Tag: angry wife

ڈسکہ: ایک انسانیت سوز واقعے میں ناراض بیوی نے شوہر کو چائے میں زہر دیکر قتل کردیا۔

پولیس کا کہنا ہے کہ مزمل اپنی ناراض بیوی کو منانے کے لئے آیا تھا، بیوی نے چائے پیش کی، جس میں زہر موجود تھا، چائے پینے پر مزمل کی حالت بگڑ گئی۔

پولیس کے مطابق مقتول کوحالت بگڑنے پر گوجرانوالہ ریفر کیا گیا، مگر وہ جانبر نہ ہو سکا، مقتول کی بہن کی مدعیت میں بیوی اور سالی کیخلاف مقدمہ درج کرلیا گیا ہے۔

دوسری جانب مردان میں دیور نے بھابھی کی جان لینے کے لیے فائرنگ کردی جس کے نتیجے میں ایک ماہ کا بھتیجا جاں بحق ہوگیا۔

صوبہ خیبر پختونخوا کے ضلع مردان کے میاں گلزارہ میں ایک افسوسناک واقعہ پیش آیا جہاں دیور کی فائرنگ سے ایک ماہ کا بھتیجا جاں بحق اور بھابھی زخمی ہوگئیں۔

پولیس کا کہنا ہے کہ بچہ ماں کی گود میں تھا دیور نے گھر میں بھابھی پر فائرنگ کی، گولی ماں کے بجائے بیٹے کو لگ گئی، فائرنگ کرنے کی وجہ سامنے نہیں آسکی ہے۔

سپر ہائی وے پر گاڑی کی ٹکر سے سیکیورٹی گارڈ جاں بحق

پولیس کا مزید کہنا ہے کہ واقعے کا مقدمہ درج کرلیا، تحقیقات کی جارہی ہے، جلد ملزم کو گرفتار کرلیا جائے گا۔