Tag: Army

جنوبی وزیرستان میں جشنِ آزادی کی خصوصی تقریبات کا انعقاد

وانا: جنوبی وزیرستان میں 70 ویں یوم آزادی کو شایان شان طریقے سے منانے کیلئے پورے علاقے میں پاک فوج کے زیر اہتمام متعدد تقریبات منعقد کی جائیں گی اور اس سلسلہ میں جشن آزادی کی تیاریاں جاری ہیں ۔

جنوبی وزیرستان میں 70 ویں یوم آزادی کی تقریبات کے سلسلے میں جاوید سلطان کیمپ وانا میں ایک پریس بریفنگ کا اہتمام کیا گیا۔ اس موقع پر بریگیڈئیر عامر احمد نے ڈیرہ اسماعیل خان ‘ٹانک اور جنوبی وزیرستان سے تعلق رکھنے والے صحافیوں کو جنوبی وزیرستان میں 70 ویں یوم آزادی کے سلسلہ میں منعقدہ تقریبات کی تفصیلات سے آگاہ کیا ۔

اس موقع پر کرنل اختر ‘کرنل اجمال ‘میجر فاروق ‘میجر انس ودیگر فوجی افسران موجود تھے ۔ بریگیڈئیر عامر احمدنے کہا کہ یوم آزادی کے سلسلہ میں جنوبی وزیرستان کے تین بڑے شہروں وانا ‘ کانیگرم اور شکئی میں 13اگست کی رات 12بجے جیسے ہی 14اگست کا آغاز ہو گا آتش بازی کا مظاہرہ کیا جائے گا۔

انہوں نے کہا کہ جنوبی وزیرستان کے لوگوں میں جشن آزادی کے حوالے سے بہت زیادہ جوش و خروش پایا جاتا ہے اور مقامی لوگوں کی دلچسپی اور حب الوطنی کے جذبے کو دیکھتے ہوئے فیصلہ کیا گیا ہے جنوبی وزیرستان کے ہر گھر پر قومی پرچم لہرا کو پاکستان سے محبت اور ملی جذبے کا اظہار کیا جائے گا ۔ جبکہ 14اگست کے دن جنوبی وزیرستان ‘ ٹانک ‘ شکئی ‘کانیگرم ‘ لدھا ‘ مکین ‘ مروبی ‘ پش زیارت اور بروند سمیت ڈیرہ اسماعیل خان میں جشن آزادی کے حوالے تقریبات منعقد ہوں گی جن کی میڈیا کوریج کے لئے خصوصی انتظامات کئے گئے ہیں ۔

بریگیڈئیر عامر احمد نے کہا کہ جشن آزادی کے سلسلے میں کھیلوں کے مقابلے ‘ٹیبلو ‘تقریری مقابلے ‘ کار ریلی ا ور دیگر بہت سے پروگرام ترتیب دئیے گئے ہیں ۔

ان کا کہنا تھا کہ جنوبی وزیرستان میں قیام امن کے بعد عوام کا جذبہ دیدنی ہے اور ہم 70ویں یوم آزادی کو ملی جوش و جذبے اور تاریخی طور منانا چاہتے ہیں تاکہ جشن آزادی کی تقریبات یاد گار ثابت ہوں اور قبائلی عوام کی جانب سے پورے پاکستان کو ایک مثبت پیغام جائے ۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

اگست 11, 2017
شامی فوج میں پہلی خاتون بریگیڈیئر جنرل کا تقرر

دمشق: شامی فوج میں پہلی بار بریگیڈیئر جنرل کے عہدے پر ایک خاتون کو تعینات کردیا گیا۔ وہ پہلی خاتون ہیں جو فوج کے اس اعلیٰ عہدے تک پہنچی ہیں۔

نبل مدحت بدر نامی یہ فوجی افسر شام کے شہر تارتوس سے تعلق رکھتی ہیں۔ اس سے قبل شامی فوج میں خواتین کی شمولیت اور مختلف عہدوں پر ان کی ترقی کوئی نئی بات نہیں تاہم اس عہدے تک پہنچنے والی مدحت پہلی خاتون ہیں۔

شام کی فوج میں اس وقت کئی خواتین ہیں جو ملک میں جاری جنگ میں بھرپور حصہ لے رہی ہیں اور داعش کے خلاف برسر پیکار ہیں۔

صرف ایک شام ہی نہیں بلکہ مشرق وسطیٰ میں داعش کے عفریت سے لڑنے کے لیے صرف مرد ہی نہیں بلکہ بچے اور خواتین بھی میدان میں آچکے ہیں۔

مزید پڑھیں: داعش کے خلاف برسر پیکار برقع پوش افغان خواتین

ان میں سے کچھ خواتین نے باقاعدہ فوج میں شمولیت اختیار کی ہے جبکہ زیادہ تر گھریلو عام خواتین ہیں جو تربیت حاصل کرنے کے بعد اب اپنے علاقے اور اہل خانہ کی حفاظت پر کمر بستہ ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

جولائی 3, 2017
مردم شماری میں فوج کومجسٹریٹ کے اختیارات حاصل ہیں

اسلام آباد: انیس سال بعد ہونے والی چھٹی خانہ و مردم شماری کے عمل میں پاک فوج کو مجسٹریٹ کے اختیارات تفویض کیے گئے ہیں۔ عدالتی اختیارات کے تحت فوجی اہلکاروں کو غلط معلومات دینے والے کے خلاف کارروائی کرنے کا اختیار حاصل ہے.

وزارات داخلہ کے مطابق پاکستان میں جاری مردم شماری کے عمل میں پاک فوج کی خدمات بطورِخاص حاصل ہیں، جس کے تحت فوجی اہلکاروں کو عدالتی احکامات کے مطابق مجسٹریٹ کے اختیارات حاصل ہیں.

جس کے تحت وہ خانہ شماری یا مردم شماری کے دوران تعاون کی فراہمی میں کوتاہی یا غلط معلومات دینے والے کے خلاف کارروائی کر سکتے ہیں۔ محمکہ داخلہ نےبتایا کہ ادارہ شماریات پاکستان کے نمائندوں کے ساتھ پاک فوج کے جوان خانہ شماری اور مردم شماری کے عمل میں ایک دوسرے کی معاونت کریں گے.

یاد رہے کہ قانون کے مطابق خانہ شماری اورمردم شماری کے حوالے سے غلط معلومات فراہم کرنے پر 50 ہزار جرمانہ اور 6 ماہ قید ہے۔

مردم شماری کا عمل

گذشتہ روز ملک میں چھٹی مردم شماری کا آغاز ہوا، جسے 2 مرحلوں میں رکھا گیا ہے، جس میں ملک کے چاروں صوبوں اور 63 ضلعوں میں گھر در گھر اور فرد در فرد کے شمار کو یقینی بنایا جائے گا، خانہ و مردم شماری کے یہ 2 فیز 25 مئی تک مکمل ہوں گے۔

پہلے مرحلے میں میں خانہ شماری کی جائے گی جو 15 مارچ سے 17 مارچ کے اندر مکمل کرلی جائے گی، جبکہ 18 سے 27 مارچ تک بے گھر افراد شمار کیا جائے گا تمام صوبائی دارالحکومتوں کی خانہ شماری کے لئے 29 مارچ اور 30 مارچ کی تاریخیں مقرر کی گئی ہیں.

مردم شماری کا خلاصہ نتائج، شہری اور دیہی آبادی میں مرد، خواتین، ہر عمر سے تعلق رکھنے والے افراد کی تعداد کا تناسب کی تفصیلات 25 جولائی تک مکمل ہوجائے گی، ابتدائی تفصیلات 5 اگست تک جاری کردی جائیں گی۔

پہلے مرحلے میں صوبہ سندھ کے اضلاع میں کراچی ویسٹ، کراچی جنوبی، کراچی ایسٹ، کورنگی، کراچی سینٹرل، ملیر، حیدرآباد اور گھوٹکی ہیں، صوبہ بلوچستان میں تربت اور نوشکی ،کوئٹہ، پشین، موسی خیل، لہڑی، کوہلو، ڈیرہ بگٹی، جعفر آباد، نصیر آباد، قلات، آواران، خاران اوراشک شامل ہیں۔

خیبر پختونخواہ سے پشاور، مردان، صوابی، چارسدہ، نوشہرہ، لکی مروت، ڈی آئی خان، ہنگو، ایبٹ آباد، ہری پور، مانسہر شامل ہیں، اس کے ساتھ ساتھ وفاق کے زیر انتظام قبائلی علاقوں میں اورکزئی ایجنسی (فاٹا) بھی پہلے مرحلے میں شامل ہیں۔

صوبہ پنجاب کے اضلاع میں مردم شماری کا آغاز جھنگ، چنیوٹ، فیصل آباد، ٹوبہ ٹیک سنگھ، ڈی جی خان، راجن پور، لیہ، مظفر گڑھ، لاہور، حافظ آباد، نارووال، سیالکوٹ، وہاڑی اور بہاولپور سے کیا جائے گا۔ اس کے علاوہ مظفر آباد، باغ آزاد کشمیر کوٹلی اور بھمبر کے علاقے بھی پہلے مرحلے میں شامل ہیں۔

ادارہ شماریات نے ملک کو مردم شماری کے لئے 168,275 بلاکس میں تقسیم کیا ہے، ہر بلاک کو 300 گھروں پر مشتمل کیا ہے۔ایک شہری شمار کننده ایک فوجی اہلکار کے ساتھ گھر گھر جاکر شماریات کا عمل کریں گے۔

مردم شماری کے لئے پاکستان فوج اپنے 200،000 کی فورس کے ذریعے سیکورٹی فراہم کرنے کی ذمہ داری لی ہے جبکہ ادارہ شماریات 42،000 نمائندگان یہ ذمے داری ادا کریں گے۔

مارچ 16, 2017
دہشت گردوں کے خلاف بلا تفریق کارروائی کی جائے، آرمی چیف

کوئٹہ: آرمی چیف جنرل قمر جاوید باجوہ نے کوئٹہ میں ہیڈ کوارٹر سدرن کمانڈ کا دورہ کیا اور کہا کہ شدت پسندوں کے خلاف بلاامتیاز آپریشنز کیے جائیں، دہشت گردی ناقابل قبول ہے ۔

آئی ایس پی آر کے مطابق آرمی چیف نے ہیڈکوارٹر سدرن کمانڈ کا دورہ کیا، یادگارہ شہدا پر بھی حاضری دی، انھیں بلوچستان کی سیکیورٹی صورتحال، کمانڈ کی جانب سے آپریشنل تیاریوں اور قیام امن کے لیے صوبہ بلوچستان میں جاری آپریشنز کی تفصیلات سے آگاہ کیا گیا۔

انہوں نے قانون نافذ کرنے والے اداروں کو صوبے میں امن و امان کے قیام کے لیے اقدامات کی ہدایت کی اور کہا کہ شدت پسندوں کے خلاف بلاامتیاز کارروائیاں کی جائیں ، انٹیلی جنس اور قانون نافذ کرنے والے ادارے مدد کریں۔

انھوں نے چین پاکستان اقتصادی راہداری کی فول پروف سکیورٹی کو یقینی بنانے کے عزم کا اظہار بھی کیا اور ایف ڈبلیو او اور این ایل سی کو صوبے میں سڑکوں کے نیٹ ورک کی تعمیر کی ہدایات بھی دیں۔

آ رمی چیف نے مزید کہا کہ صوبے میں امن کے قیام کے لیے فوج صوبائی حکومت کو تمام ضروری سہولیات، لیویز کی صلاحیت کو بڑھانے میں مدد اور تمام دور دراز علاقوں میں جاری منصوبوں کے لیے سکیورٹی فراہم کرے گی۔

دسمبر 6, 2016
اب تک 40 سے زائد بھارتی فوجی مار چکے ہیں، راحیل شریف

اسلام آباد: آرمی چیف جنرل راحیل شریف نے کہا ہے کہ ہمارے 7 جوانوں کی شہادت والے دن بھارت کے 11 فوجی مارے گئے، ایل او سی پر اب تک 40 تا 45بھارتی فوجی مارے جا چکے ہیں،بھارت مردانگی کا ثبوت دیتے ہوئے اپنے فوجیوں کی ہلاکت کا بتایا کرے۔

اسلام آباد میں صحافیوں سے غیر رسمی بات چیت کرتے ہوئے جنرل راحیل شریف نے کہا کہ بہترین دفاع کا سہرا فوج کے سر ہے، فوج نے ملکی دفاع کے معاملے پر بہترین نتائج دیے ہیں۔

انہوں نے کہا کہ ہم اپنے فوجی جوانوں کی شہادت کو تسلیم کرتے ہیں مگر بھارت اپنے فوجیوں کی ہلاکت کو چھپاتا ہے، بھارتی فوج کو چاہیے کہ وہ مردانگی کا مظاہرہ کرتے ہوئے فوجیوں کی ہلاکت سے سب کو آگا کرے۔

جنرل راحیل شریف کا کہنا تھا کہ بھارت کی جانب سے سرجیکل اسٹرائیک کا دعویٰ بھی جھوٹا نکلا، بھارت کو اپنے دعووں پر ہمیشہ ہی شرمندگی کا سامنا کرنا پڑتا ہے۔

سپہ سالار نے کہا کہ بھارتی وزیر اعظم کو ہماری بات سمجھ آگئی ہے کہ جارحیت سے کچھ نہیں ملے گا، بھارتی فوج مردانگی کا مظاہرہ کرتے ہوئے ہلاک فوجیوں کا بتائے۔

انہوں نے مزید کہا کہ خیرپور ٹامی والی میں مشقیں آج کامیاب رہیں۔

نومبر 16, 2016
جمعے کی نماز جامع مسجد میں ہوگی، میر واعظ عمر فاروق

سری نگر: حریت رہنماء میرواعظ عمر فاروق نے کہا ہے کہ بھارتی فوج کی جانب سے لگائے گئے کرفیو کے سبب کشمیری مسلمان 15 ہفتوں سے نماز جمعہ ادا کرنے سے قاصر ہیں تاہم آئندہ جمعے کی نماز ہر صورت جامع مسجد سری نگر میں ادا کی جائے گی۔

ان خیالات کا اظہار انہوں نے بھارتی جنتا پارٹی کے رہنماء یشونت سنہا سے ملاقات کے بعد میڈیا سے گفتگو کرتے ہوئے کیا۔ حریت رہنماء میر واعظ عمر فاروق کا کہنا تھا کہ بھارتی فوج کے کرفیو کی وجہ سے کشمیری مسجد میں نماز جمعہ ادا نہیں کرسکتے تاہم آئندہ جمعے کرفیو اور پابندیوں کے باوجود جامع مسجد سری نگر میں باجماعت نماز ہوگی۔

پڑھیں: بھارت کشمیرمیں جاری ظلم وبربریت کوفوری بندکرے،اوآئی سی

انہوں نے اعلان کیا کہ ’’پابندیوں کے باوجود آئندہ جمعے کی نماز ہر صورت جامع مسجد سری نگر میں ادا کروں گا‘‘۔

یاد رہے حریت رہنماء برہان مضطفر وانی کی زیر حراست شہادت کے بعد کشمیر میں ہزاروں افراد نے بھارتی تسلط کے خلاف احتجاج شروع کیا تاہم مظاہرین کو منتشر کرنے کے لیے قابض فوج کی جانب سے پیلٹ گنز سمیت دیگر گولیوں کا استعمال کیا گیا۔

مزید پڑھیں: کشمیری رہنما یاسین ملک کی حالت بدستور تشویشناک

بھارتی فوج نے کشمیریوں کے احتجاج کو دیکھتے ہوئے وادی میں کرفیو لگانے کا اعلان کیا جو تاحال جاری ہے جبکہ مختلف علاقوں میں بھارتی مظالم سے اب تک سینکڑوں نہتے کشمیری شہید ہوچکے ہیں۔

اکتوبر 25, 2016
فوج حکومت کا حصہ ہے، تختہ نہیں الٹے گی، ایاز صادق

لاہور: اسپیکر قومی اسمبلی سردار ایاز صادق نے کہا ہے کہ فوج نے پاکستان میں جمہوریت کو مضبوط کرنے کے لیے اہم کردار ادا کیا، وہ حکومت کا تختہ نہیں الٹے گی کیونکہ فوج حکومت کا حصہ ہے۔

لاہور میں میڈیا سے گفتگو کرتے ہوئے ایاز صادق کا کہنا تھا کہ وزیر اعظم نے اقوام متحدہ میں مسئلہ کشمیر کو بھرپور طریقے سے اٹھایا اسی لئے بھارت کو تکلیف شروع ہوئی ہے۔

انہوں نے کہا کہ وہ پارلیمنٹری یونین آف کنٹریز کے اجلاس میں شرکت کیلئے ترکی جا رہے ہیں، جہاں وہ مسئلہ کشمیر کو بھرپور طریقے سے اجاگر کریں گے۔ اسپیکر قومی اسمبلی کا کہنا تھا کہا کہ وہ اس دورے میں کشمیریوں پر ہونے والے مظالم کی تصاویر اور ویڈیوز ساتھ لے کر جا رہے ہیں تاکہ کہ بھارتی افواج کی جانب سے پیلٹ گن کے استعمال سمیت کشمیریوں پر ڈھائے جانے والے ظلم و بربریت سے پردہ اٹھایا جا سکے۔

پڑھیں: اسلام آباد ضرور جائیں‌ گے،استعفیٰ‌ لیے بغیر واپس نہیں‌ آئیں‌ گے، عمران

انہوں نے کہا کہ سی پیک منصوبوں سے ملک میں ترقی کا ایک نیا دور شروع ہوگا تاہم بعض عناصر اس ترقی سے خائف ہیں۔

ایک سوال کے جواب میں اسپیکر قومی اسمبلی کا کہنا تھا کہ فوج حکومت کا حصہ ہے ان دونوں میں کوئی اختلاف نہیں، فوج حکومت کا تختہ نہیں الٹے گی۔

اکتوبر 15, 2016
پاکستان اور روس کی افواج کا شمار دنیا کی بہترین فوجوں میں ہوتا ہے، راحیل شریف

راولپنڈی: آرمی چیف آف اسٹاف جنرل راحیل شریف نے کہا ہے کہ روسی فوج کا شمار دنیا میں بہترین افواج تاہم پاکستان آرمی کو بھی سب سے زیادہ جنگیں لڑنے کا تجربہ حاصل ہے، مشترکہ مشقوں سے دونوں ممالک کو فائدہ ہوگا۔

فوج کے شعبہ تعلقات عامہ سے جاری کردہ اعلامیہ میں کہا گیا ہے کہ آرمی چیف آف اسٹاف جنرل راحیل شریف پاک روسی فوجی مشقوں کا معائنہ کرنے اٹک فیلڈ ایریا پہنچے اور حصہ لینے والے جوانوں سے ملاقات کی اور انہیں خراج تحسین پیش کرتے ہوئے مشقوں پر اطمینان کا اظہار کیا۔

پڑھیں: پاکستان اور روس رواں سال پہلی بار فوجی مشقیں

اس موقع پر آرمی چیف نے جوانوں سے خطاب کرتے ہوئے کہا کہ ’’پاکستان اور روس کی افواج کا شمار دنیا کی بہترین آرمی ہوتا ہے، دونوں ممالک کی افواج کے مابین جاری فوجی مشقوں سے نہ صرف سیکھنے کا موقع ملا بلکہ ان تجربات سے دہشت گردی کے خلاف جاری جنگ سے فائدہ اٹھائیں گے‘‘۔

مزید پڑھیں: پاک روس فوجی مشقوں سے بھارت پریشان نہ ہو،روسی وزارت خارجہ

انہوں نے کہا کہ ’’روسی فوج کا شمار دنیا کی بہترین فوجوں میں ہوتا ہے تاہم پاکستان کی فوج کو جنگ کا سب سے زیادہ تجربہ ہے، دونوں ممالک کی مشترکہ مشقوں سے یہ بات ثابت ہوگئی کہ پاکستانی فوج کے جوان دنیا کے بہترین جنگجو ہیں‘‘۔

یہ بھی پڑھیں: کورکمانڈر پشاور کا پاک روس فوجی تاریخی مشقوں کا جائزہ

آرمی چیف نے مزید کہا کہ مشترکہ مشقوں کے کامیاب انعقاد پر جوانوں کو مبارک باد پیش کرتے ہوئے کہا کہ ’’مشترکہ مشقوں سے انسداد دہشت گردی کے خلاف لڑنے کی صلاحیتوں میں مزید اضافہ ہوگا اور دونوں ممالک کی افواج کو اس کے ذریعے کئی نئے تجربات کا موقع حاصل ہوگا‘‘۔

اکتوبر 6, 2016
کشمیریوں سے ذیادہ عدم تشدد کا علمبردار کوئی نہیں، مشا ل ملک

اسلام آباد: حریت رہنماء یاسین ملک کی اہلیہ مشال ملک نے عالمی برادری سے مطالبہ کیا ہے کہ وہ مہاتما گاندھی سے منسوب عدم تشدد کے عالمی دن کو کشمیریوں کے نام کرے کیونکہ دنیا میں کشمیریوں سے ذیادہ عدم تشدد کا علمبردار کوئی نہیں ہے۔

ان خیالات کا اظہار انہوں نے اسلام آباد میں نیشنل پریس کلب کے باہر عدم تشدد کے عالمی دن کے موقع پر منعقد ہونے والے احتجاجی مظاہرے سے خطاب کرتے ہوئے کیا۔ مشال ملک کا کہنا تھاکہ ہندوستان کو عددم تشدد کا عالمی دن منانے کا کوئی حق حاصل نہیں کیونکہ دوسری جنگ عظیم کے بعد دنیا بھر میں سب سے زیادہ تشدد بھارتی افواج نے نہتے کشمیریوں پر کیا ہے۔

عدم تشدد کے عالمی دن کے موقع پر نیشنل پریس کلب کے باہر احتجاجی مظاہرہ کیا گیا، اس موقع پر لوگوں کی بڑی تعداد نے شرکت کی مظاہرے میں شریک لوگوں نے بینرز اور پلے کارڈز اٹھا رکھے تھے جن پر کشمیر کی آزادی اور بھارت کے خلاف نعرے درج تھے۔

پڑھیں: کشمیر‌ میں کرفیو کا 85 واں روز، ایک اور نوجوان شہید، تعداد 108 ہوگئی

اس موقع پر مظاہرین نے مقبوضہ کشمیر میں جاری بھارتی مظالم کی شدید الفاظ میں مذمت کی اور قابض فوجیوں اور اُن کے ملک کے خلاف شدید نعرے بازی بھی کی۔ مشال ملک نے بڑی تعداد میں کشمیریوں سے اظہار یکجہتی کرنے پر اُن کا شکریہ ادا کیا، حریت رہنماء کی زوجہ نے مظاہرین سے خطاب کرتے ہوئے کہا کہ ’’عدم تشدد کا عالمی دن منانے کے سب سے زیادہ حقدار مظلوم کشمیری ہیں جو پر امن انداز میں حق خود ارادیت کی جدوجہد کررہے ہیں اور قابض فوجیوں کے مظالم کے خلاف ڈٹے ہوئے ہیں‘‘۔

مزید پڑھیں: مقبوضہ کشمیر کبھی بھی بھارت کاحصہ نہ تھااورنہ ہوگا

انہوں نے عالمی دنیا سے کشمیر میں جاری بھارتی فوج کے مظالم اور انسانی حقوق کی پامالیوں کا نوٹس لینے کا مطالبہ کرتے ہوئے کہا کہ ’’بھارت کشمیریوں پر مظالم کے پہاڑ توڑ کر سلامتی کونسل کی قرار دادوں کو پامال کررہا ہے جبکہ کشمیری اقوام متحدہ کی قرار داد کے مطابق اپنا حق طلب کررہے ہیں‘‘۔

یاد رہے مقبوضہ کشمیر میں حزب المجاہدین کے کمانڈر اور حریت رہنماء برہان مظفر وانی کی حراست کے دوران شہادت کے بعد عوام کی بڑی تعداد مقبوضہ وادی میں سڑکوں پر نکل آئی تھی، جس کے بعد قابض فوجیوں کی جانب سے انہیں منتشر کرنے کے لیے مظالم کا سلسلہ شروع کیاگیا۔

یہ بھی پڑھیں: ہماری چوتھی نسل خونریزی کےماحول میں رہ رہی ہے،علی گیلانی

مظاہرین کو منتشر کرنے کے لیے قابض فوجیوں نے پیلٹ گن کا استعمال کیا جن کے چہروں سے متاثر ہونے والے سینکڑوں بچے، خواتین، بزرگ اور نوجوان اپنی بینائی کھو چکے ہیں تاہم مختلف علاقوں میں فائرنگ سے شہید ہونے والے کشمیریوں کی تعداد 100 سے زائد ہوچکی ہے۔

بھارت کے زیر تسلط کشمیر میں انتظامیہ کی جانب سے مسلسل 86 روز سے کرفیو نافذ ہے، جس کے باعث ہزاروں کشمیری نمازِ جمعہ کی ادائیگی کرنے سے قاصر رہے تاہم کرفیو کے باعث کشمیریوں کو غذائی قلت، ادویات کی کمی کا سامنا ہے۔

اکتوبر 2, 2016
خیبر ایجنسی آپریشن کامیابی سے جاری، 6 دہشت گرد ہلاک 2 ٹھکانے تباہ

خیبرایجنسی: پاک افغان سرحد کے قریب وادی رجگال، وادی نارے ناؤ اور ستار کلے میں پاک فوج کا زمینی اور فضائی آپریشن 6 دہشت گرد ہلاک ہوگئے۔

فوج کے تعلقات عامہ آئی ایس پی آر کی جانب سے جاری کردہ اعلامیے کے مطابق سیکیورٹی فورسز کا خیبرایجنسی 3 کامیابی سے جاری ہے، پاک فوج کے جوانوں نے اتوار کے روز وادی رجگال، نارے ناؤ اور ستار کلے میں زمینی اور فضائی آپریشن کیا۔پاک فوج کی تازہ کارروائیوں میں دہشت گردوں کے 2 ٹھکانے تباہ کیے گئے جبکہ فائرنگ کے تبادلے 6 دہشت گردوں کو ہلاک کیا۔

پڑھیں: خیبرایجنسی میں فضائی کارروائی، شدت پسندوں کے 9 ٹھکانے تباہ

واضح رہے پاک فوج کی جانب سے پاک افغان بارڈر سے متصل خیبر ایجنسی کی وادی رجگال میں دہشت گردوں کے خلاف آپریشن جاری ہے، جس میں اب تک دہشت گردوں کی کمین گاہیں اور خفیہ گزر گاہیں تباہ کی جاچکی ہے۔

مزید پڑھیں: دہشت گردوں کے سلیپر سیلز ختم کریں گے، آرمی چیف کا راجگال میں جوانوں سے خطاب

آرمی چیف آف اسٹاف جنرل راحیل شریف نے جمعے کے روز وادی رجگال کا دورہ کیا اور اگلے مورچوں پر تعینات فوجی جوانوں سے ملاقات کرکے اُن کے عزم اور بلند حوصلے کی تعریف کی تھی، آرمی چیف نے فوجی جوانوں کی ماہرانہ صلاحیتوں کو سراہتے ہوئے کہا تھا کہ ’’اس آپریشن سے سرحد کے دونوں طرف دہشت گردوں کی نقل و حرکت پر نظر رکھنے میں آسانی رہے گی‘‘۔

آرمی چیف جنرل راحیل شریف نے اگلے مورچوں پر تعینات جوانوں کو ہدایت دی تھی کہ وہ چوکس رہیں اور دشمن پر نظر رکھیں، اُن کا مزید کہنا تھاکہ ’’ملک میں دہشت گردوں کا کوئی مقام نہیں چھوڑا جائے گا اور عوام کے تعاون سے ملک میں امن قائم کیا جائے گا‘‘۔

اگست 21, 2016