ARYNews.tv | Urdu – Har Lamha Bakhabar

Tag: arrest

  • ایم کیو ایم کے رکن اسمبلی کامران فاروقی گرفتار

    ایم کیو ایم کے رکن اسمبلی کامران فاروقی گرفتار

    کراچی: سیکیورٹی اداروں نے خفیہ اطلاع پر کارروائی کرتے ہوئے ایم کیو ایم کے رکن سندھ اسمبلی محمد کامران فاروقی کو  12 مئی سمیت اہم مقدمات میں ملوث ہونے کے الزام میں گرفتار کرلیا۔

    ذرائع کے مطابق قانون نافذ کرنے والے اداروں نے خفیہ اطلاع موصول ہونے کے بعد نارتھ ناظم آباد میں کارروائی کرتے ہوئے ایم کیو ایم کے رکن سندھ اسمبلی کو گرفتار کر کے تفتیش کے لیے نامعلوم مقام پر منتقل کردیا۔

    اسپیکرسندھ اسمبلی  کے مطابق رینجرز نے محمد کامران کی گرفتاری کے لئے خط لکھا تھا، کامران کو خط سے متعلق آگاہ  کردیا تھا‘ ایم کیوایم پاکستان کے ترجمان نے  بھی ایم پی اے کی گرفتاری  کی تصدیق کردی۔ کامران فاروقی سندھ اسمبلی کے حلقہ پی ایس 111 سے 2013 کے انتخابات میں کامیاب ہوئے۔

    پڑھیں: ’’ فاروق ستار سے بات چیت کیلئے تیار ہوں، مصطفی‌ کمال ‘‘

    خیال رہے ایم کیو ایم کے رکن اسمبلی کامران اختر کی گرفتاری کے لیے چند ماہ قبل ایم کیو ایم پاکستان کے سربراہ ڈاکٹر فاروق ستار کے گھر پر رینجرز نے چھاپا مارا تھا۔

    مزید پڑھیں: ’’ فاروق ستار اور اُن کے رفقاء جلد پی ایس پی میں‌ ہوں گے، انیس قائم خانی ‘‘

    دوسری جانب لندن قیادت نے کامران اختر کی گرفتاری پر تشویش کا اظہار کرتے ہوئے ایک بار پھر کراچی آپریشن پر تحفظ کا اظہار کیا‘ متحدہ لندن کی جانب سے جاری کردہ اعلامیے میں کامران فاروقی سمیت دیگر رہنماؤں کو فوری طور پر رہا کرنے کا مطالبہ بھی کیا گیا ہے۔

    nadeem-nusrat

  • ایک سال میں ہزار سے زائد مردے نکالے، گرفتار گورکن کا اعتراف

    ایک سال میں ہزار سے زائد مردے نکالے، گرفتار گورکن کا اعتراف

    کراچی: شہر قائد میں قبریں فروخت کرنے والا ایک اور گورکن گرفتار کرلیا گیا، پولیس شہری کی نشاندہی پر حرکت میں آئی،گروہ کا ایک کارندہ گزشتہ روز یاسین آباد قبرستان سے رنگے ہاتھوں گرفتار ہوچکا ہے۔

    تفصیلات کے مطابق شہر قائد میں انسانوں کے بعد اب مردے بھی محفوظ نہیں، گورکنوں کا مردے نکال کر قبریں فروخت کرنے کاگورکھ دھندا جاری ہے ۔ پولیس نے ایک اور گورکن نعیم عرف کلو کو گرفتار کرلیا جو یاسین آباد قبرستان میں قبریں فروخت کرتا تھا۔

    پولیس کا کہنا ہے کہ قبروں کی خرید و فروخت کرنے گروہ کا سرغنہ  کے ایم سی کا ملازم ہے، نعیم عرف کلو نے بتایا کہ گروہ کے سرغنہ جس قبر کو او کے کرتے تھے اس کو کھودا جاتا تھا۔

    پڑھیں: ’’ پولیس کی کارروائی، مکروہ دھندے میں ملوث گورکن گرفتار ‘‘

    ملزم نے اعتراف کیا ہے کہ ایک سال میں ہزار سے زیادہ قبریں کھودیں، قبر سے مردوں کی ہڈیوں کی باقیات جمع کر کے ایک ایک قبر میں پانچ افراد کی باقیات چھپائی جاتی تھی۔

    خیال رہے شہری کی جانب سے شکایت موصول ہونے کے بعد گزشتہ روز عزیزآباد انوسٹی گیشن پولیس نے یاسین آباد قبرستان میں کارروائی کرتے ہوئے قبروں کی فروخت میں ملوث گورکن کو رنگے ہاتھوں گرفتار کیا تھا، پولیس کے مطابق ملزم دورانِ تفتیش اپنے جرم کا اعتراف کرچکا ہے۔

    دریں اثنا جمعے کو گرفتار ہونے والے پہلے ملزم کی ضمانت منظور ہوگئی اس ملزم کی نشاندہی پر آج ملزم نعیم کالو کو گرفتار کیا گیا،  ملزم کے گروہ میں چھ افراد شامل ہیں، ملزمان 3 سال سے ایک درجن سے زائد قبرستانوں میں قبریں فروخت کررہے تھے۔

  • فلمی سین سے متاثر ہوکر چوری کرنے والا اناڑی ملزم گرفتار

    فلمی سین سے متاثر ہوکر چوری کرنے والا اناڑی ملزم گرفتار

    کراچی: فلم سے متاثر ہوکر اے ٹی ایم مشین سے پیسے نکالنے کی کوشش کرنے والے شخص کو پولیس نے گرفتار کرلیا ، ملزم نے تفتیش کے دوران چوری کی واردات کا اعتراف بھی کرلیا ہے۔

    تفصیلات کے مطابق فلم میں اے ٹی ایم مشین سے پیسے نکالنے کا طریقہ دیکھ کر متاثر ہونے والا کراچی کے علاقے اسٹیل ٹاؤن کا رہائشی اے ٹی ایم مشین سے پیسے چوری کرنے پہنچا، ملزم نے بینک پہنچ کر مشین سے پیسے نکالنے کی کوشش کی تو سیکیورٹی الارم بج گیا۔


    سیکیورٹی الارم کی آواز سننے کے بعد شہری ناکام چوری کی واردات اور گرفتار کے خوف سے اے ٹی ایم سے فرار ہوا تاہم سی سی ٹی وی کیمرے میں اُس کی شکل محفوظ ہوگئی ، پولیس نے ملزم کو فوٹیج کی مدد سے گرفتار کرلیا۔ ملزم نے چوری کی واردات کا اعتراف کرتے ہوئے کہا کہ ’’فلممیں اس نے اے ٹی ایم مشین سے چوری کا سین دیکھا تو وہ بیک سے پیسے نکالنے کا ارادہ کیا‘‘۔

    یہ بھی پڑھیں: ڈکیتی میں حصہ نہیں ملا، ڈاکو کا شکوہ، تھانے پہنچ گیا

    دوسری جانب گجرانوالہ میں چار ڈاکووں نے اے ٹی ایم مشین  توڑ  کر پیسے نکالنے کی کوشش کی تاہم ناکامی پر اپنی سارا غصہ نجی بینک کے سیکیورٹی گارڈ پر نکالتے ہوئے اُسے تشدد کانشانہ بناکر فرار ہوگئے۔

  • پولیس کی کارروائی، مکروہ دھندے میں ملوث گورکن گرفتار

    پولیس کی کارروائی، مکروہ دھندے میں ملوث گورکن گرفتار

    کراچی: عزیز آباد پولیس نے کارروائی کرتے ہوئے قبرستان سے مردے نکال کر قبریں فروخت کرنے والے گورکن کو گرفتار کرکے تفتیش کے لیے تھانے منتقل کردیا ہے۔

    تفصیلات کے مطابق عزیز آباد انویسٹی گیشن ٹیم نے کراچی کے علاقے عزیزآباد میں واقع یاسین آباد قبرستان میں کارروائی کرتے ہوئے فیاض نامی گورکن کو گرفتار کرلیا ہے، پولیس حکام نے کہا کہ ملزم قبریں فروخت کرنے کے مکروہ دھندے میں ملوث ہے۔

    پولیس حکام کا کہنا ہے کہ ملزم  کے خلاف ایک مقامی شخص نے ایف آئی درج کروائی جس کے بعد سے گورکن کی تلاش جاری تھی تاہم آج جیسے ہی وہ قبرستان میں داخل ہوا خفیہ اطلاع ملتے ہی کارروائی عمل میں لائی گئی جس کے نتیجے میں ملزم گرفتار ہوا۔

    پڑھیں: ’’ دہشت گردوں کو چھاپے کی اطلاع دینے والا اہلکار گرفتار ‘‘

    پولیس افسران کے مطابق شہری کی جانب سے شکایت درج کروائی گئی تھی کہ ملزم تازہ قبروں میں سے مردے نکال کر انہیں فروخت کرتا اور قبر کو 15 سے 20 ہزار روپے میں فروخت کرتا تھا۔

    دوسری جانب پولیس نے شیر شاہ میں کارروائی کرتے ہوئے کالعدم تحریک طالبان کے 3 دہشت گردوں کو گرفتار کر لیا ہے جن کے قبضے سے اسلحہ ، منشیات بھی برآمد کی گئی ہے۔

  • دہشت گردوں کو چھاپے کی اطلاع دینے والا اہلکار گرفتار

    دہشت گردوں کو چھاپے کی اطلاع دینے والا اہلکار گرفتار

    کراچی: سی ٹی ڈی نے کارروائی کرتے ہوئے دہشت گردوں کو چھاپےکی اطلاع دینے والا اسپیشل برانچ کا لوکیٹر آپریٹر عرفان نامی اہلکار کو گرفتار کر لیا ہے جس نے تفتیش کے دوران سنسنی خیز انکشافات کیے۔

    سی ٹی ڈی حکام کے مطابق سید عرفان فرقہ ورانہ وارداتوں میں ملوث ملزمان کو معلومات فراہم کرتا، کسی بھی چھاپے سے قبل ملزم اپنے ساتھیوں کو سم اور موبائل فون کے ذریعے اطلاع فراہم کرتا تھا۔

    سی ٹی ڈی حکام نے کہا کہ ملزم پر شک ظاہر ہونے کے انٹیلی جنس اداروں نے خصوصی نظر رکھی، اہلکاروں نے ایک مقام پر چھاپہ مارنے کا ارادہ کیا تو ملزم نے اپنے ساتھی کو اُس سے آگاہ کیا جس کے باعث وہ پکڑا گیا۔

    یہ بھی پڑھیں: ’’ ناظم آباد سے جعلی افسر گرفتار ‘‘

    حکام کے مطابق معلومات دینے کے بعد موبائل فون اور سم توڑ کر نالے میں پھینک دی گئی تھی، ملزم کے خلاف محکمہ جاتی کارروائی کے بعد عدالت میں اس کے خلاف چارج شیٹ جمع کرادی گئی ہے ۔ حکام کے مطابق سید عرفان پر حساس سرکاری معلومات دہشت گردوں کو دینے کا الزام ہے،ملزم کو محکمہ جاتی کارروائی کے بعد برطرف بھی کیا جائے گا۔
  • ناظم آباد سے جعلی افسر گرفتار

    ناظم آباد سے جعلی افسر گرفتار

    کراچی: ناظم آباد میں پولیس نے کارروائی کرتے ہوئے شہریوں کو نوکری کا جھانسہ دے کر لاکھوں روپے جمع کرنے والے جعلی پولیس اہلکار کو گرفتار کر کے اُس کے خلاف مقدمہ درج کرلیا۔

    ایس پی لیاقت آباد ثاقب ابراہیم کے مطابق پولیس نے ناظم آباد کے علاقے میں کارروائی کرتے ہوئے جعلی پولیس اہلکار کو گرفتار کرلیا ہے، جس کی شناخت محمود احمد کے نام سے ہوئی ہے۔

    پولیس حکام کے مطابق گرفتار ملزم اپنے آپ کو سی آئی اے کراچی کا سب انسپیکٹر ظاہر کرتا اور شہریوں کو نوکری کا جھانسہ دے کر اُن سے رقم حاصل کرتا تھا، ملزم نے پولیس میں بھرتی کروانے کے نام پر نیو کراچی اور ناظم آباد سے تعلق رکھنے والے کچھ لوگوں سے لاکھوں روپے حاصل کیے ہیں۔

    پڑھیں: ’’ پولیس کا ایکشن، تحریک طالبان کے 5 دہشت گرد گرفتار ‘‘

    پولیس افسران کے مطابق گرفتار ملزم اپنے تعلقات کی بنیاد پر عوام سے دھوکا دہی میں ملوث تھا، جعلی اہلکار کے خلاف دفعہ 420/171 کے تحت ایف آئی آر نمبر 395/2016 درج کرلی گئی ہے۔ پولیس حکام کے مطابق ملزم نے تفتیش کے دوران بتایا کہ وہ برگیڈ تھانے میں پی کیو آر کی حیثیت سے نوکری کرچکا ہے جبکہ ملزم نے اپنے جرائم کا اعتراف بھی کرلیا ہے۔

    خیال رہے دو روز قبل کراچی کے علاقے میں پولیس نے کارروائی کرتے ہوئے رینجرز کے جعلی افسران کو گرفتار کیا تھا، جو شہریوں کو گرفتار کرکے رہائی کے لیے اُن کے بھتہ طلب کرتے تھے۔

  • جیتو پاکستان کے نام پر پیسے بنانے والا نوسرباز گروہ گرفتار

    جیتو پاکستان کے نام پر پیسے بنانے والا نوسرباز گروہ گرفتار

    کراچی: سرعام ٹیم نے جیتو پاکستان کے نام پر عوام کو بے وقوف بنانے والے نوسرباز گروہ کے خلاف کامیاب آپریشن کیا اور انہیں پکڑ کر مقامی پولیس کے حوالے کردیا۔

    تفصیلات کے مطابق جیتو پاکستان کی بڑھتی ہوئی مقبولیت کو دیکھتے ہوئے کچھ نوسربازوں نے عوام کو موبائل پر جھوٹے پیغامات بھیجنے کا سلسلہ شروع کیا، جس میں انعام اور پروگرام میں شرکت کی نوید سنائی جاتی تھی۔

    عوام کی جانب سے مسلسل شکایات موصول ہونے کے بعد سرعام ٹیم کے سربراہ اقرار الحسن نے اس نوسرباز گروہ کے خلاف کارروائی کرنے کا عزم کیا اور اپنے نمائندوں کے ذریعے نوسربازوں کی ویڈیوز بنوا کر اُن کے خلاف قانونی کارروائی کی۔

    jeeto-pakistan-2

    نوسرباز گینگ مختلف موبائل نمبر پر ایک پیغام ارسال کرتے جس میں جیتو پاکستان میں انعام نکلنے اور اس میں شرکت کی نوید سنائی جاتی تھی‘ عوامی پذیرائی حاصل کرنے والے پروگرام میں ہر شخص شرکت کی خواہش رکھتا ہے اس لیے کچھ لوگ ان نوسربازوں کے ہاتھوں پھنس جاتے۔

    نوسرباز گروہ میسج پر کال کرنے والے سادہ لوح عوام کو سوہانے خواب دکھاتے اور اُن سے باتوں باتوں میں ایزی پیسہ کے ذریعے رقم بھیجنے کا کہتے تھے، پروگرام میں شرکت کرنے کی خاطر عوامی کی بڑی تعداد ان کے جھانسوں میں آگئی اور پیسوں سے ہاتھ دھونے پڑے۔

    سرعام کی ٹیم نے جیتو پاکستان کے حوالے سے ملنے والے میسج پر کال کی اور کارروائی کا آغاز کیا، سرعام کے ممبران نو سرباز گروہ سے ملے اور اپنے روایت کو برقرار رکھتے ہوئے اُن کی خفیہ ویڈیوز بنا کر  بھی لائے۔

    نیو لاہور کی پولیس نے سرعام ٹیم کے ہمراہ کامیاب کارروائی کرتے ہوئے پنجاب کے نواحی گاؤں سے نوسرباز گروہ کے تمام افراد کو حراست میں لے کر تفتیش شروع کردی ہے، گرفتار ہونے والے ایک ملزم نے انکشاف کیا کہ انہوں نے بے نظیر انکم سپورٹ پروگرام کے تحت پہلے ہی ہزاروں روپے کمائے ہیں۔

  • پولیس کا ایکشن، تحریک طالبان کے 5 دہشت گرد گرفتار

    پولیس کا ایکشن، تحریک طالبان کے 5 دہشت گرد گرفتار

    کراچی: پولیس نے شہر قائد کے مختلف علاقوں میں کارروائیوں کے دوران کالعدم تحریک طالبان اور لشکر جھنگوی کے 5 دہشت گردوں کو گرفتار کر کے اُن کے قبضے سے اسلحہ برآمد کرلیا ہے۔

    تفصیلات کے مطابق اورنگی ٹاؤن 11 نمبر قبرستان کے قریب تھانہ اقبال مارکیٹ کی پولیس نے خفیہ اطلاع پر کارروائی کرتے ہوئے 5 دہشت گردوں کو گرفتار کیا جن کے قبضے سے اسلحہ برآمد کیا گیا ہے۔

    چھاپے کے دوران گرفتار ہونے والے ملزمان کی شناخت شہزاد، نور محمد، عبدالمنان، ارسلا خان اور سلام خان کے نام سے ہوئی جن کا تعلق تحریک طالبان پاکستان سے ہے، ملزمان کے قبضے سے کلاشنکوف، نائن ایم ایم پستول ، 4 دستی بم کے علاوہ دھماکہ خیز موار اور آدھا کلو بال بیرنگ بھی برآمد کیے گیے ہیں۔

    پڑھیں: ’’ رینجرز کی کارروائی، اسلحہ اور منشیات کی بڑی کھیپ برآمد ‘‘

    پولیس کے مطابق کارروائی کے دوران ڈیڑھ بارودی فیتا برآمد ہوا ہے جو اس بات کی نشاندہی کرتا ہے کہ ملزمان بم بنانے کے ماہر تھے،  گرفتار افراد کے خلاف انسداد دہشت گردی کی دفعات کے تحت مقدمے کا اندراج کرلیا گیا ہے۔

    police-1

    دوسری جانب فیڈرل بی ایریا کے صنعتی علاقے میں پولیس نے کارروائی کرتے ہوئے کالعدم لشکرجھنگوی سے تعلق رکھنے والے ایک کارندے کو گرفتار کر کے اُس کے قبضے سے کلاشنکوف، دستی بم اور گولیاں برآمد کرلی ہیں۔

  • سانحہ بلدیہ: مجرموں کو سرعام جلایا جائے، لواحقین کا مطالبہ

    سانحہ بلدیہ: مجرموں کو سرعام جلایا جائے، لواحقین کا مطالبہ

    کراچی: سانحہ بلدیہ کو 4 سال کا عرصہ بیت گیا، حادثے میں جاں بحق ہونے والے افراد کے لواحقین چار سال سے انصاف ک منتظر ہیں تاہم کیس کے مرکزی ملزم عبدالرحمان عرف بھولا کی گرفتاری نے پیاروں کی یاد ایک بار پھر تازہ کردی۔

    سانحہ بلدیہ میں جاں بحق ہونے والے شاہد کی والدہ نے مرکزی ملزم کی گرفتاری پر کہا کہ ’’دل چاہتا ہے قاتلوں کو بھی اسی طرح جلاؤں جیسے میرے بیٹے کو جلایا گیا۔ شاہد کی والدہ نے مطالبہ کیا کہ مجرموں کو بھی ویسے ہی جلا کر سرعام مارا جائے۔

    دکھیاری ماں اور بہن اپنے بیٹے اور بھائی کے قاتلوں کو ویسے ہی سزا دلوانے کے خواہش مند ہیں جیسے اُن کے بھائی کی موت واقع ہوئی تھی۔

    پڑھیں: ’’ بھولا نائن زیرو میں روپوش رہا، اہلیہ ثمینہ ‘‘

    خیال رہے کہ 4 سال قبل بلدیہ ٹاؤن کی ایک فیکٹری میں آگ لگنے کا واقعہ پیش آیا جس کی تفتیش میں یہ بات سامنے آئی کہ آگ کسی حادثے کی نہیں بلکہ بھتہ نہ دہنے پر ملزمان کی جانب سے لگائی گئی تھی۔

    اس ضمن میں عدالت کی جانب سے جے آئی ٹی بھی تشکیل دی گئی تھی جنہوں نے مالکان کے بیانات قلم بند کیے تاہم کیس کا مرکزی ملزم عبدالرحمان بھولا تاحال مفرور تھا، گزشتہ سماعت پر عدالت نے مرکزی ملزم کو 19 دسمبر کو ہونے والی سماعت پر ہرصورت پیش کرنے کا حکم دیا۔

    مزید پڑھیں: ’’ رحمن بھولا گرفتار، ایف آئی اے کی ٹیم بنکاک روانہ ‘‘

    عدالتی احکامات کے بعد پاکستانی حکام نے انٹر پول سے رابطہ کر کے بنکاک تھائی لینڈ میں مقیم عبد الرحمان بھولا کی گرفتاری کا مطالبہ کیا جس کے بعد وہاں کی مقامی پولیس نے نجی ہوٹل سے ملزم کو حراست میں لے کر تفتیش شروع کی۔

    بھولا کی گرفتاری کے بعد وزیر داخلہ نے بنکاک حکومت سے ملزم کی حوالگی کے حوالے سے متعلق درخواست دے دی ہے جبکہ ملزم کو تحویل میں لینے کےلیے ایف آئی اے کی دو رکنی کمیٹی بھی قائم کردی گئی ہے۔


    Shahid`s Mother by arynews

    دوسری جانب ملزم بھولا کی اہلیہ کا کہنا ہے کہ ’’اُن کا شوہر سیاسی جماعت کا ذمہ دار تھا، وہ واقعے میں ملوث نہیں تاہم قیادت کی جانب سے اُسے شہر چھوڑنے کی ہدایت دی گئیں تھیں‘‘۔

  • اداکارہ قسمت بیگ قتل‘ چارملزمان گرفتار

    اداکارہ قسمت بیگ قتل‘ چارملزمان گرفتار

    لاہور: اسٹیج اداکارہ قسمت بیگ کے قتل میں اہم پیشرفت کرتے ہوئے پولیس نے موبائل ریکارڈ کی مدد سے مبینہ مرکزی ملزم سمیت چار دیگر افراد کوگرفتار کرلیا۔

    ذرائع کے مطابق سی آئی اے پولیس نےفیصل آباد اور گوجرانوالہ میں کارروائی کرتے ہوئے اداکارہ کےقتل کےالزام میں چار ملزمان رانا مزمل‘رانا فہیم‘ رانا تجمل اور شاہد کو حراست میں لیاہے۔پولیس نے ملزمان کو موبائل فون ریکارڈ سےٹریس کیا۔

    اس سے قبل مقتولہ کے سیکرٹری علی رضا بٹ اور ان کے ڈرائیور کو بھی پولیس نے گرفتار کیا تھاجبکہ ایک اور اداکارہ مانور کو بھی تفتیش کا دھاراوسیع کرتے ہوئے حراست میں لیا تھا ۔

    قسمت بیگ قتل کیس، ڈرائیوراورگن مین کو بھی حراست میں لے لیا

     پولیس کا کہنا ہےمرکزی ملزم رانا مزمل ہے جو کہ اداکارہ کا سابق شوہرہے اوراس کے تاحال اداکارہ کے ساتھ تعلقات تھے اوراسے قسمت بیگ کی دوسروں سے دوستی پسند نہیں تھی۔

    واضح رہے کہ لاہور کی اسٹیج اداکارہ قسمت بیگ کو دو روز قبل ہربنس پورہ کے علاقے میں تھیٹرسے واپسی پر نامعلوم افراد نے ان کی گاڑی پر فائرنگ کر کے قتل کردیا تھا۔ پولیس نے کیس سے جڑے تمام افراد سے پوچھ گچھ شروع کر دی ہے۔