کراچی: شہرقائد کے مختلف علاقوں میں پولیس نے کارروائیاں کرتے ہوئے 5 ملزمان کو گرفتار کرکے اسلحہ برآمد کرلیا۔
تفصیلات کے مطابق کراچی کے علاقے پاپوش نگر، پی آئی بی کالونی اور لیاری میں پولیس نے کارروائیاں کیں جس کے باعث پانچ ملزمان پڑے گئے۔
پولیس حکام کا کہنا ہے کہ پاپوش نگر میں کارروائی کے دوران پولیس اہلکار ہی گرفتار ہوا، ملزم منشیات فروش ہے۔
دوسری جانب کراچی کے علاقے لیاری بغدادی میں پولیس نے کریک ڈاؤں کیا، جس کے باعث 4 ملزمان گرفتار ہوئے۔
پولیس کے مطابق اسماعیل عرف آپالی ، طارق ،جہانزیب ،دانیال گرفتار ملزمان میں شامل ہیں، ملزمان سے پستول اور منشیات برآمد کرلی گئی ہے، جبکہ مقدمہ درج کرنے کے بعد مزید قانونی کارروائیاں جاری ہیں۔
کراچی: رات گئے پولیس کی کارروائیاں، 10 ملزمان گرفتار، اسلحہ برآمد
علاوہ ازیں کراچی کے علاقے پی آئی بی کالونی، پرانی سبزی منڈی میں پولیس کا سرچ آپریشن تاحال جاری ہے۔
علاقے کے داخلی اور خارجی راستےسیل کرکے گھر گھر تلاشی لی جارہی ہے، آپریشن جرائم پیشہ عناصر کی موجودگی کی اطلاع پر کیا گیا ہے۔
خیال رہے کہ گذشتہ روز شہرقائد کے مختلف علاقوں میں رات گئے پولیس نے کارروائیاں کرتے ہوئے 10 ملزمان کو گرفتار کرکے اسلحہ آمد کرلیا تھا۔
