راولپںڈی : آرمی چیف جنرل قمر جاوید باجوہ نے پرامن افغانستان اورمصالحتی اہمیت کے عمل پر روز دیتے ہوئے کہا ہے کہ دنیاغیرمستحکم افغانستان میں اقتصادی بہتری کیلئے کردارادا کرے۔
پاکستانی فوج کے شعبہ تعلقات عامہ (آئی ایس پی آر) کی جانب سے بیان میں کہا گیا ہے کہ آرمی چیف جنرل قمر جاوید باجوہ سے افغانستان اور پاکستان کیلئے جرمنی کے خصوصی نمائندے کی ملاقات ہوئی۔
آئی ایس پی آر کا کہنا ہے کہ ملاقات میں باہمی دلچسپی،علاقائی سیکیورٹی اورافغانستان کی صورتحال پر تبادلہ خیال کیا گیا اور افغانستان میں امدادی کاموں کیلئےتعاون،شراکت داری کےاموربھی زیر غور آئے۔
آرمی چیف جنرل قمر جاوید باجوہ نے کہا کہ پاکستان عالمی،علاقائی امورمیں جرمنی کےکردارکوخصوصی اہمیت دیتاہے اور پاکستان جرمنی سےباہمی تعلقات کووسعت دینےکاخواہاں ہے۔
افغانستان کے حوالے سے جنرل قمر جاوید باجوہ کا کہنا تھا کہ دنیاغیرمستحکم افغانستان میں اقتصادی بہتری کیلئےکرداراداکرے،سنجیدہ کوششوں سےافغانستان میں انسانی بحران سےبچاجاسکتاہے۔
دوران ملاقات آرمی چیف نے پرامن افغانستان اورمصالحتی اہمیت کے عمل پر بھی زور دیا۔
خصوصی نمائندہ جرمن نے افغان صورتحال میں پاکستان کے کردارکی تعریف کرتے ہوئے بارڈرمینجمنٹ اور خطےمیں استحکام کیلئے پاکستان کے کردار کو سراہا۔
راولپنڈی : آرمی چیف جنرل قمر جاوید باجوہ نے کہا ہے کہ مسلح افواج جواں مردی، بہادری سے وطن عزیز کا دفاع یقینی بنائے گی۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے چونیاں اور قصور میں لاہور کور جبکہ ٹلہ میں منگلا کور کا دورہ کیا۔
آرمی چیف نے لاہور کور اور منگلاکور کے جوانوں کی مشقیں دیکھیں اور جوانوں کے جذبے کی تعریف کی، اس موقع پر گفتگو کرتے ہوئے جنرل قمر جاوید باجوہ کا کہنا تھا کہ پاک فوج عوامی حمایت سے مادر وطن کا ہر قیمت پر دفاع کرے گی۔
مسلح افواج جواں مردی، بہادری سے وطن عزیزکا دفاع یقینی بنائے گی، آئی ایس پی آر کے مطابق آرمی چیف نے جوانوں کے بلند حوصلے اور پیشہ ورانہ تیاریوں کو بھی سراہا۔
راولپنڈی: آرمی چیف جنرل قمر جاوید باجوہ نے کہا ہے کہ پاکستان امن دوست ملک ہے اور امن پر یقین رکھتا ہے.
پاک فوج کے شعبہ برائے تعلقات عامہ (آئی ایس پی آر) کے مطابق ان خیالات کا اظہار انھوں نے نیول اکیڈمی کراچی میں پاسنگ آؤٹ پریڈ کے موقع پر خطاب کرتے ہوئے کیا. آرمی چیف تقریب کے مہمان خصوصی تھے.
[bs-quote quote=”آپس میں لڑنے کے بجائے بھوک، ناخواندگی اور بیماریوں کے خلاف جنگ لڑی جائے” style=”style-7″ align=”left” author_name=”آرمی چیف جنرل قمر جاوید باجوہ”][/bs-quote]
آرمی چیف کا کہنا تھا کہ پاکستان نے مشرقی اور مغربی سرحد پر کئی بار کشیدگی دیکھی، تمام تنازعات کو مذاکرات کی میز پر بیٹھ کر ہی حل کیا جاسکتا ہے، جنگوں سے تباہی، موت اور نقصان ہی ہوتا ہے.
جنرل قمرجاویدباجوہ کا کہنا تھا کہ تنازعات کے حل کے لئے مذاکرات کی میز پر آنا پڑتا ہے، پاکستان افغانستان میں دیرپا امن کا بھرپور حامی ہے، ہماری نئی حکومت نے بھارت کی طرف دوستی کا ہاتھ بڑھایا ہے، ہماری مذاکرات کی پیش کش کوکمزوری نہ سمجھا جائے.
آرمی چیف جنرل قمرجاوید باجوہ نے کہا کہ آپس میں لڑنے کے بجائے بھوک، ناخواندگی اور بیماریوں کے خلاف جنگ لڑی جائے، دہشت گردی کے خلاف جنگ مکمل طورپرختم نہیں ہوئی، ایک غیراعلانیہ جنگ کاسامنا ہے، دہشت گردی کے بعد مزید نئے خطرات کا سامنا ہے.
جنرل قمرجاوید باجوہ کا کہنا تھا کہ نفرت، لسانیت، مذہب، ذاتی خواہشات پرسوشل میڈیا کے ذریعے گمراہ کیا جارہا ہے، ہمارے اپنے بچے اور بچیاں سوشل میڈیا کے ذریعے یرغمال بنائے جارہے ہیں،میڈیا کے ذریعے سرجیکل اسٹرائیک، حقیقی اور سائبر جنگ کے لئے تیار رہنا ہوگا.
آرمی چیف کا کہنا تھا کہ پاکستان کی نظریاتی اوردفاعی سرحدوں کی حفاظت کے لئے ہمہ وقت تیاررہنا ہوگا، پاکستان 1971 ،1979 اور2001 کے ہلا دینے والے واقعات کے بعد بھی قائم ہے، ہم یہاں ہیں اور انشااللہ رہیں گے. ہماری مسلح افواج اور قانون نافذ کرنے والے اداروں نے بے پناہ قربانیاں دیں.
ان کا کہنا تھا کہ وقت ہےکہ اتحاد، ایمان اور نظم کا مظاہرہ کرتے ہوئے قربانیوں کا احترام کریں، ہم میں ماحول اورحالات کو اچھی طرح ادراک کرنے کی صلاحیت ہونی چاہیے، ہمیں حقیقی جنگ اور سائبر وار کے لئے تیار رہنا ہوگا، میڈیا کے ذریعےسرجیکل اسٹرائیک کے دعوے کرنے والوں پربھی نظررکھنا ہوگی.
آرمی چیف نے اس موقع پر نمایاں کارکردگی کامظاہرہ کرنےوالےکیڈٹس میں انعامات تقسیم کیے۔
یاد رہے کہ سعودی ولی عہد محمد بن سلمان نے آرمی چیف جنرل قمر جاوید باجوہ کے اعزاز میں منیٰ میں عشائیہ دیا تھا۔
ملاقات میں سعودی ولی عہد نے آرمی چیف جنرل قمر جاوید باوجوہ کو حج کی مبارک باد بھی دی ، اس دوران باہمی دلچسپی اور علاقائی سیکیورٹی کے امور پر تبادلہ خیال ہوا۔
اس وقت آرمی چیف جنرل قمرجاوید مدینہ منورہ میں موجود ہیں۔
کاکول : پاک فوج کے سربراہ جنرل قمر جاوید باجوہ نے کہا ہے کہپاک فوج اور قوم دہشت گردی کو ملک سے اکھاڑپھینکنے کے لئے پر عز م ہے ،ہم نے ملک سے دہشت گردوں کی پناہ گاہوں کا خاتمہ کردیا ہے، افغانستان میں دیرپا امن کیلئے افغان ثالثی عمل کے حامی ہیں۔
ان خیالات کااظہار انہوں نے پاکستان ملٹری اکیڈمی کاکول میں پاسنگ آؤٹ پریڈ سے خطاب کرتے ہوئے کیا، پاک فوج کے شعبہ تعلقات عامہ آئی ایس پی آر کے مطابق پاکستان ملٹری اکیڈمی کاکول میں پاسنگ آؤٹ پریڈ کا انعقاد کیا گیا۔
سعودی عرب کے کیڈٹس بھی پاس آؤٹ ہونے والوں میں شامل تھے، تقریب سے بحیثیت مہمان خصوصی خطاب کرتے ہوئے آرمی چیف جنرل قمر باجوہ نے پاس آؤٹ ہونے والے کیڈٹس کومبارکباد پیش کی۔
انہوں نے کہا کہ پاس آؤٹ کیڈٹس اپنی پیشہ ورانہ ذمہ داریوں پربھرپور توجہ دیں، پیشہ ورانہ تربیت مکمل کرنے کے بعد اب آپ پر اہم ذمہ داریاں ہیں، اپنی صلاحیتوں کا بھرپور انداز میں مظاہرہ کریں۔
آرمی چیف نے کہا کہ ہمارے دشمن جانتےہیں وہ روایتی جنگ میں ہمیں شکست نہیں دے سکتے۔ افغانستان میں دیرپا امن و استحکام کیلئے افغان ثالثی عمل کے حامی ہیں، آئندہ نسلوں کیلئے پرامن اور مستحکم پاکستان دینا چاہتے ہیں۔
پاکستان نے دہشت گردی انتہا پسندی کو مسترد کر دیا، قوم اور مسلح افواج دہشت گردی کے خاتمے کےلئے متحد ہیں، پاکستان سے تمام دہشت گرد جماعتوں کا ڈھانچہ ختم کر دیا۔
آرمی چیف نےمزید کہا کہ دورحاضر میں جدید جنگی رجحانات تیزی سے بڑھ رہےہیں، ردالفساد کے ذریعے حاصل کامیابیوں کو مزید تقویت دی جارہی ہے، آپریشن ردالفساد محض ایک آپریشن نہیں بلکہ نظریہ ہے، ہم اپنی سرزمین سے شدت پسندی جڑ سے اکھاڑ پھینکنے کیلئے پرعزم ہیں اور اپنی دھرتی کسی دوسرے ملک کے خلاف استعمال نہیں ہونے دینگے۔
جنرل باجوہ نے کہا کہ کے پی بالخصوص فاٹا کے عوام کی قربانیوں کے بغیر امن ممکن نہیں تھا، افغانستان میں دیرپا امن کیلئےافغان ثالثی عمل کے حامی ہیں، افغانستان میں امن کے بغیر پاکستان میں امن ممکن نہیں، فریقین کو خطے میں امن کا موقع دینا ہوگا۔
مسئلہ کشمیر کے حوالے سے آرمی چیف کا کہنا تھا کہ مقبوضہ کشمیر کےعوام کو اپنےمستقبل کا فیصلہ کرنے کا مکمل حق حاصل ہے، کشمیری بھائیوں کی بھرپور سیاسی اوراخلاقی حمایت جاری رکھیں گے۔
پاکستان اور بھارت کے درمیان کشمیر سمیت تمام تنازعات پرامن مذاکرات سے حل کرنے پریقین رکھتے ہیں، کیونکہ کشمیرسمیت پاک بھارت تنازعات کا حل مذاکرات کے ذریعے ہی ممکن ہے۔
اسلام آباد: قومی سلامتی کميٹی نے کہا ہے کہ امريکا اپنی ناکاميوں کا الزام پاکستان پر نہ لگائے، ڈونلڈ ٹرمپ کا ٹوئٹ حقائق کے منافی ہے، پاکستان نے دہشت گردی کی جنگ ميں اہم کردارادا کيا۔
تفصیلات کے مطابق اسلام آباد میں امریکی دھمکیوں سے متعلق وزیر اعظم شاہد خاقان عباسی کی زیرصدارت قومی سلامتی کمیٹی کا ہنگامی اجلاس ختم ہونے کے بعد اعلامیہ جاری کیا گیا۔
اعلامیہ کے مطابق امریکی صدر ٹرمپ کے بیان پر قومی سلامتی کمیٹی کو سخت مایوسی ہوئی، البتہ غیرضروری الزامات کے باوجود پاکستان جلد بازی نہیں کرے گا، پاکستان الزامات کے باوجو دمثبت کردار ادا کرتا رہے گا۔
اہم ترین اجلاس میں وزیرخارجہ، وزیردفاع، وزیرداخلہ کے علاوہ آرمی چیف، نیول چیف، ایئرچیف مشیر قومی سلامتی، امریکا میں پاکستانی سفیراعزازچوہدری سمیت سول اورفوجی قیادت نے شرکت کی، اجلاس میں امریکی صدرکے بیان سمیت خطے اوراندرونی معاملات پرتبادلہ خیال کیا گیا۔
اجلاس میں کہا گیا کہ پاکستان نےدہشت گردی کے خاتمے کیلئے گراں قدر قربانیاں دیں ہیں، پاکستان کی قربانيوں سے انحراف سراسر زيادتی ہوگی، عالمی برادری پاکستان کی قربانیوں کا اعتراف کرے۔
امریکی صدر کا ٹوئٹ حقائق کے منافی ہے، پاکستان نے دہشت گردی کیخلاف جنگ میں بلاتفريق کارروائياں کيں، امن قائم کرنے کیلئے ہمارا عزم غیر متزلزل ہے، پاکستان دہشت گردی سے متاثر ملکوں میں دوسرے نمبر پر ہے۔
اجلاس میں مزید کہا گیا کہ دہشت گردی کیخلاف جنگ میں پاکستان کو 123 ارب ڈالرز کا نقصان اور پچاس ہزار پاکستانی شہری جاں بحق ہوئے، اس جنگ میں سیکیورٹی فورسز کے چھ ہزاراہلکاروں نے جام شہادت نوش کیا، 2003 سے 2017 تک پاکستان میں 62 ہزار 421 افراد شہید ہوئے۔
قومی سلامتی کمیٹی کے اعلامیہ میں کہا گیا ہے کہ امریکی صدر کے بیان پر قومی سلامتی کمیٹی نے سخت مایوسی کا اظہار کیا، اعلامیہ کے مطابق ٹرمپ کی جنوبی ایشیائی پالیسی کے اعلان کے بعد امریکی حکام سے ملاقاتیں ہوئیں، ملاقاتوں میں باہمی اعتماد سازی کے ساتھ آگے بڑھنا ہی بہترین راستہ ہے۔
یاد رہے کہ مذکورہ اجلاس سے قبل آرمی چیف جنرل قمرجاوید باجوہ کی زیر صدارت کور کمانڈرز کانفرنس ہوئی تھی، جس میں اندرونی وعلاقائی سیکیورٹی صورت حال اور قومی سلامتی کمیٹی کے اجلاس پر تبادلہ خیال کیا تھا۔
یاد رہے کہ گذشتہ روز امریکی صدر ڈونلڈ ٹرمپ نے اپنے دھمکی آمیز ٹویٹ میں کہا تھا کہ پاکستان امریکا کو ہمیشہ دھوکا دیتا آیا ہے، پاکستان نے امداد کے بدلے امریکا کو بے وقوف بنانے کے سوا کچھ نہیں کیا، مگر اب ایسا نہیں چلے گا۔
اس ٹویٹ کے جواب میں وزیر خارجہ خواجہ آصف نے مؤقف اختیار کیا تھا کہ امریکا افغانستان میں پھنس گیا ہے، جس کا غصہ پاکستان پر نکالا جارہا ہے، بعد ازاں پاکستان نے امریکی سفیر کو دفتر خارجہ طلب کرکے ڈونلڈ ٹرمپ کے بیان پر شدید احتجاج ریکارڈ کروادیا ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔
لاہور : آرمی چیف کی سینیٹ کمیٹی کو بریفنگ خوش آئند ہے، اس سے قومی سلامتی کے معاملات سمجھنے میں مدد ملے گی۔ آئینی ترمیمی بل سے نئےانتخابات کی راہ ہموار ہوگئی، ان خیالات کا اظہار پی ٹی آئی رہنما فواد چوہدری نے لاہور میں پریس کانفرنس کرتے ہوئے کیا۔
ان کا کہنا تھا کہ پی ٹی آئی ترمیمی بل کی حمایت کرتی ہے، حلقہ بندیوں کا کام جلد مکمل کیا جائے، دھرنے کے شرکا میں پیسے وزیراعظم کی ہدایت پر تقسیم کیے گئے، مگر فوج پر تنقید کی گئی، جو ہر الزام فوج پرلگاتے ہیں ان کی آنکھیں آج کھل جانی چاہییں۔
تفصیلات کے مطابق پی ٹی آئی رہنما نے اپنی دھواں دار پریس کانفرنس میں سابق وزیر اعظم نواز شریف پر کڑی تنقید کرتے ہوئے کہا، نوازشریف کے خلاف کیسز آخری مراحل میں ہیں، ان کے پاس اپنے دفاع میں کہنے کے لیے کچھ نہیں رہ گیا. وہ عدلیہ کےخلاف تحریک چلانا چاہتے ہیں، جس دن تحریک کا آغاز کریں گے، پی ٹی آئی اداروں کی حمایت میں تحریک کا آغاز کردے گی۔
ان کا کہنا تھا کہ مسلم لیگ ن اب نوازشریف گروپ بن گیا ہے، یہ گروپ اداروں، عدلیہ اور پاکستان کے خلاف ہے، مسلم لیگ ن کا رویہ بانی ایم کیوایم سے مختلف نہیں، مسلم لیگ ن کے بھی حصے ہو چکے ہیں، نوازشریف کے بیانات کی حمایت شہباز شریف بھی نہیں کرتے، وکلا کو نواز شریف کے خلاف باہر نکلنا چاہیے۔
یہ بھی پڑھیں: میاں صاحب کی سیاست کوشہبازشریف سےسخت خطرہ ہے، فواد چوہدری
ان کا یہ بھی کہنا تھا کہ جہانگیرترین کیس میں ہم نےیہ نہیں کہا مجھےکیوں نکالا، نظرثانی درخواست دائرکررہے ہیں۔ تحریک کے لیے ڈاکٹرطاہرالقادری نےجو وقت مقرر کیا ہےاس کی سپورٹ کرتےہیں، ان کے مطالبے کی بھرپور حمایت کرتے ہیں۔
انھوں نے ن لیگ کی قیادت کو مخاطب کرتے ہوئے کہا کہ عمران خان آپ کی طرح ڈاکو نہیں، ہم نے کم ازکم پاکستانی خزانے کو اپنی اے ٹی ایم نہیں سمجھا، جاتی امرامیں سارے ملازمین کی تنخواہیں پنجاب حکومت دیتی۔
اس موقع پر اعجاز چوہدری نے کہا، حکومت زیادہ دیرتک چلتی نظرنہیں آرہی، الیکشن قریب ہیں، راجہ ظفرالحق کی رپورٹ منظرعام پر آنے تک عوام کو چین نہیں آئے گا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
راولپنڈی : آرمی چیف نے شہید کیپٹن جنید حفیظ کے اہلخانہ سے ملاقات کی اور اظہارتعزیت کیا۔
آئی ایس پی آر کے مطابق آرمی چیف جنرل قمرجاوید باجوہ شہید کیپٹن جنید حفیظ کے گھر پہنچے، آرمی چیف نے شہید کیپٹن کے اہلخانہ سے ملاقات کرکے تعزیت کا اظہار کیا۔
آئی ایس پی آرکے مطابق آرمی چیف نے شہید کیپٹن اور ان کے اہلخانہ کی عظیم قربانی کو خراج تحسین پیش کیا جبکہ شہید کی قبرپرفاتحہ خوانی کی اور پھول چڑھائے۔
واضح رہے 13نومبر کو باجوڑ ایجنسی میں سرحد پار افغانستان سے دہشت گردوں نے پاک فوج کی چیک پوسٹوں پر حملہ کیا، جس کے نتیجےمیں کیپٹن جنید حفیظ اورسپاہی رحم شہید ہوگئے تھے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
راولپنڈی: آرمی چیف جنرل راحیل شریف نے جنوبی وزیرستان میں قبائلیوں کی بحالی کیلئے مختلف ترقیاتی منصوبوں کا افتتاح کر دیاہے ۔
آئی ایس پی آر کے مطابق آرمی چیف نے وزیرستان میں مختلف ترقیاتی منصوبوں کا افتتاح کر دیاہے جن میں کیڈٹ کالج جہاں 500سے زائد بچے تعلیم حاصل کریں گے ،وانا کیلئے 132کے وی کا گرڈ سٹیشن اور 62کلومیٹر لمبی ڈی آئی خان ،ٹانک روڈ کا ترقیاتی منصوبہ شامل ہے ۔
اس موقع پر آرمی چیف کا کہناتھا کہ قبائلی عوام نے امن اور خوشحالی کیلئے بہت قربانیاں دیں ہیں ،قبائلی عوام امن کے قیام کیلئے مزید تعاون کرے اور ترقیاتی منصوبے مکمل ہونے تک فوج وزیرستان میں ہی رہے گی ۔
انہوں نے کہا کہ ان ترقیاتی منصوبوں سے وزیر ستان کی عوام کو روزگار ملے گااور معیار زندگی بھی بلند ہوگا۔
راحیل شریف کا کہنا تھا کہ قبائلی علاقوں میں استحکام لائیں گے اور روزگار پیداکریں گے ،دہشتگردوں کو ہرگز واپس نہیں آنے دیں گے، آپریشن ضرب عضب آخری مراحل میں ہے ،فاٹا کے نوجوانوں کو پیشہ وارنہ کالج میں بھیجنے کی ہر ممکن مدد کریں گے۔
راولپنڈی : پاک فوج کے سربراہ جنرل راحیل شریف نے فوج کے تمام متعلقہ حکام کو ہدایت کی ہے کہ چترال سمیت ملک بھر کے سیلاب سے متاثرہ علاقوں میں امدادی کاروائیوں کے لئے تمام تر وسائل بروئے کار لائیں اور متاثرین کی ہر ممکن مدد کی جائے ۔
آئی ایس پی آر کے ترجمان کے مطابق تمام کور ہیڈ کوارٹرز میں سیلاب کی صورتحال کی نگرانی کی جا رہی ہے اور اس مد میں تمام تیاریاں مکمل ہیں ۔
فیلڈ کمانڈرزکو بھی ہدایت کی گئی ہے کہ وہ ممکنہ سیلاب کے علاقوں میں پیشگی اقدامات کریں ۔
ترجمان کے مطابق چترال میں چھ روز سے پاک فوج کی امدادی کاروائیاں جاری ہیں اور 73متاثرین کو چترال کے مختلف علاقوں سے محفوظ مقامات پر منتقل کیا گیا ہے ۔
امدادی کاموں میں دو ہیلی کاپٹرز حصہ لے رہے ہیں اور کور کمانڈر پشاور لیفٹیننٹ جنرل ہدایت الرحمن متاثرہ علاقوں کا خود دورہ کر کے امدادی کارروائیوں کا جائزہ لے رہے ہیں ۔
پاک آرمی کے ڈاکٹروں اور پیرامیڈیکل اسٹاف کی بڑی تعداد متاثرہ علاقوں میں پہنچ چکی ہے۔
