Tag: arrest warrant suspend

اسلام آباد : عدالت نے عبدالرشید غازی قتل کیس میں سابق صدر پرویز مشرف کی حا ضری سے استثنیٰ کی درخواست مسترد کرتے ہوئے ناقابل ضمانت وارنٹ گرفتاری جاری کر دیئے۔

سابق صدرمشرف کیخلاف عبدالرشید غازی کیس میں مزید پیشرفت سامنے آئی ، عبدالرشید غازی قتل کیس کی سماعت ایڈیشنل سیشن جج کی عدالت میں ہوئی۔

عدالت نےسابق صدر کی حا ضری سے استثنیٰ کی درخواست مستردکردی، عدالت نے سابق صدر پرویزمشرف کی ناقابل ضمانت وارنٹ گرفتاری جاری کردیئے۔

سابق صدر کے وکیل نے میڈیا سے بات کرتے ہوئے عدالت پر عدم اطمینان ظاہرکیا، وکیل استغاثہ نے عدالتی فیصلے کو درست قراردیتے ہوئے کہا کہ عدالت نے انصاف کے تقاضے پورے کئے۔

وکیل استغاثہ گذشتہ سماعت کے دوران ایڈیشنل سیشن جج نے فریقین کے دلائل کے بعد پرویزمشرف کی عدالت میں حاضری سے مستقل استثنیٰ کی درخواست پر فیصلہ محفوظ کرلیا تھا۔

اسلام آباد: اسلام آباد ہائی کورٹ نے رشید غازی قتل کیس میں پرویز مشرف کے ناقابلِ ضمانت وارنٹ گرفتاری معطل کردیئے۔

عدالت نے سابق صدر پرویز مشرف کو رشید غازی قتل کیس میں مسلسل عدم حاضری پر گرفتار کرکے پیش کرنے کا حکم دیا تھا، سابق صدر کے وکیل نے عدالت میں مؤقف اختیار کیا کہ آٹھ اپریل کو میڈیکل ٹیم نے پرویز مشرف کو سفر کرنے سے روکا تھا۔

  اکبربگٹی قتل کیس میں کوئٹہ کی عدالت کے حکم پر میڈیکل بورڈ بنایا گیا، تازہ میڈیکل کے مطابق پرویز مشرف دل کے عارضے میں مبتلا ہیں اور پاکستان سے باہرآپریشن کرانا چاہتے ہیں۔

عدالت نے دلائل کا جائزہ لینے کے بعد وارنٹ معطل کردیئے، کیس کی مزید کارروائی پیر کو ہوگی۔