ریاض : سعودی سپریم کورٹ نے عام مسلمانوں سے ذو الحجہ کا چاند دیکھنے کی اپیل کردی، رویت ہلال کمیٹی کے ارکان کا اجلاس آج ہوگا۔
سعودی ویب سائٹ کی خبر کے مطابق سپریم کورٹ نے کہا ہے کہ جس شہری کو بھی چاند نظر آجائے تو اسے قریبی عدالت میں گواہی درج کرانی چاہئے۔
سپریم کورٹ نے کہا ہے کہ ام القری کلینڈر کے مطابق یکم ذو القعدہ 21 مئی کو تھا لہٰذا آج 18 جون کو ذو القعدہ کی 29 ویں تاریخ بنتی ہے اس اعتبار سے اور مسنون طریقے پر عمل کرتے ہوئے ذو الحجہ کا چاند آج بروز اتوار دیکھا جائے گا۔
ریاض : سعودی عرب کی سب سے بڑی عدالت نے مملکت میں تمام مسلمانوں سے رمضان کا چاند منگل21مارچ کو دیکھنے کی اپیل کی ہے۔
اس حوالے سے سعودی سپریم کورٹ کا ایک بیان میں کہنا ہے کہ ام القریٰ کیلنڈر کے لحاظ سے یکم شعبان21فروری کو تھی۔
سعودی ذرائع ابلاغ کی رپورٹ کے مطابق سپریم کورٹ نے اپیل کی کہ مملکت میں تمام مسلمان ام القریٰ کیلنڈر کے لحاظ سے منگل 21 مارچ (29 شعبان) کی شام کو رمضان کا چاند دیکھنے کی کوشش کریں۔
اعلیٰ عدالت کا کہنا ہے کہ جو شخص بھی براہ راست یا دور بین کے ذریعے سے ماہ رمضان کا چاند دیکھے تو اپنی شہادت مکمل ذمہ داری سے متعلقہ ادارے کو قلمبند کرائے۔
عدالتی بیان میں مزید کہا گیا ہے کہ جن لوگوں کی نظر تیز ہے وہ رمضان کا چاند دیکھنے کے لیے مملکت کے تمام علاقوں میں موجود رویت ہلال کمیٹیوں میں شمولیت اختیار کریں۔