نئی دہلی: بھارتی کرکٹ بورڈ کے سکریٹری انوراگ ٹھاکر نے کہا کہ اگر پاکستان داؤد ابراہیم کو پناہ دیتا ہے اور حریت رہنماؤں کے ساتھ بات چیت جاری رکھتا ہے تو دونوں ملکوں کے مابین کرکٹ روابط بحال نہیں ہوں گے۔
انوراگ ٹھاکر نے ٹوئٹر پر ایک ٹوئٹ میں کہا کہ داؤد کراچی میں ہے، قومی سلامتی کے مشیر یہاں علیحدگی پسندوں سے ملاقات کرنا چاہتے ہیں، کیا آپ امن کے لئے سنجیدہ ہیں؟ آپ توقع کرتے ہیں کہ ہم آپ کے ساتھ کرکٹ کھیلیں گے۔
Dawood in Karachi. NSA wants to meet separatists here. Are you really serious about peace and you expect we’ll play cricket with you?
— Anurag Thakur (@ianuragthakur) August 22, 2015
بی سی سی آئی کا دسمبر میں متحدہ عرب امارات میں پاکستان کے ساتھ ایک سیریز کھیلنے کا پروگرام تھا، تاہم بی جے پی کے رکن پارلیمان نے پڑوسی ملک کو نشانہ بناتے ہوئے کہا کہ جب تک سرحد پار سے دہشتگردی بند نہیں ہوتی ، کرکٹ روابط بحال نہیں ہوں گے۔
