Tag: Argentine

بیونس آئرس: فٹبال کی دنیا کے سپر اسٹار لیونل میسی آج رشتہ ازدواج میں منسلک ہونے جارہے ہیں، شادی کی تقریب کی تیاریاں مکمل ہوگئیں، سپر اسٹار اور اُن کی اہلیہ نے اپیل کی ہے کہ شادی میں شرکت کرنے والے افراد مادی تحائف کے بجائے اپنا فنڈ میسی چیریٹی میں جمع کروائیں۔

تفصیلات کے مطابق ارجنٹائن کے معروف فٹبالر اور بارسولنا کلب کے سپر اسٹار میسی آج اپنی پرانی دوست اور محبوبہ انٹونیلا روکوز کے ساتھ شادی کرنے جارہے ہیں۔

میسی کی شادی اُن کے آبائی شہر روزاریو میں ہورہی ہے، بارسلونا کے فٹبالر نے شادی کی تقریب مٰں ستاروں کے علاوہ نامور شخصیات کو بھی مدعو کیا ہے، اس ضمن میں سپر اسٹار کی جانب سے ایک ہوٹل کے 250 کمرے بک کیے گئے ہیں، شادی کی تقریب کو 150 سے زائد صحافی کوریج دیں گے۔

اطلاعات کے مطابق بارسلونا کلب س تعلق رکھنے والے 21 نامور کھلاڑیوں کے علاوہ 250 معزز شخصیات بھی شرکت کریں گی جس کے لیے ہوٹل انتظامیہ نے سیکیورٹی کو حتمی شکل دے دی ہے۔

اس موقع پر میسی اور اُن کی ہونے والی اہلیہ نے شادی کی تقریب میں شرکت کرنے والوں سے اپیل کی ہے کہ وہ مہنگے تحفہ تحائف دینے سے گریز کریں اور وہ اگر وہ کچھ دینے کی خواہش رکھتے ہیں تو میسی فاؤنڈیشن میں جمع کروائیں تاکہ بچوں کی تعلیم اور دیکھ بحال کے لیے جاری رہنا والا مشن مزید مستحکم ہو۔

میسی کے چاہنے والے دیواروں پر ان کی تصاویر بناکر اسٹار کھلاڑی سے اپنی محبت کا اظہار کررہے ہیں۔ دوسری جانب دنیا بھر سے اہم شخصیات اور فٹبالرز کی شادی میں شرکت کیلئے روساریو آمد کا سلسلہ جاری ہے۔

واضح رہے کہ لیونل میسی گزشتہ 10 برسوں سے اپنی دوست انتو نیلا کے ساتھ رہ رہے ہیں اور دونوں کے 2 بچے بھی ہیں۔

شادی کے موقع پر جہاں میسی کے ساتھی کھلاڑی خوش ہیں وہیں اُن کے مداح بھی بے حد خوش نظر آرہے ہیں، کچھ مداحوں کی جانب سے ہوٹل کے ارد گرد دیواروں پر اپنے پسندیدہ کھلاڑی کی تصاویر پینٹ کی ہیں۔

اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئر کریں۔