ARYNews.tv | Urdu – Har Lamha Bakhabar

Tag: arif alvi

  • پائیدار ترقی کے لئے پانی کا مسئلہ حل کرنا ہوگا: صدر پاکستان

    پائیدار ترقی کے لئے پانی کا مسئلہ حل کرنا ہوگا: صدر پاکستان

    اسلام آباد: صدر پاکستان عارف علوی نے کہا ہے کہ پائیدار ترقی کے اہداف حاصل کرنے کے لئے پانی کا مسئلہ حل کرنا ہی ہوگا.

    ان خیالات کا اظہار انھوں نے پانی سےمتعلق بین الاقوامی کانفرنس سے خطاب کرتے ہوئے کیا.

    صدر عارف علوی کا کہنا تھا کہ پارلیمنٹ کے مشترکہ اجلاس میں پانی کے مسئلے کو اجاگر 

    ان کا کہنا تھا کہ اللہ نے پاکستان کو آبی وسائل سے مالا مال کیا، پاکستان کو بہترین آبی وسائل ملے تھے.

    صدر پاکستان نے کہا کہ قیام پاکستان کے بعد منگلا اور تربیلا سمیت چند ہی ڈیم بنائے گئے، آبی وسائل وقت کی اہم ضرورت ہیں.

    مزید پڑھیں: صحت کی انشورنس کے ذریعے غریبوں کو تحفظ فراہم کرنا ہوگا: صدرعارف علوی

    ان کا کہنا تھا کہ پاکستان میں 30 دن کاپانی ذخیرہ کرنے کی گنجائش موجود ہے، تھرمیں پانی کی کمی کی وجہ سے بچے انتقال کر رہے ہیں. پانی کو محفوظ اور ذخیرہ کرنا بنیادی مسئلہ ہے.

    صدرعارف علوینے کہا کہ پانی زندگی ہے اوربطور قوم ہمیں اسے محفوظ بنانا ہے، پائیدار ترقی کے لیے پانی کے مسئلے کوحل کرنا ہوگا، پانی کےذخیرے کے لئے بڑے ذخائر کی تعمیر ناگزیر ہے.

  • پاکستان جوہری ہتھیاروں کی دوڑ میں شامل نہیں ہوگا: صدر مملکت

    پاکستان جوہری ہتھیاروں کی دوڑ میں شامل نہیں ہوگا: صدر مملکت

    اسلام آباد: صدر مملکت ڈاکٹر عارف علوی کا کہنا ہے کہ پاکستان جوہری ہتھیاروں کی دوڑ میں شامل نہیں ہوگا، پڑوسی ملک کے تجربات خطے کو جوہری ہتھیاروں سے پاک کرنے میں رکاوٹ ہیں۔

    تفصیلات کے مطابق صدر مملکت ڈاکٹر عارف علوی نے تقریب سے خطاب کرتے ہوئے کہا کہ جوہری ٹیکنالوجی کے استعمال سے متعلق قانون سازی کی ضرورت ہے۔ پاکستان جوہری ہتھیاروں کی دوڑ میں شامل نہیں ہوگا۔

    انہوں نے کہا کہ پاکستان دنیا میں جوہری عدم پھیلاؤ کا حامی ہے، پاکستان خطے کے تمام ممالک میں امن کا خواہشمند ہے۔ پاکستان خطے میں امن و استحکام چاہتا ہے۔

    صدر مملکت کا کہنا تھا کہ مسئلہ کشمیر خطے میں تنازعہ کی بنیادی وجہ ہے، اقوام متحدہ کشمیر سمیت تمام عالمی تنازعات حل کروانےمیں کردار ادا کرے۔ پاکستان کا جوہری پروگرام آئی اے ای سے کے قواعد کے مطابق ہے۔

    انہوں نے کہا کہ حکومت سماجی شعبے کی ترقی کے لیے پرعزم ہے۔ عالمی امن کو لاحق خطرات سے مشترکہ طور پر نمٹا جا سکتا ہے۔ پڑوسی ملک کے تجربات خطے کو جوہری ہتھیاروں سے پاک کرنے میں رکاوٹ ہیں۔

    انہوں نے مزید کہا کہ جدید ٹیکنالوجی کے استعمال سے متعلق بھی عالمی سطح پر قانون سازی کی ضرورت ہے۔ پاکستان جنوبی ایشیا میں تذویراتی استحکام کا حامی ہے۔ ایٹمی توانائی کے استعمال سے ماحولیاتی آلودگی کو کم کیا جا سکتا ہے۔

  • شہری درخت لگائیں اور جگہ جگہ کچرا نہ پھینکیں: صدر مملکت

    شہری درخت لگائیں اور جگہ جگہ کچرا نہ پھینکیں: صدر مملکت

    کراچی: صدر مملکت ڈاکٹر عارف علوی کا کہنا ہے کہ شہری درخت لگائیں اور کچرا جگہ جگہ نہ پھینکیں۔ کسی کے لیے اپنے گھر کے باہر جھاڑو دینا بے عزتی کی بات نہیں۔

    تفصیلات کے مطابق صدر پاکستان ڈاکٹر عارف علوی نے کراچی میں گرین اینڈ کلین مہم کا آغاز کر دیا۔

    اس موقع پر صدر پاکستان کا کہنا تھا کہ حضور نے پیغام دیا صفائی نصاف ایمان ہے، ہر انسان کے لیے روحانی اور جسمانی پاکیزگی ضروری ہے۔ کچرے کو اس کی مقررکردہ جگہوں پر پھینکیں سڑکوں پر نہیں۔

    انہوں نے کہا کہ وسیم اختر صاحب میری درخواست پر یہاں تشریف لائے۔ شہری درخت لگائیں اور کچرا جگہ جگہ نہ پھینکیں۔ کسی کے لیے اپنے گھر کے باہر جھاڑو دینا بے عزتی کی بات نہیں۔

    انہوں نے کہا کہ کوشش کروں گا حلقے میں پانی کی قلت کا مسئلہ حل کروا سکوں۔

    میئر کراچی وسیم اختر کا کہنا تھا کہ کراچی کے بنیادی مسائل بہت زیادہ ہیں ان میں الجھے ہوئے ہیں، جلد کراچی میں کھلیوں کے مقابلے منعقد کروائیں گے۔

    انہوں نے کہا کہ حکومت سندھ کو سانحہ عاشور کی تحقیقات پر توجہ دینی چاہیئے، تحقیقات میں سنجیدگی نظر آنی چاہیئے قیمتی جانیں ضائع ہوئی ہیں۔

    وسیم اختر نے مزید کہا کہ رابطہ کمیٹی اور پوری پارٹی اس وقت ضمنی الیکشن میں مصروف ہے، الیکشن کے بعد اس معاملے پر فاروق بھائی سے بات کریں گے۔ ابھی ہم اپنی چھینی ہوئی سیٹیں واپس لینے کی کوشش کر رہے ہیں۔

  • پی ٹی وی، پارلیمنٹ حملہ کیس: صدرپاکستان کی جانب سےبریت کی درخواست دائر

    پی ٹی وی، پارلیمنٹ حملہ کیس: صدرپاکستان کی جانب سےبریت کی درخواست دائر

    اسلام آباد : صدر مملکت ڈاکٹرعارف علوی نے پی ٹی وی، پارلیمنٹ حملہ کیس میں بریت کے لیے درخواست دائر کردی۔

    تفصیلات کے مطابق انسداد دہشت گردی عدالت میں پی ٹی وی، پارلیمنٹ حملہ کیس کی سماعت کے دوران صدر پاکستان ڈاکٹرعارف علوی نے بریت کی درخواست دائر کردی۔

    عدالت میں ڈاکٹرعارف علوی کے وکیل نے موقف اختیار کیا کہ صدر پاکستان کے خلاف سیاسی مقدمہ بنایا گیا، ان کے خلاف کوئی شواہد موجود نہیں ہیں۔

    صدرمملکت کے وکیل کا کہنا تھا کہ میرے موکل نے صدارتی استثنیٰ کبھی نہیں مانگا، ان کے خلاف کیس بنتا ہی نہیں۔

    یاد رہے کہ 27 ستمبرکو صدرمملکت ڈاکٹرعارف علوی نے اسلام آباد دھرنے کے دوران بننے والے مقدمے میں استثنیٰ دیے جانے پرتنقید کا جواب دیتے ہوئے کہا تھا کہ میں نے کسی استثنیٰ کا مطالبہ نہیں کیا۔

    واضح رہے کہ رواں ماہ 11 ستمبرکو وزیراعظم کے وکیل بابراعوان نے ان کے موکل کی حاضری سے استثنیٰ کی درخواست دائر کی تھی۔

    بابراعوان کا کہنا تھا کہ ملزم ایک سے زیادہ ہو تو شریک ملزمان کو حاضری سے استثنیٰ مل سکتا ہے۔

    انسداد دہشت گردی عدالت نے پی ٹی وی، پارلیمنٹ حملہ کیس میں وزیراعظم عمران خان کو حاضری سے مستقل استثنیٰ دیا تھا۔

  • صحت کی انشورنس کے ذریعے غریبوں کو تحفظ فراہم کرنا ہوگا: صدرعارف علوی

    صحت کی انشورنس کے ذریعے غریبوں کو تحفظ فراہم کرنا ہوگا: صدرعارف علوی

    اسلام آباد: صدرمملکت عارف علوی کا کہنا ہے کہ صحت کی انشورنس کے ذریعے غریبوں کو تحفظ فراہم کرنا ہوگا.

    ان خیالات کا اظہار انھوں نے وزارت قومی صحت کے دورے کے موقع پر کیا. صدرمملکت کو وفاقی وزیر، سیکریٹری وزارت، ڈی جی ہیلتھ نے بریفنگ دی.

    اس موقع پر صدر ڈاکٹرعارف علوی نے کہا کہ عوام کو صحت کی سہولتوں کی فراہمی حکومت کی اولین ترجیح ہے.

    [bs-quote quote=” بچوں کو دیے جانے والے حفاظتی ٹیکوں کو سو فی صدی قینی بنانا ہوگا” style=”style-7″ align=”left” author_name=”ڈاکٹر عارف علوی”][/bs-quote]

    ڈاکٹر عارف علوی کا کہنا تھا کہ عوام کو طبی سہولتوں کی فراہمی کے لئےاداروں کو کردار ادا کرنا ہوگا.

    انھوں نے کہا کہ خوراک و صحت کےمعاملات میں عوامی آگاہی مہم کی ضرورت ہے، خوراک کی کمی سے بچوں پرانتہائی مضراثرات مرتب ہو رہے ہیں.

    عارف علوی کا کہنا تھا کہ بچوں کو دیے جانے والے حفاظتی ٹیکوں کو سو فی صدی یقینی بنانا ہوگا. صحت کی انشورنس کےذریعےغریب کوتحفظ فراہم کرنا ہوگا.

    مزید پڑھیں: قائد اعظم انصاف اور عدل والا پاکستان چاہتے تھے: صدرِ مملکت عارف علوی

    اس موقع پر صدر نے وزارت کو صوبوں سے صحت کے معاملات میں تعاون بہتر کرنے اور سہولیات کی فراہمی کو یقینی بنانے کی ہدایت کی.

    یاد رہے کہ ڈاکٹر عارف علوی پاکستان کے تیرہویں صدر ہیں۔ وہ مولانا فضل الرحمان اور اعتزاز احسن پر واضح برتری حاصل  کر کے صدر پاکستان منتخب ہوئے تھے۔

    نو منتخب صدر ڈاکٹر عارف علوی نے پارلیمنٹ کے مشترکہ اجلاس سے  اولین خطاب میں کہا تھاکہ ہم قائد اعظم  کا عدل و انصاف والا پاکستان چاہتے تھے۔

  • پارلیمنٹ کا مشترکہ اجلاس، نئے صدر مملکت آج پہلا خطاب کریں گے

    پارلیمنٹ کا مشترکہ اجلاس، نئے صدر مملکت آج پہلا خطاب کریں گے

    اسلام آباد: بیگم کلثوم نواز کے انتقال کے باعث موخر کیا گیا پارلیمنٹ کا مشترکہ اجلاس آج ہوگا، نئے صدر مملکت عارف علوی پہلا خطاب کریں گے۔

    تفصیلات کے مطابق نواز شریف کی اہلیہ بیگم کلثوم نواز کے انتقال کے باعث گذشتہ دنوں ہونے والا پارلیمنٹ کا مشترکہ اجلاس موخر کردیا گیا تھا جو کہ آج ہوگا۔

    ملک کے نئے صدر ڈاکٹر عارف علوی اجلاس سے اپنا پہلا خطاب کریں گے، اجلاس میں نون لیگ دھاندلیوں کی تحقیقات کے لیے پارلیمانی کمیشن کے قیام کے مطالبے پر احتجاج کرے گی۔

    اخراجات کی بچت، صدر اور وزیرِ اعظم ایک ہی طیارے میں اسلام آباد روانہ

    اجلاس میں گورنرز، وزرائے اعلیٰ، مسلح افواج کےسربراہان اور سفارتکار سمیت اعلی شخصیات شریک ہوں گے۔

    خیال رہے کہ گذشتہ روز صدرِ مملکت ڈاکٹر عارف علوی حلف برداری کے بعد کراچی کا باقاعدہ دورہ کیا، انہوں نے مزار قائد پر حاضری دی، پھول چڑھائے اور فاتحہ خوانی بھی کی تھی۔

    قائد اعظم کے مزار پر حاضری کے موقع پر ان کے ہمراہ گورنر سندھ عمران اسماعیل، سندھ کے وزیر بلدیات سعید غنی سمیت شہر کی معزز شخصیات موجود تھیں۔

    واضح رہے کہ وزیرِ اعظم عمران خان ایک روزہ دورۂ کراچی ختم کر کے صدرِ مملکت ڈاکٹر عارف علوی کے ہم راہ ایک ہی طیارے میں اسلام آباد روانہ ہوچکے ہیں۔

  • سعودی فرمانروا کی جانب سے صدرعارف علوی کوعہدے کا حلف اٹھانے پرمبارکباد

    سعودی فرمانروا کی جانب سے صدرعارف علوی کوعہدے کا حلف اٹھانے پرمبارکباد

    ریاض : سعودی فرمانروا شاہ سلمان نے صدرمملکت ڈاکٹرعارف علوی کو عہدے کا حلف اٹھانے پر مبارکباد دیتے ہوئے نیک تمناؤں کا اظہار کیا ہے۔

    تفصیلات کے مطابق سعودی عرب کے بادشاہ شاہ سلمان بن عبدالعزیز نے صدر ڈاکٹرعارف علوی کو عہدے کا حلف اٹھانے پرمبارکباد دی اورکہا کہ سعودی عرب پاکستانی عوام کی مزید ترقی اور کامیابی کی خواہش مند ہے۔

    سعودی فرمانروا نے پاکستان اور سعودی عرب کے درمیان برادرانہ تعلقات کو سراہتے ہوئے کہا کہ تمام شعبوں میں دو طرفہ تعلقات کو فروغ دینے کی کوششیں جاری ہیں۔

    دوسری جانب سعودی ولی عہد محمد بن سلمان کی جانب سے بھی صدر ڈاکٹرعارف علوی کو اسلامی جمہوریہ پاکستان کا صدر بننے پر مبارکباد دی گئی انہوں نے کہا کہ پاکستان کے عوام کی ترقی وخوشحالی کے لیے دعاگو ہیں۔

    ڈاکٹرعارف علوی نےصدرپاکستان کےعہدے کا حلف اٹھا لیا

    یاد رہے کہ گزشتہ ہفتے 9 ستمبر کو صدرمملکت ڈاکٹرعارف علوی نے ملک کے 13 ویں صدر کی حیثیت سے حلف اٹھایا تھا۔ ایوان صدر میں تقریب حلف برداری میں چیف جسٹس پاکستان میاں ثاقب نثار نے صدرڈاکٹرعارف علوی سے حلف لیا تھا۔

    صدرمملکت ڈاکٹرعارف علوی پیشے کے اعتبار سے ڈینٹسٹ ہیں، وہ پہلی بار 2013 کے انتخابات میں کراچی سے رکن قومی اسمبلی منتخب ہوئے تھے۔

  • عارف علوی کے عہدہ صدارت سنبھالنے پر امریکا کی مبارک باد

    عارف علوی کے عہدہ صدارت سنبھالنے پر امریکا کی مبارک باد

    واشنگٹن: صدارتی انتخابات میں کامیابی کے بعد عارف علوی نے آج عہدے کا حلف اٹھا لیا جس پر امریکا نے بھی مبارک باد پیش کی۔

    تفصیلات کے مطابق صدارتی انتخابات میں بھاری اکثریت سے کامیابی حاصل کرنے والے ڈاکٹر عارف علوی نے آج اپنے عہدے کا حلف اٹھایا جس پر امریکا کی جانب سے مبارک باد پیش کی گئی۔

    ترجمان امریکی محکمہ خارجہ ہیدر نوئرٹ کا کہنا تھا کہ امریکی حکومت اور عوام عارف علوی کو مبارکباد پیش کرتے ہیں۔

    ان کا یہ بھی کہنا تھا کہ خطے کے امن واستحکام، اور ترقی کے لیے پاکستان کے ساتھ کام کرنے کے منتظر ہیں۔

    ڈاکٹرعارف علوی نےصدرپاکستان کےعہدے کا حلف اٹھا لیا

    خیال رہے کہ آج ہونے والی تقریب حلف برداری میں وزیراعظم عمران خان، چیف جسٹس میاں ثاقب نثار، تینوں مسلح افواج کے سربراہان، چیئرمین جوائنٹ چیفس آف اسٹاف جنرل زبیرمحمود حیات شریک تھے۔

    وزیرخارجہ شاہ محمود قریشی، گورنرسندھ عمران اسماعیل اور شاہ فرمان، وزیراعلیٰ سندھ مراد علی شاہ، وزیراعلیٰ پنجاب سردار عثمان بزدار، وزیراعلیٰ بلوچستان جام کمال، اسپیکرقومی اسمبلی اسد قیصر بھی ایوان صدر میں موجود تھے۔

    یاد رہے کہ ڈاکٹرعارف علوی گزشتہ ہفتے ہونے والے صدراتی انتخاب میں بھاری اکثریت سے کامیاب ہوکر ملک کے آئندہ صدرمنتخب ہوئے تھے۔ صدرمملکت ڈاکٹرعارف علوی پیشے کے اعتبار سے ڈینٹسٹ ہیں، وہ پہلی بار 2013 کے انتخابات میں کراچی سے رکن قومی اسمبلی منتخب ہوئے تھے۔

  • ڈاکٹرعارف علوی نےصدرپاکستان کےعہدے کا حلف اٹھا لیا

    ڈاکٹرعارف علوی نےصدرپاکستان کےعہدے کا حلف اٹھا لیا

    اسلام آباد: صدرمملکت ڈاکٹرعارف علوی نے ملک کے 13 ویں صدر کی حیثیت سے حلف اٹھا لیا۔

    تفصیلات کے مطابق ایوان صدر میں تقریب حلف برداری میں چیف جسٹس پاکستان میاں ثاقب نثار نے صدرڈاکٹرعارف علوی سے حلف لیا۔ حلف اٹھانے کے بعد صدرمملکت نے حلف نامے پردستخط کیے جس کے ساتھ ہی ممنون حسین کی 5 سالہ مدت صدارت ختم ہوگئی۔

    تقریب حلف برداری میں وزیراعظم عمران خان، چیف جسٹس میاں ثاقب نثار، تینوں مسلح افواج کے سربراہان، چیئرمین جوائنٹ چیفس آف اسٹاف جنرل زبیرمحمود حیات شریک تھے۔

    وزیرخارجہ شاہ محمود قریشی، گورنرسندھ عمران اسماعیل اور شاہ فرمان، وزیراعلیٰ سندھ مراد علی شاہ، وزیراعلیٰ پنجاب سردار عثمان بزدار، وزیراعلیٰ بلوچستان جام کمال، اسپیکرقومی اسمبلی اسد قیصر بھی ایوان صدر میں موجود تھے۔

    یاد رہے کہ ڈاکٹرعارف علوی گزشتہ ہفتے ہونے والے صدراتی انتخاب میں بھاری اکثریت سے کامیاب ہوکر ملک کے آئندہ صدرمنتخب ہوئے تھے۔ صدرمملکت ڈاکٹرعارف علوی پیشے کے اعتبار سے ڈینٹسٹ ہیں، وہ پہلی بار 2013 کے انتخابات میں کراچی سے رکن قومی اسمبلی منتخب ہوئے تھے۔

    ممنون حسین ایوان صدر سے رخصت‘ الواداعی گارڈ آف آنر

    واضح رہے کہ گزشتہ روزممنون حسین صدارتی مدت پوری ہونے کے بعد سبکدوش ہوگئے تھے۔ صدارتی مدت ختم ہونے پرممنون حسین کو گارڈ آف آنرپیش کیا گیا تھا جبکہ انہوں نے ایوان صدر کے عملے سے الوداعی ملاقاتیں کی تھیں۔

    ممنون حسین کا کہنا تھا کہ پاکستان کی تعمیروترقی قانون کی حکمرانی اور آئین کی بالادستی میں ہے۔

  • نو منتخب صدرعارف علوی آج حلف اٹھائیں گے

    نو منتخب صدرعارف علوی آج حلف اٹھائیں گے

    اسلام آباد: اسلامی جمہوریہ پاکستان کے نو منتخب صدر عارف علوی آج اپنے عہدے کا حلف اٹھائیں گے، آئینی مدت پوری ہونے پر صدر ممنون حسین کل اپنے عہدے سے سبک دوش ہوگئے۔

    تفصیلات کے مطابق نو منتخب صدر عارف علوی پاکستان کے تیرہویں صدر مملکت ہیں، آج دوپہر ایک بجے وہ ایوانِ صدر میں منعقد ہونے والی حلف برداری تقریب میں حلف اٹھائیں گے، تقریبِ حلف برداری کے لیے ایوان صدر میں تیاریاں مکمل کرلی گئیں۔

    سابق صدر ممنون حسین کو گزشتہ روز عہدے سے سبک دوش ہونے پر الوداعی گارڈ آف آنر دیا گیا، مسلح افواج کے چاق و چوبند دستے نے انھیں سلامی دی، سابق صدر نے ایوانِ صدر کے عملے سے بھی الوداعی ملاقاتیں کیں۔

    چیف جسٹس ثاقب نثار نو منتخب صدر عارف علوی سے حلف لیں گے، تقریب میں وزیرِ اعظم عمران خان، مسلح افواج کے سربراہان، غیر ملکی سفیروں، حکومتی وزرا اور سیاسی قیادت کو مدعو کیا گیا ہے۔

    یہ بھی پڑھیں:  صدر ممنون حسین کی صدارت کا آج آخری دن

    خیال رہے کہ نو منتخب صدر عارف علوی نے صدارتی الیکشن میں مولانا فضل الرحمان اور اعتزاز احسن کو شکست دی تھی، صدارتی انتخاب میں الیکشن کمیشن کے مطابق پاکستان تحریکِ انصاف کے عارف علوی 352 ووٹ لے کر فتح یاب قرار پائے، جب کہ مولانا فضل الرحمٰن 184 ووٹ لے کر دوسرے نمبر پر اور اعتزاز احسن 124 ووٹ لے کر تیسرے نمبر پر رہے۔