Tag: Army Officer

لاہور : ڈیرہ اسماعیل خان کے علاقہ کلاچی میں جام شہادت نوش کرنے والے پاک سرزمین کے سپوت میجراسحاق شہید فوجی اعزاز کے ساتھ تدفین کردی گئی، شہید کا خاندان پہلے بھی پاکستان پر جانیں نچھاور کرچکا ہے۔

تفصیلات کے مطابق پاک سرزمین کے سپوت شہید میجراسحاق شہید کی نماز جنازہ ایوب اسٹیڈیم میں ادا کی گئی، جس کے بعد کیولری گراؤنڈ شہدا میں فوجی اعزاز کے ساتھ تدفین کردی گئی۔

نمازِ جنازہ میں وزیراعلیٰ پنجاب ،کورکمانڈرلاہور نے شرکت کی۔

اس سے قبل جسدخاکی واپڈاٹاؤن ان کی رہائش گاہ پہنچا تو پورا علاقہ امڈ آیا اور اہل خانہ رشتہ داروں اوراہل محلہ نے نم آنکھوں سے شہید کا دیدار کیا۔

ڈیرہ اسماعیل میں شہید ہونے والے میجر اسحاق شہید کی شہادت پر ان کے بھائیوں نے فخر کا اظہار کیا ہے، شہیدکے بڑے بھائی نے بتایا کہ میجر اسحاق کوشہادت کی بہت خواہش تھی جبکہ ایک بھائی کا کہنا ہے ہم نے ہیرا وطن پر قربان کردیا۔

میجر اسحاق کا تعلق پنجاب کے علاقےخوشاب سے تھا، انکی لاہور رہائش گاہ واپڈ ٹاؤن پرعزیز رشتے دار پہنچ چکے ہیں، جن کا کہنا ہے کہ دہشت گرد انکے حوصلے پست نہیں کر سکتے قربانیاں دیتے رہیں گے۔

میجر اسحاق شہید کا فوجی خاندان سے تعلق رکھتے ہیں، جن میں شہادتوں کی داستانیں پہلے سے بھی موجود ہیں۔

اٹھائیس سالہ میجراسحاق شہید نے ڈیڑھ سالہ بیٹی اور بیوہ کو سوگوارچھوڑا۔

مزید پڑھیں : ڈی آئی خان میں کارروائی، قوم کا ایک اور سپوت میجراسحاق شہید

یاد رہے میجر اسحاق ڈیرہ اسماعیل خان میں آپریشن کے دوران فائرنگ کے تبادلے میں جام شہادت نوش کرگئے تھے، ان کا تعلق اکیس میڈیم رجمنٹ آرٹلری سے تھا۔

ڈی جی آئی ایس پی آر میجر جنرل آصف غفور کہتے ہیں مادروطن کی محبت میں یہ قیمت چکارہے ہیں، قربانیاں رائیگاں نہیں جائیں گی، اور جانوں کےان نذرانوں پرکوئی سمجھوتہ نہیں کریں گے۔

میجراسحاق شہیدکی نمازجنازہ میں آرمی چیف قمرجاویدباجوہ اوردیگرحکام نے شرکت کی تھی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔