Tag: Army chief address

  • حکومت سے تعاون جاری رکھیں گے، جنرل قمرجاوید باجوہ

    حکومت سے تعاون جاری رکھیں گے، جنرل قمرجاوید باجوہ

    جنوبی وزیرستان : آ رمی چیف جنرل قمرجاوید باجوہ نے کہا ہے کہ فاٹا کوقومی دھارے میں لانےکیلئے حکو مت سے تعاون جاری رکھیں گے، ریاست کی عملداری کیلئے جوانوں کی بہادری اور عزم لائق تحسین ہے۔

    یہ بات انہوں نے جنوبی وزیرستان کے دورے کے موقع پر جوانوں سے خطاب کرتے ہوئے کہی، پاک فوج کے شعبہ تعلقات عامہ آئی ایس پی آر کے ڈائریکٹر جنرل میجرجنرل آصف غفور کے مطابق آرمی چیف نے جنوبی وزیرستان کادورہ کیا اور مختلف چیک پوسٹوں کا دورہ کیا۔

    army-post-01

    کورکمانڈر پشاور لیفٹیننٹ جنرل نذیراحمد بٹ بھی ہمراہ تھے، آرمی چیف نے جوانوں کے ساتھ دن گزارا، اس موقع پر آرمی چیف کو بارڈر مینجمنٹ اور متاثرین کی آباد کاری کے حوالے سے بریفنگ دی گئی۔

    آرمی چیف نے جوانوں سے خطاب کرتے ہوئے کہا کہ قبائلی بھائیوں اورمقامی انتظامیہ کاتعاون قابل قدر ہے، فاٹا کو قومی دھارے میں لانے کیلئے حکومت سے تعاون جاری رکھیں گے۔

    علاقے میں دیرپا امن کیلئے اقتصادی ترقی اہم ہے، انہوں نے کہا کہ آپریشن میں استحکام، سماجی اقتصادی ترقی پرتوجہ مرکوزکی جائے، ریاست کی عملداری کیلئے جوانوں کی بہادری اور عزم لائق تحسین ہے۔

  • نیشنل ایکشن پلان پرعمل نہ ہونے سے آپریشن ضرب عضب متاثر ہوا،آرمی چیف

    نیشنل ایکشن پلان پرعمل نہ ہونے سے آپریشن ضرب عضب متاثر ہوا،آرمی چیف

    راولپنڈی: آرمی چیف جنرل راحیل شریف کا کہنا ہے کہ نیشنل ایکشن پلان پر عمل درآمد نہ ہونے سے آپریشن ضرب عضب متاثر ہوا۔

    Army Chief says efforts to eliminate terrorism… by arynews

    آئی ایس پی آر سے جاری کردہ اعلامیے کے مطابق آرمی چیف کی زیر صدارت جنرل ہیڈ کوارٹر میں‌ اعلیٰ سطح کا اجلاس ہوا جس میں آپریشن ضرب عضب اور نیشنل ایکشن پلان سے متعلق امور پر غور کیا گیا۔

    اجلاس میں ڈی جی آئی ایس آئی، پرنسپل اسٹاف اور کور کمانڈر راولپنڈی نے شرکت کی۔ اس دوران آرمی چیف کو آپریشن ضرب عضب اور نیشنل ایکشن پلان کے حوالے سے بریفننگ دی گئی جس پر جنرل راحیل شریف نے اطمینان کا اظہار کیا۔

    اس موقع پر آرمی چیف نے اظہار خیال کرتے ہوئے کہا کہ ’’نیشنل ایکشن پلان پر مکمل عمل درآمد نہ کیا گیا تو دہشت گردی پر قابو پانا مشکل ہوجائے گا،آپریشن ضرب عضب آخری مرحلے میں داخل ہوگیا ہے اور اس کے ثمرات عوام تک پہنچنا شروع ہو گئے ہیں‘‘۔

    پڑھیں : کورکمانڈرز اپنے صوبوں میں بھرپور کومبنگ آپریشن کریں، راحیل شریف

    اُن کا کہنا تھا کہ ’’پوری قوم سیکیورٹی فورسز کے شانہ بشانہ کھڑی ہوئی ہے جب کہ بعض حلقوں کی جانب سے ایسے بیانات دیے جارہے ہیں جو قومی اتحاد کو نقصان پہنچا رہے ہیں، اس طرح کے نامناسب تبصرے انسدادِ دہشت گردی کی کوششوں کے لیے مفید نہیں ہیں‘‘۔

    جنرل راحیل شریف نے اس عزم کا اظہار کیا کہ ’’نیشنل ایکشن پلان ہمارے مقاصد کی بنیادی کامیابی ہے، دہشت گردی کے خلاف جنگ میں طویل سفر طے کیا جلد پاکستانی سرزمین سے دہشت گردی کی لعنت کا خاتمہ کرکے رہیں گے ‘‘۔

    اس موقع پر آرمی چیف نے پاکستانی قوم، سیکیورٹی اداروں اور انٹیلی جنس اداروں کی قربانیوں پر سلام پیش کیا۔

  • ملکی سلامتی پر سمجھوتہ نہیں کیا جائے گا، آرمی چیف

    ملکی سلامتی پر سمجھوتہ نہیں کیا جائے گا، آرمی چیف

    راولپنڈی : آرمی چیف جنرل راحیل شریف نے کہا ہے کہ کراچی، فاٹا، بلوچستان میں دہشتگردی دشمن کی سازش ہے، پاکستان امن کیلئے دوسرے ملکوں سے تعاون کو تیار ہے۔

    ملک کے سپہ سالار جنرل راحیل شریف نے دو ٹوک دہرا دیا، نیول اکیڈمی میں پاسنگ آؤٹ پریڈ کی تقریب سے خطاب میں آرمی چیف نے کہا کراچی فاٹا اور بلوچستان میں قتل وغارتگری دشمن کی سازش ہے، ملکی تحفظ اور بقاء کیلئے ہر قیمت ادا کرنے کو تیار ہیں۔

    آرمی چیف نے واضح کردیا کہ امن کے لیے دوسرے ملکوں سے تعاون کرنے کو تیار ہیں لیکن ملکی وقار اور سلامتی پر کوئی سمجھوتہ نہیں کیا جائے گا ۔

    سپہ سالار نے آپریشن ضربِ عضب میں پوری قوم کی حمایت کو حوصلہ افزا قراردیا۔

    جنرل راحیل شریف نے کہا کہ مثبت نتائج سامنے آرہے ہیں، دہشتگرد بوکھلاہٹ کا شکار ہے، آرمی چیف نے کہا کہ اقتصادی راہداری منصوبہ خطے کے عوام کی تقدیر بدل دے گا۔