ARYNews.tv | Urdu – Har Lamha Bakhabar

Tag: Anant Ambani

  • اننت امبانی کا شاہ رخ خان، رنویر سنگھ اور ’گرومز مین‘ کو انتہائی قیمتی گھڑیوں کا تحقہ

    اننت امبانی کا شاہ رخ خان، رنویر سنگھ اور ’گرومز مین‘ کو انتہائی قیمتی گھڑیوں کا تحقہ

    ایشیا کے امیر ترین بھارتی تاجر مکیش امبانی کے بیٹے اننت امبانی نے بارات میں شریک دولہا کے دوستوں کو کروڑوں کی مالیت کا تحفہ دے کر حیران کر دیا۔

    ایشیا کے امیر ترین بھارتی تاجر مکیش امبانی کے بیٹے اننت امبانی اور رادھیکا مرچنٹ 12 جولائی کو شادی کے بندھن میں بندھ گئے، اس شیانِ شان بارات کو جہاں بالی ووڈ ستاروں نے چار چاند لگائے وہی دولہے کے دوستوں نے بھی خوب ہلہ کیا۔

    تاہم اب بھارتی میڈیا کی رپورٹ میں یہ انکشاف ہوا ہے کہ اننت امبانی نے ہر ’گرومز مین‘ کو تحفے میں ایک قیمتی گھڑی ’’آڈیمارس پیگوئٹ ‘‘ دی جس کی قیمت 2 کروڑ بھارتی روپے (6 کروڑ 64 لاکھ سے زائد پاکستانی روپے) ہے۔

     

    View this post on Instagram

     

    A post shared by HT City (@htcity)

    باراتیوں میں شامل مہمان سوشل میڈیا پر شاندار اور قیمتی تحفے کی ویڈیوز شیئر کر رہے ہیں، جس میں ان خوبصورت گھڑی کو دیکھا جاسکتا ہے، اننت کے گرومز مین میں شاہ رخ خان اور رنویر سنگھ بھی شامل ہیں۔

    اننت امبانی کی جانب سے تحفے میں دی گئی گھڑی میں 41 ملی میٹر18 قیراط پنک گولڈ کا کیس ہے جو 9.5 ملی میٹر موٹا، نیلم کرسٹل بیک اور اسکرو لاک کراؤن کے ساتھ ہے۔

     

    View this post on Instagram

     

    A post shared by Viral Bhayani (@viralbhayani)

    گھڑی میں پنک گولڈ ٹن والا اندرونی بیزل اور مینوفیکچر کیلیبر 5134 سیلف وائنڈنگ موومنٹ شامل ہے جس میں ایک مستقل کیلنڈر بھی ہے، یوں یہ گھڑی وقت بتانے کے ساتھ ساتھ ، دن، تاریخ، فلکیاتی چاند، مہینہ، لیپ ایئر کی نشاندہی بھی کرتی ہے۔

  • اننت اور رادھیکا کی شادی: پریانکا چوپرا اور کم کارڈیشین بہن سمیت ممبئی پہنچ گئیں

    اننت اور رادھیکا کی شادی: پریانکا چوپرا اور کم کارڈیشین بہن سمیت ممبئی پہنچ گئیں

    بھارت کے نامور بزنس ٹائیکوں مکیش امبانی کے بیٹے اننت امبانی کی شادی میں شرکت کے لیے بھارتی اداکارہ پریانکا چوپڑا اپنے شوہر اور  کم کارڈیشین اپنی بہن کھلوئی کارڈیشین کے ہمراہ بھارت پہنچ گئیں۔

     

    View this post on Instagram

     

    A post shared by HT City (@htcity)

    انڈیا ٹوڈے کے مطابق دونوں بہنیں 10 جولائی کو بھارت پہنچیں، جبکہ بھارتی اداکارہ پریانکا چوپڑا گزشتہ روز ممبئی پہنچی ہیں، ان کے علاوہ دیگر ہالی ووڈ شخصیات بھی شادی میں شرکت کے لیے ممبئی میں موجود ہیں۔

     

    View this post on Instagram

     

    A post shared by HT City (@htcity)

    دوسری جانب بالی ووڈ کے کنگ شاہ رخ خان بھی گزشتہ روز ممبئی پہنچے ہیں، وہ اپنی بیٹی سہانا خان کے ساتھ نیویارک میں موجود تھے جہاں انھیں ایک اسٹور میں شاپنگ کرتے ہوئے دیکھا گیا تھا۔

     

    View this post on Instagram

     

    A post shared by HT City (@htcity)

    میڈیا رپورٹس کے مطابق اننت امبانی کی شادی میں شرکت کے لیے دنیا کی 500 بڑی کمپنیوں کے چیف ایگزیکٹو افسران (سی ای او) مالکان، اعلیٰ ملازمین، متعدد ممالک کے سابق اور موجودہ سربراہان سمیت سیاست دان، سفارت کار، سماجی شخصیات اور شوبز شخصیات بھی بھارت پہنچ چکی ہیں۔

     

    View this post on Instagram

     

    A post shared by HT City (@htcity)

    اننت امبانی کی شادی رادھیکا مرچنٹ سے آج ہوگی اور ان کی شادی کی تقریبات گزشتہ برس سے جاری ہیں جبکہ گزشتہ کئی دنوں سے پری ویڈنگ کا سلسلہ بھی جاری ہے۔

  • اننت امبانی اور رادھیکا کی لگژری کروز پارٹی کی تصاویر وائرل

    اننت امبانی اور رادھیکا کی لگژری کروز پارٹی کی تصاویر وائرل

    اننت امبانی اور رادھیکا مرچنٹ کی لگژری کروز پر ہونے والی عالیشان پری ویڈنگ تقریب کی تصاویر سوشل میڈیا پر وائرل ہوگئی۔

    رادھیکا اور اننت امبانی 12 جولائی 2024 کو ممبئی میں شادی کے بندھن میں بندھنے والے ہیں جن کی شادی سے قبل منعقدہ شاندار پارٹیز نے نہ صرف ملکی بلکہ غیر ملکی میڈیا کی بھی توجہ حاصل کرلی۔

    حال ہی میں انہوں نے اٹلی سے ایک لگژری کروز پر جشن مناتے ہوئے فرانس کا سفر کیا جس میں کئی بالی وڈ سپر اسٹارز نے شرکت کی، اس تقریب میں امریکی گلوکارہ کیٹی پیری نے بھی پرفارم کیا۔

    شادی سے قبل جشن کے  دوران جوڑے نے  4 روز تک کروز پر موج مستی کی، اس دوران  اننت اور رادھیکا نے 1200مہمانوں کے ساتھ بحیرہ روم کی سیر کی جس کی تصاویر اب سامنے آئی ہے۔

     

    View this post on Instagram

     

    A post shared by Khush Wedding Magazine (@khushmag)

    ان تقریبات میں شرکت کرنے والے متعدد بالی وڈ اسٹارز نے تصاویر اپنے سوشل میڈیا پر شیئر نہیں کی تاہم رادھیکا مرچنٹ کی ڈزنی پرنسز کے لباس والی تصاویر کے علاوہ اس پارٹی میں شریک امبانی خاندان اور دیگر افراد کی خصوصی تصاویر منظر عام پر آگئی۔

    واضح رہے کہ اننت امبانی اور رادھیکا مرچنٹ کی 19 جنوری 2023 کو ممبئی میں منگنی ہوئی تھی جبکہ جوڑا رواں سال 12 جولائی کو ممبئی میں شادی کے بندھن میں بندھ جائے گا۔

  • آننت امبانی اور رادھیکا مرچنٹ کی شادی کا کارڈ وائرل

    آننت امبانی اور رادھیکا مرچنٹ کی شادی کا کارڈ وائرل

    ایشیا کے امیر ترین بھارتی بزنس ٹائیکون مکیش امبانی کے چھوٹے بیٹے آننت امبانی کی شادی کا کارڈ سوشل میڈیا پر وائرل ہوگیا۔

    بھارتی میڈیا رپورٹس کے مطابق آننت امبانی اور رادھیکا مرچنٹ کی شادی کا کارڈ منظر عام پر آگیا جس کے مطابق دونوں کی شادی 12 جولائی کو ممبئی کے جیو ورلڈ کنونشن سینٹر میں ہوگی۔

    شادی کی تقریب روایتی ہندو ویدک طریقے سے  باندرہ کے کرلا کمپلیکس میں واقع جیو ورلڈ کنونشن سینٹر میں منعقد ہوگی جبکہ روایتی سرخ اور سنہری شادی کے دعوت نامے میں تین روزہ تقریب کی تفصیلات بھی سامنے آئی ہیں۔

     

    View this post on Instagram

     

    A post shared by Ambani Family (@ambani_update)

    ’سیو دی ڈیٹ کارڈ‘ کے مطابق شادی کی تقریبات 12 سے 14 جولائی تک جاری رہیں گی، 12 جولائی بروز جمعہ کو شادی کی مرکزی تقریب شبہ ویواہ ہوگی۔

    اس کے بعد 13 جولائی بروز ہفتہ شب آشیرواد کا دن ہوگا جبکہ اتوار 14 جولائی کو شادی کی شاندار استقبالیہ تقریب منعقد کی جائے گی، کارڈ میں مہمانوں کو ڈریس کوڈ بھی بتایا گیا ہے۔

    واضح رہے کہ 66 سالہ مکیش امبانی اس وقت دنیا کے 10ویں امیر ترین آدمی ہیں جن کی مجموعی مالیت 115 ارب ڈالرز ہے، ریلائنس انڈسٹریز ایک بہت بڑا گروپ ہے جو ریفائننگ اور ریٹیل سے لے کر مالیاتی خدمات اور ٹیلی کام تک کے شعبوں میں کام کرتا ہے۔

    اننت امبانی اپنے تین بہن بھائیوں میں سب سے چھوٹے ہیں، سبھی ریلائنس انڈسٹریز کے بورڈ میں شامل ہیں، 28 سالہ نوجوان اننت امبانی ریلائنس کے انرجی کاروبار سے وابستہ ہے اور ریلائنس فاؤنڈیشن کے بورڈ ممبر بھی ہیں۔

     

    View this post on Instagram

     

    A post shared by Ambani Family (@ambani_update)

    اس سے قبل گجرات کے شہر جام نگر میں 3روزہ پری ویڈنگ منعقد کی گئی تھی اس تقریب میں دنیا بھر سے عالمی شخصیات نے شرکت کی تھی جس میں قطر ی وزیراعظم ، بل گیٹس، مارک زکر برگ اور ایوانکا ٹرمپ شامل ہیں۔

    اب دنوں دوسری پری ویڈنگ تقریب کا آغاز ہوگیا ہے، یہ تقریب ایک لگژری کروز جہاز پر منعقد کی گئی ہیں، جو اٹلی کے پالیرمو سے بحری سفر کرتے ہوئے جنوبی فرانس جائے گی۔

  • اننت امبانی اور رادھیکا کی شاندار شادی کی ایک تقریب کس ملک میں ہوگی؟

    اننت امبانی اور رادھیکا کی شاندار شادی کی ایک تقریب کس ملک میں ہوگی؟

    اس سال کے شروع میں گجرات کے جام نگر میں ایک شاندار اور ستاروں سے بھرے پری ویڈنگ ایونٹ کے بعد، اننت امبانی اور رادھیکا مرچنٹ جولائی میں شادی کے بندھن میں بندھ جائیں گے۔

    بھارتی میڈیا رپورٹ کے مطابق بھارت کے سب سے بڑے بزنس ٹائیکون مکیش امبانی اور نیتا امبانی کے سب سے چھوٹے بیٹے اننت امبانی اور بزنس مین ویرن مرچنٹ کی بیٹی رادھیکا مرچنٹ کی شادی کی تقریبات کا آغاز جولائی میں ہوگا، شاندار تقریبات کے سلسلے میں، ایک ایونٹ کا انعقاد لندن کے اسٹاک پارک اسٹیٹ میں کیا جائے گا۔

    ٹائمز آف انڈیا میں شائع ہونے والی حالیہ رپورٹس کے مطابق شادی کا تھیم ممکنہ طورپر کاکٹیل ایونٹ یا سنگیت نائٹ پر مشتمل ہوگا اور تقریب کے لیے طویل ڈریس کوڈز بھی متعارف کروائے جائیں گے۔

    رپورٹ کے مطابق اس حوالے سے اننت امبانی کی والدہ نیتا امبانی تمام تیاریوں کا جائزہ لے رہی ہیں جبکہ اس ایونٹ میں شرکے کیلئے بالی وڈ انڈسٹری کے ستاروں کو بھی دعوت نامہ بھیج دیا گیا ہے تا کہ وہ اپنے شیڈول قبل از وقت ترتیب دے سکیں۔

    مکیش امبانی کے بیٹے اننت امبانی کی حال ہی میں جام نگر میں ہونے والی شادی سے قبل کی تقریبات پوری دنیا میں سرخیوں کی زینت بنیں تھیں۔

    تقریبات میں بالی وڈ اداکاروں سمیت دنیا کی نامور ارب پتی شخصیات اور ہالی ووڈ ستاروں نے شرکت کی تھی جن میں بل گیٹس، مارک زکربرگ اور گلوکارہ ریحانہ بھی شامل تھے۔

    اسٹوک پارک کی تفصیلات

    592 کروڑ روپے کی یہ پرتعیش جائیداد امبانیوں کی ملکیت ہے، مکیش امبانی نے اسے اپریل 2021 میں خریدا تھا۔ جی کیو انڈیا کی ایک رپورٹ کے مطابق، ’یہ شاندار پراپرٹی اصل میں 1066 میں تعمیر کی گئی تھی اور بعد میں برطانوی سیاست دان جان پین نے 1760 میں اسے دوبارہ ڈیزائن کیا تھا۔

    اسٹوک پارک اب ایک پرتعیش فائیو اسٹار ہوٹل میں تبدیل ہو چکا ہے، اسٹاک پارک 49 شاندار کمرے، تین عمدہ کھانے کے ریستوراں، 4,000 مربع فٹ پر پھیلا ہوا، یہ پارک ایک جدید ترین جم، ایک فٹنس سینٹر، انڈور اور آؤٹ ڈور سوئمنگ پول، 13 ٹینس کورٹس، اور ایک وسیع گولف کورس پر مشتمل ہے۔

    رپورٹ کے مطابق اسٹوک پارک کنٹری کلب برطانیہ کی سب سے شاہانہ جائیدادوں میں سے ایک ہے، اس پارک کو نیٹ فلکس کی سیریز ’دی کراؤن‘ اور ’گولڈ فنگر‘ جیسی فلموں میں بھی دکھایا گیا ہے۔

  • ’امبانی نے سب کو نچادیا‘ اننت امبانی کی پرتعیش ویڈنگ پارٹی پر میمز کی بھرمار

    ’امبانی نے سب کو نچادیا‘ اننت امبانی کی پرتعیش ویڈنگ پارٹی پر میمز کی بھرمار

    ایشیا کے امیر ترین بھارتی بزنس ٹائیکون امبانیوں نے شادی سے پہلے کی 3 روزہ تقریبات سے دنیا بھر کو چونکا دیا۔

    بھارتی بزنس ٹائیکون کے بیٹے اننت امبانی کی پری ویڈینگ تقریب میں نہ صرف بالی ووڈ سے تعلق رکھنے والے افراد نے شرکت کی بلکہ بل گیٹس، مارک زکربرگ سمیت بیرونی ممالک اور مختلف صنعتوں سے تعلق رکھنے والے نامور افراد نے بھی اپنے اہل خانہ کے ساتھ شرکت کی۔

    اس تقریب میں شرکت کرنے کے لیے بالی ووڈ کے بڑے نام ایک چھت کے نیچے ہی موجود تھے، بالی ووڈ کے خانز کے نام سے مشہور شاہ رخ خان، سلمان خان اور عامر خان نے بھی شرکت کی اور تینوں نے ایک ساتھ اسٹیج بھی شیئر کیا۔

     

    View this post on Instagram

     

    A post shared by radhikamerchantfp (@radhikamerchant_)

    اس تقریب میں بالی ووڈ کے تمام اداکاروں اور متعدد گلوکاروں نے شرکت کی اور پرفارم کیا، ان 3 دنوں کے دوران عالیہ بھٹ، رنبیر کپور، دیپیکا، رنویر، شاہ رخ خان، گوہری خان اور دیگر بالی ووڈ ستاروں نے ڈانس کیا۔

     

    View this post on Instagram

     

    A post shared by Salman Khan (@salmankhanfanclub)

    دلچسپ بات یہ ہے کہ تمام بالی ووڈ اسٹارز ایک بس میں بیٹھ کر تقریب میں پہنچے، اننت امبانی کی شادی پر صارفین کی جانب سے میمز بنانے کا سلسلہ بھی جاری ہے، ایک صارف نے لکھا کہ صرف امبانی فیملی ہی تمام بولی وڈ اسٹارز کو دیسی باراتی کی طرح ایک بس میں بٹھا سکتے ہیں۔

     

    View this post on Instagram

     

    A post shared by Pinkvilla (@pinkvilla)

    ایک اور صارف نے لکھا کہ امبانی نے وہ کردکھایا جو بالی ووڈ ڈائریکٹرز 35 سالوں سے نہ کر پائے، ایک اور صارف نے لکھا کہ لوگ شادیوں کے لیے سوشل میڈیا مینجرز کو ہائیر کرتے ہیں لیکن امبانی نے اپنی شادی میں سوشل میڈیا کے مینجر کو ہی بلا لیا۔

     

    View this post on Instagram

     

    A post shared by Pinkvilla (@pinkvilla)

    اس کے علاوہ بھارت کی سوشل میڈیا صارفین نے کہا کہ ہمیں امبانیوں پر فخر ہے کہ وہ یہ دکھاتے ہیں کہ بھارت بھی کس طرح پرتعیش طرز زندگی گزار سکتا ہے جبکہ بہت سے لوگوں نے شادی سے پہلے کی تقریبات میں نیتا امبانی کی کارکردگی کی بھی تعریف کی۔

     

    View this post on Instagram

     

    A post shared by Pinkvilla (@pinkvilla)

    دیگر میمز ملاحظہ کریں:

  • میکش امبانی کے بیٹے کی شادی میں بالی ووڈ خانز نے چار چاند لگا دیے

    میکش امبانی کے بیٹے کی شادی میں بالی ووڈ خانز نے چار چاند لگا دیے

    ایشیا کے امیر ترین لوگوں میں شامل بھارتی بزنس ٹائیکون مکیش امبانی کے بیٹے کی شادی سے پہلے کی تقریبات میں بالی ووڈ خانز نے چار چاند لگا دیے۔

     

    View this post on Instagram

     

    A post shared by Pinkvilla (@pinkvilla)

    بھارت کے شہر جام نگر میں اننت امبانی اور رادھیہ مرچنٹ کی شادی سے پہلے کی تقریبات کا آغاز ہوگیا ہے جہاں دنیا بھر سے مختلف نامور شخصیات سمیت بالی ووڈ کے اسٹارز اور کھلاڑی شریک ہیں۔

     

    View this post on Instagram

     

    A post shared by Pinkvilla (@pinkvilla)

    اننت امبانی کی شادی سے پہلے کی تقریبات میں بالی ووڈ کے تین بڑے نام شاہ رخ خان، سلمان خان اور عامر خان نے ایک ساتھ رقص کیا تو حاضرین بھی جھوم اٹھے۔

     

    View this post on Instagram

     

    A post shared by Pinkvilla (@pinkvilla)

    انسٹاگرام اور ایکس پر وائرل ہونے والی ویڈیو میں شاہ رخ خان، سلمان خان نے سیاہ کُرتا پہنا جبکہ عامر خان نے ہرے رنگ کا کرتا پاجامہ زیب تن کیا۔

     

    View this post on Instagram

     

    A post shared by Pinkvilla (@pinkvilla)

    تینوں بالی ووڈ خانز نے اسٹیج پر ایک ساتھ ’ناٹو ناٹو‘ پر رقص کیا جس سے ہال تالیوں سے گونج اٹھا، سوشل میڈیا پر وائرل ہونے والی ایک اور ویڈیو میں شاہ رخ خان کو اکیلے اسٹیج پر اپنی بلاک بسٹر فلم ’پٹھان‘ کے گانے پر رقص کرتے ہوئے دیکھا جاسکتا ہے۔

     

    View this post on Instagram

     

    A post shared by Pinkvilla (@pinkvilla)

    دوسری جانب ایک ویڈیو میں دپیکا پڈوکون اپنے شوہر رنویر سنگھ کے ساتھ ڈانڈیا رقص کررہی ہیں، سوشل میڈیا پر اننت امبانی کی شادی کی ویڈیوز و تصاویر میں صارفین کی دلچسپی بھی بڑھ گئی ہے جبکہ دلچسپ تبصرے کا سلسلہ بھی جاری ہے۔

  • اننت امبانی نے چند ماہ میں 108 کلو وزن کیسے کم کیا؟

    اننت امبانی نے چند ماہ میں 108 کلو وزن کیسے کم کیا؟

    بھارت کی امیر ترین شخصیت مکیش امبانی کے بیٹے اننت امبانی کی شادی کی تیاریاں زورشور سے جاری ہیں جبکہ دنیا بھر سے مہمانوں کی آمد کا سلسلہ بھی جاری ہے۔

    غیر ملکی ذرائع ابلاغ کے مطابق اننت امبانی کی والدہ نیتا امبانی نے 2017 میں ایک انٹرویو میں بتایا تھا کہ اننت امبانی دمے کی بیماری کا شکار تھے جس کے باعث انہیں بہت زیادہ سٹیر وائڈز لینا پڑتے تھے۔

    اننت امبانی کی والدہ نیتا امبانی کے مطابق دمے کے بیماری کے لیے استعمال کی جانے والی ادویات کے باعث اننت امبانی کا وزن بہت تیزی سے بڑھ گیا تھا۔

    بیماری کے باعث اننت امبانی کا وزن 208 کلو تک پہنچ گیا تھا، تاہم اُن کے فٹنس کوچ ونود چنا کی جانب سے انہیں وزن کم کرنے کے لئے پوری معاوت فراہم کی گئی، جس کے نتیجے میں انہوں نے صرف 18 ماہ میں 108 کلو وزن کم کر لیا۔

    انٹرویو میں فٹنس کوچ ونود چنا کا کہنا تھا کہ اننت امبانی کے لیے ڈائیٹ پلان تیار کیا تھا جس کے مطابق وہ صحت مند کھانا کھانے لگے تھے۔

    اننت امبانی اس ڈائٹ پلان کے تحت ایک دن میں 1200 سے 1500 کیلوریز استعمال کرتے تھے، اس کے علاوہ اُن کے کوچ نے سخت ورزش کا پلان بھی تیار کیا جس میں یوگا اور کارڈیو جیسی ورزشوں کو شامل کیا گیا تھا۔

    اننت امبانی ایک دن میں 21 کلومیٹر تک واک کرتے تھے، اس کے علاوہ وہ ہر روز چھ گھنٹوں تک ورزش کرتے جس سے اُن کے جسم کی چربی کم ہوتی اور بڑی مقدار میں کیلوریز جلتی تھیں۔

    مکیش امبانی کے چھوٹے بیٹے کی شادی، ڈھائی ہزار پکوانوں کا مینیو تیار

    اس سارے فٹنس پلان پر مکمل عمل کر کے اننت امبانی نے 18 ماہ کے دوران 108 کلو وزن قدرتی طریقے سے کم کرلیا تھا۔

  • مکیش امبانی کے چھوٹے بیٹے کی شادی، ڈھائی ہزار پکوانوں کا مینیو تیار

    مکیش امبانی کے چھوٹے بیٹے کی شادی، ڈھائی ہزار پکوانوں کا مینیو تیار

    بھارتی بزنس مین مکیش امبانی کے چھوٹے بیٹے آننت امبانی اور رادھیکا مرچنٹ کی شادی کے خوب چرچے ہورہے ہیں، شادی کی ایک خاص بات یہ بھی ہے کہ شادی سے قبل منعقد ہونے والی تقریبات میں شریک مہمانوں کی تواضع کیلئے ڈھائی ہزار پکوانوں کا اہتمام کیا جائے گا۔

    غیر ملکی ذرائع ابلاغ کے مطابق یکم سے 3 مارچ تک گجرات کے شہر جام نگر میں آننت امبانی اور رادھیکا مرچنٹ کی شادی کے سلسلے میں شاندار تقریبات کا اہتمام کیا جائے گا، جس میں نامور شخصیات شریک ہوں گی۔

    بھارتی بزنس مین مکیش امبانی کے چھوٹے بیٹے آننت امبانی کی شادی سے قبل منعقد ہونے والی تین روزہ تقریبات میں شریک مہمانوں کے لیے ایک شاندار کھانے کا مینیو تیار کیا گیا ہے جس کی تفصیلات سامنے آگئی ہیں۔

    بھارتی میڈیا کا اس حوالے سے کہنا ہے کہ شادی کی تقریبات کے لیے 25 سے زیادہ باورچیوں کی ایک خصوصی ٹیم اندور سے جام نگر جائے گی۔

    بھارتی میڈیا کے مطابق تین دنوں تک جاری رہنے والی تقریبات کے دوران مینیو میں تقریباً ڈھائی ہزار پکوان تیار کئے جائیں گے، جبکہ کوئی بھی پکوان دوبارہ نہیں دہرایا جائے گا۔

    مکیش امبانی کے چھوٹے بیٹے کی شادی، کون کون شریک ہوگا؟

    شادی میں شریک ہونے والے مہمانوں کے لیے ناشتے میں 70 سے زیادہ کھانے رکھے جائیں گے، دوپہر کے کھانے کے لیے 225، رات کے کھانے کے لیے 275 اور مڈ نائٹ مینیو میں 85 سے زیادہ خصوصی ڈشز رکھی جائیں گی۔

  • مکیش امبانی کے چھوٹے بیٹے کی شادی، کون کون شریک ہوگا؟

    مکیش امبانی کے چھوٹے بیٹے کی شادی، کون کون شریک ہوگا؟

    بھارت کی معروف کاروباری شخصیت مکیش امبانی کے چھوٹے بیٹے اننت امبانی اور رادھیکا مرچنٹ کی شادی سے قبل منعقد ہونے والی تقریبات میں شرکت کرنے والے مہمانوں کے نام سامنے آگئے۔

    بین الاقوامی خبر رساں ادارے کی رپورٹ کے مطابق 12 جولائی کو اننت امبانی اور رادھیکا مرچنٹ ممبئی میں شادی کے بندھن میں بندھ جائیں گے۔

    تاہم شادی سے قبل بھی مختلف تقریبات منعقد کی جائیں گی، جن کا سلسلہ یکم مارچ سے 3 مارچ تک جاری رہے گا۔

    شادی سے قبل منعقد ہونے والی ان تقریبات میں بھی دنیا بھر سے معروف شخصیات شرکت کریں گی، جن کی
    فہرست بھی سامنے آگئی ہے۔

     

    View this post on Instagram

     

    A post shared by Hindustan Times (@hindustantimes)

    بھارتی میڈیا کا اس حوالے سے کہنا ہے کہ شادی کی تقریبات میں فیس بک کے بانی مارک زکر برگ، مائیکروسافٹ کے شریک بانی بل گیٹس اور ان کی سابق اہلیہ میلنڈا، ڈزنی کے سی ای او باب ایگر کی شرکت متوقع ہے۔

    اس کے علاوہ قطر کے وزیر اعظم محمد بن عبدالرحمن بن جاسم الثانی، بینک آف امریکہ کے چیئرمین برائن تھامس موئنہان، ایڈوب کے سی ای او شانتنو نارائن اور ایوانکا ٹرمپ سمیت دنیا بھر سے دیگر اہم نامور کاروباری شخصیات کی شرکت متوقع ہے۔

    بھارتی ریاست گجرات کے شہر جام نگر میں یکم مارچ سے 3 مارچ تک جاری رہنے والی تقریبات میں دنیا بھر سے نامور شخصیات کے شریک ہونے کی توقع کی جارہی ہے۔ جوڑے کی منگنی کی تقریب 19 جنوری 2023 کو ممبئی میں منعقد ہوگی۔