Tag: appsf

  • پرائیویٹ اسکولز فیڈریشن ہٹ دھرمی پر اتر آئی

    پرائیویٹ اسکولز فیڈریشن ہٹ دھرمی پر اتر آئی

    اسلام آباد: وفاقی حکومت کے اسکول بند کرنے کے اعلان کے بعد آل پاکستان پرائیویٹ اسکولز فیڈریشن ہٹ دھرمی پر اتر آئی، فیڈریشن نے لانگ مارچ کرنے کی بھی دھمکی دے دی۔

    تفصیلات کے مطابق وفاقی حکومت کے پنجاب، خیبر پختونخواہ اور آزاد کشمیر کے مخصوص علاقوں میں تعلیمی ادارے 11 اپریل تک بند رکھنے کے اعلان کے بعد آل پاکستان پرائیویٹ اسکولز فیڈریشن ہٹ دھرمی پر اتر آئی۔

    فیڈریشن نے اسکولز بند کرنے سے انکار کر دیا۔ فیڈریشن کے سربراہ کاشف مرزا کا کہنا ہے کہ اسکولز مزید 11 اپریل تک بند نہیں ہوں گے۔

    انہوں نے کہا کہ تادیبی کاروائیاں بند نہ ہوئیں تو لانگ مارچ ہوگا، ڈبل شفٹ میں 50 فیصد حاضری کے ساتھ کلاسز میں تدریس جاری رہے گی، طلبا، اساتذہ و اسٹاف کی ویکسی نیشن ترجیحی بنیادوں پر کی جائے۔

    کاشف مرزا کا کہنا تھا کہ حکومتی و سیاسی اجتماعات کرونا وائرس پھیلاؤ کی اصل وجہ ہیں انہیں فوری بند کیا جائے۔ وزیر اعظم، چیف جسٹس، آرمی چیف اور این سی او سی غیر قانونی سیاسی اجتماعات رکوائیں اور تعلیمی سلسلہ بحال رکھا جائے۔

    انہوں نے کہا کہ سب کھلا ہے تو اسکولز مزید بند نہیں ہوں گے، مائیکرو لاک ڈاؤن کا آپشن استعمال کیا جائے۔ طلبا کا مزید تیسرا سال ضائع نہیں ہونے دیں گے۔

    کاشف مرزا کا کہنا تھا کہ یونیسف کے مطابق اسکولز کی بندش سے 4 کروڑ پاکستانی طلبا کی تعلیم مستقل متاثر ہوئی ہے، آن لائن تعلیم فلاپ ہوچکی ہے، آن لائن تعلیم کی سہولت ملک بھر میں محض 2 فیصد طلبا کو میسر ہے۔

    انہوں نے کہا کہ تعلیمی لاک ڈاؤن کے باعث 5 کروڑ طلبا کے تعلیمی نقصان کا ازالہ ناممکن ہے، ڈھائی کروڑ پاکستانی بچے پہلے ہی اپنے آئینی حق سے محروم ہیں۔

    فیڈریشن صدر کا مزید کہنا تھا کہ اقوام متحدہ، یونیسف، یونیسکو اور عالمی بنک ایڈوائزری کے مطابق کرونا وائرس میں بھی اسکولز کھلے رکھے جائیں، بند کرنے سے نقصانات زیادہ ہیں۔

    انہوں نے کہا کہ نجی اسکولز کا معاشی قتل کیا جارہا ہے، بندش سے 10 ہزار اسکولز مکمل بند اور 7 لاکھ استاد بے روزگار ہوچکے ہیں۔

  • ڈیڈلاک ختم ، پنجاب کے نجی اسکول کل سے کھلیں گے

    ڈیڈلاک ختم ، پنجاب کے نجی اسکول کل سے کھلیں گے

    لاہور: اسکول فیڈریشن اور حکومت کے درمیان مذاکرات کامیاب ہوگئے، پنجاب کے نجی اسکول کل سے کھلیں گے وزیرتعلیم نے تحفظات دور کرنے کی یقین دہانی کرادی۔

    ڈیڈلاک ختم ہوگیا پنجاب میں طلبا پیر سے اسکول جائیں گے، میڈیا سے گفتگو میں وزیر تعلیم پنجاب رانا مشہود نے کہاکہ دہشت گردی کے خلاف مل کر چلنا ہے، دہشت گردی کے خلاف ایس او پی بنائے ہیں۔

    وزیر تعلیم پنجاب رانا مشہود نے کہاکہ چاہتے ہیں پاکستان میں امن ہو، حکومتی یقین دہانی کے بعد پرائیویٹ اسکول فیڈریشن نے تعلیمی ادارے کھولنے کا اعلان کیا۔

    پرائیویٹ اسکول فیڈریشن کے رہنماؤں کا کہناتھاکہ حکومت سے تعاون جاری رہے گا، تعلیمی اداروں کا تقدس پامال نہیں ہونا چاہیئے۔

  • پرائیویٹ اسکول یکم فروری سے نہیں کھولیں گے، مالکان کا انکار

    پرائیویٹ اسکول یکم فروری سے نہیں کھولیں گے، مالکان کا انکار

    لاہور : پنجاب حکومت کی جانب سے انتظامیہ کے خلاف مقدمات درج کئے جانے پر پرائیویٹ اسکولز فیڈریشن نے یکم فروری کو سرکاری سکیورٹی ملنے تک اسکول کھولنے سے انکار کردیا ہے.

    تفصیلات کے مطابق لاہور میں آل پاکستان پرائیویٹ اسکولز فیڈریشن کا اجلاس ہوا جس میں نجی اسکولز کی انتظامیہ کے خلاف مقدمات پر شدید احتجاج کیا گیا اور یہ فیصلہ کیا گیا کہ پیر سے احتجاجاً اسکول نہیں کھولے جائیں گے۔

    صدر آل پاکستان پرائیویٹ اسکولز فیڈریشن کا کہنا تھا کہ وہ اسکولوں کی سکیورٹی سے مطمئن نہیں اور سرکاری سکیورٹی ملنے تک اسکول نہیں کھولے جائیں گے.

    دوسری جانب صوبائی وزیر تعلیم رانا مشہود کا کہنا ہے کہ یکم فروری کو ہر صورت میں اسکولز کھلیں گے، ان کا کہنا تھا کہ پنجاب میں اسکول سکیورٹی کے باعث بند نہیں کئے گئے۔