ARYNews.tv | Urdu – Har Lamha Bakhabar

Tag: aps student ahmed nawaz

  • وزیراعلیٰ پنجاب کی سانحہ اے پی ایس میں زخمی طالبعلم کو لیڈی ڈیانا ایوارڈ ملنے پر مبارکباد

    وزیراعلیٰ پنجاب کی سانحہ اے پی ایس میں زخمی طالبعلم کو لیڈی ڈیانا ایوارڈ ملنے پر مبارکباد

    لاہور : وزیراعلیٰ پنجاب عثمان بزدار نے سانحہ اےپی ایس میں زخمی طالبعلم احمد نواز کو لیڈی ڈیانا ایوارڈ ملنے پر مبارکباد دیتے ہوئے کہا نوجوانوں کی تعلیم پر ڈیانا ایوارڈ ملنا پاکستان کے لیے اعزاز ہے۔

    تفصیلات کے مطابق وزیراعلیٰ پنجاب عثمان بزدار نے سانحہ اے پی ایس میں زخمی طالبعلم احمد نواز کو ایوارڈ ملنے پر اظہار مسرت کرتے ہوئے احمد نواز کو برطانوی پارلیمنٹ میں لیڈی ڈیانا ایوارڈ ملنے پر مبارکباد دی۔

    عثمان بزدار کا کہنا تھا احمد نواز جیسے بہادر اور ذہین طالب علم پاکستان کا روشن مستقبل ہیں، نوجوانوں کی تعلیم پر لیڈی ڈیانا ایوارڈ ملنا پاکستان کے لیے اعزاز ہے۔

    یاد رہے برطانوی پارلیمنٹ میں تقریب میں آرمی پبلک اسکول پشاور کے غازی طالب علم احمد نواز کو نوجوانوں کی تعلیم کے حوالے سے ان کی خدمات پر ڈیانا ایوارڈ سے نوازا گیا تھا اور احمد نواز نے لیڈی ڈیانا ایوارڈ لینے والے پہلے پاکستانی کا اعزاز حاصل کرلیا تھا۔

    مزید پڑھیں : سانحہ اے پی ایس کے متاثرہ طالب علم احمدنواز نے ڈیانا ایوارڈ حاصل کر لیا

    اس سے قبل برطانوی وزیراعظم کی جانب سے احمد نواز کے لئے پوائنٹ آف لائٹ ایوارڈ کا اعلان کیا تھا ، برطانوی وزیراعظم کی جانب سے جاری کردہ خط میں انتہاپسندی کے خلاف احمد نواز کی خدمات کا اعتراف کرتے ہوئے کہا تھا اس مہم میں احمدنواز نےگرانقدرکام کیا۔

    علاوہ ازیں احمد نواز کو برطانیہ اور یورپ کا ینگ پرسن آف دی ایئر، ایشیا انسپائریشن ایوارڈ اور درجنوں دیگر ایوارڈز سے نوازا جا چکا ہے۔

    واضح رہے 16 دسمبر 2014 کو پشاور آرمی پبلک اسکول میں خون کی ہولی کھیلی گئی تھی، دہشت گردوں نے علم کے پروانوں کے بے گناہ لہو سے وحشت و بربریت کی نئی تاریخ رقم کی تھی اور دردناک سانحے اور دہشت گردی کے سفاک حملے میں 147 افراد شہید ہوگئے تھے، جس میں 132 بچے بھی شامل تھے۔

    سانحہ اے پی ایس پشاور میں زخمی ہونے والے طالب علم احمد نواز کو حکومت نے سرکاری خرچ پر 2015 میں علاج کے لیے برطانیہ بھیجا تھا، جہاں اُن کا علاج کوئین الزبتھ اسپتال میں ہوا، برطانوی ڈاکٹرز نے احمد نواز کا علاج کیا جس کے بعد وہ صحت مند زندگی کی طرف لوٹے اور پھر لندن میں ہی تعلیم کا آغاز کیا۔

    Comments

  • ڈی جی آئی ایس پی آر کی سانحہ اے پی ایس میں زخمی طالبعلم سے ملاقات

    ڈی جی آئی ایس پی آر کی سانحہ اے پی ایس میں زخمی طالبعلم سے ملاقات

    لندن : ڈی جی آئی ایس پی آرمیجر جنرل آصف غفور نے لندن میں اے پی سی حملہ میں زخمی بچے احمد نواز سے ملاقات میں نیک خواہشات کا اظہار کیا جبکہ احمد نوازنے انہیں نوجوانوں کے حوالے سے کیئے جانےوالےاپنےکام کی تفصیلات سےآگاہ کیا۔

    تفصیلات کے مطانق ڈی جی آئی ایس پی آرمیجر جنرل آصف غفور نے لندن میں اے پی سی حملہ میں زخمی اور لندن میں زیر علاج احمد نواز سے ملاقات کی۔

    میجرجنرل آصف غفورکچھ دیراحمدنواز کے ساتھ رہےاورنیک خواہشات کا اظہار کیا، ملاقات میں احمد نواز نے انہیں نوجوانوں کے حوالے سے کیئے جانےوالےاپنےکام کی تفصیلات سےآگاہ کیا۔

    لندن میں مقیم احمد نواز نوجوانوں کے حوالےسے سماجی کام کررہے ہیں۔

    واضح رہے 5 سال قبل 16 دسمبر 2014 کو پشاور آرمی پبلک اسکول میں خون کی ہولی کھیلی گئی تھی، دہشت گردوں نےعلم کے پروانوں کے بے گناہ لہو سے وحشت و بربریت کی نئی تاریخ رقم کی تھی اور دردناک سانحے اور دہشت گردی کے سفاک حملے میں 147 افراد شہید ہوگئے تھے، جس میں 132 بچے بھی شامل تھے۔

    سانحہ اے پی ایس پشاور میں زخمی ہونے والے طالب علم احمد نواز کو حکومت نے سرکاری خرچ پر 2015 میں علاج کے لیے برطانیہ بھیجا تھا جہاں اُن کا علاج کوئین الزبتھ اسپتال میں ہوا، برطانوی ڈاکٹرز نے احمد نواز کا علاج کیا ، جس کے بعد وہ صحت مند زندگی کی طرف لوٹے اور پھر لندن میں ہی تعلیم کا آغاز کیا۔

    طالب علم احمد نواز نے برطانوی امتحانات میں اعلیٰ کارکردگی دکھاتے ہوئے پوزیشن حاصل کی تھی ، احمد نے جی سی ایس ای امتحان میں 6 مضامین میں اے اسٹار حاصل کئے اور 2مضامین میں اے گریڈ حاصل کیا۔

  • سانحہ اے پی ایس کے زخمی طالب علم احمد نواز کے لیے ایک اور اعزاز

    سانحہ اے پی ایس کے زخمی طالب علم احمد نواز کے لیے ایک اور اعزاز

    لندن : سانحہ اے پی ایس میں دہشت گردوں اور موت کو شکست دینے والے طالب علم احمد نواز نے ایک بار پھر پاکستان کا سرفخر سے بلند کر دیا، احمد نواز کو کولمبو میں ساؤتھ ایشیا یوتھ سمٹ میں ایشین انسپریشن ایوارڈ سے نوازا جائے گا۔

    تفصیلات کے مطابق سانحہ اے پی ایس کے زخمی طالب علم احمد نواز نے ایک اور اعزاز اپنے نام کرلیا ، احمد نواز نے سماجی رابطے کی ویب سائٹ ٹویٹر پر بتایا کہ انھیں کولمبو میں ساؤتھ ایشیا یوتھ سمٹ میں ایشین انسپریشن ایوارڈ سے نوازا جائے گا، تقریب 30 نومبر کو کولمبو میں ہوگی ، ایوارڈ امن کے فروغ اور نوجوانوں کوبااختیار بنانے پر دیا جاتا ہے۔

    اس سے قبل طالب علم احمد نواز نے برطانوی امتحانات میں اعلیٰ کارکردگی دکھاتے ہوئے پوزیشن حاصل کی تھی ، احمد نے جی سی ایس ای امتحان میں 6 مضامین میں اے سٹارحاصل کئے اور 2مضامین میں اے گریڈ حاصل کیا۔

    بعد ازاں اے آر وائی نیوز کے پروگرام سوال یہ ہے میں میزبان ماریہ میمن سے خصوصی گفتگو کرتے ہوئے احمد نواز نے کہا تھا کامیابی کا سہرا والدین اور خیرخواہوں کے سر جاتا ہے، میرا خواب ہے کہ آکسفورڈ یونیورسٹی میں تعلیم حاصل کروں، سانحے کے بعد حوصلہ بڑھانے والوں نے بھی ہمت دی، ہمت بڑھانے والوں خاص طور پر ڈی جی ایس پی آر کا شکریہ ادا کرتا ہوں۔

    مزید پڑھیں: سانحہ اے پی ایس کے زخمی طالب علم کی برطانوی امتحانات میں اعلیٰ‌ کارکردگی

    احمد نواز کا مزید کہنا تھا کہ سانحہ اے پی ایس بھولے جانے والا نہیں لیکن ہمیں آگے بڑھناہے اور یہ ثابت کرنا ہے کہ مشکلات کے باوجود ہم ہمت ہارنے والے نہیں۔

    واضح رہے چار سال قبل 16 دسمبر 2014 کو پشاور آرمی پبلک اسکول میں خون کی ہولی کھیلی گئی تھی، دہشت گردوں نےعلم کے پروانوں کے بے گناہ لہو سے وحشت و بربریت کی نئی تاریخ رقم کی تھی اور دردناک سانحے اور دہشت گردی کے سفاک حملے میں 147 افراد شہید ہوگئے تھے، جس میں 132 بچے بھی شامل تھے۔

    سانحہ اے پی ایس پشاور میں زخمی ہونے والے طالب علم احمد نواز کو حکومت نے سرکاری خرچ پر 2015 میں علاج کے لیے برطانیہ بھیجا تھا جہاں اُن کا علاج کوئین الزبتھ اسپتال میں ہوا، برطانوی ڈاکٹرز نے احمد نواز کا علاج کیا جس کے بعد وہ صحت مند زندگی کی طرف لوٹے اور پھر لندن میں ہی تعلیم کا آغاز کیا۔