ARYNews.tv | Urdu – Har Lamha Bakhabar

Tag: announce

  • برطانیہ کا مزید فوجی افغانستان بھیجنے کا اعلان

    برطانیہ کا مزید فوجی افغانستان بھیجنے کا اعلان

    لندن/برسلز: برطانوی وزیر اعظم نے 440 نان کمبیٹ فوجیوں کو افغانستان بھیجنے کا اعلان کرتے ہوئے کہا ہے کہ افغانستان میں فوج کی تعیناتی کا مقصد افغان شہریوں کی سلامتی اور ملکی استحکام ہے۔

    تفصیلات کے مطابق یورپی یونین کے رکن ملک بیلجیم میں دو روزہ نیٹو سمٹ کے اجلاس کا آغاز سے ہوگیا ہے، جس میں وزیر اعظم تھریسا مے نے برطانوی افواج کے 440 نان کمبیٹ فوجی اہلکاروں کو افغانستان بھیجنے کا اعلان کیا ہے۔

    غیر ملکی خبر رساں ادارے کا کہنا تھا کہ برطانیہ کی جانب سے 440 فوجی بھیجنے کے بعد افغانستان میں نیٹو مشن کے لیے برطانوی فوجیوں کل تعداد 1 ہزار 30 فوجی ہوجائے گی۔

    برطانوی نشریاتی ادارے کا کہنا تھا کہ تھریسا مے کی جانب سے برطانوی افواج کی فوٹ رجمنت کے ولیش گارڈز کے آدھے اہلکاروں کو رواں برس اگست میں افغانستان بھیجا جائے گا جبکہ باقی اہلکاروں کو فروری 2019 میں روانہ کیا جائے گا۔

    برطانوی نشریاتی ادارے کے مطابق وزیر اعظم تھریسا مے کا کہنا ہے کہ ’افغانستان میں فوج تعینات کرنے کا مقصد افغان شہریوں کی سیکیورٹی و ملکی سلامتی اور استحکام میں مدد کرنا ہے‘۔

    غیر ملکی خبر رساں ادارے کا کہنا تھا کہ افغان کے عروج کے وقت نیٹو کے 50 رکن ممالک کے 1 لاکھ 30 ہزار فوجی افغانستان میں تعینات تھے، جن میں ساڑھے 3 ہزار فوجی اہلکار اور صوبہ ہلمند میں 137 فوجی چھاونیاں صرف برطانیہ کے پاس تھیں۔

    غیر ملکی میڈیا کا کہنا تھا کہ گذشتہ ماہ تک نیٹو کے 39 رکن ممالک کے 16 ہزار فوجی افغانستان کے دارالحکومت کابل میں موجود ہیں، جو افغان فورسز کی جنگی تربیت پر کام کررہے ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • حکومت نے عیدالفطر کی تعطیلات کا اعلان کردیا

    حکومت نے عیدالفطر کی تعطیلات کا اعلان کردیا

    اسلام آباد: حکومت پاکستان نے عیدالفطر کے موقع پر چار روز کی سرکاری تعطیلات کا اعلان کردیا۔

    تفصیلات کے مطابق حکومت کی جانب سے نوٹی فکیشن جاری کیا گیا جس کے مطابق عید الفطر کی تعطیلات 15 سے 18 جون یعنی جمعہ، ہفتہ، اتوار اور پیر تک ہوں گی۔

    دوسری جانب محکمہ موسمیات نے رمضان المبارک کے 30 روزے پورے ہونے کی نوید سنائی ہے، ڈائریکٹر محکمہ موسمیات کا کہنا ہے کہ 29 رمضان المبارک کو چاند نظر آنے کے امکانات بہت کم ہیں۔

    محکمہ موسمیات کے مطابق چاند کی پیدائش 14 جون کو رات 12 بجے کے قریب ہوگی اور شام تک اس کی عمر 19 گھنٹے تین منٹ تک ہوگی، غروب آفتاب کے بعد 39 منٹ تک چاند نظر آسکتا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • فیس بک نے ٹرینڈنگ فیچر ختم کرنے کا اعلان کردیا

    فیس بک نے ٹرینڈنگ فیچر ختم کرنے کا اعلان کردیا

    سانس فرانسسکو: سماجی رابطے کی سب سے بڑی ویب سائٹ فیس بک نے اپنی ایپ سے ٹرینڈنگ فیچر کرنے کا اعلان کردیا۔

    ٹیکنالوجی کی ویب سائٹس پر نظر رکھنے والی ویب سائٹ کے مطابق فیس بک نے ایپ اور آئی ڈیز پر آنے والے ٹرینڈنگ فیچرز کو تبدیل کرتے ہوئے اسے بریکنگ نیوز کا نام دے دیا  یعنی اب صارفین آئی ڈی پر اہم خبریں دیکھ سکیں گے۔

    کمپنی ترجمان کے مطابق فیس بک کی جانب سے 2014 میں مختلف موضوعات کو اجاگر کرنے کے حوالے سے ٹرینڈنگ فیچر متعارف کرایا گیا تھا جس کے فی الوقت فوائد سامنے ضرور آئے مگر پھر صارفین اس کی وجہ سے عاجز آگئے۔

    فیس بک کے مطابق کمپنی نے ایپ میں تبدیلی کا فیصلہ صارفین کی شکایت کو مدنظر رکھتے ہوئے کیا جس پر عملدرآمد آئندہ ہفتے سے شروع ہوجائے گا۔ اُن کا مزید کہنا تھا کہ فیس بک کے حصص میں ایک بار پھر اضافہ شروع ہوگیا جو ایک بار پھر لوگوں کی توجہ کا منہ بولتا ثبوت ہے۔

    مزید پڑھیں: فیس بک پوسٹ کو واٹس ایپ پر بھیجنا ممکن ہوگا

    واضح رہے کہ امریکی صدارتی انتخابات کے بعد فیس بک کا ڈیٹا لیکس اسکینڈل سامنے آیا تھا جس کے بعد ہزاروں صارفین نے اس پلیٹ فارم سے اپنے آئی ڈیز بند کردیے تھے کیونکہ اُن کا ماننا تھا کہ جہاں ڈیٹا محفوظ نہ ہو اُس پر بھروسہ نہیں کیا جاسکتا۔

    فیس بک نے اپنی گرتی ہوئی ساکھ کو بچانے کے لیے مختلف تجربات کررہی ہے،  فیس بک نے گزشتہ دنوں ایک فیچر متعارف کرایا جس کے تحت آئی او ایس فارمیٹ استعمال کرنے والے صارفین انسٹاگرام پر جانے کے بجائے ویڈیوز کو ایک ہی پلیٹ فارم پر دیکھ سکیں گے۔

    یہ بھی پڑھیں: فیس بک اور انسٹا گرام کی ویڈیو دیکھنا واٹس ایپ پر ممکن

    علاوہ ازیں سماجی رابطے کی ویب سائٹ کے سوشل میڈیا کنسلٹنٹ نے ٹویٹر پر ایک پوسٹ شیئر کی تھی جس میں انہوں نے لکھا تھا کہ اب فیس بک صارفین اپنی پسندیدہ پوسٹ کسی بھی واٹس ایپ کے نمبر پر براہ راست بھیج سکیں گے، اس حوالے سے کمپنی تجربات کررہی ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پیرآف گولڑہ شریف کا الیکشن میں پی ٹی آئی کی حمایت کا اعلان

    پیرآف گولڑہ شریف کا الیکشن میں پی ٹی آئی کی حمایت کا اعلان

    ملتان : پیرآف گولڑہ شریف نے عمران خان کو الیکشن میں حمایت کی یقین دہانی کرادی، انہوں نے چیئرمین پی ٹی آئی کو ملاقات کیلئے مدعو کیا۔

    تفصیلات کے مطابق عام انتخابات سے قبل عمران خان کو ایک اور بڑی کامیابی مل گئی، پیرآف گولڑہ شریف نے عمران خان کو الیکشن میں اپنی حمایت کی یقین دہانی کرادی۔

    پیرآف گولڑہ شریف نے چیئرمین پی ٹی آئی کو ناشتے پر مدعو کیا، اپنی رہائش گا پر ملاقات کے میں گفتگو کرتے ہوئے انہوں نے کہا کہ انتخابات کے وقت ہمارے پیروکار آپ کے ساتھ تعاون کرینگے، عمران خان نے ملاقات پر مدعو کرنے اور حمایت کرنے پر پیر آف گولڑہ شریف کا شکریہ ادا کیا۔

    مزید پڑھیں: عمران خان کا وزیرستان میں پی ٹی آئی کے جلسے سے متعلق ویڈیو پیغام

    ملاقات کے بعد میڈیا سے گفتگو کرتے ہوئے چیئرمین پی ٹی آئی نے کہا کہ مسلم لیگ نے ہمیشہ مذہبی ووٹ لئے ہیں، راجہ ظفرالحق کی رپورٹ میں کوئی چیزچھپائی جا رہی ہے، عوام چاہتی ہے کہ راجہ ظفرالحق رپورٹ سامنے لائی جائے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

  • حج 2018: سرکاری قرعہ اندازی، 17921 عازمین کے ناموں کا اعلان

    حج 2018: سرکاری قرعہ اندازی، 17921 عازمین کے ناموں کا اعلان

    اسلام آباد: وفاقی وزیر برائے مذہبی امور سردار یوسف نے سرکاری حج اسکیم کے دوسرے مرحلے کی قرعہ اندازی میں 17921 خوش نصیب عازمین کے ناموں کا اعلان کردیا جو رواں سال حج کی سعادت حاصل کریں گے ، اسکیم کے تحت 80 سال سے زائد عمر کے بزرگ شہریوں کو قرعہ اندازی سے مستشنیٰ قرار دے کر کامیاب قرار دیا گیا۔

    وفاقی دارالحکومت میں پریس کانفرنس کرتے ہوئے سردار یوسف کا کہنا تھا کہ وفاقی کابینہ کے فیصلے کے مطابق تین سال یا زائد بار  حج درخواستیں دینے والے 12237 افراد کو اس بار بغیر قرعہ اندازی کے حج پر بھیجا جارہا ہے۔

    اُن کا کہنا تھا کہ 80 سال سے زائد عمر والے 4928 زائرین کو بمع معاون بھی سرکاری کوٹے پر بغیر قرعہ اندازی کے کامیاب قرار دیا گیا ایسے معمر افراد بھی رواں سال حج پر جاسکیں گے جبکہ اگر 7 فیصد کوٹے کا عدالتی فیصلہ وزارت کے حق میں آیا تو 17562 درخواستوں کی قرعہ اندازی بھی کی جائے گی۔

    مزید پڑھیں: وزیر اعظم کی زیر صدارت وفاقی کابینہ کا اجلاس، حج پالیسی میں بہتر سہولیات کی ہدایت

    سردار یوسف کا کہنا تھا کہ 10 فیصد سرکاری اسکیم میں قرعہ اندازی کے بعد ناکام رہنے والے افراد بینکوں سے رقم واپس لے سکتے ہیں اور جو لوگ رقوم واپس نہیں لیں گے انہیں اگلی بار 7 فیصد کی قرعہ اندازی میں شامل کیا جائے گا۔

    وفاقی مذہبی امور کا کہنا تھا کہ سرکاری اسکیم کے تحت 10 فیصد عازمین حجازِ مقدسہ جائیں گے جبکہ ڈالر ریٹ کی قدر میں ہونے والے اضافے کی 4 ارب سے زائد رقم حکومت حاجیوں کو خود سے ادا کرے گی۔

    عازمین کی فنگر پرنٹس لینے کی پالیسی کے حوالے سے سردار یوسف کا کہنا تھا کہ سعودی حکومت کی جانب سے ایسا کوئی حکم وزارت کو موصول نہیں ہوا، وزارتِ خارجہ نے فنگر پرنٹس کے استشنیٰ کی درخواست بھی سعودی حکام کے حوالے کردی اُس کا بھی تاحال کوئی جواب موصول نہیں ہوا۔

    یہ بھی پڑھیں: حج 2018: سرکاری کوٹے کی پہلی قرعہ اندازی، 87 ہزار خوش نصیب عازمین

    خوش نصیب افراد کو بذریعہ موبائل میسج آگاہ کیا جائے گا جبکہ مذہبی امور کی ویب سائٹ http://www.hajjinfo.org پر بھی نتائج دیکھے جاسکتے ہیں۔

    واضح رہے کہ ترجمان وزارت مذہبی امور کے مطابق رواں سال پاکستان سے کل ایک لاکھ اناسی ہزار دو سو دس (179,210)عازمین فریضہ حج ادا کریں گے، جن میں سے ایک لاکھ بیس ہزار عازمین سرکاری اسکیم کے تحت جبکہ انسٹھ ہزار دو سو دس ( 59,210) افراد نجی حج اسکیم کے تحت فریضہ حج ادا کریں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • امیروں کیلئےکالادھن سفیدکرنےکی ایک اوراسکیم کااعلان آج متوقع

    امیروں کیلئےکالادھن سفیدکرنےکی ایک اوراسکیم کااعلان آج متوقع

    کراچی :  وزیراعظم شاہد خاقان  عباسی امیروں کے لئے کالا دھن سفید کرنے کی ایک اور ایمنسٹی اسکیم کا اعلان آج کریں گے، ٹیکس ایمنسٹی اسکیم ملک اور بیرون ملک چھپائے گئے دونوں طرح کے اثاثوں کیلئے ہوگی۔

    تفصیلات کے مطابق امیروں کیلئے کالا دھن سفید کرنے کی ایک اور اسکیم کا اعلان آج متوقع ہے، خفیہ اثاثے ظاہر کرنے کی ٹیکس ایمنسٹی اسکیم کا اعلان وزیر اعظم کریں گے۔

    ذرائع کے مطابق وزیر اعظم شاہد خاقان عباسی کی زیر صدارت اکنامک ایڈوائزری کونسل کا اجلاس آج ہوگا، اکنامک ایڈوائزری کونسل کے اجلاس میں ٹیکس ایمنسٹی اسکیم کا حتمی جائزہ لیا جائے گا۔

    دو روز قبل ٹیکس ایمنسٹی اسکیم پر عدالت کی طرف سے گورنر اسٹیٹ بینک کی سربراہی میں بنائی گئی خصوصی کمیٹی نے بھی اپنی رپورٹ جمع کرادی تھی۔

    ذرائع کا کہنا ہے کہ ٹیکس ایمنسٹی اسکیم ملک اور بیرون ملک چھپائے گئے دونوں طرح کے اثاثوں کیلئے ہوگی، بیرون ملک چھپائے گئے اثاثے 5فیصد ٹیکس دے کر قانونی کرائے جاسکیں گے اور ملک میں چھپائے گئے منقولہ اور غیر منقولہ اثاثے بھی 5فیصد ٹیکس دے کرقانونی ہوسکیں گے جبکہ چھپائے گئے نقد اثاثے بھی 5فیصد ٹیکس دیکر قانونی کرائے جاسکیں گے۔

    ٹیکس ایمنسٹی اسکیم کے خدوخال کے حوالے سے ذرائع نے بتایا کہ اب کوئی بھی شخص بغیر این ٹی این کے فاریکس اکاونٹ نہیں کھول سکے گاجبکہ 1 لاکھ ڈالرسالانہ ترسیلات زر وصول کرنیوالوں کو ذرائع بتانا ہوں گے۔

    اسی طرح گاڑیوں کی درآمد کیلئے گفٹ اسکیم رجیم ختم کردی جائے گی، کوئی بھی شخص پراپر بینک ٹرانسفر کے ذریعے ٹیکس ادا کرکے گاڑی منگوا سکے گا۔

    دوسری جانب یکم جولائی 2018سے پراپرٹی کی ویلیو میں بھی اضافہ متوقع ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • سال 2018: حج پالیسی کا اعلان، 1 لاکھ 79 ہزار فیس مقرر، ایک ماہ کا قیام

    سال 2018: حج پالیسی کا اعلان، 1 لاکھ 79 ہزار فیس مقرر، ایک ماہ کا قیام

    اسلام آباد: وفاقی مذہبی امور سردار محمد یوسف نے نئی حج پالیسی کا اعلان کردیا، جس کے مطابق آئندہ سال سرکاری حج پر 1 لاکھ 79 ہزار 210 روپے کے اخراجات آئیں گے جبکہ سعودی عرب میں قیام کا دورانیہ 40 سے کم کر کے 30 دن کردیا گیا ہے۔

    اسلام آباد میں پریس کانفرنس کے ذریعے حج پالیسی کا اعلان کرتے ہوئےوفاقی وزیر مذہبی امور کا کہنا تھا کہ ’ہماری حکومت سے پہلے حج انتظامات انتہائی ناقص تھے اس لیے عوام نے موجودہ حکومت کی حج پالیسی پر اعتماد کا اظہار کیا‘۔

    اُن کا کہنا تھا کہ ’ہماری حکومت سے پہلے حج انتظامات انتہائی ناقص تھے کیونکہ عازمین کو حرم شریف سے دور رہائش دی گئی جبکہ کھانے کے بھی ناقص انتظامات کیے گئے تھے، عدالتی فیصلے کی روشنی میں محکموں کی کمیٹی نےحج پالیسی پرنظرثانی کی‘۔

    سردار یوسف نے کہا کہ ’سال 2015 میں حج پیکج کم کر کے 2 لاکھ 64 ہزار روپے کیا گیا جبکہ سن 2016 میں سرکاری پیکج 2 لاکھ 78 ہزار روپے مقرر کیا گیا جس میں کو مکہ مدینہ سفر کے لیے لگژری بسیں فراہم کی گئیں اور رہائشی مقامات پر وائی فائی (انٹرنیٹ) کی سہولت بھی دی گئی‘۔

    اُن کا کہنا تھا کہ حکومت نے حجاج کو میڈیکل کی سہولیات اور 3 وقت کا اچھا کھانا فراہم کیا جبکہ میدانِ عرفات میں حجاج کو کوائر کولر بھی فراہم کیے گئے جس کی وجہ سے عوام نے سرکاری حج اسکیم پر اعتماد کا اظہار کیا۔

    حج پالیسی برائے سال 2018

    سردار یوسف کا کہنا تھا کہ سن 2018 کے لیے حج کوٹہ 1 لاکھ 79 ہزار 210 روپے مقرر کیا گیا ہے جبکہ شمالی ریجن کے لیے یہ پیکج 2 لاکھ 80 ہزار اور جنوبی ریجن کے لیے 2 لاکھ 70 ہزار روپے میں ہوگا تاہم قربانی کے لیے علیحدہ سے 13 ہزار 50 روپے جمع کروانے ہوں گے۔

    انہوں نے کہا کہ سرکاری اسکیم کے تحت عازمین کا کوٹہ ایک لاکھ 20 ہزار جبکہ نجی پرائیوٹ سطح پر 69 ہزار 210 افراد کو حج کی اجازت دی جائے گی، حج کے دورانیہ کو 38 دن سے کم کر کے ایک ماہ تک کردیا گیا ہے‘۔

    سردار یوسف نے کہا کہ ’آئندہ سال سرکاری اسکیم کے تحت حج پر جانے والے خواہش مند افراد کی درخواستیں 15 سے 24 جنوری تک وصول کی جائیں گی جبکہ حجاج کاانتخاب شفاف اندازمیں قرعہ اندازی کےذریعےکیا جائے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • چوہدری نثار بعض پارٹی رہنماؤں کے رویے سے ناخوش، آئندہ انتخابات میں این اے 53 سے الیکشن لڑنے کا اعلان

    چوہدری نثار بعض پارٹی رہنماؤں کے رویے سے ناخوش، آئندہ انتخابات میں این اے 53 سے الیکشن لڑنے کا اعلان

    ٹیکسلا : سابق وفاقی وزیر داخلہ چوہدری نثار نے آئندہ انتخابات میں این اے ترپن سے الیکشن لڑنے کا اعلان کردیا جبکہ وہ بعض پارٹی رہنماؤں کے رویے سے ناخوش ہے اورمریم نواز کے عدالتوں سے متعلق ریمارکس پر بھی مایوس ہے۔

    تفصیلات کے مطابق سابق وفاقی وزیر داخلہ چوہدری نثار نے ٹیکسلا میں ورکرزکنویشن سے خطاب میں آئندہ انتخابات میں این اے ترپن سے الیکشن لڑنے کا اعلان کیا ہے۔

    دوسری جانب چوہدری نثار بعض پارٹی رہنماؤں کے رویے سے ناخوش ہے جبکہ مریم نواز کے عدالتوں سے متعلق ریمارکس پرمایوسی کا اظہار کیا ، ان کا کہنا ہے ایسے بیانات دینے کے بجائے افہام وتفہیم سے کام لیا جائے، ایسےبیانات پارٹی کیلئےمشکلات پیداکررہےہیں، ایسے رویوں سے اداروں کے ساتھ خلیج بڑھ رہی ہے۔

    چوہدری نثارنے کہا کہ ایسے بیانات انتخابات سے پہلے مشکلات پیدا کرسکتےہیں، نوازشریف میرے قائد ہیں، قائد کی بیٹی قائد نہیں ہوسکتی۔

    یاد رہے چند روز قبل سابق وزیر داخلہ چوہدری نثار علی خان نے رہنماؤں کے اصرار کے باوجود ورکرز کنونشن سے خطاب نہ کیا، وہ وزیراعظم کی تقریر کے دوران خاموشی سے اٹھ کر چلے گئے تھے۔

    اس سے قبل چوہدری نثارسمیت بعض رہنماؤں نے مریم نواز کو اہم ذمہ داری دینے کے مخالفت کی تھی۔

    سابق وزیر داخلہ نے اپنے بیان میں کہا تھا کہ مریم نواز کو لیڈر تسلیم نہیں کرتا، بچے بچے ہوتے ہیں انہیں لیڈر کیسے مانا جاسکتا ہے، اختلافات کے باوجود نواز شریف کے ساتھ چلا جاسکتا ہے۔

    مزید پڑھیں : مریم نوازکو لیڈر تسلیم نہیں کرتا، بچے بچے ہوتے ہیں، چوہدری نثار

    چوہدری نثار کا کہنا تھا کہ مریم نواز کا کردارصرف نوازشریف کی بیٹی کا ہے، جب مریم باضابطہ سیاست میں آئیں گی، ان کا پروفائل بنے گا تو لوگ فیصلہ کرینگے، مریم نواز اور بے نظیر بھٹو میں بہت فرق ہے۔

    انکا کہنا تھا کہ بےنظیر بھٹو کا معاملہ مریم نواز سے قطعاً مختلف ہے، بےنظیر بھٹو نے ذوالفقار علی بھٹو کے قتل کے بعد گیارہ سال تک مصبیتیں جھیلیں۔

    جس کے بعد مریم نواز نے چوہدری نثار کے بیان پر ردعمل کا اظہار کرتے ہوئے کہا تھا کہ چوہدری نثار کے اپنے خیالات ہیں وہ میرے والد کے پرانے ساتھی ہیں اُن کی عزت کرتی ہوں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شرح سود 5.75 فیصد پر برقرار، اسٹیٹ بینک

    شرح سود 5.75 فیصد پر برقرار، اسٹیٹ بینک

    کراچی : اسٹیٹ بینک نے نئی مانیٹری پالیسی میں اگلے دو ماہ کے لیے شرح سود 5.75 فیصد پر برقرار رکھنے کا اعلان کردیا۔

    تفصیلات کے مطابق مرکزی بینک نے اگلے دو ماہ کے لئے زری پالیسی کا اعلان کردیا ہے۔ بنیادی شرح سود میں کوئی رد و بدل نہیں کی گئی۔

    اسٹیٹ بینک کے مطابق معاشی سرگرمیوں میں اضافہ ہوا ہے، اہم فصلوں کی پیداوار حوصلہ افزا ہے، صنعتی شعبے کی پیداوار اور پرائیوٹ سیکٹر کو دئے جانے والے قرضوں میں اضافہ ہوا ہے جبکہ معیشت میں ترقی کی رفتار چھ فیصد تک پہنچنے کا قوی امکان ہے۔

    اسٹیٹ بینک کا کہنا ہے کہ برآمدات میں اضافہ ہوا ہے۔ سی پیک سے ہونے والی سرمایہ کاری اور معاشی سرگرمیوں سے بھی برآمدات میں اضافہ ہوگا۔

    اعلامیہ کے مطابق مہنگائی کی دوماہ میں اوسط شرح 3.2 فیصد رہی، چینی اورگندم کےملک میں وسیع ذخائرموجودہیں، مستقبل میں چینی اورگندم کی سپلائی میں رکاوٹ کی توقع نہیں، مہنگائی ہدف میں رہے گی لیکن2ماہ میں کچھ اضافہ ہواہے، اسٹیٹ بینک

    اسٹیٹ بینک نے معاشی شرح نمو رواں سال 6فیصدتک پہنچنے کی پیشگوئی بھی کی ہے، جبکہ پورے سال مہنگائی مقررہ ہدف 6فیصد سے کافی نیچے رہے گی۔

    مرکزی بینک کی جانب سےجاری اعلامیہ کے مطابق مہنگائی میں ہونے والے ممکنہ اضافے کو مدنظر رکھتے ہوئےشرح سود میں ردوبدل نہ کرنےکا فیصلہ کیا گیا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • صدرٹرمپ نئی افغان پالیسی کا اعلان کل کریں گے

    صدرٹرمپ نئی افغان پالیسی کا اعلان کل کریں گے

    واشنگٹن : افغانستان میں مزید امریکی فوجی بھیجے جائیں گے یا نہیں، صدرٹرمپ کل اہم اعلان کریں گے جبکہ پاکستان سمیت خطے کی صورتحال پربھی بات کریں گے۔

    امریکی میڈیا کے مطابق صدرڈونلڈ ٹرمپ نئی افغان پالیسی کا اعلان کل کریں گے، جس میں افغانستان سمیت خطے کے بارے میں اہم فیصلوں کا امکان ہے۔

    وائٹ ہاؤس سے جاری بیان کے مطابق صدرڈونلڈ ٹرمپ اپنی تقریر میں افغانستان اورجنوبی ایشیا سے متعلق امریکی حکمت عملی بتائیں گے۔

    صدرٹرمپ نے سماجی رابطے کی ویب سائٹ ٹوئٹر پر اپنے ٹوئٹ میں کہا عسکری رہنماؤں سے ملاقات میں افغانستان سمیت کئی معاملات پراہم فیصلے کئے گئے ہیں۔

    امریکی میڈیا کا کہنا ہے کہ صدرٹرمپ کے اہم مشیران پاکستان سمیت جنوبی ایشیا کے لئے وسیع منصوبے پرکام کررہے ہیں۔

    مزید پڑھیں : افغانستان میں مزید فوج بھیجنا امریکا کیلئے تباہ کن ہوگا، طالبان کا صدرڈونلڈ ٹرمپ کے نام خط

    یاد رہے کہ چند روز قبل افغان طالبان نے امریکی صدرڈونلڈ ٹرمپ کے نام کھلے خط میں خبردار کرتے ہوئے افغانستان سے نکل جانے کا مطالبہ دہرایا تھا اور کہا تھا کہ افغانستان میں مزید فوجی بھیجنا امریکا کیلئے تباہ کن ثابت ہوگا۔

    طالبان کا کہنا تھا کہ ٹرمپ سابق صدور کو اپنے جنرلوں کی جانب سے پیش کی جانے والی غیر حقیقی رپورٹوں پر انحصار نہ کریں کیونکہ افغانستان پر قبضے اور جنگ جاری رکھنے پر اس لئے زور دیتے رہیں گے کہ وہ بہتر پوزیشن حاصل کر سکیں اور جنگ کا استحقاق حاصل کر سکیں۔

    خط میں طالبان کا مزید کہنا تھا کہ ڈونلڈ اپنی افواج کے افغانستان میں موجودگی پر بضد رہے تو شرمناک شکست کا سامنا ہوگا۔

    خیال رہے کہ افغانستان میں سینئر امریکی کمانڈر نے ہزاروں اضافی فوجی اہلکار افغانستان بھیجنے کی درخواست کی تھی۔

    امریکی وزیر دفاع جیمز میٹس نے رواں برس جولائی میں کہا تھا کہ افغانستان کے لئے ٹرمپ انتظامیہ کی نئی حکمت عملی پورے خطے کے لئے ہے، جس میں پاکستان بھی شامل ہے۔

    واضح رہے کہ امریکا کی جانب سے  ورلڈ ٹریڈ سینٹر پر حملے کے بعد افغانستان پر فوجی چڑھائی کی گئی تھی اور 17 سال سے امریکی اور نیٹو فوجی افغانستان میں تعینات ہیں اور وہ مقامی فوجیوں کے ساتھ مل کر افغانستان میں کام کررہے ہیں، اب تک افغانستان میں 2500 سے زائد امریکی فوجی ہلاک ہوچکے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔