کراچی : پاکستان شوبز کی معروف اداکارہ غنا علی جو ان دنوں اپنی شادی کے بعد سوشل میڈیا پر تنقید کا نشانہ بن رہی ہیں کا کہنا ہے کہ اگر آپ لوگوں کو میرے شوہر سے کوئی مسئلہ ہے تو مجھے اَن فالو کردیں۔
سماجی رابطے کی ویب سائٹ انسٹاگرام پر انہوں نے ناقدین سے ناراضگی کا اظہار کرتے ہوئے انہوں نے کہا کہ میں اب کسی کی گھٹیا بات سُن نہیں سکتی اور نہ ہی اُن باتوں کا جواب دے سکتی ہوں۔
غنا علی نے اپنے تصدیق شدہ انسٹاگرام اکاؤنٹ پر اپنے شوہر کے ہمراہ اپنی کچھ نئی تصویریں شیئر کیں جن میں وہ بےحد خوش نظر آرہی ہیں۔تصویروں میں دیکھا جاسکتا ہے کہ غنا علی کے شوہر نے سیاہ رنگ کا لباس زیب تن کیا ہوا ہے جبکہ اداکارہ مغربی لباس میں ملبوس ہیں۔
اداکارہ نے اپنی پوسٹ کے کیپشن میں لکھا کہ میرے شوہر کو سیاہ رنگ بہت پسند ہے اور اُن کی الماری میں موجود زیادہ تر لباس سیاہ رنگ کے ہی ہیں۔
اداکارہ نے ناقدین سے مخاطب ہوتے ہوئے لکھا کہ اگر آپ لوگوں کو میرے شوہر سے کوئی مسئلہ ہے تو مجھے اَن فالو کردیں۔ میں اب کسی کی گھٹیا بات سُن نہیں سکتی اور نہ ہی اُن باتوں کا جواب دے سکتی ہوں۔
واضح رہے کہ غنا علی کو شادی کے بعد سے اُن کے شوہر کی وجہ سے کافی تنقید کا نشانہ بنایا جارہا ہے۔ اس سے قبل بھی غنا علی اپنے شوہر پر تنقید کرنے والے ایک صارف کو کھری کھری سُنا چکی ہیں۔
خیال رہے کہ غنا علی اب تک کئی پاکستان کے کئی ڈراموں میں اپنی اداکاری کے جوہر دکھا چکی ہیں جن میں سُن یارا، کس دن میرا ویاہ ہووے گا سیزن فور، سایہ دیوار بھی نہیں، ہانیہ، چھوٹی چھوٹی باتیں اور سراب سمیت دیگر ڈرامے شامل ہیں۔
