ARYNews.tv | Urdu – Har Lamha Bakhabar

Tag: anti virus

  • امریکہ میں روسی اینٹی وائرس سافٹ ویئر کی فروخت پر پابندی

    امریکہ میں روسی اینٹی وائرس سافٹ ویئر کی فروخت پر پابندی

    واشنگٹن: امریکہ کی جانب سے اہم اعلان سامنے آیا ہے، جس میں ماسکو میں قائم سائبر سیکورٹی کمپنی کسپرسکی کے بنائے گئے اینٹی وائرس سافٹ ویئر کی فروخت پر پابندی عائد کرنے کا فیصلہ کیا گیا ہے۔

    بین الاقوامی خبر رساں ادارے کی رپورٹ کے مطابق امریکی محکمہ تجارت کا کہنا ہے کہ امریکہ میں کمپنی کی کارروائیاں ’روسی حکومت کی جارحانہ سائبر صلاحیتوں اور کسپرسکی کے آپریشنز پر اثر انداز ہونے یا اس کی ہدایت کرنے کی صلاحیت کے باعث‘ قومی سلامتی کو خطرہ لاحق ہیں۔

    بیان کے مطابق روسی کمپنی اب معمول کی دیگر سرگرمیوں کے علاوہ امریکہ میں اپنا سافٹ ویئر فروخت نہیں کر سکے گی اور نہ ہی اسے پہلے سے استعمال میں آنے والے سافٹ ویئر کو اپ ڈیٹ فراہم کرنے کی اجازت دی جائے گی۔

    امریکی محکمہ تجارت کے بیان کے مطابق کسپرسکی کے وسیع پیمانے پر انسٹال کردہ اینٹی وائرس سافٹ ویئرز کے ذاتی اور پیشہ ور صارفین کو خطرات کی وجہ سے متبادل تلاش کرنا چاہئے۔

    یو ایس سکریٹری آف کامرس نے کہا کہ ہم امریکی قومی سلامتی اور امریکی عوام کی حفاظت کے لیے اپنے پاس موجود ہر آلے کا استعمال جاری رکھیں گے۔

    روس نے بارہا یہ ظاہر کیا ہے کہ وہ کسپرسکی لیب جیسی روسی کمپنیوں کا استحصال کرنے کی صلاحیت اور ارادہ رکھتا ہے، تاکہ وہ حساس امریکی معلومات کو جمع کر سکے اور اسے ہتھیار بنا سکے۔

    واضح رہے کہ کسپرسکی کا سافٹ ویئر صارفین کو ٹروجن ہورس، اسپائی ویئر اور دیگر سائبر خطرات سے بچانے کے لیے ڈیزائن کیا گیا ہے۔

    یوٹیوب پر ویڈیوز اپ لوڈ کرنے والوں کیلیے بڑی خوشخبری

    امریکہ میں کسپرسکی سافٹ ویئر کی فروخت پر 20 جولائی سے پابندی عائد کر دی جائے گی اور روس کی یہ ملٹی نیشنل کمپنی 29 ستمبر تک موجودہ صارفین کو سافٹ ویئر اپ ڈیٹ فراہم کر سکے گی۔

  • خبردار! آپ کے اسمارٹ فون میں وائرس ہے

    خبردار! آپ کے اسمارٹ فون میں وائرس ہے

    آج کی دنیا اسمارٹ فون کی دنیا ہے اورجدید دنیا سے تعلق رکھنے والے ہرشخص کے لیے ضرورت بن چکا ہے‘ لیکن اسمارٹ فون کا سب سے بڑا وائرس ہے۔ آج ہم بتارہے ہیں کہ آپ کو کیسے پتا چلے گا کہ آپ کا فون کسی وائرس کا شکار ہوچکا ہے۔

    سب سے پہلی نشانی یہ ہے کہ جب ہمارے موبائل میں وائرس ہوتا ہے تو ہمارا موبائل ڈیٹا بہت زیادہ استعمال ہوتا ہے یہ وہ نشانی ہے جس سے ہمارے انٹرنیٹ پیکج کا بھی نقصان ہے اور قیمتی ڈیٹا سے بھی ہاتھ دھونا پڑ سکتاہے۔ ڈیٹا اس وجہ سے زیادہ خرچ ہوتا ہے کیونکہ
    جو وائرس ہیکر کی جانب سے ہمارے موبائل میں ایڈ کیا جاتا ہے وہ انٹرنیٹ کے استعمال سے ہی ساری آگاہی ہیکر تک پہنچاتا ہے۔

    دوسری نشانی یہ ہے کے ہماری سکرین پر ایسی ایپس شو ہونا شروع ہو جاتی ہیں جن کو ہم نے انسٹال نہیں کیا ہوتا اوران پرکلک کرتے ہی سارے موبائل میں وائرس کی فوج اپنی پوزیشن لے لیتی ہے۔

    تیسری نشانی یہ ہے کہ ہماری بیٹری عام روٹین کے حساب سے بہت تیزی سے ڈاؤن ہوتی ہے کیونکہ وائرس کی کچھ سروسز ہمارے موبائل کے بیک گراؤنڈ میں پلے ہورہے ہوتے ہیں جن سے بیٹری لو ہوتی رہتی ہے۔

    اگر آپ کو اپنے اسمارٹ فون میں ان میں سے کوئی ایک یا پھرتینوں نشانیاں دیکھیں تو فوراً ایک اچھا سا اینٹی وائرس انسٹال کرلیں۔ اور بہتر تو یہ ہے کہ اگرنہ بھی دیکھیں تب بھی اسمارٹ فون میں اینٹی وائرس استعمال کرلیں تاکہ مستقبل کے بعد کی کسی مشکل سے بچاجا سکے۔