اسلام آباد: نیب بلوچستان اور نیب راولپنڈی نے سابق وزیراعلیٰ بلوچستان اسلم رئیسانی کے پی اے محمد عمران کے گھر چھا پہ مارکرسونے اور کرنسی سے بھرے آٹھ صندوق برآمد کرلیے ہیں۔
کرپشن اور بدعنوانیوں کے خلاف سرگرم نیب کی ٹیم نے اسلام آباد میں سابق وزیر اعلی بلوچستان اسلم رئیسانی کے پی اے محمد عمران کے گھر چھا پہ مارکر چار کرنسی اور چار سونے سے بھرے صندوق برآمد کرلیے۔
بلوچستان ہاﺅس میں تعینات محمد عمران کارروائی کے وقت اپنے گھر موجود نہیں تھا۔
اسلام آباد: تھانہ آئی نائن میں پولیس کی زیر حراست نواجوان چل بسا، ورثا نے الزام لگایا ہے کہ ہلاکت پولیس تشدد سے ہوئی۔
ورثا کے احتجاج پر پولیس حکام نے چند اہلکاروں کو معطل کر کے ایس ایچ او اور سینیئر افسران کو بچانے کی تیاری کرلی ۔
ورثاء نے الزام لگایا کہ فرمان مسیح کو پولیس نے چوری کے مبینہ مقدمہ میں حراست میں لیا تھا اور اس پر بدترین تشددکیا جس سے اس کی موت ہوئی۔
پولیس نے اپنی جان بچانے کے لیے فرمان کی ہتھکڑی لگی لاش نالے میں پھینک دی تھی، ورثا کے احتجاج پر لاش پمز اسپتال منتقل کر دی گئی، ذرائع کے مطالق لاش پر تشدد کے نشانات ہیں ۔