Tag: ANP

  • مسلم لیگ ن اوراے این پی میں‌ اتحاد، کراچی سے مل کر الیکشن لڑنے پر اتفاق

    مسلم لیگ ن اوراے این پی میں‌ اتحاد، کراچی سے مل کر الیکشن لڑنے پر اتفاق

    کراچی: مسلم لیگ ن اور عوامی نیشنل پارٹی نے  آئندہ انتخابات میں سیاسی اتحاد بنانے  اور شہر قائد سے مل کر الیکشن لڑنے پر اتفاق کرلیا۔

    تفصیلات کے مطابق مسلم لیگ ن کے صدر شہباز شریف اور عوامی نیشنل پارٹی سندھ کے صدر شاہی سید کے درمیان گورنر ہاؤس میں ملاقات ہوئی جس میں شہر کی موجودہ سیاسی صورتحال اور ترقیاتی کاموں کے  حوالے سے گفتگو ہوئی۔

    اے این  پی کے وفد سے ملاقات کے بعد مسلم لیگ ن کے رہنما مشاہد اللہ خان نے میڈیا سے گفتگو کرتے ہوئے کہا کہ کراچی کی سطح پر آئندہ عوامی نیشنل پارٹی کے ساتھ الیکشن لڑیں گے۔

    مزید پڑھیں: دن رات کام کرکے کراچی کی روشنیاں واپس لائیں گے: شہباز شریف

    اُن کا کہنا تھا کہ آئندہ انتخابات سے قبل حکمت عملی مرتب کی جائے گی جس کے تحت کراچی کی مختلف نشتوں پر مشترکہ امیدوار لانے اور سیٹ ایڈجسٹمنٹ کی جائے گی۔

    اس موقع پر اے این پی سندھ کے صدر شاہد سید کا کہنا تھا کہ کراچی والوں نے ماضی میں بہت سی مشکلات کا سامنا کیا جس کا ازالہ کرنے کے لیے شہر کو بڑا ریلیف دینا وقت کی ضرورت ہے۔

    یہ بھی پڑھیں: وزیراعلیٰ پنجاب شہبازشریف کی گورنرسندھ سے ملاقات

    واضح رہے کہ پاکستان مسلم لیگ ن کے صدر شہباز شریف نے آج کراچی کا ایک روزہ دورہ کیا، جس کے دوران انہوں نے شہر کی سیاسی جماعتوں اور گورنر سندھ سے ملاقات بھی کی تھی۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کپتان کے سیاست میں آنے سے شرافت ختم ہوگئی ہے، اسفند یار ولی

    کپتان کے سیاست میں آنے سے شرافت ختم ہوگئی ہے، اسفند یار ولی

    نوشہرہ: عوامی نیشنل پارٹی کے سربراہ اسفند یار ولی نے کہا ہے کہ سیاست اور شرافت کپتان کے قریب سے نہیں گزری، عمران خان کے سیاست میں آنے سے شرافت ختم ہوگئی ہے۔

    ان خیالات کا اظہار انہوں نے نوشہرہ میں جلسے سے خطاب کرتے ہوئے کیا، اسفند یار ولی نے کہا کہ پہلی بار پارٹی ممبران خود کہہ رہے ہیں فلاں کرپشن میں ملوث ہے، پارٹی ممبران کے انکشافات کے باوجود نیب خاموش ہے۔

    سربراہ اے این پی نے کہا کہ پہلے گھوڑے بکتے تھے اس مرتبہ پورے اصطبل بکے ہیں، سینیٹ الیکشن تو ہوگئے پر عام انتخابات شفاف ہونے چاہئیں، کے پی ہمارے کسی رکن کے خلاف نیب تحقیقات نہیں ہورہیں، شفاف الیکشن ہوئے تو کے پی میں اے این پی حکومت بنائے گی۔

    اسفند یار ولی نے کہا کہ کپتان کے سیاست میں آنے سے شرافت ختم ہوگئی ہے، عمران خان، نواز شریف، زرداری کو ایک ہی سکے کے دو رخ کہتے تھے، لیڈر آف اپوزیشن کے لئے یہ خود دوسرے کے پاس گئے کہ ہمیں ووٹ دو۔

    پاکستان اور افغانستان کے تعلقات پر گفتگو کرتے ہوئے انہوں نے کہا کہ خدا کرے دونوں ملکوں کے تعلقات بہتر ہوجائیں، پاکستان اور افغانستان کا امن ایک دوسرے سے جڑا ہے، کوئی غلط فہمی ہے تو دونوں برادر ممالک بیٹھ کر معاملات حل کریں۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • سینیٹ انتخابات: تحریک انصاف کے ممبران نے ووٹ فروخت کیے، اسفند یار ولی

    سینیٹ انتخابات: تحریک انصاف کے ممبران نے ووٹ فروخت کیے، اسفند یار ولی

    چارسدہ: عوامی نیشنل پارٹی کے سربراہ اسفند یار ولی نے کہا ہے کہ سینیٹ انتخابات میں ارکان اسمبلی بک گئے، تحریک انصاف کے ممبران نے ووٹ فروخت کیے۔

    ان خیالات کا اظہار انہوں نے چارسدہ میں منعقدہ اے این پی ورکرز کنونشن سے خطاب کرتے ہوئے کیا، انہوں نے کہا کہ اے این پی کے کسی رکن اسمبلی پر دھیلے کی کرپشن ثابت نہیں ہوئی، مجھ پر 5 روپے کی کرپشن ثابت ہو تو چوک یادگار پر لٹکادیں۔

    سربراہ عوامی نیشنل پارٹی اسفند یار ولی نے کہا کہ موجودہ داخلہ اور خارجہ پالیسیاں ناکام ہوچکی ہیں جبکہ بلین ٹری سونامی میں کرپشن پر نیب گونگی بہری ہوچکی ہے جبکہ کروڑوں روپے سے تعمیر حیات آباد فلائی اوور ٹوٹ پھوٹ کا شکار ہے۔

    واضح رہے کہ اس سے قبل پشاور میں تقریب سے خطاب کرتے ہوئے اسفند یار ولی نے تحریک انصاف پر تنقید کرتے ہوئے کہا تھا کہ عمران خان کا مقصد اسلام آباد ہے، ان کا جھگڑا تخت اسلام آباد کے لیے ہے پشاور کے لیے نہیں۔

    ان کا کہنا تھا کہ فاٹا کو کے پی میں ضم کریں گے جبکہ خان صاحب کی حکومت کو ساڑھ چار سال ہوچکے ہیں جبکہ صحت و تعلیم کے محکمے میں سارے لوگ پنجاب سے لائے گئے۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانےکے لیے سوشل میڈیا پر شیئر کریں۔ 

  • کراچی کو ریموٹ کنٹرول سے چلانے کا نتیجہ سب نے دیکھ لیا، شاہی سید

    کراچی کو ریموٹ کنٹرول سے چلانے کا نتیجہ سب نے دیکھ لیا، شاہی سید

    کراچی : عوامی نیشنل پارٹی سندھ کے صدر سینیٹر شاہی سید نے کہا ہے کہ ماضی میں شہر قائد کو ریموٹ کنٹرول سے چلانے کا نتیجہ ہم سب دیکھ چکے ہیں، ظالموں کیلئے ہرآنے والا دن پچھلے دن سے بد تر ہوگا۔

    ان خیالات کا اظہار انہوں نے کراچی میں میڈیا سے گفتگو کرتے ہوئے کیا، شاہی سید نے متحدہ قومی موومنٹ پر تنقید کرتے ہوئے کہا کہ کراچی آپریشن کی تاب نہ لانے والے اب گروپوں میں بکھر چکے ہیں، ان ظالموں کیلئے ہرآنے والا دن پچھلے دن سے مزید بدتر ہوگا۔

    رہنما اے این پی کا مزید کہنا تھا کہ ماضی میں شہر قائد کو ریموٹ کنٹرول سے چلانے کا نتیجہ ہم سب دیکھ چکے ہیں، کوئی ایک جماعت کراچی کے مسائل اکیلے حل نہیں کرسکتی، اس مسئلے کے حل کیلئے شہر کی سنجیدہ سیاسی قوتیں مربوط لائحہ عمل طے کریں۔

    انہوں نے کہا کہ کراچی کی پہچان بلدیہ فیکٹری ،12 مئی اورنشتر پارک جیسے سانحات نہیں ہیں بلکہ کراچی کی پہچان ڈاکٹرعبدالقدیرخان، ڈاکٹرادیب رضوی، عبدالستارایدھی اورحکیم محمد سعید ہیں۔

    شاہی سید نے شہر میں ترقیاتی کاموں اور صفائی ستھرائی کے حوالے سے کہا کہ کراچی ترقی کی دوڑ میں بہت پیچھے چلا گیا اور گندگی کے لحاظ سے بہت آگے نکل چکا ہے، شہر کا میئر اور صوبے کا سربراہ بےاختیاری کا رونا روئیں تو پھر عوام کس کے پاس جائیں؟

  • عمران خان کا جھگڑا تخت اسلام آباد کے لیے ہے، اسفند یار ولی

    عمران خان کا جھگڑا تخت اسلام آباد کے لیے ہے، اسفند یار ولی

    پشاور: عوامی نیشنل پارٹی کے سربراہ اسفند یار ولی نے کہا ہے کہ عمران خان کا مقصد اسلام آباد ہے، عمران خان کا جھگڑا تخت اسلام آباد کے لیے ہے پشاور کے لیے نہیں۔

    پشاور میں تقریب سے خطاب کرتے ہوئے اسفند یار ولی نے کہا کہ پاکستان اور افغانستان مسائل کا حل مل بیٹھ کر نکالیں، دونوں ممالک نے کوئی حل نہ نکالا تو حالات خوفناک ہوں گے، دونوں ملکوں کو غلط فہمیاں دور کرنی چاہئیں۔

    انہوں نے کہا کہ فرنگی قوم کی لکیر ختم کریں گے، فاٹا کے پی کے میں ضم کریں گے، خان صاحب ساڑھے چار سال آپ کی حکومت کو ہوچکے ہیں، صحت و تعلیم کے محکمے میں سارے لوگ پنجاب سے لائے گئے۔

    اسفند یار ولی نے کہا کہ امن کے بغیر اسکول اور سڑک کا فائدہ نہیں، جوش اچھا ہے لیکن اس کے ساتھ ہوش بھی ہونا چاہئے، جذبات سے جو فیصلے کئے جائیں اس پر پچھتاوا ہوتا ہے۔

    سربراہ عوامی نیشنل پارٹی نے کہا کہ 26 اکتوبر بلے کو دریا میں بہا کر میانوالی پہنچانا ہے، سوچ سمجھ کر وعدہ کریں کہ چھبیس اکتوبر کو ووٹ ڈالنے نکلیں گے، ہم نے صوبے کو خود مختاری دی، اختیارات مرکز منتقل کئے۔

    واضح رہے کہ 26 اکتوبر کو این اے 4 میں ضمنی الیکشن ہونے جارہے ہیں، قومی اسمبلی کی یہ نشست پاکستان تحریک انصاف کے رہنما گلزار خان کی وفات کے باعث خالی ہوئی تھی۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شرابی کو پھانسی دی جائے، چرس درویشی نشہ ہے، شاہی سید

    شرابی کو پھانسی دی جائے، چرس درویشی نشہ ہے، شاہی سید

    اسلام آباد : عوامی نیشنل پارٹی کے مرکزی رہنما اور سینیٹر شاہی سید نے کہا ہے کہ  شراب پینے والے کو پھانسی کے پھندے پر لٹکا دیا جائے جبکہ چرس تو درویشی نشہ ہے، پھر بھی نہیں ہونا چاہیے۔

    تفصیلات کے مطابق شاہی سید نے نشے میں حلال اور حرام کا فرق بتادیا، ان کا کہنا ہے کہ شراب پینے والے سیاستدانوں کو سزائے موت دی جائے، یہ بات انہوں نے سینیٹر رحمان ملک کی زیر صدارت سینیٹ کی قائمہ کمیٹی برائے داخلہ کے اجلاس میں اظہار خیال کرتے ہوئے کہی۔

    اجلاس کے دوران مقامی اور غیر ملکی شراب کے تذکرے بھی ہوئے۔ شاہی سید نے کہا کہ شراب کا پرمٹ ہندوؤں کے نام پر ہوتا ہے لیکن کام مسلمان کرتا ہے شراب کے معاملے پر کسی بڑے آدمی کو سزا نہیں ملتی صرف غریب ہی کی گردن پکڑی جاتی ہے۔

    انہوں نے کہا کہ پارلیمنٹرین عوام کا سمبل ہیں اور اگر وہ غلط کام کریں تو ان کیلئے بھی سزا ہونی چاہئے۔ ایک صحافی کے سوال پر کہ چرس کے بارے میں آپ کا کیا خیال ہے؟ تو اے این پی کے رہنما نے انوکھی منطق پیش کرتے ہوئے کہا کہ چرس تو درویشوں کا نشہ ہے لیکن یہ بھی نہیں ہونا چاہیئے۔

  • کراچی والوں کو ایک دوسرے کا وجود تسلیم کرنا ہوگا، شاہی سید

    کراچی والوں کو ایک دوسرے کا وجود تسلیم کرنا ہوگا، شاہی سید

    کراچی : عوامی نیشنل پارٹی سندھ کے صدر اور سینیٹر شاہی سید نے کہا ہے کہ کراچی میں رہنے والوں کو شہر کی ترقی کے لیے دوسروں کے وجود کوتسلیم کرنا ہوگا، کراچی آپریشن پر سیکیورٹی فورسز کی خدمات قابل تحسین ہیں۔

    ان خیالات کا اظہار انہوں نے کراچی میں عوامی نیشنل پارٹی ضلع جنوبی کے زیر اہتمام منعقدہ ورکرز کنونشن سے خطاب کرتے ہوئے کیا۔

    اپنے خطاب میں شاہی سید کا کہنا تھا کہ شہر کی ترقی کے لئے یہاں کے رہنے والوں کو ایک دوسرے کے وجود کو تسلیم کرنا ہوگا، شاہی سید نے کہا کہ آج کے ورکرز کنونشن نے ثابت کیا ہے کہ اج بھی ہم اس پوزیشن میں ہیں جہاں چار سال پہلے تھے۔

    شہر میں جاری آپریشن پراطمینان کا اظہارکرتے ہوئے انہوں نےکہا کہ کراچی میں آپریشن کے لئے سیکیورٹی فورسز کی خدمات قابل تحسین ہیں، کراچی والوں کو شہرمیں قیام امن مبارک ہو۔

    شاہی سید نے کہا کہ سندھ پیپلز پارٹی کا اور لیاری بلوچوں کا ہے، اس حقیقت کو ہم تسلیم کرتے ہیں لیکن اصولوں کا دہرا معیار ناقبل قبول ہے، شہر قائد میں پچاس لاکھ پختونوں کی موجودگی کے باوجود ان کی شہر میں نمائندگی صفر ہے۔ انہوں نے کہا کہ کراچی میں شفاف الیکشن کی ضرورت ہے۔

  • سابق گورنرخیبرپختونخواہ افتخارحسین  شاہ کی تحریک انصاف میں شمولیت

    سابق گورنرخیبرپختونخواہ افتخارحسین شاہ کی تحریک انصاف میں شمولیت

    پشاور: سابق گورنر خیبرپختونخواہ لیفٹیننٹ جنرل (ر)افتخار حسین شاہ نے عمران خان سے ملاقات کرکے تحریک انصاف میں شمولیت کا اعلان کردیا۔

    تفصیلات کے مطابق سابق گورنر خیبرپختونخواہ نے چیئرمین تحریک انصاف اور وزیر اعلیٰ خیبرپختونخواہ پرویز خٹک سے ملاقات کے بعد اپنی رہائش گاہ پر  پریس کانفرنس کرتے ہوئے تحریک انصاف میں شمولیت کا اعلان کیا ہے۔

    اس موقع پر چیئرمین تحریک انصاف عمران خان نے میڈیا سے گفتگو کرتے ہوئے لیفٹیننٹ جنرل (ر)افتخار حسین شاہ کو تحریک انصاف میں شمولیت پر مبارک باد پیش کی اور ان کی آمد کو تحریک انصاف کے لیے خوش آئند قرار دیا، عمران خان نے اس موقع پر خیبرپختونخواہ کے شہر کوہاٹ میں جلسے کا اعلان بھی کیا۔ جلسے کی تاریخ کا اعلان بعد میں کیا جائے گا۔

    چیئرمین تحریک انصاف نے کہاکہ افتخار حسین کے پاس حکومتی نظام چلانے کا وسیع تجربہ موجود ہے جس سے ہم ضرور استفادہ حاصل کریں گے اور بلدیاتی نظام میں موجود خامیوں کو دور کرنے کی کوشش کریں گے۔

    پانامہ لیکس کے حوالے سے بات کرتے ہوئے چیئرمین تحریک انصاف نے کہا کہ پانامہ لیکس کا معاملہ اپوزیشن نے نہیں اٹھایا بلکہ یہ ایک اہم اور عالمی مسئلہ ہے۔

    یہ ایک سنہری موقع ہے جس کا فائدہ اٹھاتے ہوئے کرپٹ لوگوں کا احتساب کیا جاسکتا ہے اور ملک میں آئندہ کے لیے کرپشن کی روک تھام کے لیے باقاعدہ قانون لاگو کیا جاسکتا ہے۔

    پی ٹی آئی کے سربراہ نے کہا کہ آف شور کمپنیوں کی سرمایہ کاری کے لیے ملکی پیسہ یا تو چوری کیا گیا ہے یا پھر اُس پیسے پر ٹیکس کی ادائیگی نہیں کی گئی۔

    انہوں نے مزید کہا کہ اس وقت ہمارے پاس پانامہ لیکس کے حوالے سے تین پہلو موجود ہیں، سب سے پہلا یہ کہ 12 رکنی کمیٹی کے ٹی او آرز مکمل ہونے کے بعد چیف جسٹس آف پاکستان کی سربراہی میں کمیشن جلد از جلد تشکیل دیا جائے۔

    دوسرا اہم پہلو یہ ہے کہ الیکشن کمیشن میں کرپٹ افراد کے خلاف قانونی چارہ جوئی کرتے ہوئے ایسے تمام افراد کو نااہل قرار دلوایا جائے، تیسرا اہم پہلو یہ ہے کہ اس سنہری موقع سے فائدہ اٹھاتے ہوئے عوام کو کرپشن کے خلاف سڑکوں پر لایا جائے۔

    ایک سوا ل کے جواب میں تحریک انصاف کے سربراہ نے کہا کہ مختلف بار کونسلز کے وکلاء کی جانب سے بھی ٹی او آرز تشکیل دیئے گئے ہیں انہیں بھی ایجنڈے میں شامل کیا جائے گا۔

    وزیراعظم پاکستان کی صحت کے حوالے سے پوچھے گئے سوال پر عمران خان نے کہا کہ میں وزیر اعظم کی جلد صحتیابی کے لیے دعا گو ہوں۔

  • دہشتگردی کے خاتمے کیلئے نیشنل ایکشن پلان پرعمل کیاجائے، اے این پی

    دہشتگردی کے خاتمے کیلئے نیشنل ایکشن پلان پرعمل کیاجائے، اے این پی

    پشاور : عوامی نیشنل پارٹی کے قائدین نے بشیربلورشہید کی قربانیوں کوخراج عقیدت پیش کرتے ہوئے کہاہے کہ دہشت گردی کے مکمل خاتمے کے لئے نیشنل ایکشن پلان پرحقیقی معنوں میں عمل کیاجائے۔

    ان خیالات کا اظہار پشاورکے تحصیل ہال میں اے این پی کے رہنماء بشیربلورشہید کی تیسری برسی کے موقع پرخطاب میں غلام بلور، میاں افتخارحسین اورحیدرہوتی نے اپنے الگ الگ خطاب میں کیا۔

    اے این پی رہنماؤں نے کہا کہ اے این پی کے اکابرین کی بروقت سنی جاتی توکسی بے گناہ کاخون نہ بہتا۔ گزشتہ عام انتخابات میں ان سیاسی جماعتوں نے کامیابی حاصل کی جوطالبان کے لئے نرم گوشہ رکھتے ہیں۔

    مقررین نے مطالبہ کیاکہ پشاورمیں بچوں کے اسپتال کوبشیربلورشہید کے نام سے منسوب کیاجائے۔

  • پشاور: سہ فریقی اتحاد کی جزوی ہڑتال ، تاجر برادری سراپا احتجاج

    پشاور: سہ فریقی اتحاد کی جزوی ہڑتال ، تاجر برادری سراپا احتجاج

    پشاور : سہ فریقی اتحاد کی کال پرپشاورمیں جزوی ہڑتال ہوئی۔ کئی علاقوں میں کاروباربند رہا۔ خیبرپختونخوا کےبلدیاتی انتخابات میں مبینہ دھاندلی پرسہ فریقی اتحاد نےکپتان کی حکومت کیخلاف احتجاجی بگل بجادیا، مگر سہ فریقی اتحادکی  دال نہ گل سکی۔

    تاجروں نےہڑتال کی اپیل پر کان نہ دھرا۔ تو اے این پی اورجمعیت علماءاسلام کےکارکنا ن دن بھرہاتھوں میں لٹھ لئے زبردستی دکانیں بند کرواتےرہے۔

    پشاورمیں شٹرڈاؤن ہوا اورنہ ہی پہیہ جام، مگر کہیں کہیں دکانیں بند نظر آئیں۔ مگر زندگی حسب معمول رواں دواں رہی۔

    اےاین پی کےرہنما میاں افتخارنےاعتراف کیاکہ پشاور میں رنگ نہیں جم سکا،اس کے باوجود سہہ فریقی اتحاد کا کہنا ہے کہ یہ تو ٹریلر ہے فلم آنا ابھی باقی ہے۔

    علاوہ ازیں پشاورکےتاجرسہ فریقی اتحادکےخلاف سڑکوں پرنکل آئے، مظاہرین نے تمام سیاسی جماعتوں کو حالات کا ذمہ دار قرار دیا اور سیاسی جماعتیں مردہ باد کے نعرے لگائے۔

    زبردستی مارکیٹیں بندکرانےپر تاجر آگ بگولہ ہوگئے ،تاجروں کاکہنا تھا کہ دھاندلی انہوں نےنہیں کروائی نہ وہ فریق ہیں۔

    سیاسی جماعتوں نے سیاست چمکانے کےلئےکاروبار کونقصان پہنچایا ، انجمن تاجران نے تاجروں پر تشدد اور زبردستی کاروباری مراکز بند کرانے کے خلاف احتجاج کااعلان کردیا۔

    تاجر کہتے ہیں دہشت گردی کی وجہ سےکاروبار تباہ ہوچکا ہے سیاسی جماعتیں ہڑتال کرنے سے گریز کریں۔