اسرائیل کی جانب سے نہتے مظلوم فلسطینیوں پر ڈھائے جانے والے مظالم کی عکاسی کرنے والا حمدان بَلال خود صیہونیوں کا نشانہ بن گیا۔
غیر ملکی ذرائع ابلاغ کے مطابق فلسطینی ڈائریکٹر حمدان بَلال پر مغربی کنارے میں الخلیل کے علاقے میں اسرائیلی آباد کاروں نے حملہ کیا اور تشدد کا نشانہ بنایا، جس کے بعد اسرائیلی فوج نے انہیں حراست میں لے لیا۔
حملے کے عینی شاہد کے مطابق اپنے منہ کو ماسک سے چھپائے 15مسلح آباد کاروں نے حمدان پر حملہ کیا۔ حملہ آور اسرائیلی فوج وردی میں ملبوس تھے، اس دوران حمدان کو سر اور پیٹ پر زخم آئے ہیں۔
اسرائیلی فوج نے اسپتال لے جانے والی ایمبولنس سے حمدان کو گرفتار کیا، حمدان کی یہودی ڈائریکٹرز کے ساتھ مشترکہ ڈاکیومینٹری نو ادر لینڈ مغربی کنارے میں فلسطینیوں پر حملوں اور گھروں سے جبری بے دخلی پر مبنی ہے، فلم کو حالیہ آسکر میلے میں ا یوارڈ سے نواز گیا تھا۔
دوسری جانب خودساختہ جنگ بندی ختم کرنے کے بعد سے اسرائیل نے غزہ پر حملے تیز کر دیے ہیں۔
گزشتہ 24 گھنٹوں میں اسرائیلی فوج کے وحشیانہ حملوں میں الجزیرہ کے صحافی سمیت 65 افراد شہید ہو گئے جب کہ درجنوں زخمی ہوئے۔
غزہ کی پٹی پر الگ الگ اسرائیلی حملوں میں الجزیرہ کے ایک صحافی سمیت دو میڈیا کارکن شہید ہوئے۔ الجزیرہ مبشر کے لیے کام کرنے والے صحافی حسام شبات کو پیر کو شمالی غزہ میں قتل کر دیا گیا۔
عینی شاہدین نے نیٹ ورک کو بتایا کہ ان کی گاڑی کو بیت لاہیا کے مشرقی حصے میں نشانہ بنایا گیا۔
وسطی غزہ میں دیر البلاح سے رپورٹنگ کرتے ہوئے الجزیرہ کے طارق ابو عزوم نے کہا کہ 23 سالہ شبات اس سے قبل ایک اور اسرائیلی حملے میں زخمی ہوئے تھے لیکن انہوں نے غزہ میں خبروں کی رپورٹنگ جاری رکھنے پر اصرار کیا تھا۔
حماس نے اسرائیلی یرغمالیوں کی ویڈیو جاری کر دی
ابو عزوم نے کہا، ”اسرائیلی فوج نے ”کوئی پیشگی وارننگ”دیئے بغیر ان کی گاڑی کو نشانہ بنایا۔
قبل ازیں پیر کو جنوبی غزہ میں خان یونس پر اسرائیلی فوج کے حملے میں فلسطین ٹوڈے کے لیے کام کرنے والے صحافی محمد منصور بھی شہید ہوئے۔
