کے بارے میں سوچنا چاہیے جہاں غزہ کی پٹی کو مصر کو اور مغربی حصّہ چند تبدیلیوں کے ساتھ اردن کے حوالے کر دینا چاہیے۔
جان بولٹن کا مسئلہ فلسطین کے حوالے کیا گیا ٹویٹ
جان بولٹن نے اسرائیل میں امریکی سفارت خانے کو تل ابیب سے بیت المقدس منتقل کیے جانے کے ٹرمپ فیصلے کی بھی بڑے زور شور سے حمایت کی تھی۔ انھوں نے اپنے ٹویٹر پیغام میں کہا تھا کہ ‘یروشلم کو اسرائیل کا دارالحکومت تسلیم نہ کر کے ہم ایک مغالطے کا شکار تھے‘۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
بغداد: عراق کے مغربی حصّے میں امریکی فوجی ہیلی کاپٹر حادثے کا شکار، ایئر کرافٹ میں موجودامریکی فوجیوں کے ہلاک ہونے کا خدشہ ظاہرکیا جا رہا ہے۔
تفصیلات کے مطابق عراق کے مغربی صوبے الانبار کے علاقے القائم میں امریکی فوجیوں کی نقل و حمل کے لیے استعمال ہونے والا ہیلی کاپٹرحادثے کے بعد گرکر تباہ ہوگیا۔
امریکی آرمی کے اعلیٰ حکام نے غیرملکی خبر رساں ادارے کو بتایا کہ زخمیوں کو ریسکیو کرنے اور لڑائی کے لیے استعمال ہونے والا ایچ ایچ 60 پیو ہاوک ہیلی کاپٹر، بلیک ہاک حادثے کو حادثہ پیش آیا ہے۔ امریکی حکام کا کہنا ہے کہ ایئر کرافٹ میں سات امریکی فوجی بھی موجود تھے جن کے زندہ بچنے کی تاحال کوئی امید نہیں ہے۔
امریکی آرمی کے حکام نے مزید بتایا کہ امدادی ٹیمیں اور تفتیشی افسران جائے حادثہ پر موجود ہیں اور تحقیقات کی جارہی ہیں کہ حادثہ پیش آنے کی وجوہات کیا ہیں، البتہ خبررساں اداروں کو حادثے کے حوالے سے تفصیلات فراہم نہیں کی گئی ہیں۔
امریکی حکام نے بتایا کہ امریکا کی مسلح افواج کے 5000 سے زائد فوجی اس وقت عراق میں داعش کے خلاف جاری جنگ کا حصّہ ہیں، فوجی دستوں میں مشیر، اساتید، اور خصوصی فورسز بھی شامل ہے۔
عراق میں داعش کے خاتمے کےلیے امریکی اور اتحادی افواج کی زمینی و فضائی کارروائیاں جاری ہیں، اور گذشتہ دوسال سے امریکی بحریہ کے جنگی شپ یو ایس ایس باکسر اورجنگی طیارے یو ایس ایس ہیری بھی عراق میں داعش کے ٹھکانوں پر بمباری کررہے ہیں۔
خیال رہے کہ امریکا نے سن 2003 میں کیمیائی ہتھیاروں کی تلاش اور ان کے خاتمے کے لیے عراق میں اپنی مسلح افواج کو داخل کیا تھا، لگ بھگ پانچ سال کی جنگ کے بعد امریکا نے ستمبر 2007 میں 168،000 فوجیوں کو واپس بُلا لیا تھا۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
واشنگٹن: امریکا میں ایک نابینا نوجوان میں کیڑوں کی طرح دیکھنے کی صلاحیت پیدا ہوگئی، آنکھیں نہ ہونے کے باوجود وہ سائیکل چلاتا، باسکٹ بال کھیلتا اور اسکیٹنگ کرتا ہے، لوگوں نے اس عمل کو معجزہ قرار دے د یا۔
تفصیلات کے مطابق امریکا کے رہائشی لڑکے بین انڈروڈ کی آنکھیں 3 برس کی عمر میں کینسر کے سبب ضائع ہوگئی تھیں جس کے بعد سے وہ پتھر سے بنی ہوئی آنکھیں استعمال کرتا ہے۔
جب وہ گھر سے باہر نکلتا ہے تو جیب سے آنکھیں نکال کر انہیں پانی سے دھوتا ہے اور انہیں آنکھوں کی جگہ رکھ لیتا ہے جیسا کہ ویڈیو میں نظر آرہا ہے۔
حیرت انگیز طور پر اس شخص کو نابینا ہونے کے باوجود دیکھنے کی صلاحیت خدا کی طرف سے عطا ہوچکی ہے، اس لڑکے کو دیکھ کر اور اس کا امتحان لے کر بیشتر افراد اسے نظر آنے کی تصدیق کرچکے ہیں۔
اس عمل میں کسی قسم کی سائنس کا دخل نہیں بلکہ یہ خدا کی طرف سے اسے نابینا ہونے کے جواب میں دی گئی ایک صلاحیت ہے۔
ویڈیو دیکھیں:
دنیا حیران ہے کہ وہ آنکھوں کے بغیر کیسے دیکھتا ہے کیوں کہ وہ نارمل انسانوں کی طرح سائیکل چلاتا ہے، باسکٹ بال کھیلتا ہے اور بال ٹھیک ٹھیک گول کے مقام پر پھینکتا ہے حتیٰ کہ کھلے عام سڑک پر اسکیٹنگ کرتا ہے، اس قدر متوازن طریقے سے اسکیٹنگ کرنا تو ہر آنکھوں والے شخص کے لیے بھی ممکن نہیں جس طرح یہ نابینا کرتا ہے۔
سائنس دانوں کے مطابق وہ یہ سب ایکولوکیشن سسٹم کے تحت کرتا ہے جس طرح چمگادڑ اور ڈولفن آواز کی چیزوں سے ٹکرا کر لوٹنے والے لہروں سے اس کی ہیت اور دوری کا اندازہ لگاتے ہیں لیکن کسی انسان میں ایسی صلاحیت پیدا ہونا کسی معجزے سے کم نہیں۔
یہ بھی دیکھیں:
اس بات کو آسان الفاظ میں کہیں تو کینسر نے اس کی آنکھیں چھین لیں تو خدا نے اس کے کانوں کو اس کی آنکھیں بنا دیا ہے جس سے وہ روزہ مرہ کے معمولات زندگی عام انسانوں کی طرح ادا کررہا ہے جس پر لوگ انتہائی حیران ہیں۔
واشنگٹن: امریکی محکمہ خارجہ کا کہنا ہے آرمی چیف جنرل راحیل شریف اور امریکی وزیرخارجہ جان کیری کی ملاقات میں سیکیورٹی امور پر بامقصد بات چیت ہوئی ہے۔
محکمہ خارجہ کی ترجمان میری ہاف نے ہفتہ وار میڈیا بریفنگ میں کہا کہ کشمیر سے متعلق امریکی پالیسی میں کوئی تبدیلی نہیں آئی ہے۔ مسئلہ کشمیر پر مذاکرات کا تعین پاکستان اور بھارت خود کرسکتے ہیں۔
انہوں نے کہا کہ تازہ ترین صورتحال پرامریکی سفارتخانوں کے ذریعے دونوں ملکوں کے حکام سے رابطے میں ہے۔ پاکستان اور بھارت کو تشدد کے خاتمے کے لئے مل کرکام کرنا چاہئیے۔
ترجمان نے جنرل راحیل شریف کی امریکی حکام سے ملاقاتوں کو بامقصد قرار دیا ہے۔
