ARYNews.tv | Urdu – Har Lamha Bakhabar

Tag: ANF

  • گوادر سے بذریعہ سمندر بیرون ملک 600 کلو سے زائد منشیات اسمگل کرنے کی کوشش

    گوادر سے بذریعہ سمندر بیرون ملک 600 کلو سے زائد منشیات اسمگل کرنے کی کوشش

    کراچی: بلوچستان کے شہر گوادر سے بذریعہ سمندر بیرون ملک 600 کلو سے زائد منشیات اسمگل کرنے کی کوشش ناکام بنا دی گئی۔

    تفصیلات کے مطابق اینٹی نارکوٹکس فورس (اے این ایف) نے منشیات کے خلاف آپریشن میں گوادرسے بذریعہ سمندر بیرون ملک منشیات اسمگل کرنے کی کوشش ناکام بنا دی۔

    ترجمان اے این ایف کے مطابق دشت کے علاقے سجی سے جھاڑیوں میں چھپائی گئی بھاری مقدار میں منشیات برآمد کی گئی، برآمد ہونے والی منشیات میں 510 کلو چرس اور 21 کلو آئس شامل ہیں۔

    اے این ایف ترجمان نے بتایا کہ گوادر کے علاقے پشکان میں بھی جھاڑیوں سے بھاری مقدار میں منشیات برآمد کی گئی ہے، جس میں 155 کلو چرس اور 16 کلو ہیروئن شامل ہے۔

    اے این ایف کا کہنا ہے کہ گرفتار ملزمان کے خلاف انسداد منشیات ایکٹ کے تحت مقدمات درج کر کے مزید تفتیش کی جا رہی ہے۔

    ادھر پنجاب کے شہر راولپنڈی جی ٹی روڈ پر ترنول پھاٹک کے قریب ایک کار سے 2 کلو 400 گرام چرس برآمد ہوئی، اے این ایف نے خیبر ایجنسی کے رہائشی 2 افراد کو گرفتار کر لیا۔

    ترجمان اے این ایف کے مطابق فیصل آباد ایئر پورٹ پر شارجہ جانے والے ایک شخص کے لیپ ٹاپ سے 500 گرام ہیروئن برآمد ہوئی، مذکورہ شخص خیبر پختون خوا کے شہر بونیر کا رہائشی تھا جسے گرفتار کر لیا گیا ہے۔

  • طلبا کو سپلائی کی جانے والی 36 کلو چرس برآمد

    طلبا کو سپلائی کی جانے والی 36 کلو چرس برآمد

    اسلام آباد: اینٹی نارکوٹک فورس نے ملک کے مختلف حصوں میں کارروائی کر کے بھاری مقدار میں منشیات برآمد کرلی، گوجرہ میں تعلیمی اداروں کے طلبا کو سپلائی کی جانے والی 36 کلو چرس برآمد کرلی گئی۔

    تفصیلات کے مطابق محکمہ انسداد منشیات کی منشیات کے خلاف ملک گیر کارروائیاں جاری ہیں، گوجرہ کے قریب گھر پر چھاپہ مارا گیا جہاں ٹوبہ ٹیک سنگھ کے رہائشی 2 ملزمان سے 36 کلو چرس برآمد کرلی گئی۔

    اے این ایف کا کہنا ہے کہ دونوں گرفتار ملزمان چرس تعلیمی اداروں میں طلبا کو سپلائی کرتے تھے۔

    بلوچستان کے علاقے دالبندین میں بھی کارروائی کی گئی جہاں بیرون ملک ترسیل کی غرض سے چھپائی گئی منشیات برآمد کرلی گئی۔

    اے این ایف کا کہنا ہے کہ 30 کلو ہیروئن پہاڑی علاقے میں کھائی کےاندر سے برآمد کی گئی۔

    صوبہ خیبر پختونخواہ کے شہر کرک میں بھی اے این ایف اور ایف سی نے مشترکہ کارروائی کی جہاں پلاسٹک کے تھیلوں میں چھپائی گئی 7 کلو 200 گرام چرس برآمد کرلی گئی۔

    ترجمان اے این ایف کا کہنا ہے کہ تمام گرفتار ملزمان کے خلاف انسداد منشیات ایکٹ کے تحت مقدمہ درج کرلیا گیا ہے۔

  • ریاض جانے والے ملزم سے جوتوں میں چھپائی گئی ہیروئن برآمد

    ریاض جانے والے ملزم سے جوتوں میں چھپائی گئی ہیروئن برآمد

    کراچی: اسلام آباد انٹرنیشنل ایئرپورٹ پر اے این ایف اور اے ایس ایف نے مشترکہ کارروائی کرتے ہوئے ریاض جانے والے ملزم سے جوتوں میں چھپائی گئی 820 گرام ہیروئن برآمد کر لی۔

    تفصیلات کے مطابق اینٹی نارکوٹکس فورس نے ملک بھر میں منشیات کے خلاف کارروائیاں کرتے ہوئے بڑی مقدار میں منشیات ضبط کر لی اور متعدد افراد کو گرفتار کر کے ان کے خلاف مقدمات درج کیے۔

    اے این ایف کی ایک کارروائی میں لاہور ایئر پورٹ پر بھی ٹرالی بیگ سے 489 گرام ہیروئن برآمد ہوئی اور ملزم کو گرفتار کیا گیا۔

    ترجمان اے این ایف کے مطابق اسلام آباد ترنول ٹول پلازہ اور موٹر وے ٹول پلازہ پر کارروائیوں میں 83 کلو کے قریب منشیات برآمد کی گئی، اور خاتون سمیت 5 ملزمان گرفتار کر لیے گئے۔

    اےاین ایف اور ایف سی نے خیبر پاک افغان سرحد پر کارروائی میں 29 کلو چرس برآمد کی، کراچی سپر ہائی وے پر خاتون سے ایک کلو کرسٹل ہیروئن اور 900 گرام آئس برآمد کی گئی۔

    گوادر کے قریب درختوں میں چھپائی گئی 185 کلو منشیات برآمد کی گئی، چمن میں کارروائی کرتے ہوئے 586.8 لیٹر ممنوعہ کیمیکل برآمد کی گئی، کوئٹہ شہر ہزار گنجی میں ایک کار سے 105 کلو چرس برآمد ہوئی، جب کہ تربت میں کارروائی کے دوران خالی مکان سے 490 کلو چرس برآمد ہوئی۔

    ادھر جامشورو میں لونی کوٹ پولیس کی ایم نائن موٹر وے پر کارروائی کے دوران وین سے 50 کلو چرس برآمد ہوئی، پولیس نے رتوڈیرو کے رہائشی وین ڈرائیور محمد ابراہیم بروہی کو گرفتار کر لیا، ملزم کے دیگر ساتھوں کی تلاش کے لیے پولیس نے تفتیش شروع کر دی ہے۔

  • مدینہ، جدہ اور ترکیہ منشیات اسمگل کرنے والے پکڑے گئے

    کراچی: اینٹی نارکوٹکس فورس (اے این ایف) نے منشیات اسمگلنگ کی بین الاقوامی کوششیں ناکام بنا دیں۔

    تفصیلات کے مطابق اسلام آباد ایئر پورٹ پر مدینہ جانے والے ملزم کے ٹرالی بیگ سے آئس اور نشہ آور گولیاں برآمد ہوئیں، جہلم کے رہائشی ملزم سے 2 کلو 982 گرام آئس اور 8 ہزار نشہ آور گولیاں برآمد ہوئی ہیں، جس پر اسے گرفتار کر لیا گیا ہے۔

    اے این ایف اور اے ایس ایف نے باچا خان ایئر پورٹ پر مشترکہ کارروائی میں جدہ جانے والے مسافر کے بیگ سے 1 کلو 624 گرام ہیروئن برآمد کر کے ملزم کو گرفتار کر لیا ہے۔

    لاہور ایئر پورٹ سے ترکیہ جانے والے ملزم کے پیٹ سے 36 ہیروئن بھرے کیپسول برآمد ہوئے، ترجمان اے این ایف نے کہا کہ جہلم کے رہائشی ملزم کو گرفتار کر لیا گیا ہے۔

    ترجمان اے این ایف کے مطابق کراچی کیماڑی کے قریب کارروائی میں رکشے سے 12 کلو چرس برآمد ہوئی۔

    ایک اور کارروائی میں فرینڈ شپ گیٹ چمن پر 2 افغان باشندوں کو پاکستان منشیات لاتے ہوئے گرفتار کیا گیا، ملزمان سے 5 کلو 500 گرام آئس اور 490 گرام ہیروئن برآمد کی گئی۔

    ملزمان نے منشیات بکسے کے اندر بنائے گئے خفیہ خانے میں چھپا رکھی تھی، ملزمان کے خلاف انسداد منشیات ایکٹ کے تحت مقدمات درج کیے گئے ہیں۔

  • سعودی عرب بھیجے جانے والے تندوروں سے آئس نکل آئی

    سعودی عرب بھیجے جانے والے تندوروں سے آئس نکل آئی

    کراچی: سعودی عرب کے شہر جدہ بھیجے جانے والے تندوروں میں آئس چھپا کر اسمگل کرنے کی کوشش کی گئی، تاہم اینٹی نارکوٹکس فورس نے یہ کوشش ناکام بنا دی۔

    تفصیلات کے مطابق اے این ایف نے کراچی شارع فیصل پر نجی کوریئر آفس میں کارروائی کر کے تندوروں کے ذریعے سعودی عرب منشیات اسمگلنگ کی کوشش ناکام بنا دی، دوسری طرف باچا خان ایئر پورٹ پر قطر جانے والے ملزم کے پیٹ سے 120 چرس بھرے کیپسول برآمد ہو گئے ہیں۔

    اے این ایف کا کہنا ہے کہ جدہ بھیجے جانے والے تندوروں میں آئس چھپائی گئی تھی، 6 تندوروں میں سے مجموعی طور پر 56 کلو آئس برآمد ہوئی، سامان بھیجنے والے خیبر کے رہائشی ملزم اقرار احمد کو گرفتار کر لیا گیا۔

    ملزم نے دوران تفتیش انکشاف کیا کہ بس کے ذریعے مزید 5 تندور کراچی پہنچ چکے ہیں، چیکنگ کے بعد 2 تندور سہراب گوٹھ اور 3 لیاری کے قریب سے برآمد کیے گئے۔

    اے این ایف کے مطابق 11 تندوروں میں سے مجموعی طور پر 88 کلو 500 گرام آئس برآمد ہوئی ہے، جب کہ اقرار نامی ملزم پہلے بھی راولپنڈی میں منشیات پارسل کیس میں مطلوب تھا۔

    ادھر باچا خان ایئر پورٹ پر قطر جانے والے مسافر کے پیٹ سے 120 چرس بھرے کیپسول برآمد ہوئے، راولپنڈی کے رہائشی ملزم کو گرفتار کر لیا گیا، اس کی نشان دہی پر اس کے ساتھی کو بھی گرفتار کر لیا گیا۔

    اے این ایف اور اے ایس ایف نے لاہور ایئر پورٹ پر بھی ایک مشترکہ کارروائی کی، اور دوحہ جانے والے 2 ملزمان کے ٹرالی بیگ سے 7 کلو 500 گرام ہیروئن برآمد کر لی، پاکپتن کی رہائشی خاتون اور ملزم کو گرفتار کر لیا گیا، اور ان کے خلاف انسداد منشیات ایکٹ کے تحت مقدمات درج کر دیے گئے۔

  • کالج اور یونیورسٹی کے طلبا کو پارٹی ڈرگز کی ترسیل ناکام

    کالج اور یونیورسٹی کے طلبا کو پارٹی ڈرگز کی ترسیل ناکام

    اسلام آباد: انسداد منشیات کی اینٹی نارکوٹک فورس نے کالج اور یونیورسٹی کے طلبا کو پارٹی ڈرگز کی ترسیل ناکام بنا دی، ڈائیوو سے جانے والے ملزم اور ملزمہ کو گرفتار کرلیا گیا۔

    تفصیلات کے مطابق اینٹی نارکوٹک فورس نے تعلیمی اداروں میں منشیات سپلائی کرنے والے منظم گینگ کے خلاف بڑی کارروائی کی اور نوجوانوں خاص طور پر کالج اور یونیورسٹی کے طلبا کو پارٹی ڈرگز کی تقسیم و ترسیل کی غرض سے اسمگلنگ کی کوشش ناکام بنا دی۔

    اے این ایف نے خفیہ اطلاع پر کارروائی کرتے ہوئے کراچی سے اسلام آباد لیڈی کیریئر کے ذریعے وِیڈ اسمگلنگ کی کوشش ناکام بنا دی۔

    خفیہ ذرائع سے اطلاع ملی تھی کہ ایک خاتون لاکھوں روپے مالیت کی وِیڈ بزریعہ ڈائیوو بس کراچی سے راولپنڈی اسمگل کریں گی۔

    اے این ایف کی ٹیم نے معلومات کے بعد ڈائیوو ٹرمینل راولپنڈی پر مسلسل نگرانی کی اور اس دوران ٹرمینل پر ایک مشتبہ شخص اور خاتون ملزمہ کو موقع سے گرفتار کر لیا، ملزم کا تعلق وزیرستان سے ہے۔

    ملزمہ کے بیگ کی تلاشی کے دوران لاکھوں روپے مالیت کی 4 کلو 368 گرام پلاسٹک کے ڈبوں میں چھپائی گئی وِیڈ قبضے میں لے لی گئی۔

    ملزم راولپنڈی اور اسلام آباد میں پارٹی ڈرگز کی تقسیم میں ملوث گروہ کا اہم رکن اور آرگنائزر ہے، ضبط شدہ وِیڈ راولپنڈی اور اسلام آباد میں نئے سال کی پارٹیوں کے دوران تقسیم کرنے کے لیے لے جائی جارہی تھی۔

    ترجمان اے این ایف کا کہنا ہے کہ ملزمان کے خلاف مقدمہ درج کر کے تفتیش کا عمل شروع کردیا گیا۔

  • اے این ایف کی ملک گیر کارروائیاں، بھاری مقدار میں منشیات ضبط

    اے این ایف کی ملک گیر کارروائیاں، بھاری مقدار میں منشیات ضبط

    اسلام آباد: محکمہ انسداد منشیات کی ملک بھر میں منشیات کے خلاف کارروائیوں کا سلسلہ جاری ہے، ملک کے مختلف ایئرپورٹس پر بھاری مقدار میں منشیات ضبط کی گئی۔

    تفصیلات کے مطابق اینٹی نارکوٹک فورس (اے این ایف) نے اسلام آباد انٹرنیشنل ایئرپورٹ پر 3 مختلف کارروائیاں کیں۔

    بحرین جانے والے خیبر کے رہائشی ملزم کی چپل سے 516 گرام آئس اور 104 گرام ہیروئن برآمد کی گئی، قطر جانے والے ملزم کے ٹرالی بیگ سے 704 گرام چرس برآمد کرلی گئی۔

    تیسری کارروائی میں مانچسٹر جانے والے ملزم سے 1200 نشہ آور گولیاں برآمد کرلی گئیں۔

    لاہور ایئرپورٹ پر کی جانے والی کارروائی میں بحرین جانے والی نارووال کی خاتون کے بیگ سے 1 کلو 933 گرام آئس برآمد کی گئی، دوسری کارروائی میں کوئٹہ سے کراچی جانے والی خاتون سے 5 کلو چرس برآمد کی گئی۔

    اے این ایف کے ترجمان کے مطابق ایک اور کارروائی میں کوئٹہ سے 97 کلو 250 گرام چرس اور 2 کلو افیون برآمد کرلی گئی۔

    علاوہ ازیں چمن بائی پاس کے قریب 4 کلو 8 گرام چرس اور 10 کلو 7 گرام مشکوک مواد برآمد کرلیا گیا۔

    اے این ایف ترجمان کا کہنا ہے کہ ملزمان کے خلاف انسداد منشیات ایکٹ کے تحت مقدمات درج کرلیے گئے ہیں۔

  • پاکستان بھر میں اینٹی نارکوٹکس فورس کی منشیات کے خلاف بڑی کارروائیاں

    پاکستان بھر میں اینٹی نارکوٹکس فورس کی منشیات کے خلاف بڑی کارروائیاں

    راوالپنڈی: اینٹی نارکوٹکس فورس نے پاکستان بھر میں منشیات کے خلاف بڑی کارروائیاں کرتے ہوئے بڑی مقدار میں منشیات ضبط کر کے کئی افراد کو گرفتار کر لیا۔

    ترجمان اے این ایف ہیڈکواٹر کے مطابق اسلام آباد انٹرنیشنل ایئر پورٹ پر جدہ جانے والی خاتون کے پیٹ سے 20 ہیروئن بھرے کیپسول جب کہ مسقط جانے والے شخص کے ٹرالی بیگ سے 986 گرام آئس برآمد کی گئی، دونوں کو گرفتار کر لیا گیا۔

    انٹرنیشنل میل آفس راولپنڈی میں لندن کے لیے بُک کروائے گئے پارسل سے 500 نشہ آور گولیاں برآمد ہوئیں، جب کہ اٹک نجی کوریئر آفس میں کینیڈا کے لیے بُک کروائے گئے پارسل سے بھی 1 کلو 400 گرام آئس برآمد ہوئی۔ برآمد شدہ منشیات کچن کٹنگ بورڈ میں چھپائی گئی تھی۔

    شیخوپورہ ٹول پلازہ کے قریب پِک اپ گاڑی سے 69 کلو 600 گرام چرس اور 20 کلو 400 گرام افیون برآمد کی گئی، جب کہ پشاور کا رہائشی ملزم گرفتار کر لیا گیا۔

    ایک اور واقعے میں پشاور رِنگ روڈ کے قریب کارروائی کرتے ہوئے پنجاب منشیات اسمگلنگ کی کوشش نا کام بنا دی گئی، اور کار کے خفیہ خانوں سے 10 کلو 400 گرام ہیروئین برآمد کر کے 2 افراد کو گرفتار کر لیا گیا۔

    زیرو لائن چیکنگ پوائنٹ تورخم کے قریب افغان باشندے سے 930 عدد نشہ آور گولیاں برآمد کی گئیں، شاہراہ فیصل کراچی میں واقع نجی کوریئر آفس میں لندن بھیجے جانے والے پارسل سے 6 کلو 650 گرام ہیروئن برآمد ہوئی، برآمد شدہ منشیات مسواک میں چھپائی گئی تھی۔

    نارتھ ناظم آباد کراچی میں کارروائی کرتے ہوئے رکشہ سے 27 کلو 600 گرام چرس برآمد ہوئی، اور کراچی کے رہائشی شخص کو گرفتار کیا گیا۔

    اے این ایف اور ایف سی بلوچستان نے ایک مشترکہ کارروائی میں نوکنڈی سیہان کے عللاقے سے 1900 کلو افیون اور 220 کلو چرس برآمد کر لی۔

    اے این ایف کے مطابق گرفتار مُلزمان کے خلاف انسدادِ منشیات ایکٹ کے تحت مقدمات درج کر لیے گئے ہیں۔

  • ہیروئن بھرے کیپسول سعودی عرب لے جانے والے گرفتار

    ہیروئن بھرے کیپسول سعودی عرب لے جانے والے گرفتار

    اسلام آباد: اسلام آباد ایئر پورٹ پر خاتون سمیت 2 افراد سے ہیروئن بھرے کیپسول برآمد ہو گئے۔

    تفصیلات کے مطابق ہیروئن بھرے کیپسول سعودی عرب لے جانے والے دو مسافروں کو گرفتار کر لیا گیا، مسافروں میں ایک خاتون بھی شامل ہے، جو اسلام آباد ایئر پورٹ پر گرفتار ہوئے۔

    اے این ایف کے ترجمان کا کہنا ہے کہ ملزمان سعودی عرب جا رہے تھے، بھکر کے رہائشی ملزم کے پیٹ سے 135، جب کہ خاتون سے 10 ہیروئن بھرے کیپسول برآمد ہوئے۔

    علامہ اقبال انٹرنیشنل ایئر پورٹ پر بھی سیکیورٹی فورس نے ایک کارروائی میں منشیات اسمگلنگ کی کوشش ناکام بنا دی، اور 2 مسافروں کو گرفتار کر لیا ہے۔

    اے ایس ایف کے مطابق عملے نے جدہ جانے والے مسافروں سے 786 گرام سے زیادہ آئس ہیروئن برآمد کی، مسافر سیف اللہ اور بشیرہ بی بی نے آئس ہیروئن ٹرالی بیگ میں مہارت سے چھپا رکھی تھی، تاہم عملے نے سامان کی تلاشی کے دوران منشیات برآمد کر کے اسمگلنگ کی کوششں ناکام بنا دی-

    ملزمان کو ابتدائی تفتیش کے بعد برآمد شدہ منشیات سمیت مزید قانونی کارروائی کے لیے اے این ایف حکام کے حوالے کر دیا گیا۔

  • خواتین کے ذریعے منشیات اسمگلنگ کرنے والا گروہ پکڑا گیا

    خواتین کے ذریعے منشیات اسمگلنگ کرنے والا گروہ پکڑا گیا

    اسلام آباد: اینٹی نارکوٹکس فورس ( اے این ایف ) نے منشیات اسمگلنگ میں ملوث گروہ کو بے نقاب کردیا۔

    ترجمان اے این ایف کے مطابق موٹروے ٹول پلازہ اسلام آباد کےقریب خفیہ اطلاعات پر کارروائی عمل میں لائی گئی اور ایک کار سے مجموعی طور پر 104کلو 400گرام منشیات برآمد کرلی گئی، منشیات میں 87کلو 600 گرام چرس ،16کلو 800گرام افیون شامل تھی۔

    ترجمان کے مطابق واقعے کا افسوسناک پہلو یہ ہے کہ گھناؤنے دھندے میں ملوث تین خواتین سمیت چار ملزمان کو گرفتار کیا گیا۔

    یہ بھی پڑھیں: کراچی میں چوری کی موٹرسائیکل دے کر منشیات خریدنے کا انکشاف

    اےاین ایف کے مطابق منشیات گاڑی کےفرش میں بنائےگئے خفیہ خانوں میں چھپائی گئی تھی۔

    یہ پہلا موقع نہیں ہے جب خواتین کے ذریعے منشیات اسمگلنگ کرنے کی کوششوں کو ناکام بنایا گیا ہے۔

    اس سے قبل کراچی پولیس نے بھی بلوچستان سے منشیات لاکر فروخت کرنیوالے گروہ کے 14 کارندے گرفتار کئے تھے، جن میں پانچ خواتین بھی شامل تھیں۔