Tag: Antony Blinken

برسلز: امریکی وزیر خارجہ انٹونی بلنکن نے کہا ہے کہ اسرائیل نے اپنے ’مقاصد‘ حاصل کر لیے ہیں اور اب وقت آ گیا ہے کہ غزہ میں جنگ ختم ہو جائے۔

غیر ملکی میڈیا رپورٹس کے مطابق امریکی وزیر خارجہ نے برسلز کے دورے کے موقع پر میڈیا سے گفتگو کرتے ہوئے کہا کہ اسرائیل نے اپنے لیے طے کردہ معیار کے مطابق اپنے اہداف حاصل کر لیے ہیں، اس لیے اب یہ یہ جنگ ختم کرنے کا وقت ہونا چاہیے۔

انٹونی بلنکن کا کہنا تھا کہ ’’امریکا غزہ جنگ میں حقیقی اور طویل وقفہ چاہتا ہے تاکہ ان لوگوں تک امداد پہنچ سکے جنھیں اس کی ضرورت ہے۔‘‘

خیال رہے کہ غزہ کی پٹی میں جنگ کے خاتمے اور بدتر ہوتی انسانی صورت حال کو روکنے کے لیے امریکی درخواستوں کو نظر انداز کرنے کے باوجود امریکا کی جانب سے اسرائیل کے لیے کوئی سخت نتیجہ سامنے نہیں آیا ہے۔

گزشتہ روز، غزہ میں امداد کی ترسیل سے رکاوٹ ہٹانے کے لیے اسرائیل کو دی گئی 30 دن کی امریکی ڈیڈ لائن کی میعاد ختم ہونے کے بعد، واشنگٹن نے کہا کہ اسرائیل غزہ کی امداد کو روک نہیں رہا ہے اور اس لیے امریکی قانون کی خلاف ورزی نہیں کر رہا ہے۔ جب کہ 8 بین الاقوامی امدادی گروپوں نے کہا کہ اسرائیل امداد تک رسائی کو بہتر بنانے کے لیے امریکی مطالبات کو پورا کرنے میں ناکام رہا ہے۔ ادھر غذائی تحفظ کے ماہرین نے خبردار کر دیا ہے کہ امکان ہے کہ پٹی کے کچھ حصوں میں قحط پڑنے والا ہے۔

امریکی ڈیڈ لائن گزر گئی، اسرائیل نے غزہ کی امداد میں اضافہ نہیں کیا

واضح رہے کہ جو بائیڈن، جن کی میعاد جنوری میں ختم ہو رہی ہے، نے 7 اکتوبر 2023 کو جنگ شروع ہونے کے بعد سے اسرائیل کی بھرپور حمایت کی ہے۔ اس کے بعد سے غزہ میں 43,500 سے زیادہ فلسطینی، جن میں زیادہ تر عام شہری ہیں، مارے جا چکے ہیں، 20 لاکھ بے گھر ہو چکے ہیں اور پٹی کا بڑا حصہ ملبے کا ڈھیر بن چکا ہے۔

واشنگٹن: امریکی امور خارجہ کمیٹی کے چیئرمین نے وزیر خارجہ انٹونی بلنکن کو طلبی کا نوٹس جاری کر دیا۔

تفصیلات کے مطابق وزیر خارجہ انٹونی بلنکن نے افغانستان سے انخلا کے معاملے پر کمیٹی کے سامنے پیش ہونے سے انکار کر دیا تھا، جس پر انھیں منگل کو طلبی کا نوٹس جاری کیا گیا ہے۔

ہاؤس فارن افیئرز کمیٹی کے ریپبلکن چیئرمین میک کال نے نوٹس میں دھمکی دی ہے کہ سیکریٹری آف اسٹیٹ انٹونی بلنکن 19 ستمبر کو حاضر ہوں، اگر وہ افغانستان سے امریکی انخلا کے بارے میں پینل سے خطاب کرنے میں ناکام رہے تو ان کے خلاف توہین کانگریس کی کارروائی ہوگی۔

میک کال نے نوٹس میں لکھا کہ انٹونی بلنکن کی گواہی حاصل کرنا اس لیے اہم ہے کیوں کہ اگلے ہفتے اس موضوع پر ایک تحقیقاتی رپورٹ کا اجرا متوقع ہے، اور اس سے قبل کمیٹی ارکان افغانستان سے انخلا کی تباہ کن غلطیوں کو روکنے میں مدد کے لیے قانون سازی کر رہے ہیں۔

چیئرمین کمیٹی نے لکھا کہ انٹونی بلنکن نے افغانستان سے انخلا اور فوجیوں کی واپسی کے سلسلے میں محکمے کی جانب سے فیصلہ ساز کے طور پر کردار ادا کیا تھا، اس لیے وہ پینل کے سامنے پیش ہو کر اپنے اس کردار کے میں تفصیلی آگاہی دیں۔

دوسری طرف ترجمان محکمہ خارجہ میتھیو ملر نے اس نوٹس پر تنقید کرتے ہوئے کہا کہ کمیٹی کو بتایا گیا کہ وزیر خارجہ مقررہ تاریخ پر دستیاب نہیں ہوں گے، اس اعتذار کو نیک نیتی کے ساتھ قبول کرنے کی بجائے کمیٹی نے ایک اور غیر ضروری نوٹس جاری کر دیا، حالاں کہ بلنکن اس سے قبل 14 بار کانگریس کے سامنے پیش ہو چکے ہیں، جن میں 4 بار انھوں نے میک کال کے پینل کے سامنے بھی گواہی دی۔