ARYNews.tv | Urdu – Har Lamha Bakhabar

Tag: army chief gen qamar bajwa

  • آرمی چیف جنرل قمرجاویدباجوہ کاحاجی عبدالوہاب کےانتقال پرتعزیت کااظہار

    آرمی چیف جنرل قمرجاویدباجوہ کاحاجی عبدالوہاب کےانتقال پرتعزیت کااظہار

    راولپنڈی: آرمی چیف جنرل قمرجاویدباجوہ نے حاجی عبدالوہاب کے انتقال پر اظہارتعزیت کرتے ہوئے دین کے لیے ان کی خدمات کوخراج تحسین پیش کیا۔

    پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمرجاویدباجوہ کی حاجی عبدالوہاب کے انتقال پراظہارتعزیت کرتے ہوئے مرحوم کی دین کے لیے خدمات کو خراج تحسین پیش کیا اور کہا اللہ مرحوم کوجنت الفردوس میں اعلیٰ مقام نصیب کرے۔

    یاد رہے گذشتہ روز تبلیغی جماعت کے امیر حاجی عبد الوہاب طویل علالت کے بعد 95 برس کی عمر میں انتقال کرگئے تھے، وزیر اعظم پاکستان، چیف جسٹس آف پاکستان نے اُن کے انتقال پر افسوس کا اظہار کیا اور اہل خانہ سے تعزیت کی۔

    مزید پڑھیں : تبلیغی جماعت کےامیرحاجی عبدالوہاب انتقال کرگئے

    وزیر اعظم عمران خان نے اپنی تعزیتی بیان میں افسوس کا اظہار کرتے ہوئے کہا تھا کہ حاجی عبدالوہاب کی شخصیت اور دینی خدمات کو ہمیشہ یاد رکھا جائے گا، دعا ہے ’اللہ تعالیٰ مرحوم کو جنت الفردوس میں اعلیٰ مقام عطاء فرمائے اور درجات بلند کرے‘۔

    واضح رہے مولانا حاجی عبدالوہاب یکم جنوری 1923 کونئی دہلی میں پیدا ہوئے، مولاناعبدالوہاب نے اسلامیہ کالج لاہور سے گریجویشن کیا، تقسیم ہند سے پہلے مولانا عبدالوہاب نے بطور تحصیل دار فرائض انجام دیے، مولانا عبدالوہاب تحصیل دارکاعہدہ چھوڑکرتبلیغی سرگرمیوں میں مصروف ہوئے اور قیام پاکستان کے بعد مولانا عبدالوہاب نے اہل خانہ کے ہمراہ بھارت سے ہجرت کی۔

  • نگراں وزیراعظم سے آرمی چیف کی ملاقات، شفاف انتخابات کے انعقاد کی یقین دہانی

    نگراں وزیراعظم سے آرمی چیف کی ملاقات، شفاف انتخابات کے انعقاد کی یقین دہانی

    اسلام آباد : نگران وزیر اعظم جسٹس ریٹائرڈ ناصر الملک سے آرمی چیف جنرل قمر جاوید باجوہ نے ملاقات کی ہے وزیر اعظم ہاؤس میں ہونے والی ملاقات میں عام انتخابات اور دیگر امور پر گفتگو کی گئی۔

    تفصیلات کے مطابق آرمی چیف جنرل قمر باجوہ نے نگراں وزیر اعظم جسٹس ریٹائرڈ ناصر الملک کو انتخابات کو پُرامن بنانے کے لئے ہر ممکن تعاون کی یقین دہانی کرا دی ہے۔

    ملاقات میں دونوں شخصیات کے درمیان ملک کی سیکیورٹی کی صورتحال سمیت اہم امور پر بھی تبادلہ خیال کیا گیا، اس کے علاوہ انتخابات میں حساس پولنگ اسٹیشنوں پر سیکیورٹی کے حوالے سے بھی گفتگو کی گئی، ناصر الملک کا کہنا تھا کہ عام انتخابات کو صاف شفاف اور آزادانہ بنانے کے لئے تمام تر انتظامات کئے جا رہے ہیں۔

     بیلٹ پیپرز کی چھپائی اور ترسیل فوج کی نگرانی میں ہوگی

    قبل ازیں نگراں وزیراعظم ناصرالملک نے انتخابات سے متعلق اہم اجلاس سے خطاب کرتے ہوئے کہا کہ عام انتخابات کا بروقت انعقاد نگراں حکومت کی ذمہ داری ہے اور انتخابات 25 جولائی کو ہی ہوں گے۔

    اجلاس میں چاروں صوبوں کے چیف سیکریٹریز، آئی جیز اور الیکشن کمیشن حکام بھی شریک تھے، اس موقع پر متعلقہ حکام نے سیکیورٹی اور انتظامی معاملات پر اپنی اپنی رپورٹس پیش کیں۔

    مزید پڑھیں: انتخابات 2018: الیکشن کمیشن کا تمام امیدواروں کوسیکیورٹی دینے کا فیصلہ

    اجلاس میں الیکشن کمیشن کی جانب سے پولنگ اسٹیشنز اور بیلٹ پیپرز کی چھپائی پر بریفنگ دی گئی، جس میں بتایا کہ سیکورٹی کے انتہائی سخت اقدامات کئے جارہے ہیں, بیلٹ پیپرز کی چھپائی اور ترسیل فوج کی نگرانی میں ہوگی۔

    واضح رہے کہ الیکشن کمیشن نے عام انتخابات کے پر امن انعقاد کیلئے پاک فوج سے تین لاکھ اہلکاروں کی خدمات لینے کی درخواست کی ہے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • آرمی چیف نے سوات میں آرمی پبلک،اسکول اینڈ کالج اور مہمندایجنسی میں سڑک کا افتتاح کردیا

    آرمی چیف نے سوات میں آرمی پبلک،اسکول اینڈ کالج اور مہمندایجنسی میں سڑک کا افتتاح کردیا

    سوات : آرمی چیف جنرل قمر جاویدباجوہ نے سوات میں آرمی پبلک،اسکول اینڈ کالج اور مہمندایجنسی میں سڑک کا افتتاح کردیا اور کہا کہ دہشت گردی کے خاتمے کیلئے تعاون پر قبائلیوں کے شکرگزار ہیں، امن واستحکام کے حصول کے بعد اب ترقیاتی کام بھرپور انداز میں جاری ہے۔

    پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمرجاوید باجوہ نے سوات کادورہ کیا اور کانجو گیریژن میں آرمی پبلک اسکول اینڈ کالج کا افتتاح کیا، جس میں تین ہزار چھ سو طلبا کی گنجائش ہے۔

    اس موقع پر آرمی چیف کا کہنا تھا کہ آرمی پبلک اسکول اور کالج علاقے کے عوام کیلئے تحفہ ہے، معیاری تعلیم کی فراہمی سے امن واستحکام کو تقویت ملتی ہے، ادارے کا قیام عوام کی دہشتگردی کے خلاف قربانیوں کا اعتراف ہے، آرمی چیف سےآرمی پبلک اسکول اینڈکالج کے بچے بھی ملے۔

    مقامی عمائدین نے سوات میں اے پی ایس کے قیام پر آرمی چیف سے اظہار تشکر کیا۔

    اس سے قبل آرمی چیف جنرل قمر جاویدباجوہ نے مہمند ایجنسی میں غلنئی تا مہمند گٹ سڑک کا افتتاح بھی کیا۔

    آئی ایس پی آر کے مطابق اکتالیس کلومیٹر طویل سڑک کے چودہ کلومیٹر فیز ون کا افتتاح کیاگیا، منصوبے میں شامل سات سو اکیاون میٹر طویل ناہاکی ٹنل بھی مکمل ہوگیا ہے۔

    آرمی چیف جنرل باجوہ سےقبائلی عمائدین بھی ملے، تقریب سے خطاب میں جنرل قمرجاویدباجوہ نے کہا امن واستحکام کے حصول کے بعد اب ترقیاتی کام بھرپورانداز میں جاری ہے۔

    آرمی چیف جنرل قمر جاویدباجوہ کے دورے کےموقع پرگورنرخیبر پختونخوا، کورکمانڈر پشاور اور ڈی جی ایف ڈبلیو او بھی موجودتھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • آرمی چیف جنرل قمر جاوید باجوہ کی زیرصدارت کور کمانڈرز کانفرنس

    آرمی چیف جنرل قمر جاوید باجوہ کی زیرصدارت کور کمانڈرز کانفرنس

    راولپنڈی : آرمی چیف جنرل قمر جاوید باجوہ کی زیرصدارت کور کمانڈرز کانفرنس ہوئی، جس میں اندرونی اوربیرونی سیکیورٹی کی صورتحال پرتبادلہ خیال کیا گیا۔

    پاک فوج کے شعبہ تعلقات عامہ آئی ایس پی آر کے مطابق جی ایچ کیو میں آرمی چیف کی زیرصدارت کورکمانڈرز کانفرنس کا انعقاد کیا گیا ، کانفرنس میں اندرونی اوربیرونی سیکیورٹی کی صورتحال پرتبادلہ خیال کیا گیا۔

    کانفرنس میں کورکمانڈرز کو آپریشن ردالفساد کی اب تک پیشرفت کے بارے میں آگاہ کیا گیا۔

    آئی ایس پی آر کے مطابق جی ایچ کیو میں ہونے والی یہ 204ویں کور کمانڈرزکانفرنس ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پاک فوج کا عید سادگی سے منانے کا فیصلہ

    پاک فوج کا عید سادگی سے منانے کا فیصلہ

    راولپنڈی : آرمی چیف جنرل قمرجاویدباجوہ نے کہا ہے کہ ملک میں ہونے والے حالیہ دہشت گردی اور سانحہ احمد پورشرقیہ کے متاثرین کے ساتھ ہیں۔

    تفصیلات کے مطابق آرمی چیف جنرل قمر جاوید باجوہ نے سانحہ بہاولپور کو مد نظر رکھتے ہوئے عید سادگی سے منانے کا فیصلہ کیا ہے۔

    پاک فوج کے شعبہ تعلقات عامہ آئی ایس پی آر کے ڈی جی کے مطابق آرمی چیف نے کہا ہے کہ غمزدہ خاندانوں سے اظہاریکجہتی کیلئے پاک فوج عید سادگی سے منا ئے گی، یہ بات انہوں نے عیدالفطر کا چاند نظر آنے کے بعد اپنے ایک پیغام میں کہی۔

    جنرل قمر جاوید باجوہ نے پوری قوم کو عید کی مبارکباد دیتے ہوئے کہا کہ تمام چیلنجزکایکجا ہوکر مقابلہ کریں گے، پاک فوج دہشت گردی سے متاثرہ خاندانوں کے غم میں برابر کی شریک ہے۔

  • آرمی چیف جنرل قمرجاوید باجوہ سے امریکی سفیر کی ملاقات

    آرمی چیف جنرل قمرجاوید باجوہ سے امریکی سفیر کی ملاقات

    اسلام آباد : آرمی چیف جنرل قمرجاوید باجوہ سے امریکی سفیر ڈیوڈ ہیل نے ملاقات کی، ملاقات میں امریکی صدر کی عرب اسلامک امریکن سمٹ سے خطاب پربات چیت کی گئی۔

    آئی ایس پی آر کے مطابق پاک فوج کے سربراہ جنرل قمرجاوید باجوہ سے امریکی سفیر ڈیوڈ ہیل نے اہم ملاقات کی، ملاقات میں باہمی اور علاقائی سیکیورٹی کے امور پرتبادلہ خیال کیا گیا جبکہ امریکی صدر کی عرب اسلامک امریکن سمٹ سے خطاب پربات چیت کی گئی۔

    ملاقات کے دوران امریکی سفیر کا کہنا تھا کہ انتہاپسندی اور دہشت گردی کے خاتمے میں پاکستان کی قربانیاں اور کردار کسی سے ڈھکا چھپا نہیں، پاکستانی سرزمین کسی کے خلاف استعمال نہ ہونے دینے سے متعلق آرمی چیف کا بیان قابل ستائش ہے۔

    اس موقع پر آرمی چیف نے کہا کہ پاکستان اپنی سرزمین کسی کے خلاف استعمال نہیں ہونے دے گا۔

    ملاقات میں اتفاق کیا گیا کہ محفوظ، مستحکم اور ترقی کرتا افغانستان ہمارے مفاد میں ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • پاک فوج کی قربانیوں سے ریاست کی رٹ قائم ہوئی،آرمی چیف

    پاک فوج کی قربانیوں سے ریاست کی رٹ قائم ہوئی،آرمی چیف

    خیبر ایجنسی : آرمی چیف جنرل قمر جاوید باجوہ نے کہا ہے کہ ریاست کی رٹ بڑی حد تک قائم ہوچکی ہے اب ہم مستقل امن کی جانب گامزن ہیں۔ پاکستانی قوم پاک فوج کی لازوال قربانیوں کی بدولت مکمل حمایت کرتی ہے۔

    ان خیالات کا اظہار انہوں نے خیبر ایجنسی وادی تیرا میں جوانوں سے گفتگو کرتے ہوئے کیا، پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے خیبر ایجنسی کی وادی تیراہ میں پاک افغان سرحد پر تعینات جوانوں کے ساتھ دن گزارا۔

    پاک فوج کے سربراہ خیبر ایجنسی پہنچے تو کور کمانڈر پشاور اور آئی جی ایف سی نے ان کا استقبال کیا ۔آرمی چیف نے پاک افغان بارڈر کا دورہ کیا، انہیں فرنٹیئر کانسٹیبلری (ایف سی) خیبر پختونخوا کے نئے ونگ کے قیام کے بارے میں بھی بریفنگ دی گئی۔

    ڈی جی آئی ایس پی آر کے مطابق آرمی چیف نے وادی تیراہ میں افسروں اورجوانوں سےملاقات کی، ملاقات میں ان کا کہنا تھا کہ ریاست کی رٹ بڑی حد تک قائم ہوچکی ہے اور اب ہم مستقل امن کی جانب گامزن ہیں۔

    انہوں نےسرحدی علاقوں میں پٹرولنگ کے باعث دہشت گردی کے واقعات میں کمی کو سراہا، آرمی چیف نے دہشت گردی کے خلاف پاک فوج کے جوانوں کے عزم کو بھی قابل تحسین قرار دیا۔

  • مغوی عبداللہ جان کے والد کی بیٹے کی بازیابی کیلئے آرمی چیف سے اپیل

    مغوی عبداللہ جان کے والد کی بیٹے کی بازیابی کیلئے آرمی چیف سے اپیل

    کوئٹہ :  مغوی سیکریٹری ہائیرایجوکیشن عبداللہ جان کے والد نے بیٹے کی بازیابی کیلئے آرمی چیف سے اپیل کردی، والد کا کہنا ہے کہ آپ پراعتماد ہے ،میرے  بیٹے کی بازیابی کے لئے مدد  کرینگے۔

    تفصیلات کے مطابق کوئٹہ سے اغواء ہونے والے سیکریٹری ہائیرایجوکیشن عبداللہ جان کے والد نے بیٹے کی بازیابی کے لئے آرمی چیف جنرل قمر جاوید باجوہ کے نام خط لکھ دیا ہے، خط میں عبداللہ جان کے والد نے بیٹے کی بازیابی کیلئے آرمی چیف سے اپیل کرتے ہوئے کہا کہ پاک فوج میرے بیٹے کی بازیابی کیلئے کردار ادا کرے۔

    خط میں عبداللہ جان کے والد نے کہا کہ 40سال تک محکمہ پولیس میں فرائض سر انجام دئیے ، عبداللہ کو اغوا ہوئے40روز گزر چکے ہیں اب تک بازیابی نہیں ہوئی، میری امیدیں پاک فوج سے وابستہ ہیں اور پاک فوج ہی ملک میں امیدوں کی آخری کرن ہے۔

    خط میں کہا گیا کہ آپ پراعتماد ہے ، میرے  بیٹے کی بازیابی کے لئے مدد  کرینگے۔

    سیکریٹری ہائیرایجوکیشن عبداللہ جان اغواء

    یاد رہے کہ ہائیر ایجوکیشن کمیشن کے سیکرٹری بلوچستان عبداللہ جان اپنی رہائش گاہ سے دفتر جانے کیلئے روانہ ہورہے تھے کہ راستے میں اغوا کاروں نے انہیں گن پوائنٹ پروحدت کالونی سے اغواء کرلیا تھا۔

  • جوانوں اورشہریوں کی قیمتی جانوں کی قربانی رائیگاں نہیں جائے گی، آرمی چیف

    جوانوں اورشہریوں کی قیمتی جانوں کی قربانی رائیگاں نہیں جائے گی، آرمی چیف

    راولپنڈی : آرمی چیف جنرل قمرجاویدباجوہ کا کہنا ہے کہ جوانوں اورشہریوں کی قیمتی جانوں کی قربانی رائیگاں نہیں جائے گی ، مردم شماری کا عمل ہر قیمت پر مکمل کیا جائے گا۔

    تفصیلات کے مطابق لاہور دھماکے کے بعد آرمی چیف جنرل قمرجاوید باجوہ کی جانب سے بیان میں کہا کہ لاہور خودکش حملے میں شہید فوجی اورسویلین مردم شماری ڈیوٹی پرتھے، مردم شماری قومی ذمہ داری ہے، جوانوں اورشہریوں کی قیمتی جانوں کی قربانی رائیگاں نہیں جائے گی۔

    آرمی چیف نے کہا مردم شماری کا عمل ہر قیمت پر مکمل کیا جائے گا، پاک سرزمین سے دہشت گردی ختم کرکے دم لیں گے، جان قربان کرنے والے جوانوں کے اہل خانہ کیساتھ  کھڑے ہیں۔

    انکا مزید کہنا تھا کہ فوجی اہلکار وں اور مردم شماری کے اہلکاروں کی شہادت بلا شبہ عظیم قربانی ہے ،شہدا کو سلام پیش کرتے ہیں ۔

    مزید پڑھیں : لاہور:بیدیاں روڈپر وین کے قریب دھماکا،4فوجی اہلکاروں سمیت6افرادشہید

     یاد رہے آج علی الصبح لاہور بیدیاں روڈ پر وین کے قریب دھماکے کے نتیجے میں 4فوجی اہلکاروں سمیت مردم شماری عملے کے 2افراد جاں بحق جبکہ 22 افراد زخمی ہوئے۔

    ابتدائی تفتیش کے مطابق حملہ آور پیدل چل کر وین کے پاس پہنچا، دھماکے میں آٹھ سے دس کلوبارودی مواد استعمال کیا گیا،  حملے آور کا سر مل گیا ہے، جس جگہ دھماکہ ہوا وہ علاقے میں مردم شماری کا چوتھا پوائنٹ تھا، صبح سویرے دکانیں بندپر زیادہ جانی نقصان نہیں ہوا۔