ARYNews.tv | Urdu – Har Lamha Bakhabar

Tag: Amitabh Bachchan

  • ویڈیو: امیتابھ بچن نے ابھیشیک بچن کو شو میں بلا کر غلطی کردی

    ویڈیو: امیتابھ بچن نے ابھیشیک بچن کو شو میں بلا کر غلطی کردی

    بالی ووڈ کے شہنشاہ امیتابھ بچن ’کون بنے گا کروڑ پتی‘  کے نئے سیزن میں بیٹے ابھیشیک بچن کو بلا کرکے افسوس کرنے لگے۔

    بھارت کی مقبول ٹی وی شو ’کون بنے گا کروڑ پتی‘ کے سیزن 16 نشر کیا جارہا ہے جس کی میزبانی ہمیشہ کی طرح امیتابھ بچن ہی کررہے ہیں۔

    اب کی بار  ’کون بنے گا کروڑ پتی‘ کی نئی قسط میں  ابھیشیک بچن  بطور مہمان خصوصی شرکت کریں گے، اس شو کا پرومو گزشتہ روز ہی چینل کے سوشل میڈیا پیج پر شیئر کیا گیا۔

    اس کلپ میں ابھیشیک کو  کسی بھی کنٹیسٹنٹ کے انعام جیتنے پر  بار بار  اپنے والد کے مخصوص انداز 7 کروڑ روپے کے اعلان کی نقل کرتے دیکھا جاسکتا ہے جس پر امیتابھ بھی حیران ہوکر ہنستے ہوئے نظر آرہے ہیں۔

    دوسری جانب ابھیشیک نے اس کلپ میں ناظرین کو بتایا کہ ان کے گھر کے بچے بھی کھانے کے دوران کسی بھی سوال کے جواب پر ایک ساتھ 7 کروڑ روپے کا نعرہ لگاتے ہیں جس پر امیتابھ بیٹے کو دیکھ کر کہتے ہیں میں نے ’ابھیشیک کو یہاں بلا کر ایک بہت بڑی غلطی کردی‘۔

  • امیتابھ بچن نے مائیکل جیکسن سے اپنی ملاقات کا دلچسپ قصہ سُنادیا

    امیتابھ بچن نے مائیکل جیکسن سے اپنی ملاقات کا دلچسپ قصہ سُنادیا

    ممبئی: بالی ووڈ کے شہنشاہ امیتابھ بچن نے عالمی شہرت یافتہ امریکی پاپ گلوکار مائیکل جیکسن سے اپنی ملاقات کا قصہ سُنادیا۔

    بھارتی میڈیا کے مطابق امیتابھ بچن نے اپنے ٹی وی شو ’کون بنے گا کروڑ پتی ‘ کے سیزن 16 کی حالیہ قسط میں انکشاف کیا ہے کہ جب اُنہوں نے پہلی بار مائیکل جیکسن کو اپنے سامنے دیکھا تھا تو وہ بےہوش ہونے لگے تھے۔

    امیتابھ بچن نے کہا کئی سال پُرانی بات ہے، میں نیویارک کے ایک ہوٹل میں ٹھہرا ہوا تھا کہ ایک دن میرے کمرے کے دروازے پر دستک ہوئی، جب میں نے دروازہ کھولا تو باہر مائیکل جیکسن کھڑے تھے۔

    اداکار نے کہا کہ میں پہلی بار مائیکل جیکسن کو اپنے سامنے دیکھ کر دنگ رہ گیا تھا اور میں تقریباً بے ہوش ہونے لگا تھا کیونکہ مجھے یقین نہیں آرہا تھا کہ مائیکل جیکسن میرے سامنے کھڑے ہیں لیکن پھر میں نے خود کو پُرسکون کیا اور ان سے ہیلو کیا۔

    اُنہوں نے کہا کہ مائیکل جیکسن نے مجھ سے پوچھا کہ کیا یہ میرا (مائیکل جیکسن) کمرہ ہے؟، جب میں نے اُنہیں بتایا کہ یہ آپ کا نہیں بلکہ میرا کمرہ ہے تو اُنہیں احساس ہوا کہ وہ غلطی سے غلط کمرے میں آگئے ہیں۔

    امیتابھ بچن نے کہا کہ بعدازاں، مائیکل جیکسن نے اپنے کمرے میں جاکر کسی کے ہاتھ مجھے ملاقات کا پیغام بھیجا، پھر ہم نے بیٹھ کر کافی بات چیت کی۔

    اداکار نے مائیکل جیکسن کی تعریف کرتے ہوئے مزید کہا کہ وہ بے پناہ شہرت کے باوجود ناقابل یقین حد تک عاجز اور مہربان شخصیت کے مالک تھے۔

    واضح رہے کہ مائیکل جیکسن 25  جون 2009 کو مداحوں سے بچھڑ گئے تھے۔

  • امیتابھ بچن کا اپنے ماضی سے متعلق اہم انکشاف

    امیتابھ بچن کا اپنے ماضی سے متعلق اہم انکشاف

    ممبئی: بھارتی فلم انڈسٹری کے سینئر اداکار امیتابھ بچن ایک زمانہ میں ریاست مغربی بنگال کے کولکتہ میں کام کے دوران 8 افراد کے ساتھ ایک کمرے سکونت اختیار کئے ہوئے تھے۔

    بھارتی میڈیا رپورٹس کے مطابق سینئر اداکار نے اس بات کا انکشاف خود کیا، امیتابھ بچن ان دنوں سونی انٹرٹینمنٹ ٹیلی ویژن پر نشر ہونے والا معلومات پر مبنی گیم شو کون بنے گا کروڑ پتی (کے بی سی) سیزن 16 کو ہوسٹ کر رہے ہیں۔

    سینئر اداکار نے ایک شو کے دوران اس بات کا انکشاف کیا کہ وہ پونے میں آٹھ لوگوں کے ساتھ ایک کمرے رہائش اختیار کئے ہوئے تھے۔

    انہوں نے کہا کہ آٹھ لوگوں کا ایک کمرے میں رہنا میرے لئے حیرانی کی بات نہیں ہے، ہم اپنے کالج سے تعلیم مکمل کرنے کے بعد ملازمت کی تلاش میں نکلے تو کلکتہ پہنچ گئے تھے۔

    درفشاں سلیم نے ایک اور سنگِ میل عبور کرلیا

    انہو ں نے مزید بتایا کہ مجھے کلکتہ میں 400 روپے ماہوار پر نوکری مل گئی۔ جہاں ہم ٹھہرے ہوئے تھے وہاں ایک کمرے میں آٹھ لوگ تھے اور بہت مزہ آتا تھا۔ بہت اچھا وقت تھا، میں وہ وقت بھول نہیں سکتا۔

  • امیتابھ بچن 81 سال کی عمر میں بھی کام کیوں کررہے ہیں؟ وجہ بتادی

    امیتابھ بچن 81 سال کی عمر میں بھی کام کیوں کررہے ہیں؟ وجہ بتادی

    ممبئی: بالی ووڈ کے شہنشاہ امیتابھ بچن نے 81 سال کی عُمر میں بھی کام کرنے کی وجہ بنادی۔

     ‘بالی ووڈ کے شہنشاہ امیتابھ بچن 81 برس کے ہوگئے ہیں لیکن اب تک انہوں نے اپنا کام جاری رکھا ہوا ہے، حال ہی میں وہ فلم کالکی 2898 اے ڈی میں نظر آئے تھے تاہم اب ’ کون بنے گا کروڑ پتی‘ میں میزبانی کے فرائض سرانجام دیں گے۔

    بھارتی میڈیا کے مطابق سینیئر اداکار سے ہمیشہ یہ سوال کیا جاتا ہے کہ وہ 81 سال کی عُمر میں بھی کام کیوں کررہے ہیں؟ تاہم اب امیتابھ بچن نے اپنے حالیہ بلاگ میں اس سوال کا جواب دیا ہے۔

    اداکار امیتابھ بچن نے اپنے بلاگ میں لکھا کہ ’’لوگ مجھ سے اس عمر میں میرے کام کی وجہ پوچھتے رہتے ہیں اور میرے پاس اس کا کوئی جواب نہیں ہے، سوائے اس جواب کے کہ میرے پاس کام کرنے کا ایک اور موقع ہے، یہی وجہ ہے کہ میں اس عُمر میں بھی کام کررہا ہوں ‘‘۔

    انہوں نے لکھا کہ لوگ اپنی طرف سے اندازے لگا لیتے ہیں، میری نظر سے دیکھیں گے تو اصل وجہ جانیں گے، ہوسکتا ہے کہ میرے کام کرنے سے متعلق آپ جو سوچ رہے ہیں وہ صحیح ہو اور شاید نہ بھی ہو۔

    امیتابھ بچن نے کہا کہ آپ کو اپنے نتائج اخذ کرنے کی آزادی ہے اور مجھے اپنا کام کرنے کی آزادی ہے، بگ بی نے اپنے بلاگ میں لوگوں سے سوال کیا کہ جو کام مجھے دیا گیا ہے، اگر یہی کام آپ کو ملتا تو آپ کیا کرتے؟۔

  • ’کون بنے گا کروڑ پتی 16‘ کے لیے امیتابھ بچن فی قسط کتنا معاوضہ لیں گے؟

    ’کون بنے گا کروڑ پتی 16‘ کے لیے امیتابھ بچن فی قسط کتنا معاوضہ لیں گے؟

    بالی وڈ میں اداکاری کے شہنشاہ کہلائے جانے والے امیتابھ بچن مشہورِ زمانہ بھارتی گیم شو ’کون بنے گا کروڑ پتی‘ کے 16ویں سیزن کا آغاز کریں گے۔

    بھارتی میڈیا کے مطابق مشہور زمانہ بھارتی ٹی وی شو کون بنے گا کروڑ پتی کے 16ویں سیزن کا آغاز ہوگیا ہے اس بار بھی اس شو کی میزبانی بالی ووڈ کے شہنشاہ امیتابھ بچن ہی کریں گے۔

    تاہم اس مقبول شو کی میزبانی کے لیے امیتابھ بچن کتنا معاوضہ لیتے ہیں؟ اس حوالے سے بھارتی میڈیا کی ایک رپورٹ سامنے آئی ہے۔

    بھارتی میڈیا کی رپورٹ کے مطابق’کون بنے گا کروڑ پتی ‘کا پہلا سیزن 2000ء میں آیا تھا امیتابھ بچن فی قسط تقریباً 25 لاکھ روپے معاوضہ لیتے تھے، تاہم اس شو کی مقبولیت کے بعد اداکار کے معاوضے میں بھی اضافہ ہوتا گیا۔

    بھارتی میڈیا کا بتانا ہے کہ ’کون بنے گا کروڑ پتی شو‘ کے چوتھے سیزن تک امیتابھ بچن کا معاوضہ دُگنا ہوگیا تھا، اُنہیں سیزن 4 میں شو کی فی قسط کے لیے 50 لاکھ روپے معاوضہ ملتا تھا۔

    شو کے سیزن 6 تک امیتابھ بچن ڈیڑھ کروڑ روپے فی قسط تک معاوضہ لیتے تھے جبکہ آٹھویں سیزن میں اداکار کا معاوضہ بڑھ کر 2 کروڑ روپے سے زائد ہوگیا تھا۔

    میڈیا رپورٹس میں بتایا گیا کہ امیتابھ بچن نے سیزن 9 میں 2 کروڑ 60 لاکھ، سیزن 10 میں 3 کروڑ روپے وصول کیے، 11ویں سے 13ویں سیزن تک ساڑھے 3 کروڑ روپے فی قسط معاوضہ وصول کیا جبکہ شو کے 14ویں سیزن میں اُنہیں 4 کروڑ روپے فی قسط معاوضہ دیا گیا۔

    بھارتی میڈیا کی رپورٹس کے مطابق امیتابھ بچن ’کون بنے گا کروڑ پتی ‘ کے 16ویں سیزن کے لیے 5 کروڑ روپے فی قسط معاوضہ وصول کریں گے۔

  • جیا بچن اپنے نام کے ساتھ امیتابھ بچن کا نام جوڑنے پر پھٹ پڑیں

    جیا بچن اپنے نام کے ساتھ امیتابھ بچن کا نام جوڑنے پر پھٹ پڑیں

    بالی ووڈ انڈسٹری کی معروف اداکارہ و بھارتی سیاستدان ایک بار پھر اپنے نام کے ساتھ اپنے شوہر کا نام جوڑنے پر پھٹ پڑیں ہیں۔

    بھارتی میڈیا کے مطابق ہوا کچھ یوں کے گزشتہ دنوں راجیہ سبھا کے ڈپٹی چیئرمین ہری ونش نارائن نے جیا بچن کو پارلیمنٹ ہاؤس کے سیشن میں خطاب کیلئے مدعو کیا، انہوں نے جیا بچن کو مخاطب کرتے ہوئے کہا تھا کہ ’شریمتی جیا امیتابھ بچن جی پلیز‘۔

    نام کے ساتھ امیتابھ بچن لگانا جیا بچن کو بلکل بھی اچھا نہیں لگا انہوں نے ڈپٹی چیئرمین سمیت سب کو یاد دہانی کرائی اور کہا کہ ’’میری ایک اپنی بھی الگ پہچان ہے صرف جیا بچن بولتے تو کافی ہو جاتا‘‘۔

    تاہم گزشتہ روز راجیہ سبھا کے چیئر پرسن جگدیپ دھنکار نے ایک مرتبہ پھر جیا بچن کو ’شریمتی جیا امیتابھ بچن‘ کہہ کر پکارا جس پر جیا بچن نے کہا ’شکریہ سر آپ کو امیتابھ کا مطلب پتا ہے نا؟‘۔

    جواب میں جگدیپ دھنکار نے جیا بچن کو کہا کہ ’’آپ اپنا نام بدل لیجیے کیوں کہ جو نام الیکشن سرٹیفکیٹ میں آتا ہے اور جو نام یہاں درج کروایا جاتا ہے اسی نام سے پکارا جاتا ہے۔

    جیا بچن نے کہا کہ یہ کچھ نیا طریقہ ہے کہ عورتیں اپنے شوہر کے نام سے جانی جائیں، کیا ان کی اپنی کوئی شناخت نہیں، ان کی اپنی کوئی حاصلات نہیں، ان کی اپنی کوئی پہچان نہیں۔

    یہ سن کر جیا بچن بولیں ’ میں اپنے نام پر فخر کرتی ہوں اور مجھے امیتابھ بچن پر بھی فخر ہے، نام کا نیا ڈرامہ آپ لوگوں نے شروع کیا ہے۔ جو مرد ارکان پارلیمنٹ ہیں ان کے ناموں کے ساتھ بھی ان کی بیویوں کا نام لگنا چاہییے۔

    یہ سن کر راجیہ سبھا میں قہقہے گونج گئے جس پر جیا بچن نے کہا  کہ میں نام کے خلاف نہیں ہوں لیکن ہر فرد کی پہچان ہے جسے اس کے نام سے پکارا جانا چاہیے۔

  • ’کون بنے گا کروڑ پتی‘ سیزن 16 کی میزبانی کون کرے گا؟

    ’کون بنے گا کروڑ پتی‘ سیزن 16 کی میزبانی کون کرے گا؟

    بالی ووڈ کے بگ بی امیتابھ بچن ایک بار پھر مشہور شو’ کون بنے گا کروڑ پتی‘ کی میزبانی کیلئے تیار ہیں۔

    گزشتہ سال امیتابھ بچن نے شو کی آخری قسط میں انتہائی جذباتی پیغام دیا تھا جس سے ان کے مداح یہ سمجھ بیٹھے تھے کہ شاید اگلے سیزن میں اداکار میزبانی کے فرائض انجام نہیں دیں گے۔

    تاہم اب بھارتی میڈیا کا کہنا ہے کہ ’ کون بنے گا کروڑ پتی‘ کے سیزن 16 کی تیاریاں شروع کردی گئی ہیں جس کی میزبانی امیتابھ بچن ہی کریں گے۔

    میڈیا رپورٹس کے مطابق امیتابھ بچن نے سوشل میڈیا اکاؤنٹ ایکس پر تصویر جاری کی ہے جس میں سینئر اداکار کو بھاگتے ہوئے دیکھا جاسکتا ہے۔

     بھارتی میڈیا کے مطابق رواں ماہ کی 24 جولائی سے ’ کون بنے گا کروڑ پتی‘ کے سیزن 16 کی شوٹنگ کا باقاعدہ آغاز ہوگیا ہے، امیتابھ بچن نے تصویر  شیئر کرتے ہوئے لکھا کہ ’شو میں واپسی، روٹین میں کوئی تبدیلی نہیں اور دوڑ جاری ہے‘۔

    بھارتی میڈیا کے مطابق ’کون بنے گا کروڑ پتی‘ سیزن 16 اگست کی 12 تاریخ سے شروع ہوگا اور یہ پروگرام پیر سے جمعہ تک ٹی وی چینل پر نشر کیا جائے گا۔

    ’کون بنے گا کروڑ پتی‘ انڈین ٹیلی ویژن گیم شو ہے جو برطانوی پروگرام ’Who Wants to Be a Millionaire?‘ پر نقول پر شروع کیا گیا تھا۔

    ’کون بنے گا کروڑ پتی‘ کا پہلا سیزن پہلی بار 2000 میں نشر کیا گیا تھا جس کے بعد یہ بھارت سمیت پاکستان میں بھی کافی مقبول ہوا تھا۔

    اس شو میں عام شہریوں اوربعض اوقات بولی اداکاروں کو بھی مدعو کیا جاتا ہے جس میں ان سے مختلف شعبہ سے متعلق سوال کیے جاتے ہیں اور ہر سوال میں 4 آپشن بھی دیے جاتے ہیں، سوال کا درست جواب دے کر پیسے کماتے ہیں۔

  • امیتابھ بچن نے پرابھاس کے مداحوں سے معافی مانگ لی

    امیتابھ بچن نے پرابھاس کے مداحوں سے معافی مانگ لی

    بالی وڈ کے لیجنڈری اداکار امیتابھ بچن نے اپنی نئی سائنس فکشن فلم ’کالکی2898‘ کے تشہیری ایونٹ کے دوران پرابھاس کے مداحوں سے معافی مانگ لی۔

    جنوبی بھارت کی تلگو فلم انڈسٹری سے تعلق رکھنے والے معروف ہدایتکار ناگ اشوین کی سائنس فکشن فلم کالکی 2898 کا ٹریلر جاری کیا گیا جس میں امیتابھ بچن اور پرابھاس کے درمیان ایکشن سے بھرپور لڑائی کے مناظر فلمائے گئے ہیں۔

    اس موقع پر امیتابھ نے مزاحیہ انداز میں پرابھاس کے مداحوں سے کہا کہ وہ فلم دیکھنے بعد انہیں قتل نہ کریں اور وہ اس پر ہاتھ جوڑ کر معافی مانگتے ہیں، سپر اسٹار پرابھاس نے اس موقع پر امیتابھ کی باتوں پر مسکراتے ہوئے کہا کہ سر ہم سب آپ کے مداح ہیں۔

    واضح رہے کہ جنوبی بھارت کی تلگو فلم انڈسٹری سے تعلق رکھنے والے معروف ہدایتکار ناگ اشوین کی سائنس فکشن فلم کالکی 2898 AD جمعرات 27 جون کو تھیٹر پر ریلیز ہوگی۔

    اس فلم میں تیلگو سپر اسٹار پرابھاس، بالی ووڈ سپر اسٹار امیتابھ بچن، کمل ہاسن، دیپکا پدوکون، دیشا پٹانی اور دیگر نے اداکاری کے جوہر دکھائے ہیں۔

  • امیتابھ بچن اور رجنی کانت کی نئی فلم کے سیٹ سے تصاویر وائرل

    امیتابھ بچن اور رجنی کانت کی نئی فلم کے سیٹ سے تصاویر وائرل

    بھارتی فلم انڈسٹری کے دو بڑے اداکاروں بالی ووڈ کے بادشاہ امیتابھ بچن اور ساؤتھ کے شہنشاہ رجنی کانت کی نئی فلم ’ویتیان‘ کے سیٹ سے تصویر منظر عام پر آگئی۔

    بھارتی فلم انڈسٹری کے شہنشاہ امیتابھ بچن اور ساؤتھ کے شہنشاہ رجنی کانت کی تامل ایکشن  فلم ویتیان اس سال اکتوبر میں ریلیز ہوگی، دونوں سپر اسٹار اس فلم میں ایک ساتھ نظر آئیں گے۔

    اس فلم کے سیٹ سے چند نئی تصاویر سوشل میڈیا پر جاری ہوئی ہیں، جس میں رجنی کانت اور امیتابھ بچن اکٹھے نظر آ رہے ہیں، دونوں ایک پوز دینے کے دوران سوٹ پہنے ایک دوسرے سے گلے ملتے نظر آرہے ہیں۔

     

    View this post on Instagram

     

    A post shared by Amitabh Bachchan (@amitabhbachchan)

    جبکہ بالی ووڈ کے شہنشاہ امیتابھ بچن نے بھی تصویر شیئر کی ہے، ساتھ کیپشن میں لکھا کہ ’ایک بار پھر تھلا عظیم رجنی سے ملاقات کرنے کا اعزاز حاصل کر رہا ہوں، وہ بالکل نہیں بدلا ہے۔

    ان تصاویر پر ردعمل ظاہر کرتے ہوئے ایک مداح نے لکھا’ ہندوستانی سنیما کے 2 حقیقی ڈان، ایک اور مداح نے تبصرہ کیا دو لیجنڈ ‘۔

    یاد رہے کہ فلم ویتیان مجموعی طور پر امیتابھ کی 170ویں اور پہلی تامل فلم ہوگی۔

  • امیتابھ بچن نے مداحوں سے مشورہ مانگ لیا

    امیتابھ بچن نے مداحوں سے مشورہ مانگ لیا

    بالی ووڈ کے لیجنڈ اداکار امیتابھ بچن نے مداحوں سے مشورہ مانگ لیا۔

    فوٹو اور ویڈیو شیئرنگ ایپ انسٹاگرام پر اداکار امیتابھ بچن نے نئی تصویر شیئر کی جس میں انہیں عجیب و غریب انداز میں کیمرے کے سامنے پوز دیتے دیکھا جاسکتا ہے۔

    بلیو سوئیٹر شرٹ کے ساتھ کاندھے پر اونی مفلر ڈالے اداکار اپنے چہرے پر منفرد تاثرات کے ساتھ کچھ ایسے انداز میں کھڑے تھے۔

     

    View this post on Instagram

     

    A post shared by Amitabh Bachchan (@amitabhbachchan)

    عہدِ جوانی سے 81 سال کی عمر تک اپنی اداکاری سے خاص مقام اور پہچان حاصل کرنے والے اداکار امیتابھ بچن نے پوسٹ سے تمام پرستاروں کی توجہ اپنی جانب مبذول کرائی ہے اور کیپشن میں لکھا کہ ’کوئی مجھے اس پوسٹ کا عنوان تجویز کرسکتا ہے‘۔

     

    View this post on Instagram

     

    A post shared by Amitabh Bachchan (@amitabhbachchan)

    امیتابھ بچن کی پوسٹ پر سوشل میڈیا صارفین کی جانب سے منفرد تبصرے شروع ہوگئے، کسی نے اداکار کے اس انداز کو ماضی کی نامور فلم ’ڈان‘ کے امیتابھ سے ملایا تو کئی اس پوز پر دلچسپ تبصرے کرتے نظر آئے۔

     ایک صارف نے لکھا کہ ’چاؤ مِن بہت گرم تھے‘ جبکہ ایک اور مداح نے کہا کہ ’جب برش کرتے ہوئے سامنے کا دانت ٹوٹ جائے‘۔