ARYNews.tv | Urdu – Har Lamha Bakhabar

Tag: arrested

  • حیدرآباد: پولیس کی بڑی کارروائی، محرم الحرام کے مرکزی جلوس پر حملے کا منصوبہ ناکام

    حیدرآباد: پولیس کی بڑی کارروائی، محرم الحرام کے مرکزی جلوس پر حملے کا منصوبہ ناکام

    حیدرآباد: سندھ پولیس نے شہر کو بڑی تباہی سے بچالیا، اہم کارروائی کرتے ہوئے محرم الحرام کے مرکزی جلوس پر حملے کا منصوبہ ناکام بنا دیا۔

    تفصیلات کے مطابق حیدرآباد کے علاقے نبوفقیر چوک کے قریب پولیس نے کارروائی کرکے دو ملزمان گرفتار کیا جن کے قبضے سے چار دستی بم اور ایک دیسی ساختہ بم برآمد کرلیا۔

    پولیس حکام کا کہنا ہے کہ گرفتار ملزمان سے 4 دستی بم اور ایک دیسی ساختہ بم برآمد ہوا، ملزمان محرم کے مرکزی جلوس کی گزرگاہ پر بم نصب کرنا چاہتے تھے۔

    پولیس کے کہنا تھا کہ ملزمان سے تفتیش کی جارہی ہے، جس کی روشنی میں مزید گرفتاریاں عمل میں لائی جائیں گی۔

    ایف سی بلوچستان نے محرم میں دہشت گردی کا بڑا منصوبہ ناکام بنا دیا

    اس سے قبل بھی قانون نافذ کرنے والے ادارے نے محرم الحرام کے جلوس پر حملے کی کوشش کو ناکام بنادیا تھا، گذشتہ ہفتے ایف سی بلوچستان نے ایک بڑی کارروائی کے دوران 21 بارودی سرنگیں برآمد کی تھیں، مذکورہ بارودی سرنگوں کا مجموعی وزن 235 کلو گرام تھا۔

    دوسری جانب محرم الحرام میں سیکیورٹی کو فول پروف بنانے کیلئے حکومت نے اہم اقدامات کرلیے، پنجاب اور سندھ میں کنٹرول روم قائم کردیئے گئے، متعدد علماءکرام پر اسلام آباد میں داخلے اور تقاریر پر پابندی عائد کردی گئی۔

    خیال رہے کہ قانون نافذ کرنے والے اداروں کی جانب سے محرم الحرام کے موقع پر ملک بھر میں سیکورٹی کے سخت انتظامات کئے گئے ہیں۔

  • سعودی خاتون کے ساتھ ناشتہ کرنے پر مصری شخص گرفتار

    سعودی خاتون کے ساتھ ناشتہ کرنے پر مصری شخص گرفتار

    ریاض : سعودی عرب کے حکام نے مصری شخص کو سعودی خاتون کے ہمراہ ناشتہ کرنے اور ویڈیو سوشل میڈیا پر اپلوڈ کرنے کے جرم میں گرفتار کرلیا۔

    تفصیلات کے مطابق سعودی عرب کے حکام کی جانب سے ریستوران میں سعودی خاتون کے ہمراہ ناستہ کرنے کی ویڈیو سوشل میڈیا پر وائرل ہونے پر ایک مصری شہری کو گرفتار کرلیا گیا۔

    غیر ملکی خبر رساں ادارے کا کہنا ہے کہ سوشل میڈیا پر وائرل ہونے والی ویڈیو میں دیکھا جا سکتا ہے کہ  حراست میں لیا گیا شخص ایک ریستوران میں بیھٹی برقع پوش خاتون کے ہمراہ ناشتہ کر رہا ہے اور مذکورہ شخص مصری زبان میں گفتگو بھی کررہا ہے۔

    عرب میڈیا کا کہنا ہے کہ سعودی عرب میں کسی بھی ریستوران میں فیملی کے ہمراہ آنے والے افراد اور اکیلے آنے والوں کے لیے علیحدہ علیحدہ جگہ مختص ہوتی ہیں جہاں خواتین کو اکیلے مرد کے ساتھ بیٹھنا قانونی خلاف ورزی ہے۔

    عرب خبر رساں ادارے کے مطابق مصری شخص کو وزارت محنت اور سماجی بہبود کے حکم پر حراست میں لیا گیا ہے۔

    خیال رہے کہ سعودی عرب میں خواتین کا نامحرم کے ساتھ باہر نکلنا قانونی جرم ہے۔

    سماجی رابطے کی ویب سایٹ ٹویٹر پر عوام کی جانب سے مذکورہ افراد کو شدید تنقید کا نشانہ بنایا جارہا ہے باالخصوص جب ویڈیو کے دوران خاتون مصری شخص کو لقمہ پیش ہے۔

    غیر ملکی خبر رساں ادارے کا کہنا ہے کہ سماجی رابطے کی ویب سایٹ پر صارفین نے کہا کہ حکام کو مصری شخص کے بجائے خاتون کو گرفتار کرنا چاہئیے تھا۔

    دوسری جانب سے مصری شہریوں کی جانب سے سعودی خاتون کے ہمراہ ناشتے کی ویڈیو سوشل میڈیا پر شیئر کرنے پر مصری شخص کی گرفتاری پر حیرانگی کا اظہار کیا ہے۔

  • کراچی: پولیس کی مختلف علاقوں میں کارروائیاں، 4 ملزمان گرفتار، اسلحہ برآمد

    کراچی: پولیس کی مختلف علاقوں میں کارروائیاں، 4 ملزمان گرفتار، اسلحہ برآمد

    کراچی: شہر قائد کے مختلف علاقوں میں پولیس کی کارروائیوں کے دوران چار ملزمان گرفتار ہوئے جن کے قبضے سے اسلحہ بھی برآمد ہوا۔

    تفصیلات کے مطابق کراچی کے مختلف علاقوں میں پولیس نے کارروائیاں کیں جس کے نتیجے میں دو افراد کے قاتل سمیت چار ملزمان کو گرفتار کرلیا گیا۔

    پولیس حکام کا کہنا ہے کہ کراچی کے علاقے کورنگی میں پولیس نے کارروائی کے دوران ملزم کو گرفتار کیا جس کے پاس سے آوان بم برآمد ہوا۔

    پولیس کے مطابق کورنگی سے گرفتار ملزم نے دوران تفتیش 2 افراد کے قتل کا اعتراف بھی کیا، گرفتار ملزم کےخلاف دہشت گردی ایکٹ کے تحت مقدمہ درج کرلیا گیا ہے۔

    دوسری جانب سرسید پولیس نے کارروائی کرتے ہوئے دو ملزمان کو گرفتار کیا، ملزمان سے اسلحہ، 7 موبائل فون اور مسروقہ موٹرسائیکل بھی برآمد ہوئی۔

    کراچی: پولیس اور رینجرز کی کارروائیاں، درجنوں ملزمان گرفتار، اسلحہ برآمد

    پولیس کا کہنا تھا کہ گرفتار ملزمان شہریوں سے لوٹ مار کرکے فرار ہوئے جس کے بعد ان کا تعاقب کیا گیا اور پھر ان کی گرفتاری عمل میں آئی۔

    علاوہ ازیں جمشید کوارٹر پولیس کی کارروائی کے دوران گٹکا بنانے والا ملزم گرفتار ہوا، ملزم سے بڑی مقدار میں چھالیہ، گٹگا اور تمباکو برآمد ہوا، برآمد سامان میں 690 کلو چھالیہ اور 20 کلو گٹگا شامل ہے۔

    یاد رہے کہ گذشتہ روز کراچی کے مختلف علاقوں میں پولیس اور رینجرز نے کارروائیوں کے دوران درجنوں ملزمان کو گرفتار کیا تھا۔

  • پیرس: چاقو بردار شخص کا حملہ، برطانوی سیاحوں سمیت 7 افراد زخمی

    پیرس: چاقو بردار شخص کا حملہ، برطانوی سیاحوں سمیت 7 افراد زخمی

    پیرس : فرانسیسی دارالحکومت میں نامعلوم چاقو بردار شخص نے راہ چلتے شہریوں پر حملہ کرکے سات افراد کو زخمی کردیا،  چاقو زنی کی واردات میں 2 برطانوی سیاح بھی زخمی ہوئے ہیں۔

    تفصیلات کے مطابق فرانس کے دارالحکومت پیرس میں نامعلوم مشتبہ شخص نے چاقو اور لوہے کی راڈ سے راہ چلتے شہریوں پر اچانک حملہ کر دیا، جس کے باعث سات راہ گیر زخمی ہوگئے، حملے میں زخمی ہونے والے افراد میں 4 کی حالت تشویش ناک بتائی جارہی ہے۔

    غیر ملکی خبر رساں ادارے کا کہنا ہے کہ سیکیورٹی اداروں نے کارروائی کرتے ہوئے کہ افغان شہری کو گرفتار کرلیا، ذرائع کا کہنا ہے کہ حملہ دہشت گردانہ نہیں تھا۔

    برطانوی خبر رساں ادارے کا کہنا ہے کہ چاقو زنی کی واردات میں زخمی ہونے والے افراد میں 2 برطانوی سیاح بھی شامل ہیں۔

    مقامی میڈیا کے مطابق حملہ گذشتہ شب رات 11 بجے دارالحکومت کے شمال مشرقی حصّے میں ہوا تھا۔

    واقعے کے عینی شاہدین کا کہنا ہے کہ حملے کے وقوت جائے حادثہ پر موجود گیمز کھیلنے میں مصروف تھے، حملہ آور نے ابتدائی طور پر ایم کے 2 سینما کے قریب دو مردوں اور ایک خاتون کو چاقو کے وار سے زخمی کیا تھا۔

    پولیس نے بتایا کہ گیم کھیلنے والے افراد نے حملہ آور کو روکنے کے لیے بالیں مارنا شروع کیں جس کے بعد مسلح شخص وہاں سے فرار ہوگیا تاہم کچھ دیر بعد دو برطانوی سیاح کے زخمی ہونے کی اطلاع موصول ہوئی۔

    برطانیہ کے دفتر خارجہ کی جانب سے جاری بیان میں کہا گیا ہے کہ ’ہم المناک حادثے کی فوری تحقیقات کا کریں گے اور مذکورہ حملے کی تفتیش میں فرانسیسی حکام کے ساتھ ہر ممکن تعاون کریں گے‘۔

    فرانسیسی پولیس کا کہنا ہے کہ ’ابتدائی تحقیقات کے دوران دہشت گردانہ حملے کے کوئی ثبوت نہیں ملے‘۔

    مزید پڑھیں : پیرس میں چاقو بردار شخص کا حملہ، داعش نے ذمہ داری قبول کرلی

    یاد رہے کہ تین ماہ قبل بھی فرانس کے دارالحکومت پیرس میں چاقو برادر دہشت گرد نے راہ چلتے شہریوں پر حملہ کر دیا تھا، جس کے باعث ایک شہری ہلاک جبکہ 5 شہری زخمی ہوئے تھے، بعد ازاں پولیس نے فوری کارروائی کرتے ہوئے حملہ آور کو ہلاک کر دیا۔

    غیر ملکی خبر رساں ادارے کے مطابق پیرس میں ہونے والے چاقو بردار شخص کے حملے کی ذمہ داری عالمی دہشت گرد تنظیم داعش نے قبول کی تھی اور کہا تھا کہ ’ہمارے ایک سپاہی نے گذشتہ روز کامیاب حملہ کیا ہے‘۔

    مزید پڑھیں : فرانس: مسلح شخص کا سپر مارکیٹ پر حملہ، دو افراد ہلاک، متعدد زخمی

    خیال رہے کہ پیرس میں اس قسم کے واقعات معمول بن چکے ہیں، 2016 سے 2018 کے آغاز تک فرانس میں درجنوں افراد چھرے اور چاقو کے حملوں میں اپنی زندگی سے ہاتھ دھو بیٹھے ہیں، البتہ ایسے حملوں سے بچنے کے لیے فرانس کے مختلف علاقوں میں سیکیورٹی ہائی الرٹ ہے۔

  • کراچی: پولیس اور رینجرز کی کارروائیاں، درجنوں ملزمان گرفتار، اسلحہ برآمد

    کراچی: پولیس اور رینجرز کی کارروائیاں، درجنوں ملزمان گرفتار، اسلحہ برآمد

    کراچی: شہر قائد کے مختلف علاقوں میں پولیس اور رینجرز نے کارروائیاں کرتے ہوئے درجنوں ملزمان گرفتار کرلیے جن کے قبضے سے اسلحہ بھی برآمد ہوا۔

    تفصیلات کے مطابق کراچی کے علاقے شریف آباد اور ناظم آباد میں پولیس نے رینجرز کے ساتھ مشترکہ کارروائیاں کیں جس کے باعث کئی ملزمان کی گرفتاری عمل میں آئی۔

    رینجرز ترجمان کا کہنا ہے کہ رینجرز اور پولیس کی جانب سے جرائم پیشہ افراد کے خلاف کراچی کے علاقے شریف آباد اور ناظم آباد میں مشترکہ آپریشن کیا گیا، جہاں سے 12 ملزمان گرفتار کیے گئے۔

    کراچی کے مختلف علاقوں میں پولیس کی کارروائیاں‘ 9 ملزمان گرفتار

    ترجمان رینجرز کے مطابق گرفتار ملزمان سے اسلحہ، ایمونیشن اور مسروقہ سامان برآمد ہوا، جبکہ دیگر علاقوں سے 3 ملزمان کی گرفتار عمل میں آئی، گرفتار ملزمان میں اسٹریٹ کریمنل، ڈکیت اور منشیات فرش بھی شامل ہے۔

    دوسری جانب پولیس نے کراچی کے علاقے شاہ فیصل، ڈیفنس اور شریف آباد میں کارروائیاں کرتے ہوئے 7 ملزمان کو گرفتار کیا۔

    پولیس حکام کا کہنا ہے کہ شریف آباد سے 4 ملزمان پکڑے گئے، شاہ فیصل میں پولیس مقابلہ ہوا جبکہ جوابی کارروائی میں ملزم زخمی حالت میں گرفتار کرلیا گیا، ڈیفنس میں کارروائی کے دوران 2 ملزمان واردات کرتے ہوئے رنگے ہاتھوں پکڑے گئے۔

    علاوہ ازیں کراچی کے علاقے عزیز بھٹی میں پولیس کارروائی کے دوران 4 ملزمان کی گرفتاری عمل میں آئی، گرفتار ملزمان سے اسلحہ اور موبائل فون برآمد ہوا، ملزمان مختلف علاقوں میں وارداتیں کرتے تھے۔

  • جرمنی: قتل کے شبے میں دو افغان باشندے گرفتار

    جرمنی: قتل کے شبے میں دو افغان باشندے گرفتار

    برلن: جرمن پولیس نے کارروائی کرتے ہوئے مقامی شہری کے قتل کے شبے میں دو افغان باشندوں کو گرفتار کرلیا۔

    تفصیلات کے مطابق دونوں گرفتار افغان شہریوں پر الزام ہے کہ انہوں نے بائیس سالہ جرمن شہری کو گذشتہ روز جرمنی کے شہر کوٹھن میں قتل کیا تھا۔

    غیر ملکی خبر رساں ادارے کے مطابق افغان باشندوں کے ہاتھوں جرمن شہری کی ہلاکت باہمی لڑائی کے باعث ہوئی، شہر کوٹھن کے جس مقام پر لڑائی ہورہی تھی اس موقع پر تیسرا افغان شہری بھی تھا۔

    پولیس حکام کا کہنا ہے کہ تیسرا افغان باشندہ ہاتھا پائی میں ملوث نہیں تھا، تاہم اب بھی ہلاکت سے متعلق معاملہ واضح نہیں ہے، کارروائی کررہے ہیں جلد حقائق سامنے آئیں گے۔

    دوسری جانب جرمن شہری کی ہلاکت کے بعد بائیں بازوں سے تعلق رکھنے والے گروہوں کی جانب سے سخت غم وغصہ پایا جاتا ہے، اور ایک بڑے مظاہرے کی بھی تیاری کر رہے ہیں۔

    جرمنی میں خاتون کا قتل، پولیس نے قاتل کی تلاش تیز کردی

    خیال رہے کہ گذشتہ ماہ ایک شخص نے جرمن شہر ڈسلڈورف میں ایک چھتیس سالہ خاتون کو چاقو کے وار کر کے شدید زخمی کر دیا تھا، بعد ازاں وہ خاتون اسپتال میں انتقال کر گئی تھیں۔

    یاد ڈسلڈورف کی پولیس ایک ایسے چوالیس سالہ ایرانی مرد کی تلاش میں ہے، جس نے مبینہ طور پر چاقو کے وار کر کے مذکورہ خاتون کو قتل کر دیا تھا۔

    واضح رہے کہ جرمنی میں غیر ملکیوں کے ہاتھوں جرمن شہریوں کی ہلاکتوں کے باعث مقامی لوگوں میں شدید غم وغصہ پایا جاتا ہے جبکہ جرمنی وزیر داخلہ کہہ چکے ہیں کہ مہاجرت ہی تمام مسائل کی جڑ ہے۔

  • کراچی: پولیس کی مختلف علاقوں میں کارروائیاں، 6 ملزمان گرفتار، اسلحہ برآمد

    کراچی: پولیس کی مختلف علاقوں میں کارروائیاں، 6 ملزمان گرفتار، اسلحہ برآمد

    کراچی: شہر قائد کے مختلف علاقوں میں پولیس نے کارروائیاں کرتے ہوئے 6 ملزمان کو گرفتار کیا اور اسلحہ بھی برآمد کرلیا۔

    تفصیلات کے مطابق کراچی کے علاقے گلبرگ، اورنگی ٹاؤن اور گلشن اقبال میں پولیس نے کارروائیاں کی جس کے باعث چھ ملزمان کی گرفتاری عمل میں آئی اور قبضے سے اسلحہ بھی برآمد ہوا۔

    کراچی کے علاقے اورنگی ٹاؤن میں پولیس نے دوران گشت کارروائی کی، پولیس کو دیکھتے ہی ملزمان نے فائرنگ کردی جبکہ جوابی فائرنگ کے بعد تین ملزمان زخمی حالت میں گرفتار ہوئے۔

    ایس ایس پی ویسٹ ڈاکٹر رضوان کا کہنا ہے کہ مقابلے کے بعد گرفتار ہونے والے ملزمان اسٹریٹ کرائم اور ڈکیتی کی متعدد وارداتوں میں ملوث ہیں، گرفتار ملزمان سے 3 پستول اور گولیاں برآمد ہوئی ہیں۔

    کراچی کے مختلف علاقوں میں پولیس کی کارروائیاں‘ 9 ملزمان گرفتار

    دوسری جانب گلبرگ پولیس نے بھی کارروائی کی اور 2 ڈاکو کو گرفتار کرلیا جن کے قبضے سے اسحلہ اور موٹر سائیکل برآمد ہوئی ہے۔

    پولیس حکام کے مطابق گرفتار ملزم ہاشم اور یاسین شہریوں سے لوٹ مار کر رہے تھے، ملزمان سے شہریوں سے لوٹا گیا سامان بھی برآمد ہوا ہے جبکہ گرفتار ملزمان ماضی میں بھی وارداتوں میں ملوث ہیں۔

    علاوہ ازیں پولیس کی جانب سے کراچی کے علاقے گلشن اقبال میں اہم کارروائی سامنے آئی، جس کے نتیجے میں ایک اسٹریٹ کرمنل گرفتار ہوا۔

    پولیس کا کہنا تھا کہ عمران نامی ملزم کو سی سی ٹی وی فوٹیج کی مدد سے گرفتار کیا گیا، گرفتار ملزم سے اسلحہ اور مسروقہ موٹرسائیکل بھی بدآمد ہوئی ہے۔

  • کراچی اور لاہور میں پولیس مقابلے، ایک ڈاکو ہلاک دوسرا گرفتار

    کراچی اور لاہور میں پولیس مقابلے، ایک ڈاکو ہلاک دوسرا گرفتار

    لاہور/کراچی: سندھ اور پنجاب کے دارالحکومتوں میں پولیس مقابلوں کے نتیجے میں ایک ڈاکو ہلاک جبکہ دوسرا زخمی حالت میں گرفتار ہوگیا۔

    تفصیلات کے مطابق کراچی اور لاہور میں پولیس مقابلے ہوئے جس کے باعث ایک ڈاکو کی ہلاکت ہوئی جبکہ کارروائی کے دوران ملزمان سے اسلحہ بھی برآمد ہوا۔

    لاہور کے علاقے سندر میں مبینہ پولیس مقابلے میں ایک ڈاکو ہلاک ہوا جبکہ موقع پر موجود دوسرا ڈاکو فرار ہونے میں کامیاب ہوگیا۔

    پولیس کا کہنا ہے کہ 2 موٹر سائیکل سوار ڈاکو شہریوں سے لوٹ مار کررہے تھے۔

    دوسری جانب کراچی کے علاقے کورنگی زمان ٹاؤن میں پولیس نے کارروائی کی، پولیس کو دیکھتے ہی ملزمان نے فائرنگ شروع کردی۔

    کراچی میں سیکیورٹی اداروں کی کارروائی‘ 3 دہشت گرد ہلاک

    پولیس حکام کا کہنا تھا کہ ملزمان کی فائرنگ کے تناظر میں پولیس نے بھی جوابی فائرنگ کی بعد ازاں ملزم زخمی حالت میں گرفتار ہوگیا جبکہ دوسرا موقع سے بھاگ نکلا۔

    خیال رہے کہ گذشتہ روز کراچی میں اتحاد ٹاؤن کے علاقے رئیس آمروہی گوٹھ میں اے وی سی سی اورحساس اداروں نے مشترکہ کارروائی کرتے ہوئے تین دہشت گردوں کو ہلاک کردیا تھا۔

    یاد رہے کہ دو روز قبل کراچی کے علاقے ناظم آباد میں پولیس اہلکاروں اور ڈاکوؤں میں فائرنگ کا تبادلہ ہوا تھا جس کے نتیجے میں ایک ڈاکو ہلاک جبکہ دوسرے کو زخمی حالت میں گرفتار کرلیا گیا تھا۔

  • کراچی: ایم کیو ایم لندن کے دو ٹارگٹ کلر گرفتار، 6 افراد کے قتل کا اعتراف

    کراچی: ایم کیو ایم لندن کے دو ٹارگٹ کلر گرفتار، 6 افراد کے قتل کا اعتراف

    کراچی: شہر قائد میں پولیس نے کارروائی کرتے ہوئے متحدہ قومی موومنٹ(لندن) سے تعلق رکھنے والے دو ٹارگٹ کلر کو گرفتار کرلیا، ملزمان نے 6 افراد کے قتل کا اعتراف بھی کیا۔

    تفصیلات کے مطابق کراچی کے علاقے بفرزون میں پولیس نے اہم کارروائی کرتے ہوئے دو ٹاگٹ کلر کو گرفتار کیا، ملزمان نے پولیس اہلکاروں سمیت 6 افراد کے قتل کا اعتراف بھی کرلیا۔

    ایس ایس پی سینٹرل کا کہنا تھا کہ بفرزون سے گرفتار ملزمان میں اویس عرف شاہ اور عابد عرف نانا شامل ہے، ملزمان نے سب انسپکٹر مجیدآغا، کانسٹیبل نذیر اور اے ایس آئی کو قتل کیا۔

    کراچی سے ایک اور ٹارگٹ کلر گرفتار، متحدہ لندن سے رابطوں کا اعتراف

    پولیس حکام کے مطابق گرفتار ٹارگٹ کلرز سے کلاشنکوف اور رپیٹر برآمد ہوا، پولیس ملزمان سے مزید پوچھ گچھ کر رہی ہے۔

    اس سے قبل رواں سال جون میں کراچی کے علاقے شاہ فیصل کالونی میں پولیس اور رینجرز نے خفیہ اطلاع پر کامیاب کارروائی کرکے ٹارگٹ کلر کو حراست میں لیا تھا، ملزم خالد کا تعلق ایم کیو ایم لندن سے بتایا گیا تھا۔

    مذکورہ گرفتاری کے حوالے سے ایس ایس پی کورنگی نے صحافیوں کو بتایا تھا کہ ملزم خالد نے ایم کیو ایم لندن کی قیادت سے مستقل رابطے کا اعتراف بھی کیا ہے، ملزم کو متحدہ لندن کی جانب سے کراچی میں فنڈز اکھٹا کرنے کی ذمہ داری دی گئی تھی۔

  • کراچی: پولیس اور قانون نافذ کرنے والے ادارے کا آپریشن، 6 ملزمان گرفتار

    کراچی: پولیس اور قانون نافذ کرنے والے ادارے کا آپریشن، 6 ملزمان گرفتار

    کراچی: شہر قائد کے دو مختلف علاقوں میں پولیس اور قانون نافذ کرنے والے ادارے نے مشترکہ آپریشن کرتے ہوئے 6 ملزمان کو گرفتار کرلیا۔

    تفصیلات کے مطابق کراچی کے علاقے لسبیلہ اور پٹیل پاڑہ میں پولیس نے قانون نافذ کرنے والے ادارے کے ساتھ مل کر مشترکہ کومبنگ آپریشن کیا جس کے باعث 6 ملزمان کی گرفتاری عمل میں آئی۔

    پولیس کا کہنا ہے کہ کومبنگ آپریش کے دوران لسبیلہ اور پٹیل پاڑہ کے داخلی وخارجی راستے سیل کرکے مخصوص گھروں کی تلاشی لی گئی۔

    پولیس کے مطابق آپریشن میں قتل کی وارداتوں میں ملوث ملزم سمیت 6 افراد گرفتار ہوئے، گرفتار ملزمان میں سے ملزم ’کوکب‘ قتل، اقدام قتل اور دیگر سنگین جرائم میں ملوث ہے۔

    کراچی میں ڈاکو بے قابو، پولیس نے مقابلے کے بعد زخمی ملزم کو گرفتار کرلیا

    پولیس کا یہ بھی کہنا تھا کہ گرفتار ملزم کوکب کا تعلق مذہبی جماعت سے ہے، اور گرفتار شدگان میں افتخار نامی منشیات فروش بھی شامل ہے۔

    خیال رہے کہ آج کراچی کے علاقے فیروز آباد میں مبینہ پولیس مقابلے کے بعد زخمی حالت میں ڈاکو گرفتار کرلیا گیا، پولیس حکام کے مطابق گرفتار ڈاکو عمر عرف ڈینی شہر میں ہونے والی لوٹ مار کی سو سے زائد وارداتوں میں ملوث ہے۔

    واضح رہے کہ گذشتہ روز بھی شہر قائد میں پولیس کی جانب سے اہم کارروائیاں کی گئی تھیں، جس کے باعث متعدد ملزمان کی گرفتاری عمل میں آئی تھی۔