اسپین میں نئے امیگریشن قوانین کا اعلان ہوچکا ہے اور اس پر مزید بہتری کیلئے کام بھی جاری ہے جس کے بعد تارکین وطن کو ان قوانین کے عمل درآمد میں سہولت و آسانی میسر ہوگی۔
ایک رپورٹ کے مطابق اسپین میں دستاویز کی تصدیق کا نیا قانون منظور کیا گیا ہے، پوسٹل جنیوا کنونشن کے تحت تمام ممبرز ممالک کے شہری اس قانون پر عمل کریںگے تو انہیں ان مشکلات سے نہیں گزرنا پڑے گا جس کے سے وہ پہلے گزرا کرتے تھے۔
پوسٹل کا یہ نیا قانون ویسے تو یہ بہت پرانا ہے اور بہت سے ممالک اس کو فالو بھی کررہے ہیں لیکن گزشتہ نو مارچ کو یہ قانون معطل کردیا گیا اور یورپی یونین کی جانب سے اس میں کچھ ترامیم کے بعد اسے دوبارہ دیگر ممالک کیلئے باقاعدہ نافذ کردیا جائے گا۔
دستاویز کی تصدیق کا یہ قانون ہے کیا؟
جب یہ قانون نافذ ہوجائے گا تو اس کے بعد تارکین وطن کیلئے خارجہ امور اور متعلقہ ملکوں کے سفارتخانوں سے تصدیق کرانے کا عمل ختم ہوجائے گا۔ اس میں ہوتا یوں ہے کہ ہر حکومت اپنے مخصوص نمائندے ہر شہر میں مقرر کرتی ہے جن کے پاس لوگ اپنے دستاویزات کی تصدیق کیلئے آتے ہیں۔
ان دستاویز کی جانچ پڑتال کے بعد متعلقہ نمائندے اس کی تصدیق کے بعد مہر لگا دیتے ہیں اور وہی کاغذات قابل قبول کہلائے جائیں گے۔
قبل ازیں اس قانون کے نافذ ہونے کے بعد اسپین حکومت متعدد ممالک سے اپنے نمائندے مقرر کرنے پر زور دیتی رہی لیکن پاکستان سمیت گیگر کچھ ممالک نے بھی اپنے نمائندے مقرر نہیں کیے ہیں جس کے سبب یہ قانون کچھ وقت کیلئے تاخیر کا شکار ہے۔
