Tag: Announcement of retirement

  • کرکٹ کے دو مایہ ناز کمنٹٹرز آئیان بوتھم اور ڈیوڈ گوور نے ریٹائرمنٹ کا اعلان کردیا

    کرکٹ کے دو مایہ ناز کمنٹٹرز آئیان بوتھم اور ڈیوڈ گوور نے ریٹائرمنٹ کا اعلان کردیا

    لندن : کرکٹ کے دو مایہ ناز کمنٹٹرزآئیان بوتھم اور ڈیوڈ گوور نے بیس سال بعد ریٹائرمنٹ کا اعلان کردیا، دونوں شخصیات نے 1970ء کی دہائی میں بطور کرکٹر اپنے کیریئر کا آغاز کیا تھا۔

    تفصیلات کے مطابق دنیائے کرکٹ کے دو معروف ترین کمنٹیٹرز نے ریٹائرمنٹ کا اعلان کر دیا، غیر ملکی خبر رساں ایجنسی کے مطابق یہ کمنٹیٹرز سر آئیان بوتھم اور ڈیوڈ گوور ہیں جنہوں نے اسکائی ٹی وی کرکٹ کمنٹری کے بیس سالہ شاندار کیریئر کو گزشتہ روز خیرباد کہ دیا۔

    سر آئیان بوتھم نے ریٹائرمنٹ کا اعلان کرتے ہوئے کہا کہ ”بس اتنا ہی، میں چلتا ہوں۔“ان کے ساتھ سابق برطانوی آل راﺅنڈر اور طویل عرصے تک اسکائی ٹی وی پر کمنٹری کرنے والے ڈیوڈ گوور نے بھی اسی وقت ریٹائرمنٹ کا اعلان کیا۔

    واضح رہے کہ دونوں شخصیات نے1970ءکی دہائی میں بطور کرکٹر اپنے کیریئر کا آغاز کیا تھا اور کرکٹ سے ریٹائرمنٹ کے بعد طویل عرصے تک کمنٹیٹر کے طور پر دنیائے کرکٹ سے وابستہ رہے۔

    سر آئیان بوتھم اور ڈیوڈ گوور نے اپنی ریٹائرمنٹ کی وجہ بتاتے ہوئے کہا کہ اسکائی ٹی وی نے ان کے ساتھ کنٹریکٹ کی تجدید کرنے سے انکار کر دیا تھا جس پر انہوں نے ریٹائرہونے کا فیصلہ کیا۔

  • جنوبی افریقہ کے اسٹار بالر ڈیل اسٹین کا ٹیسٹ کرکٹ سے ریٹائرمنٹ کا اعلان

    جنوبی افریقہ کے اسٹار بالر ڈیل اسٹین کا ٹیسٹ کرکٹ سے ریٹائرمنٹ کا اعلان

    کیپ ٹاﺅن : جنوبی افریقہ کے اسٹار بالر ڈیل اسٹین نے ٹیسٹ کرکٹ سے ریٹائرمنٹ کا اعلان کردیا، اسٹین نے ترانوے ٹیسٹ میں جنوبی افریقہ کے لیے سب سے زیادہ چار سوانتالیس وکٹیں حاصل کیں۔

    تفصیلات کے مطابق ٹیسٹ کرکٹ میں جنوبی افریقہ کی جانب سے سب سے زیادہ وکٹیں حاصل کرنے والے ڈیل سٹین نے ٹیسٹ کرکٹ سے ریٹائرمنٹ کا اعلان کردیا تاہم اسٹین ون ڈے اور ٹی ٹوئنٹی کیلئے جنوبی افریقہ ٹیم کو دستیاب ہوں گے۔

     پندرہ سال تک طویل فارمیٹ میں تباہ کن بولنگ کرنے والے اسٹین نے ترانوے ٹیسٹ میں جنوبی افریقہ کے لیے سب سے زیادہ چار سوانتالیس وکٹیں حاصل کیں۔ 36 سالہ فاسٹ باﺅلر ڈیل اسٹین کندھے کی انجری کے باعث ورلڈ کپ میں شریک نہیں ہوپائے تھے۔

    جنوبی افریقہ کے فاسٹ بولر ڈیل اسٹین نے 2004 میں انگلینڈ کے خلاف ڈیبیو کیا تھا، ڈیل اسٹین نے ٹیسٹ کرکٹ سے ریٹائرمنٹ کا اعلان کرتے ہوئے کہا ہے کہ یہ سوچنا کہ آئندہ ٹیسٹ کرکٹ نہیں کھیلنی بہت ہی خوفناک ہے لیکن کرکٹ ہی نہ کھیل پانا اس سے بھی زیادہ خوفناک ہے۔

    انہوں نے کہا کہ آج میں کھیل کے اس فارمیٹ سے ریٹائر ہور ہا ہوں جسے میں بہت زیادہ پسند کرتا ہوں، میرے خیال میں ٹیسٹ کرکٹ اس کھیل کا سب سے بہترین ورژن ہے کیونکہ اس میں آپ کا ذہنی ، جسمانی اور جذباتی امتحان ہوتا ہے۔

    واضح رہے کہ ڈیل اسٹین نے صرف ٹیسٹ کرکٹ سے ریٹائرمنٹ لی ہے تاہم وہ ون ڈے اور ٹی ٹوئنٹی کرکٹ کھیلتے رہیں گے۔