Tag: arrest

کوئٹہ: 4 مبینہ خودکش بمباروں سمیت 11 دہشتگرد گرفتار

کوئٹہ: کچلاک کے علاقے میں حساس اداروں نے کارروائی کے دوران چار مبینہ خودکش بمباروں سمیت گیارہ دہشتگردوں کو گرفتارکرلیا۔

کوئٹہ میں سیکورٹی اداروں نے دہشتگردی کا بڑا منصوبہ ناکام بنادیا، سیکیورٹی اداروں نے دہشتگردوں کیخلاف گھیرا تنگ کردیا۔

ایف سی ترجمان کے مطابق صوبائی دارالحکومت کے نواحی علاقے کچلاک میں خفیہ اطلاع پر ایف سی نے ایک مکان پر چھاپہ مارا جہاں پر موجود 11مبینہ دہشتگردوں کو گرفتار کرلیا گیا ۔

گرفتار ملزمان کے قبضے سے بھاری تعداد میں خود کار ہتھیار دستی بم اور دھماکہ خیز مواد برآمد کرلئے گئے ہیں۔

، ایف سی ترجمان کے مطابق مطابق گرفتار دہشتگرد کوئٹہ میں سیکورٹی فورسز پر حملے اور اہم مقامات کو نشانہ بنانے کیلئے کچلاک آئے تھے۔

اینٹیلیجینس حکام کے مطابق گرفتار افراد میں چار خود کش بمبار بھی شامل ہیں جبکہ گیارہ میں سے تین کا تعلق وزیرستان سے ہے۔

اپریل 5, 2015
متحدہ کے بے گناہ کارکنان کی گرفتاری کا نوٹس لیا جائے، رابطہ کمیٹی

کراچی : متحدہ قومی موومنٹ کی رابطہ کمیٹی نے ملیر، شاہ فیصل کالونی اورنارتھ کراچی میں ایم کیو ایم کے کارکنوں کی گرفتاریوں کی شدید مذمت کی ہے۔

اپنے ایک بیان میں رابطہ کمیٹی نے کہا ہے کہ کراچی میں اسکولوں،مساجد اورپبلک مقامات پر بم دھماکے کرنے والے اورپولیس اوررینجرزپربموں سے حملے کرنے والے طالبان اوردیگرکالعدم تنظیموں کے دہشت گردآزادگھوم رہے ہیں اورپولیس سمیت رینجرز اوردیگراداروں کوایم کیوایم کے خلاف کارروائیوں پر لگادیاگیاہے۔

آپریشن کے نام پر ایم کیوایم کے بے گناہ کارکنوں اورہمدردوں کوگرفتارکرکے جھوٹے مقدمات میں ملوث کیاجارہاہے۔

رابطہ کمیٹی نے انسانی حقوق کی تنظیموں اورسول سوسائٹی سے اپیل کی کہ وہ ایم کیوایم کے بے گناہ کارکنوں کی گرفتاریوں کانوٹس لیں اور ان مظالم کے خلاف آوازاحتجاج بلندکریں۔

مارچ 31, 2015
صوابی میں دہشت گردوں کے خلاف آپریشن، تین دہشتگرد ہلاک

پشاور: صوبہ خیبرپختونخوا کے شہر صوابی میں دہشت گردوں کے خلاف آپریشن میں تین دہشت مارے گئے فائرنگ کے تبادلے میں ڈی ایس پی،دو ایس ایچ اوز اور تین پولیس اہلکار بھی زخمی ہوئے۔

صوابی میں پولیس نے دہشت گردوں کے خلاف کارروائی کرتے ہوئے تین دہشت گرد ہلاک کردیے ،مقابلے کے دوران ایک خودکش حملہ آورنے خود کو دھماکے سے اڑالیا جس سے پولیس کے ڈی ایس پی زخمی ہوگئے ۔

دہشت گردوں کی جانب سے دستی بموں کا بھی استعمال کیا گیا جس سے دو ایس ایچ اوز اور تین پولیس اہلکار زخمی ہوگئے ۔

پولیس کے مطابق دہشت گردوں نے ایک گھر میں پناہ لی ہوئی تھی۔

مارچ 11, 2015
تیئس مارچ کوحساس اداروں پرحملے کے منصوبےکا انکشاف

اسلام آباد: تیئیس مارچ کوحساس اداروں پرحملےکی منصوبہ بندی کا انکشاف،دوسواسی دہشتگردوں کی افغانستان کےراستے پاکستان میں داخل ہوگئے۔

انٹیلی جنس ذرائع کی رپورٹ کے مطابق دہشتگرد تیئیس مارچ کوحساس اداروں پرحملےکی منصوبہ بندی کے لئے افغانستان کے راستے پاکستان پہنچ گئے ہیں۔

رپورٹ میں بتایا گیا ہے کہ دوسواسی دہشتگرد پاکستان کی حدود میں داخل ہوئے ہیں جن میں سے بیس افراد کا تعلق کلعدم تنظیم داعش سےہے۔

؎واضح رہے کہ چند روز قبل پولیس نے غوری ٹاؤن میں ایک گھر پر چھاپہ مار کر بھاری مقدار میں اسلحہ برآمد کر کے دو ملزموں کو گرفتار کر لیا ہے۔

پولیس کے مطابق حراست میں لیے گئے دہشت گردوں نے دوران تفتیش 23 مارچ کو اسلام آباد میں یوم پاکستان کی پریڈ میں دہشت گردی کے منصوبے کا انکشاف کیا تھا۔

یاد رہے کہ حکومت نے 23 مارچ کو یوم پاکستان کے موقع پرافواج کی مشترکہ پریڈ کے انعقاد کا اعلان کیا ہے، یہ پریڈ گزشتہ سات برس سے سیکیورٹی وجوہات کی بنا پر منعقد نہیں کی جا رہی تھی۔

مارچ 9, 2015
سکھر:خود کو میڈیا کا نما ئندہ کہنے والا نوسرباز گرفتار

سکھر:خود کو میڈیا کا نما ئندہ کہہ کر لوگوں سے پیسے بٹورنے والے شخص نیا زاحمد کوسکھر میں گرفتار کر لیا گیا۔

پولیس کے مطابق نیاز احمد جعلی کا رڈ دکھا کر شہر یوں سے پیسے بٹورتا تھا ،گذشتہ دس سال سے اس دھندے میں ملوث ہے۔

قمبر شہداد کوٹ کا رہا ئشی اننچاس 49 سالہ نیازاحمد گذشتہ دس سال سے شہر شہر گھوم کر خود کو میڈیا کا نمائندہ بتا نے والا نوسرباز کو سکھر میں گرفتا ر کر لیا گیا ۔

نیا ز احمد کے پاس سے مختلف پروگرامز کے جعلی کارڈز بھی برآمد ہوئے جنہیں دکھا کر وہ لوگوں سے پیسے بٹورتا تھا ۔

مارچ 5, 2015
فیصل آباد میڈیسن مارکیٹ پر چھاپہ، جعلی دوائیں برآمد ، 2 ملزم گرفتار

کراچی :وزیراعلیٰ پنجاب کی خصوص ٹاسک فورس نے فیصل آباد کےچنیوٹ بازار کی میڈیسن مارکیٹ سے لاکھوں روپے مالیت کی جعلی ادویات برآمد کرکے دو ملزمان کو گرفتار کر لیا۔

وزیراعلیٰ کی خصوصی ٹاسک فورس برائے صحت نے چنیوٹ بازارمیڈیسن مارکیٹ پر چھاپہ مار کر مختلف دکانوں سے جعلی ادویات کی بڑی تعداد برآمد کرلی۔

ٹاسک فورس نے جعلی دوائیں بیچنے کے الزام میں سعید اور طارق کو گرفتار کر لیا جبکہ متعدد دکاندار دکانیں اور گودام کھلے چھوڑ کر فرار ہو گئے ۔

آپریشن کے دوران دکاندار کسی قسم کا لائسنس بھی پیش نہ کر سکے، اسپیشل ٹاسک فورس نے سات دکانیں اور گودام سیل کر دیئے ۔

مارچ 4, 2015
اسلام آباد: 23 مارچ کو دہشتگردی کامنصوبہ ناکام

اسلام آباد :23 مارچ کو دہشتگردی کامنصوبہ ناکام بنا دیاگیا ہے، پولیس نے غوری ٹاؤن میں ایک گھر پر چھاپہ مار کر بھاری مقدار میں اسلحہ برآمد کر کے دو ملزموں کو گرفتار کر لیا ہے۔

اسلام آباد پولیس کے مطابق گرفتار ملزموں میں صغیر اور راجا سفیر شامل ہیں جبکہ ان کا تیسرا ساتھی اکبرفرار ہونے میں کامیاب ہو گیا ہے۔

برآمد ہونیوالے اسلحے میں چھ کلاشنکوف، سیون ایم ایم کی ایک رائفل ،پستول اور تین ہزار کے لگ بھگ گولیاں شامل ہیں،تھانہ کورال پولیس نے مقدمہ درج کر کے تفتیش شروع کر دی ہے اور فرار ہونے والے ملزم اکبر کی گرفتاری کے لئے چھاپے مارے جا رہے ہیں

پولیس کے مطابق حراست میں لیے گئے دہشت گردوں نے دوران تفتیش 23 مارچ کو اسلام آباد میں یوم پاکستان کی پریڈ میں دہشت گردی کے منصوبے کا انکشاف کیا ہے۔

یاد رہے کہ حکومت نے 23 مارچ کو یوم پاکستان کے موقع پرافواج کی مشترکہ پریڈ کے انعقاد کا اعلان کیا ہے۔ یہ پریڈ گزشتہ سات برس سے سیکیورٹی وجوہات کی بنا پر منعقد نہیں کی جا رہی تھی۔

مارچ 1, 2015
کراچی: گرینڈ آپریشن مقابلےمیں وصی اللہ گروپ کا نویدعرف کمانڈوماراگیا

کراچی: شہرقائد کے مختلف علاقوں میں فائرنگ اور پرتشدد واقعات کے دوران چار افراد جاں بحق ہوگئے، مختلف علاقوں میں پولیس مقابلوں کے دوران گینگ وار کے ملزم سمیت تین ملزمان مارے گئے۔

پولیس کا کہنا ہے کہ لیاری کے علاقے کلاکوٹ میں نامعلوم افراد کی فائرنگ سے ایک شخص جان بحق اور ایک زخمی ہوگیا، ٹمبر مارکیٹ کے قریب نشتر روڈ پر نامعلوم افراد نے فائرنگ کرکے ایک شخص کوقتل کردیا جس کی لاش کو ضابطے کی کاروائی کیلئے اسپتال منتقل کیا گیا، لسبیلہ پل کے نیچے سے ایک شخص کی تشدد زدہ لاش ملی۔

دوسری جانب سعودآباد نمبر تین میں پولیس نے ایک ملزم کو گرفتار کرکے اس کی نشاندہی پر گھر کے صحن میں دفنائی گئی اصغر نامی شخص کی لاش برآمد کرلی مقتول کو تین سال قبل اس کے بیٹے نے گھریلو تنازعے کی بنا پرقتل کرکے اس کی لاش کو گرھ کے صحن میں دفنا دیا تھا گرفتار ملزم سے مزیدتفتیش جاری ہے۔

دوسری جانب لیاری کے مختلف علاقوں میں پولیس کے سرچ آپریشن کے دوران گینگ وار کا اھم ملزم نوید عرف کمانڈو مارا گیا، پولیس کے مطابق ملزم کا تعلق وسیع اللہ لاکھو گروپ سے تھا، جو بھتہ خوری، اغوا برائے تاوان سمیت دیگر جرائم میں مطلوب تھا۔

گلشن اقبال تیرہ ڈی میں شہریوں سے لوٹ مار کرنے والا ایک ملزم مارا گیا، جبکہ دیگر تین ساتھی قریبی گھر میں چھپ گئے، جس کے بعد پولیس کی بھاری نفری نے تیرہ ڈی میں متاثرہ گلی میں ملزمان کی گرفتاری کےلئے آپریشن شروع کیا ہے۔مومن آباد میں پولیس مقابلہ ایک ملزم مارا گیا۔

فروری 26, 2015
پشاور: بھتہ خوری کے الزام میں خاتون گرفتار

پشاور: تاریخ میں پہلی بار خاتون بھتہ خور کو گرفتار کرلیا گیا ہے۔

پشاور میں بھتہ خوری کے الزام میں گرفتار خاتون لبنی کی تصویر اے آروائی نیوز نے حاصل کرلی ہے، وہ لیلی کے نام سے تاجروں کو فون کرکے بھتے کا مطالبہ کرتی تھی۔

خیبرپختونخوا میں بھتہ خوری کے الزام میں پہلی بار ایک خاتون کو گرفتار کیا گیا ہے، پشاور کے علاقے ماشو خیل سے دو روز پہلے گرفتار ہونے والی خاتون کا نام لبنٰی ہے اور وہ فرسٹ ائیر کی طالبہ ہے۔

پولیس کا کہنا ہےکہ خاتون لیلٰی کے نام سے تاجروں کو فون کرکے بھتے کا مطالبہ کرتی تھی اور بھتہ نہ ملنے کی صورت میں سنگین نتائج کی دھمکیاں دیتی تھی۔ لبنٰی اپنے رشتہ دار سے بھی دس لاکھ روپے بھتے کا مطالبہ کرچکی ہے۔

لیلی تاجروں سے بھی کروڑوں روپے بھتے کا مطالبہ کرچکی ہے۔

فروری 23, 2015
ایف آئی اے کی کاروائی، سائبرکرائم میں ملوث 2 ملزمان گرفتار

کراچی: ایف آئی اے سائبرکرائم سرکل کی کاروائی، انٹرپول اور ایف بی آئی کو انتہائی مطلوب دو ملزمان کو گرفتار کرلیا گیا۔

ایف آئی اے حکام کے مطابق کراچی میں یوسف پلازہ تھانے کی حدود میں کاروائی کے دوران انٹرپول اور ایف بی آئی کو انتہائی مطلوب نور عزیز اور ارشد فرحان کو تین ساتھیوں سمیت گرفتار کرلیا گیا۔

ایف آئی اے حکام کے مطابق گرفتار ملزمان کا تعلق ایک ہی خاندان سے ہے، جبکہ نورعزیز اور ارشد فرحان انٹر پول اور ایف بی آئی کو 10انتہائی مطلوب ملزمان میں شامل تھے جنہیں گرفتار کرکے مقدمہ درج کرلیا گیا ہے ، دیگر گرفتار ملزمان میں فیصل عزیز،اسامہ نوراورعمیرنور شامل ہیں ۔

ایف آئی اے زرائع کے مطابق نور عزیز اور فرحان ارشد انٹرنیشنل ٹیلی کمیونیکشن کی فراڈ اسکیم میں مطلوب تھے، دونوں افراد نے سرکاری کمپنیوں ، انجان افراد سے فراڈ کیا، جس میں امریکہ اور دیگر ممالک کی ٹیلی کام کمپنیاں شامل ہیں۔

گرفتار افراد نے کمپیوٹر سسٹم تک ناجائز ذرائع سے رسائی حاصل کی اور فراڈ اسکیم چلائی ،زرائع کے مطابق گرفتار افراد پچاس ملین ڈالر سے زائدرقم سائبر کرائم کے ذریعے ہتھیاچکے ہیں۔

فروری 14, 2015