بھارتی فلم انڈسٹری کے معروف اداکار چنکی پانڈے کی بیٹی اداکارہ اننیا پانڈے دلچسپ خواہش کا اظہار کردیا۔
بھارتی میڈیا رپورٹس کے مطابق اداکارہ کا کہنا تھا کہ وہ رنبیر کپور کے پرائیویٹ سوشل میڈیا اکاؤنٹس ہیک کرنا چاہتی ہیں تاکہ یہ جان سکیں کہ وہ کس کو فالو کرتے ہیں۔
ایک انٹرویو کے دوران اداکارہ اننیا پانڈے نے اپنی دلچسپ خواہش کا اظہار کیا اور مسکراتے ہوئے کہا کہ ”میں رنبیر کے پرائیویٹ اکاؤنٹ کو ہیک کرنا چاہتی ہوں تاکہ دیکھ سکوں کہ وہ کس کی اسٹاکنگ کر رہے ہیں۔”
اُنہوں نے کہا کہ مجھے ان کے اکاؤنٹ کا کوئی علم نہیں، لیکن مجھے پتہ ہے کہ ان کا ایک فیک اکاؤنٹ ضرور ہے۔
اننیا پانڈے نے اس دوران اپنے انسٹاگرام اکاؤنٹ سے متعلق بھی گفتگو کی، جو انہوں نے اداکاری کے میدان میں آنے سے پہلے بنایا تھا۔
اداکارہ نے کہا کہ وہ پہلے اپنے اکاؤنٹ پر فارغ وقت کے دوران پوسٹ کیا کرتی تھیں مگر اب اسے زیادہ سنجیدگی سے نہیں لیتیں، اگرچہ وقت کے ساتھ ساتھ ان کا سوشل میڈیا کے ساتھ رشتہ بدل گیا ہے۔
اس سے قبل بالی ووڈ اداکارہ اننیا نے شاہ رخ خان کی بیٹی اور اپنی دوست سہانا خان کا نمبر سوشل میڈیا پر لیک کرنے کا اعتراف کیا تھا۔
بھارتی میڈیا رپورٹس کے مطابق نیٹ فلکس پر ایک شو میں گفتگو کرتے ہوئے اننیا نے کہا کہ میں نے غلطی سے سوشل میڈیا پر سہانا خان کا نمبر لیک کردیا تھا جس کے بعد ان کا نمبر ہیک ہوگیا تھا۔
انہوں نے بتایا کہ میں سہانا کو فیس ٹائم کال کررہی تھی اور وہ فون نہیں اٹھا رہی تھیں پھر میں نے اسکرین شاٹ لے کر انسٹاگرام پر پوسٹ کردیا۔
اننیا نے کہا کہ اس اسکرین شاٹ میں سہانا کا نمبر موجود تھا اس طرح غلطی سے ان کا نمبر لیک ہوگیا۔
روینہ ٹنڈن نے گووندا سے متعلق بڑا دعویٰ کردیا
اداکارہ کا کہنا تھا کہ اس کے بعد سہانا نے مجھے فون کرکے بتایا کہ میرا نمبر ہیک ہوگیا جس پر میں حیران تھی لیکن پھر انہیں کسی نے بتایا کہ میں نے ایسا کیا ہے۔
