ARYNews.tv | Urdu – Har Lamha Bakhabar

Tag: anil kapoor

  • کپور فیملی کو گہرا صدمہ، اہم شخصیت انتقال کرگئی

    کپور فیملی کو گہرا صدمہ، اہم شخصیت انتقال کرگئی

    بھارتی فلم انڈسٹری کے معروف اداکار انیل کپور، بونی کپور اور سنجے کپور کی والدہ، اور مشہور فلم پروڈیوسر سریندر کپور کی اہلیہ نرمل کپور انتقال کرگئیں۔

    بھارتی میڈیا رپورٹس کے مطابق انیل کپور کی والدہ نرمل کپور نے 90 برس کی عمر میں 2 مئی کی شام ممبئی کے کوکیلابین دھیروبھائی امبانی اسپتال میں دم توڑا، کہا جارہا ہے کہ انہیں دن کا دورہ پڑا تھا۔

    رپورٹس کے مطابق اسپتال کے سی ای او نے ان کے انتقال کی تصدیق کرتے ہوئے کہا کہ وہ شام 5 بج کر 25 منٹ پر انتقال کرگئیں، نرمل کپور کو نہ صرف کپور خاندان میں بلکہ بالی وڈ کے حلقوں میں بھی بے حد عزت و احترام کی نظر سے دیکھا جاتا تھا۔

    رپورٹس کے مطابق بونی کپور کی والدہ کی آخری رسومات 3 مئی کو ادا کی جائیں گی، جہاں فلمی دنیا کی اہم شخصیات کی شرکت متوقع ہے۔

    واضح رہے کہ گزشتہ ماہ بالی ووڈ کے لیجنڈ فلم پروڈیوسر سلیم اختر بھی 82 برس کی عمر میں ممبئی میں انتقال کرگئے تھے۔

    بھارتی میڈیا رپورٹ کے مطابق بالی ووڈ فلم پروڈیوسر سلیم اخترممبئی کے کوکیلابین دھیرو بھائی امبانی اسپتال میں زیر علاج تھے۔

    سلیم اختر نے 1997 میں اداکاری رانی مکھرجی کو فلم ’راجا کی آئے گی بارات‘ میں متعارف کروایا تھا۔انہوں نے اداکارہ تمنا بھاٹیا کے ساتھ فلم ’چاند سا روشن چہرہ‘ 2005 میں پروڈیوس کی تھی۔

    ضرورت پڑی تو بارڈر پر پاک آرمی کے ساتھ جنگ لڑوں گا، غلام محی الدین

    انہوں نے متعدد فلمیں پروڈیوس کیں جن میں 1980 اور 90 کی ’پھول اور انگارے‘۔ ’قیامت‘۔ ’لوہا‘۔ اور ’بٹوارہ‘ شامل ہیں۔ سلیم اختر کے پسماندگان میں اہلیہ شمع اختر اور بیٹا صمد اختر شامل ہیں۔

  • انیل اور نانا پاٹیکر سیٹ پر ملیکہ شیراوت کی توجہ حاصل کرنے کیلئے کیا کرتے تھے؟ اداکارہ نے بتادیا

    انیل اور نانا پاٹیکر سیٹ پر ملیکہ شیراوت کی توجہ حاصل کرنے کیلئے کیا کرتے تھے؟ اداکارہ نے بتادیا

    بھارت: بالی ووڈ اداکارہ ملیکہ شیراوت نے انکشاف کیا ہے کہ فلم ‘ویلکم’ کے سیٹ پر اداکارہ کی توجہ حاصل کرنے کے لیے نانا پاٹیکر اور انیل کپور جھگڑا کرتے تھے۔

    بالی ووڈ اداکارہ ملیکہ شیراوت نے حال ہی میں ایک یوٹیوب چینل کو انٹر ویو دیا جہاں انہوں نے اپنی ماضی کی فلموں کے حوالے سے گفتگو کی۔

    اداکارہ نے اس انٹرویو میں 2007 میں ریلیز ہونے والی رومانوی کامیڈی فلم ‘ویلکم’ کے سیٹ پر ہونے والے دلچسپ قصوں کا تذکرہ بھی کیا۔

    ملکہ شیراوت نے بتایا کہ اداکار انیل کپور اور سینئر اداکار نانا پاٹیکر میری توجہ حاصل کرنے کیلئے جھگڑا کرتے تھے  اور میں خود کو بہت خاص محسوس کرتی تھی، وہ دونوں بہت اچھے انسان اور اداکار ہیں۔

    اداکارہ نے بتایا کہ فلم کی شوٹنگ دبئی میں ہوئی تھی اس دروان وہاں بہت گرمی تھی اور ہمارا میک اپ بھی خراب ہو رہا تھا لیکن اس بات کی کسی کو بھی فکر نہیں تھی، بس ہر کوئی جلد سے جلد شوٹنگ مکمل کرکے گھر جانا چاہتا تھا۔

    واضح رہے کہ فلم ‘ویلکم’ کی کاسٹ میں اداکار انیل کپور، اکشے کمار، نانا پاٹیکر، اداکارہ کترینہ کیف اور ملیکہ شیراوت سمیت دیگر اداکار بھی شامل تھے۔

  • انیل کپور سے زیادہ خوش ہوں، سنجے کپور نے ایسا کیوں کہا؟

    انیل کپور سے زیادہ خوش ہوں، سنجے کپور نے ایسا کیوں کہا؟

    بھارتی فلم انڈسٹری کے معروف اداکار سنجے کپور نے اپنے بھائیوں انیل کپور اور بونی کپور کے ساتھ موازنہ کئے جانے پر کھل کربات کی۔

    بھارتی میڈیا کے مطابق سنجے کپور نے کہا کہ ہمارا موازنہ کیا جاتا ہے مگر اس سے ہمارے ایک دوسرے کے ساتھ تعلقات متاثر نہیں ہوتے۔

    سنجے کپور نے کہا کہ مجھے لگتا ہے کہ اگرچہ انیل مجھ سے زیادہ کامیاب ہیں، لیکن میں ہمیشہ محسوس کرتا ہوں کہ میں ان سے زیادہ خوش اور مطمئن ہوں، چاہے کوئی بھی وجہ ہو۔ میں ہمیشہ کہتا ہوں کہ خدا کا شکر ہے۔

    انہوں نے کہا کہ اگرچہ میں نے ان سے کم دولت کمائی ہے، مگر پھر بھی میں محسوس کرتا ہوں کہ میں خوش ہوں، میں ہمیشہ بہتر موڈ میں رہتا ہوں۔ میں یہ نہیں کہہ رہا ہوں کہ وہ اداس ہیں یا کچھ بھی، لیکن مجھے لگتا ہے کہ میں ان سے زیادہ مطمئن ہوں۔

    سنجے کپور نے کہا کہ کبھی تو اپنے بھائیوں انیل کپور اور بونی کپور سے مہینے بعد بھی ملاقات نہیں ہوتی، لیکن ہم ایک دوسرے کا احترام کرتے ہیں، ایک دوسرے سے پیار کرتے ہیں۔

    سلمان خان سے متعلق سومی علی کی اپیل پر بشنوئی کمیونٹی کا ردعمل

    بونی کپور نے 1995میں ریلیز ہونے والی فلم پریم میں سنجے کپور کو متعارف کرایا تھا، یہ فلم، جس میں تبو نے بھی کام کیا تھا، باکس آفس پر ناکام رہی۔ اس کے علاوہ سنجے کپور نے آواز، محبت، اور صرف تم جیسی فلموں میں بھی کام کیا۔

  • سونم کپور نے انیل کپور کی فٹنس کا راز بتادیا ؟

    سونم کپور نے انیل کپور کی فٹنس کا راز بتادیا ؟

    بھارتی فلم انڈسٹری کے معروف سینئر اداکار انیل کپور لاجواب اداکاری کرنے کے ساتھ ہمیشہ جوان نظر آنے کے لئے کافی مشہور ہیں۔

    انیل کپور کی صاحبزادی اداکارہ سونم کپور نے ڈاکٹر شیو کے سرین کی کتاب اون یور باڈی: اے ڈاکٹرز لائف سیونگ ٹپس کے اجراء کے موقع پر بات کرتے ہوئے اپنے والد انیل کپور، بونی کپور اور سنجے کپور کے طرز زندگی کے حوالے سے مداحوں کو آگاہ کیا۔

    سونم کپور کا انیل کپور کی فٹنس سے متعلق بات کرتے ہوئے کہنا تھا کہ وہ شراب نہیں پیتے اور نہ ہی سگریٹ نوشی کرتے ہیں۔

    سونم کپور نے بتایا کہ ان کی والدہ بھی انیل کپور کی صحت سے متعلق کافی حساس ہیں وہ ان کا ہر طرح سے بہت خیال رکھتی ہیں۔

    واضح رہے کہ انیل کپور نے 23 سال کی عمر میں اُمیش مہرا کی فلم ’ہمارے تمہارے‘ (1979) سے ڈیبیو کیا تھا۔ جبکہ اداکار کو فلم انڈسٹری کا حصہ بنے ہوئے 44 سال سے زیادہ بیت چکے ہیں۔

    انہوں نے پہلی بار ہندی فلم میں مرکزی کردار 1983 میں وہ سات دن میں کیا تھا اس کے بعد انہوں نے یش چوپڑا کے ایکشن فلم مشال (1984) میں کام کیا، جس سے ان کی شہرت میں بڑا اضافہ ہوگیا تھا۔

    انیل کپور کا نام، تصویر اور آواز استعمال کرنے پر پابندی عائد

    انیل کپور چار دہائیوں تک فلموں کا حصہ بنے رہے، اس دوران انہوں نے اپنے چاہنے والوں کے ساتھ محبت کا ایک خاص رشتہ بنائے رکھا۔

  • انیل کپور جیریمی رینر کے ساتھ، مگر کس ہالی ووڈ سیریز میں؟

    انیل کپور جیریمی رینر کے ساتھ، مگر کس ہالی ووڈ سیریز میں؟

    بالی ووڈ اداکار انیل کپور ہالی ووڈ اداکار جیریمی رینر کے ساتھ ایک بار پھر اسکرین شیئر کرنے آ رہے ہیں، اس بار وہ ایک سیریز میں ان کے ساتھ اداکاری کے جوہر دکھائیں گے۔

    بھارتی میڈیا رپورٹس کے مطابق انیل کپور جلد ڈزنی سیریز میں جیریمی رینر کے ساتھ نظر آئیں گے، اس سے قبل انیل کپور ان کے ساتھ فلم ’مشن امپاسبل گھوسٹ پروٹوکول‘ میں کام کر چکے ہیں، تاہم دونوں ایک ساتھ دکھائی نہیں دیے تھے۔

    انیل کپور پہلے بھی ہالی ووڈ فلموں ’سلم ڈاگ ملینیئر‘ اور ’24‘ میں بھی اداکاری کے جلوے دکھا چکے ہیں، لیکن اس بار وہ ڈزنی پلس کی سیریز ’رینرویشنز‘ (Rennervations) میں جلوہ گر ہوں گے۔

    انیل کپور نے بھی تصدیق کر دی ہے وہ انٹرنیشنل پراجیکٹ پر کام کرنے جا رہے ہیں، ٹوئٹر پر جب فلم ساز شیکھر کپور نے انیل کپور سے پوچھا کہ کیا ان کے آنے والے پراجیکٹس میں کوئی انٹرنیشنل فلم شامل ہے؟ تو انھوں نے کہا کہ ’رینرویشیز سیریز کے حوالے سے بات چیت چل رہی ہے اور اس میں کام کروں گا۔‘

    یاد رہے کہ شیکھر کپور کی فلم ’مسٹر انڈیا‘ میں انیل کپور نے 1987 میں کام کیا تھا۔ انیل کی نئی سیریز رینرویشنز 4 حصوں پر مشتمل سیریز ہے۔

    ہالی ووڈ اداکار جیریمی رینر برف صاف کرتے ہوئے حادثے کا شکار

    پچھلے کچھ عرصے سے انیل کپور کی ’دی نائٹ مینیجر‘ سیریز بھی خبروں میں ہے جو کہ 2016 کی برٹش سریز کا ہندی ری میک ہے۔

  • کرن جوہر کے بیان پر انیل کپور کو اعتراض

    کرن جوہر کے بیان پر انیل کپور کو اعتراض

    معروف بھارتی اداکار انیل کپور کا کہنا ہے کہ وہ اسٹار پاور سے زیادہ اچھی اداکاری کو اہمیت دیتے ہیں۔

    حال ہی میں معروف بھارتی ہدایت کار کرن جوہر نے ایک انٹرویو میں کہا کہ بالی ووڈ میں تینوں خانز کا دور ختم ہورہا ہے اور اس کے ساتھ ہی اسٹار ڈم کا کرشمہ بھی دم توڑ رہا ہے۔

    کرن جوہر کا کہنا تھا کہ ایک بار وہ ایک پارٹی میں تھے، وہاں شاہ رخ خان آئے تو کمرے میں ہلچل مچ گئی اور سب لوگ انہیں دیکھنے لگے، نئی نسل کے اداکاروں میں یہ بات نہیں۔

    ان کے اس بیان پر ردعمل دیتے ہوئے انیل کپور کا کہنا تھا کہ چاہے کوئی شخص اپنے شعبے میں بہترین ہو، لیکن بہترین سے بہتر بھی کوئی آتا ہے۔

    انیل کپور کا کہنا تھا کہ دنیا ایسے ہی چلتی ہے، پہلے ایلوس پریسلے کو بھی بہترین سمجھا جاتا ہے لیکن پھر مائیکل جیکسن بھی آیا۔

    انہوں نے کہا کہ اسٹار ڈم سے زیادہ اچھی اداکاری اہمیت رکھتی ہے اور وہی کسی اداکار کو عظیم بناتی ہے۔

  • سونم کپور کا والد کے ساتھ ڈانس۔۔ ۔ فلم کا نیا گانا ریلیز

    سونم کپور کا والد کے ساتھ ڈانس۔۔ ۔ فلم کا نیا گانا ریلیز

    ممبئی: بالی ووڈ اداکار ہ سونم کپور کی اپنے والد انیل کپور کے ساتھ ڈانس کی ویڈیو سامنے آگئی، یہ دراصل نئی آنے والی فلم ’ایک لڑکی کو دیکھا تو ایسا لگا‘ کا گانا ہے۔

    تفصیلات کے مطابق 1992 کی مشہورِ زمانہ ’1942 اے لو اسٹوری‘ فلم کے ایک اور خوبصورت گانے کی ویڈیو ریلیز کردی گئی جسے بالکل نئے انداز سے بنایا کیا گیا ہے۔

    فلم کے سیکوئل میں پہلی بار باپ بیٹی انیل کپور، سونم کپور کردار ادا کرتے نظر آئیں گے علاوہ ازیں جوہی چاؤلہ، راج کمار راؤ بھی کاسٹ میں شامل ہیں۔

    اس فلم کا پہلا ٹیزر گزشتہ برس ریلیز کیا گیا تھا، جس میں انیل کپور نے اپنی 1994 میں ریلیز ہوئی فلم ’1942 اے لو اسٹوری‘ کی جھلک بھی دکھائی تھی۔

    قبل ازیں اس گانے میں اداکار سنی دیول اور کنگنا رناوت نے پرفارم کیا تھا البتہ اب سونم کپور اپنے والد کے ہمراہ اس ڈانسنگ ٹریک پر جلوے بکھیرتے نظر آئیں گی۔

    ایک لڑکی کو دیکھا تو ایسا لگا میں یہ گانا ’عشق مٹا‘ ہرشدیپ کور اور نؤراج ہنس نے گایا جبکہ روہک کھلی نے اسے کمپوز کیا۔ واضح رہے کہ ویدھو وینود اس فلم کو پرڈیوس کررہے ہیں جو یکم فروری 2019 کو سینیما گھروں میں پیش کی جائے گی۔

  • ریس3: دبنگ خان کی فلم پر تنقید

    ریس3: دبنگ خان کی فلم پر تنقید

    ممبئی: بالی ووڈ اداکار دبنگ خان کی نئی فلم ’ریس 3‘ ریلیز ہوگئی جسے مداحوں نے پسند کیا تاہم کچھ حلقوں کی جانب سے اس پر تنقید بھی کی گئی۔

    تفصیلات کے مطابق سلمان خان کی فلم ’ریس 3‘ پاکستان کے علاوہ دنیا بھر میں عید الفطر پر 15 جون کو ریلیز ہوگئی جس میں انیل کپور ،بوبی دیول سمیت کئی اداکار  کام کررہے ہیں۔

    ایکشن تھرل پر بنائی جانے والی فلم کی ہدایت کاری کے فرائض ریمو ڈی سوزا نے سرانجام دیے، ریلیز سے قبل ہی ریس تھری کی ناظرین میں کافی حد تک مقبولیت حاصل کرلی تھی۔

    دبنگ خان اس فلم میں انیل کپور کے بیٹے کا کردار ادا کررہے ہیں اُن کا مرکزی نام سکندر ہے، جسے بے حد ذہین اور چلاک دکھایا گیا ہے۔ سلمان خان کا کہنا ہے کہ میرا کردار اور فلم میں موجود جذباتی مناظر دیکھ کر ہی ناظرین کسی نتیجے پر پہنچ سکیں گے۔

    عوامی سطح پرفلم کو پہلے روز مقبولیت حاصل ہوئی تاہم سینماگھروں پر گہری نظر رکھنے والے ماہرین نے ریس تھری کو خاطر خواہ فلم قرار نہیں دیا۔

    ترن آدھرش نے سماجی رابطے کی ویب سائٹ پر اپنے ایک ٹویٹ میں کہا کہ ’ہدایت کار نے ایک اچھا موقع کھو دیا، فلم کافی مایوس کن ہے جس کے لیے صرف دو اسٹارز دیتا ہوں‘۔

    ایک اور صارف نے فلم کو مایوس کن قرار دیتے ہوئے کہا کہ ’یہ کوئی اچھی مووی نہیں‘

    انیشا فیصل نے بھی فلم کو مایوس کن قرار دیتے ہوئے صرف ایک اسٹار بطور ریٹنگ دیا۔

    سبھم کا کہنا تھا کہ ’یہ فلم جے ہو کی طرح ہے جسے دیکھ کر آپ صرف اپنا وقت ضائع کریں گے‘۔

    اکشے کا کہنا تھا کہ ’ فلم میں سلمان خان نے ایک ڈائیلاگ بولا کہ بے وقوفی کا کوئی علاج نہیں، میرے خیال میں یہ بات انہوں نے اُن لوگوں کے لیے کہی ہوگی جو ریس تھری دیکھنے کے لیے سینیما گھروں کو گئے‘۔

    ایک اور صارف نے ہدایت کار پر تنقید کرتے ہوئے کہا کہ کاسٹ نے فلم کو ڈوبا دیا، اگر اداکاروں کا چناؤ درست ہوتا تو شاید نتیجہ مختلف ہوتا.

    واضح رہے کہ اس سے قبل ’ریس‘ سیریز کو 2 فلمیں کامیابی کے جھنڈے گاڑ چکی ہیں تاہم ابتدائی دو فلموں میں مرکزی کردار ادا کرنے والے سیف علی خان اس بار فلم کی کاسٹ کا حصہ نہیں ہیں اور ان کی جگہ دبنگ خان مداحوں کے جذبات کو ریس دیتے نظر آئیں گے۔

    ویڈیو دیکھیں: ریس تھری کے ٹریلر نے سوشل میڈیا پر دھوم مچادی

    قبل ازیں فلم کا  3 منٹ 31 سیکنڈ پر مشتمل ٹریلر جاری کیا گیا تھا جس نے سوشل میڈیا پر دھوم مچا دی تھی،  ویڈیو  کے زیادہ تر حصے میں بالی وڈ فلموں میں ایکشن کے کنگ سمجھے جانے والے سلمان خان نمایا ں نظر آئے تھے جبکہ دیگر  کرداروں کو بھی ایکشن سے بھرپورمناظر میں دکھا یا گیا تھا۔

    بالی ووڈ اداکار بوبی دیول طویل عرصے بعد کسی بلاک بسٹر فلم میں ایکشن میں نظر آرہے ہیں، علاوہ ازیں فلم ’ریس تھری‘ جیکولین فرنینڈز مرکزی کردار ادا کررہی ہیں جبکہ فلم کی دیگر کاسٹ میں انیل کپور، ڈیزی شاہ،  بوبی دیول،  ثاقب سلیم اور پوچا ہیکڈے  سمیت دیگر فنکار شامل ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • سونم کپور کی شادی کی تاریخ کا اعلان ہوگیا

    سونم کپور کی شادی کی تاریخ کا اعلان ہوگیا

    ممبئی: بالی ووڈ اداکار سونم کپور کی شادی کی تاریخ کا اعلان ہوگیا ہے اداکارہ 8 مئی کو شادی کے بندھن میں بندھ جائیں گی۔

    تفصیلات کے مطابق سونم کپور کی شادی کو لے کر افواہیں گردش کررہی تھیں تاہم اب باضابطہ اعلان کیا گیا ہے کہ اداکارہ سونم کپور 8 مئی کو اپنے دوست آنند آہوجا کے ساتھ رشتہ ازدواج میں منسلک ہوجائیں گی۔

    سونم کپور کی شادی کی تقریبات کے کارڈز بھی جاری کردئیے گئے ہیں جس کے مطابق مہندی کا پروگرام 7 مئی کو رکھا گیا ہے، مہندی میں سونم وائٹ کلر کا انڈین لباس زیب تن کریں گی۔

    شادی کی تقریب میں میوزک اور ڈانس کا تڑکا بھی شامل ہوگا، شادی 8 مئی کو انجام پائے گی جس میں سونم انڈین اور ویسٹرن اسٹائل کا لباس زیب تن کریں گی۔

    واضح رہے کہ گزشتہ روز بھی سونم کپور کے گھر کو برقی قمقموں سے سجائے جانے کے بعد ایک بار پھر ان کی شادی کی خبریں زور و شور سے سامنے آئی تھیں، جس پر ان کے والد انیل کپور نے بھی صحیح وقت آنے پر شادی سے متعلق بتانے کا وعدہ کیا تھا۔

    مزید پڑھیں: سونم کپور کی شادی کی خبریں، انیل کپور نے خاموشی توڑ دی

    خیال رہے کہ سونم کپور اور دہلی کے بزنس مین آنند آہوجا کئی سالوں سے دوست ہیں اور دونوں کو متعدد مقامات پر ایک ساتھ دیکھا جاچکا ہے۔

    آنند آہوجا نے سونم کپور کے ساتھ سرکاری اعزاز کی تقریب میں بھی شرکت کی تھی جس کے بعد سے ہی دونوں کی شادی چہ مگوئیاں شروع ہوگئی تھیں۔

    سونم کپور کی نئی آنے والی فلم ویر دی ہے جو یکم جون کو سنیما گھروں میں نمائش کے لیے پیش کی جائے گی، فلم کی ہدایت کاری ششانکا گھوش نے دی ہے دیگر اداکاروں میں کرینہ کپور، سوارا بھاسکر، سمیت ویاس شامل ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

  • سونم کپور کی شادی کی خبریں، انیل کپور نے خاموشی توڑ دی

    سونم کپور کی شادی کی خبریں، انیل کپور نے خاموشی توڑ دی

    ممبئی: بالی ووڈ اداکارہ سونم کپور کی شادی کی خبروں پر اداکارہ کے والد انیل کپور نے خاموشی توڑ دی۔

    بھارتی میڈیا رپورٹس کے مطابق بالی ووڈ اداکارہ انیل کپور کا کہنا ہے کہ لوگوں کو صحیح وقت پر پتہ چل جائے گا کہ سونم کپور کی شادی کب ہوگی۔

    اداکارہ سونم کپور کی شادی اگلے ماہ انجام پائے گی، سونم بھارتی بزنس مین آنند آہوجا سے رشتہ ازدواج میں منسلک ہونے جارہی ہیں، سوشل میڈیا پر انیل کپور کے گھر کی تصاویر وائرل ہوگئی ہیں جس میں دیکھا جاسکتا ہے کہ ان کے گھر کو سونم کی شادی سے قبل سجا دیا گیا ہے۔

    Beautiful decorations at @sonamkapoor home

    A post shared by Viral Bhayani (@viralbhayani) on

    انیل کپور کا کہنا ہے کہ میڈیا ہم اسٹارز کے بارے میں ہر رائے جاننے کے لیے بے چین رہتا ہے، میں صحیح وقت آنے پر سب کچھ بتادوں گا، یہ بھی بہت جلد پتہ چل جائے گا کہ گھر کی سجاوٹ کس لیے کی گئی ہے۔

    شادی کے سنگیت کی تیاریاں معروف کوریو گرافر فرح خان کررہی ہیں جس میں کرن جوہر اور فیشن ڈیزائنرز بھی شامل ہیں، گزشتہ روز فرح خان اور کرن جوہر تیاریوں کا جائزہ لینے کے لیے انیل کے گھر کا بھی دورہ کیا تھا۔

    واضح رہے کہ انیل کپور ان دنوں سلمان خان اسٹارر ریس تھری میں جلوہ گر ہورہے ہیں، فلم میں انیل کے علاوہ جیکولین فرنینڈس، بوبی دیول، ڈیزی شاہ، ثاقب سلیم ودیگر شامل ہیں۔


    انیل کپور کا کہنا تھا کہ میں نے سلمان خان کے ساتھ کیریئر میں بہت سی فلمیں کی ہیں اور انہیں مداحوں کی جانب سے پسند بھی کیا گیا ہے، انیل کپور سلمان خان کے ساتھ نوانٹری، یووراج، سلام عشق، بیوی نمبر ون میں اداکاری کے جوہر دکھا چکے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔