ARYNews.tv | Urdu – Har Lamha Bakhabar

Tag: anushka sharma

  • کیا آپ نے کھانا کھالیا؟ ویرات اور انوشکا کی ویڈیو وائرل

    کیا آپ نے کھانا کھالیا؟ ویرات اور انوشکا کی ویڈیو وائرل

    دبئی: بھارتی کرکٹ ٹیم کے کپتان ویرات کوہلی اور ان کی اہلیہ بالی ووڈ اداکارہ انوشکا شرما کی ویڈیو سوشل میڈیا پر وائرل ہوگئی۔

    تفصیلات کے مطابق بھارتی کرکٹ ٹیم کے کپتان ویرات کوہلی اور اہلیہ انوشکا شرما کی دوران میچ ویڈیو سوشل میڈیا پر وائرل ہوگئی، ویڈیو میں ویرات اہلیہ سے کھانے کا پوچھتے نظر آرہے ہیں۔

    ویڈیو میں دیکھا جاسکتا ہے انوشکا شرما اسٹینڈ میں براجمان ہیں اس دوران ویرات کوہلی ان کے پاس آتے ہیں اور پوچھتے ہیں کیا تم نے کھانا کھالیا ہے، جس پر انوشکا زبردست کا اشارہ دیتی ہیں۔

    اداکارہ میدان میں ویرات کی ٹیم کو سپورٹ کررہی تھیں اور سرخ رنگ کے لباس میں ملبوس تھیں، واضح رہے کہ انوشکا شرما اور بھارتی کرکٹ ٹیم کے کپتان ان دنوں یو اے ای میں مقیم ہیں۔

    مداحوں کی جانب سے ویڈیو کو خوب سراہا جارہا ہے ، ایک صارف نے دونوں کی جوڑی کی تعریف کی ، ایک اور صارف نے ویرات کے اس اقدام کو سراہتے ہوئے انوشکا کے لیے نیک خواہشات کا اظہار کیا۔

    اس سے قبل بھی انوشکا شرما میدان میں شوہر کی ٹیم کو سپورٹ کرتی دکھائی دیتی ہیں، بھارتی کرکٹ ٹیم کے سابق کپتان سنیل گواسکر نے گزشتہ دنوں ویرات کوہلی کی ناقص فیلڈنگ پر تنقید کی تھی جس پر انوشکا آگ بگولہ ہوگئی تھیں۔

    https://urdu.arynews.tv/anushka-sharma-reply-sunil-gavaskar-kholi-fielding-ipl/

    کوہلی کے کیچ چھوڑنے پر گواسکر کا کہنا تھا کہ ’لگتا ہے کوہلی لاک ڈاؤن کے دوران صرف انوشکا کی باؤلنگ پریکٹس کررہے تھے‘۔

    گواسکر کی اس بات پر بالی ووڈ اداکارہ غصہ ہوئیں اور انہوں نے سابق کرکٹر کو آڑے ہاتھوں لیا۔ سماجی رابطے کی ویب سائٹ انسٹاگرام پر اپنی اسٹوری پوسٹ میں انہوں نے لکھا کہ ’مسٹر گواسکر آپ کا تبصرہ نامناسب تھا، کرکٹ میں شوہرکی ناکامی یا خراب کارکردگی کا الزام بیوی کو دینا غلط اور سراسر زیادتی ہے‘۔

  • اے کوہلی، کوہلی ’چوکا مار نا یار کیا کررہا ہے؟‘ انوشکا کی ویڈیو وائرل

    اے کوہلی، کوہلی ’چوکا مار نا یار کیا کررہا ہے؟‘ انوشکا کی ویڈیو وائرل

    نئی دہلی: بھارتی کرکٹ ٹیم کے کپتان گراؤنڈ میں چوکوں کی برسات کرتے ہی ہیں لیکن اب گھر میں ان کی اہلیہ اداکارہ انوشکا شرما بھی ان سے چوکا مارنے کا کہہ رہی ہیں جس کی ویڈیو سوشل میڈیا پر وائرل ہوگئی۔

    تفصیلات کے مطابق بھارتی کرکٹ ٹیم کے کپتان ویرات کوہلی کی اہلیہ اداکارہ انوشکا شرما نے سماجی رابطے کی ویب سائٹ انسٹاگرام پر ویڈیو شیئر کی جس میں وہ کوہلی سے کہہ رہی ہیں کہ ’اے کوہلی، کوہلی چوکا مارنا یار کیا کررہا ہے؟

    ویڈیو میں دیکھا جاسکتا ہے کہ ویرات کوہلی دوسری سائیڈ پر بیٹھے ہوئے حیرانی سے انوشکا کی طرف دیکھ رہے ہیں۔

    انوشکا شرما کی یہ ویڈیو سوشل میڈیا پر تیزی سے وائرل ہوگئی اور مداحوں کی جانب سے ویڈیو پر مختلف تبصرے کیے جارہے ہیں جبکہ ویڈیو اب تک ہزاروں افراد دیکھ چکے ہیں۔

    واضح رہے کہ کرونا وائرس کے پیش نظر بھارت میں لاک ڈاؤن کیا گیا ہے جس کی وجہ سے شہریوں کو گھروں سے نکلنے پر پابندی ہے ایسے میں کرکٹرز اور بالی ووڈ فنکار بھی گھروں تک محدود اور مختلف سرگرمیوں میں حصہ لے رہے ہیں۔

    یاد رہے کہ چند روز قبل بھارتی کرکٹر شیکھر دھون کی ویڈیو وائرل ہوئی تھی جس میں وہ کپڑے دھو رہے تھے اور ان کی اہلیہ کھڑی میک اپ کررہی تھیں، شیکھر کا کہنا تھا کہ کپڑے دھونا بہت مشکل کام ہے۔

    دوسری جانب انوشکا کی جانب سے ویڈیو شیئر کرنے پر مداحوں‌ نے دلچسپ میمز شیئر کرکے اداکارہ کو آڑے ہاتھوں‌ لے لیا.

  • انوشکا نے ورن دھون کو اچھا شوہر قرار دے دیا

    انوشکا نے ورن دھون کو اچھا شوہر قرار دے دیا

    ممبئی: بھارتی کرکٹ ٹیم کے کپتان کی اہلیہ اور بالی ووڈ اداکارہ انوشکا شرما نے ساتھی اداکار ورون دھون کو بہترین شوہر قرار دے دیا۔

    تفصیلات کے مطابق بالی ووڈ اداکارہ انوشکا شرما اور ورن دھون نئی آنے والی فلم ’سوئی دھاگہ‘ میں ایک ساتھ مرکزی کردار ادا کیا اور اب دونوں آرٹ کی تربیت اور اس کی اہمیت سے متعلق مختلف تقاریب میں شرکت کررہے اور ساتھ ہی فلم کی پروموشن میں بھی مصروف ہیں۔

    ایک روز قبل نجی تقریب میں گفتگو کرتے ہوئے انوشکا شرما نے ساتھی اداکار کی تعریفوں کے پُل باندھتے ہوئے کہا کہ ’ورن دھون اچھے اداکار ہی نہیں بلکہ ایک اچھے انسان بھی ہیں‘۔

    مزید پڑھیں: انوشکا شرما اچانک بوڑھی ہوگئیں، تصاویر وائرل

    اُن کا کہنا تھا کہ کوئی شک نہیں ورون بہت اچھی شخصیت کے مالک اور خواتین کی عزت کرنے والے ہیں۔ انوشکا کا کہنا تھا کہ مجھے یقین ہے ورون مستقبل میں بہت اچھے شوہر اور دوست ثابت ہوں گے۔

    اسی دوران ورون سے شادی سے متعلق سوال کیا گیا تو اس پر اداکار کا کہنا تھا کہ مستقبل کا فیصلہ کرنا میرے اپنے ہاتھ میں ہے اور کسی بھی شخص کو میری زندگی میں عمل دخل کی ضرورت نہیں ہے۔

    واضح رہے کہ مہاتما گاندھی کو خراج تحسین پیش کرنے کے لیے ہدایت کار یش راج نے سوئی دھاگہ بنانے کا اعلان کیا تھا، اس فلم میں انوشکا اور ورون دھون پہلی بار ایک ساتھ مرکزی کردار ادا کررہے ہیں۔ سوئی دھاگہ 28 ستمبر 2018 کو سینما گھروں میں نمائش کے لیے پیش کی جائے گی۔

    یہ بھی پڑھیں: وفاقی وزیر کی انوشکا اور ویرات کو سرکاری مہمان بننے کی دعوت

    یاد رہے کہ نوشکا شرما اور بھارتی کرکٹ ٹیم کے کپتان ویرات کوہلی گزشتہ برس دسمبر میں ازدواجی بندھن میں بندھے تھے، دونوں شخصیات ایک دوسرے کی محبت میں طویل عرصے سے گرفتار تھیں۔

  • برمنگھم ٹیسٹ: کوہلی نے شاندار سنچری انوشکا کے نام کردی

    برمنگھم ٹیسٹ: کوہلی نے شاندار سنچری انوشکا کے نام کردی

    برمنگھم: بھارتی کپتان ویرات کوہلی نے انگلینڈ کی سرزمین پر اپنی پہلی سنچری اہلیہ انوشکا شرما کے نام کردی، ویرات کوہلی نے 149 رنز کی اننگز کھیلی۔

    تفصیلات کے مطابق بھارت اور انگلینڈ کے درمیان برمنگھم میں کھیلے جانے پہلے ٹیسٹ میچ میں بھارتی کپتان ویرات کوہلی کی سنچری نے اپنی ٹیم کو مشکلات سے نکالا اور منفرد انداز میں اس کا جشن بھی منایا۔

    بھارتی کپتان ویرات کوہلی نے سنچری بنا کر اہلیہ انوشکا شرما کی طرف دیکھ کر شادی کی انگوٹھی اور چین کو چوما اور اہلیہ کی جانب بلا لہر کا جشن بھی منایا۔

    واضح رہے کہ کوہلی کو سنچری میں انگلش فیلڈرز کی ناقص کارکردگی بھی پیش پیش رہی، کوہلی کے دو کیچز ڈراپ ہوئے جس کے سبب انگلش ٹیم پہلی اننگز میں صرف 13 رنز کی برتری حاصل کرسکی۔

    ویرات کوہلی کی ٹیسٹ کرکٹ میں 22 ویں سنچری کے بعد اسٹینڈز میں موجود اداکارہ انوشکا شرما کیمرے کا محور بنی رہیں۔

    بھارتی کپتان کا کہنا تھا کہ یہ ان کے کیرئئر کی دوسری بہترین اننگز ہیں، انہوں نے ایڈیلیڈ میں آسٹریلیا کے خلاف 141 رنز کی اننگز کو اپنی کیریئر کی بہترین ٹیسٹ اننگز قرار دیا۔

    یاد رہے کہ برمنگھم ٹیسٹ میں انگلینڈ کی ٹیم نے بھارت کو جیت کے لیے 194 رنز کا ہدف دیا ہے، ہدف کے تعاقب میں بھارت اپنی تین وکٹیں گنوا بیٹھا ہے جب ویرات کوہلی کریز پر موجود ہیں۔

    خیال رہے کہ ویرات کوہلی اور بالی ووڈ اداکارہ انوشکا شرما اٹلی میں شادی کے بندھن میں بندھ گئے تھے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کترینہ کیف کی دنیا بھر میں چرچے

    کترینہ کیف کی دنیا بھر میں چرچے

    ممبئی: بالی ووڈ کی مقبول اداکاراؤں میں کترینہ کیف وہ واحد سپر اسٹار ہیں جو دیگر کے مقابلے میں بھارتی نہ ہونے کے باوجود بھی شوبز انڈسٹری اور دنیا بھر میں بسنے والے مداحوں کے دلوں پر راج کرتی ہیں۔

    تفصیلات کے مطابق بھارت کے نجی ادارے اسپل نے معروف بالی ووڈ اداکاراؤں کی پذیرائی اور اُن کے چاہنے والوں کی تعداد کا اندازہ لگانے کے لیے ایک تحقیق کی جس میں بالی ووڈ کی کترینہ کیف بازی لے گئیں۔

    تحقیق میں بالی ووڈ کے معروف اداکاراؤں کو شامل کیا گیا جن میں انوشکا شرما، عالیا بھٹ، کرینہ کپور اور کاجول سیمت دیگر مقبول ادکارہ شامل تھیں تاہم کترینہ کیف دیگر اسٹارز کو پیچھے چھوڑتے ہوئے سرفہرست قرار پائیں۔

    فلم ’’کرش 4‘‘ میں پریانکا چوپڑا کی جگہ کترینہ کیف کو کاسٹ کرنے کا امکان

    نجی ادارے ’اسپل‘ نے تحقیق کے لیے ویڈیو آن ڈیمانڈ ’وی او اے‘ کے نام سے ایک ویڈیو تیار کی جس میں بالی ووڈ کے نامور اداکاراؤں کو شامل کیا بعد ازاں ادارے نے اس ویڈیو کو جاری کردیا جس میں لوگوں نے سب سے زیادہ کترینہ کیف کو دیکھا اور پسند کیا۔

    تحقیق کا آغاز گذشتہ سال یکم جنوری سے کیا گیا جسے 31 دسمبر کو مکمل کرلیا گیا، جس میں تقریبا چالیس ملین سے زائد لوگوں نے حصہ لیا، جبکہ تحقیق کے لیے جن ممالک کا انتخاب کیا گیا ان میں بھارت، آسٹریلیا، نیوزی لینڈ، برطانیہ، امریکا، سنگا پور، ملیشیا، تھائی لینڈ، انڈونیشا، فل پائن اور متحدہ عرب امارات شامل ہیں۔

    کترینہ کیف ایک بار پھر پاکستانی لڑکی کا کردار نبھانے کو تیار

    خیال رہے کہ بالی ووڈ اداکارہ کترینہ کیف ان دنوں اپنے متعدد پروجیکٹس کی تیاریوں میں مصروف ہیں جن میں زیرو اور تھگ آف انڈیا بھی شامل ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • وفاقی وزیر کی انوشکا اور ویرات کو سرکاری مہمان بننے کی دعوت

    وفاقی وزیر کی انوشکا اور ویرات کو سرکاری مہمان بننے کی دعوت

    ممبئی: بالی ووڈ اداکارہ انوشکا شرما اور بھارتی کرکٹ ٹیم کے کپتان ویرات کوہلی گزشتہ برس دسمبر 2017 شادی کے بعد سے خبروں کی زینت  بنے ہوئے ہیں تاہم اب کی بار سری لنکا کے وزیر کھیل نے ویروشکا کو سرکاری مہمان بننے کی دعوت دی تو ایک بار پھر نامور جوڑا میڈیا میں زیر بحث بن گیا۔

    تفصیلات کے مطابق انوشکا شرما نے بھارتی کرکٹ ٹیم کے کپتان ویرات کوہلی سے گزشتہ برس دسمبر میں اٹلی کے شہر میلان میں شادی کی جس کے بعد جوڑا ہنی مون منانے کے لیے یورپ روانہ ہوا اور پھر بھارت واپس لوٹا، نوبیاہتا جوڑے نے وطن واپس پہنچ کر شادی کی اعزازی تقاریب منعقد کیں جن میں بھارتی وزیر اعظم نریندر مودی سمیت معروف سیاسی و شوبز شخصیات نے شرکت کر کے تقریب کو چار چاند لگائے۔

    شادی کے بعد اب دونوں ویرات کوہلی اور انوشکا شرما اپنی پروفیشنل لائف میں واپس آگئے، کپتان نے کھیل کے میدان میں سنچری بنائی تو اسے اپنی اہلیہ کے نام کیا اور جیسے ہی اداکارہ کی فلم کا ٹریلر آیا تو اس پر اپنی محبت کا اظہار کیا۔

    مزید پڑھیں: انوشکا نے منفرد ریکارڈ بنا ڈالا

    گزشتہ دنوں انوشکا شرما نے میڈیا میں بے بنیاد انٹرویو نشر ہونے پر برہمی کا اظہار کرتے ہوئے کہا تھا کہ میری نجی زندگی سے متعلق غلط بیانی کرنے کا کسی کو حق نہیں ہے، جو باتیں بھی ہوں گے ہر چیز سے آپ کو آگاہ کردوں گی۔

    تاہم اب اطلاع سامنے آئی ہے کہ سری لنکا کے وفاقی وزیر کھیل دیا سری جیسےکیرا نے بھارتی جوڑے کو بطور سرکاری مہمان اپنے ملک میں مدعو کیا ہے مگر معاملہ یہ بھی ہے کہ جیسے کیرا ویرات کوہلی سے نہیں بلکہ انوشکا شرما سے ملنے کے خواہش مند ہیں۔

    وزیر کھیل کا کہنا تھا کہ ’میں ویرات کوہلی کو  کھیلنے کی دعوت نہیں دے رہا لیکن میرے خواہش ہے کہ اُن کی اہلیہ انوشکا اپنے شوہر کے ساتھ ہمارے ملک میں کچھ دن گزاریں اور ملاقاتیں کریں، دونوں لوگ اس دوران وہ ہمارے سرکاری مہمان ہوں گے‘۔

    اُن کا کہنا تھا کہ بھارتی جوڑے کے سفری اخراجات، رہائش ، طعام، قیام اور سیر و تفریح سمیت ہر چیز کی ذمہ داری حکومت کی ہوگی اور انہیں باقاعدہ پروٹوکول میں ملک کے تاریخی مقامات کا دورہ کروایا جائے گا۔

    یہ بھی پڑھیں: انوشکا بھوت بن گئیں، پہلی جھلک سامنے آگئی

    واضح رہے کہ بالی ووڈ اداکارہ آج کل اپنی نئی آنے والی دو فلموں سوئی دھاگہ اور زیرو کی شوٹنگ میں مصروف ہیں جبکہ حال ہی میں اُن کی نئی پکچر حال ہی میں ریلیز ہوئی جس میں انہوں نے اب تک کے کریئر کا منفرد کردار ادا کیا، بھارتی جوڑے نے سری لنکن وزیر کی دعوت کا  تاحال کوئی جواب نہیں دیا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • بالی ووڈ کی معروف اداکارہ کو کیا ہوگیا؟ تصویر وائرل

    بالی ووڈ کی معروف اداکارہ کو کیا ہوگیا؟ تصویر وائرل

    ممبئی: معروف بالی وڈ اداکارہ کی انٹرنیٹ پر ایسی تصاویر سامنے آئیں، جن میں انھیں پہچاننا دشوار ہے، مداحوں نے جب اپنی پسندیدہ اسٹار کو اس روپ میں دیکھا، تو یقین نہیں کرسکے۔

    تفصیلات کے مطابق انٹرنیٹ کے بڑھتے ہوئے رجحان کو مدنظر رکھتے ہوئے تقریباً تمام ہی معروف شخصیات سوشل میڈیا پر موجود ہیں تاکہ اپنے مداحوں سے   وقتاً فوقتاً رابطے میں رہ سکیں۔

    معروف شخصیات کی انٹرنیٹ پر بعض اوقات ایسی تصاویر سامنے آتی ہیں جنہیں دیکھ کر یقین کرنا مشکل ہوجاتا ہے اسی طرح گزشتہ روز بالی وڈ اداکارہ کی تصاو یر وائرل ہوئی جنہیں دیکھ کر اندازے سے بھی پہچاننا ناممکن ہے۔

    بالی وڈ اداکار ہوں یا پھر کوئی بھی معروف شخصیت اپنی روز مرہ کے معمول اور دیگر نئی چیزوں کو سوشل میڈیا پر اپ لوڈ کرتے ہیں جنہیں مداح بہت پسند بھی کرتے ہیں اور بعض اوقات تو یہ عام سی تصاویر وائرل بھی ہوجاتی ہیں۔

    یہ بھی پڑھیں: عام سا نظر آنے والا کروڑ پتی شخص

    مذکورہ تصویر جب سامنے آئی تو اسے کوئی پہچان نہ سکا البتہ تھوڑی دیر بعد فلم ڈائریکٹر کے قریبی ذرائع نے اس الجھن کو خود ہی دور کرتے ہوئے بتایا کہ یہ انوشکا شرما ہیں جو اپنی نئی آنے والی فلم ’سوئی دھاگہ‘ کے سیٹ پر ایک منظر عکس بند کروارہی ہیں۔

    اس سے قبل بھی انوشکا کی فلم سوئی دھاگہ کی پہلی جھلک سامنے آچکی ہے جس میں وہ نیلے رنگ کی ساڑھی زیب تن کیے سڑک پر سے گزر رہی تھیں۔

    تصویر میں دیکھا جاسکتا ہے کہ بالی وڈ اداکارہ نے کاٹن کی ساڑھی اور چوڑیاں پہن رکھی ہیں، ذرائع کے مطابق انوشکا شرما ماں کا سین عکس بند کروارہی تھیں۔

    بالی وڈ خبروں کے مطابق یش راج پروڈکشن ہاؤس کے بینر تلے فلم سوئی دھاگہ بنائی جارہی ہے جس میں انوشکا اور ورون دھون مرکزی کردار ادا کر رہے ہیں، یہ فلم مہاتما گاندھی کو خراج تحسین پیش کرنے کے لیے بنائی جاری ہے جو 28 ستمبر 2018 کو سینما گھروں میں نمائش کے لیے پیش کی جائے گی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • حادثہ یا کچھ اور انوشکا شرما کا لہو لہان چہرہ سامنے آگیا، ویڈیو وائرل

    حادثہ یا کچھ اور انوشکا شرما کا لہو لہان چہرہ سامنے آگیا، ویڈیو وائرل

    ممبئی: قلیل عرصے میں اپنی صلاحیتوں کا لوہا منوانے والی اداکارہ انوشکا شرما کی ایک نئی ہولناک ویڈیو سامنے آئی جس نے دیکھنے والوں کو خوف میں مبتلا کر دیا۔

    تفصیلات کے مطابق میڈیا کی زینت بننے والی مقبول اداکارہ انوشکا شرما اپنی ایک ویڈیو میں اس انداز سے نظر آئیں کہ دیکھنے والے پرستاروں کے وجود میں خوف کی لہر دوڑ گئی۔

    منظرِ عام پر آنے والی تیس سیکنڈ کی ویڈیو میں اداکارہ رات کے پہر جنگل میں چہل قدمی کرتے ہوئے ایک جھیل کے کنارے پہنچ جاتی ہیں جہاں وہ اپنا عکس پانی میں دیکھتی ہیں تو چہرہ خون آلود ہوجاتا ہے، اس مختصر سے خوف ناک مناظر کو جس نے بھی دیکھا وہ دنگ رہ گیا۔

    بالی ووڈ اداکارہ انوشکا شرما کی پاکستانی ہم شکل منظر عام پر

    یہ ویڈیو انوشکا شرما کی نئی آنے والی فلم ’پری‘ کی ہے جس میں وہ ایک ایساکردار نبھا رہی ہیں جس نے فلمی مداحوں کو جہاں خوف میں مبتلا کیا وہیں وہ حیران و پریشان ہوگئے۔

    خیال رہے کہ پروست رائے کی ہدایت کاری میں بننے والی اس فلم ’پری‘ میں انشکا شرما ایک خوفناک بھوت کا کردار ادا کررہی ہیں۔ ان کے علاوہ اس فلم میں پرم بارتا چٹرجی، رجت کپور، ریتا بہاری چکرورتی بھی اہم کردار میں نظر آئیں گی، یہ فلم 2 مارچ 2018 کو سنیما گھروں میں رلیز ہوگی۔

    انوشکا شرما کے بیان پر سلمان خان ناراض

    علاوہ ازیں ان دنوں ادکارہ اپنے ایک اور پرجیکٹ ’زیرو‘ کے لیے بھی بالی ووڈ کنگ کے ساتھ کام میں مصروف ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • انوشکا کی خوفناک پری، بچے ہرگز نہ دیکھیں

    انوشکا کی خوفناک پری، بچے ہرگز نہ دیکھیں

    ممبئی: بالی ووڈ اداکارہ انوشکا شرما کی نئی فلم ’پری‘ کا تیسرا خوفناک ٹیزر سامنے آگیا جسے دیکھنے والے خوف زدہ ہوگئے۔

    تفصیلات کے مطابق بالی ووڈ اداکارہ انوشکا شرما کے اپنے پروڈکشن ہاؤس میں بنائی جانے والی اولین ڈراؤنی فلم ’پری‘  کی پہلی جھلک کے بعد ان کی ایک اور ویڈیو بھی سامنے آگئی۔

    قبل ازیں انوشکا نے سماجی رابطے کی ویب سائٹ پر اپنی نئی فلم پری کی پہلی جھلک پوسٹر اور ٹیزر کی صورت میں جاری کی تھی جس میں دیکھا جاسکتا ہے کہ انوشکا زخمی چہرے کے ساتھ کھڑی ہیں۔

    ویسے تو فلم کو پری کا نام دیا گیا ہے مگر ساتھ میں یہ بھی بتایا گیا ہے دراصل یہ کوئی پری کی کہانی نہیں بلکہ اس میں انوشکا خوفناک بھوت کے کردار میں نظر آئیں گی۔

    قبل ازیں جاری کیا گیا ٹریزر 30 سیکنڈ پر مبنی تھا جس میں دیکھا جاسکتا ہے کہ ہاتھوں پیروں میں بیڑیوں کے ساتھ وہ ٹی وی پر کارٹون دیکھ رہی ہیں اور اسی دوران اچانک اُن کے پیروں کی انگلیوں کے ناخن بڑے ہونے شروع ہوگئے۔

    مزید پڑھیں: انوشکا بھوت بن گئیں، پہلی جھلک سامنے آگئی

    چودہ فروری کے روز پری کی تیسری ہولناک ویڈیو سامنے آئی، ویروشکا نے فلم کی ایک اور جھلک سماجی رابطے کی ویب سائٹ پر شیئر کی اور لکھا کہ  کیا یہ آپ اس کے ویلنٹائن بنیں گے۔؟

    ویڈیو میں دیکھا جاسکتا ہے کہ انوشکا شرما اور اداکار پرم براتا چتر جی صوفے پر بیٹھے ٹی وی دیکھ رہے ہیں کہ اچانک اداکارہ ہیرو کی طرف دیکھ کر انہیں پرپوز کرتی ہیں۔

    اسی دوران جب وہ پرم براتا کی طرف دیکھتی ہیں تو سامنے سے زخمی چہرے والی مافوق فطرت مخلوق انوشکا کو دیکھ کر ہنستی ہے اور جواب بھی دیتی ہے مگر حیران کُن بات یہ ہے کہ وہ زخمی چہرے والی لڑکی ہیرو کو نظر نہیں آتی۔

    ویڈیو دیکھیں

    انوشکا کے ذاتی پروڈکشن ہاؤس میں تیار کی جانے والی پری کی شوٹنگ کا آغاز 7 ماہ قبل ہوا تھا، فلم رواں سال مارچ میں صرف 2 سینما گھروں میں پیش کی جائے گی۔

    یہ بھی دیکھیں: ٹی وی دیکھتے ہوئے انوشکا کے ناخن خود بہ خود بڑھنے لگے، ہولناک منظر

    واضح رہے کہ انوشکا شرما پروڈکشن کمپنی کے بینر تلے اس سے قبل بھی 2 فلمیں ’این ایچ 10‘ اور ’فلوری‘ ریلیز کی جاچکی ہیں جن کی کہانیاں بالکل منفرد تھیں اور انہوں نے ناظرین کو متاثر بھی کیا تھا۔ خیال رہے کہ ویروشکا کی شوبز مصرفیات آجکل بہت زیادہ ہیں کیونکہ وہ بیک وقت تین فلموں زیرو، سوئی دھاگہ اور پری کی شوٹنگ میں مصروف ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • انوشکا شرما اور ویرات کوہلی ’’کافی ود کرن‘‘ کے نئے سیزن میں نظر آئیں گے

    انوشکا شرما اور ویرات کوہلی ’’کافی ود کرن‘‘ کے نئے سیزن میں نظر آئیں گے

    ممبئی: بالی وڈ اداکارہ انوشکا شرما اور معروف کرکٹر ویرات کوہلی رشتہ ازدواج میں بندھنے کے بعد اب کرن جوہر کے شو ’کافی ود کرن‘ کے سیزن 6 میں مہمان خصوصی ہوں گے۔

    تفصیلات کے مطابق کرن جوہر کا پروگرام کافی ود کرن کا شمار مقبول ترین ٹاک شوز میں ہوتا ہے، جس کے آنے والے سیزن 6 کے پہلے قسط میں انوشکا شرما اور ویرات کوہلی شو میں جلوہ گر ہوں گے۔

    کافی ود کرن شو کے اب تک 5 سیزن نشر کیے جاچکے ہیں، اس پروگرام کا آغاز 2004 میں ہوا تھا، اس شو میں بالی وڈ کی نامور شخصیات شرکت کرتی ہیں جنہیں کرن جوہر کے دلچسپ سوالوں کا سامنا کرنا پڑتا ہے ساتھ ہی ساتھ وہ ذاتی زندگی سے متعلق بھی مزاحیہ سوالات پوچھتے ہیں۔

    انوشکا شرما اور ویرات کوہلی ازدواجی بندھن میں بندھ گئے، تصاویر جاری

    گزشتہ سال بالی وڈ اداکارہ انوشکا شرما نے ہدایت کار کرن جوہر کےشوکے سیزن 5 میں کسی بھی تنازع سے بچنے کےلیے مہمان بننے سے معذرت کرلی تھی، تاہم ہدایت کار کے اصرار پر وہ اپنی دوست سپر اسٹار اداکارہ کترینہ کیف کے ساتھ شو میں شریک ہوئی تھیں جہاں دونوں ادکاراؤں نے کرن جوہر کے دلچسپ سوالات کا خوب دیا تھا۔

    شادی کے بعد عالمی میڈیا کی محور بننے والی جوڑی (ویرات کوہلی اور انوشکا شرما) نے پروگرام کافی ود کرن میں شرکت کرنے کی ہامی بھر لی ہے جس کے بعد کرن جوہر جلد سیزن شروع کرنے کےلیے پرجوش دکھائی دیتے ہیں۔

    انوشکا شرما اور ویرات کوہلی کی شادی کی تقریبات کا آغاز

    خیال رہے آج کل انوشکا شرما اپنی نئی فلم ’زیرو‘ کے لیے ادکار شاہ رخ خان اور کترینہ کیف کے ساتھ فلم کی شوٹنگ میں مصروف ہیں۔

    یاد رہے انوشکا ہدایت کار کرن جوہر کی فلم ’’اے دل ہے مشکل‘‘ میں ایک ساتھ کام کرچکی ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔