ARYNews.tv | Urdu – Har Lamha Bakhabar

Tag: arrested

  • کے ڈی اے میں غیرقانونی الاٹمنٹ : سابق ڈائریکٹر لینڈ سیف عباس گرفتار

    کے ڈی اے میں غیرقانونی الاٹمنٹ : سابق ڈائریکٹر لینڈ سیف عباس گرفتار

    کراچی : قومی احتساب بیورو (نیب ) کراچی نے ایم کیوایم پاکستان کے رہنما سیف عباس کو کے ڈی اے میں غیرقانونی الاٹمنٹ کے الزام میں گرفتار کر لیا ہے، سیف عباس کو گرفتاری کے بعد نیب دفتر منتقل کردیا گیا۔

    تفصیلات کے مطابق نیب کراچی کی ٹیم نے سابق ڈائریکٹر لینڈ کے ڈی اے سیف عباس کو کے ڈی اے میں غیرقانونی الاٹمنٹ کے الزام میں اپنی حراست میں لیا اور بعد ازاں اسی الزام کے تحت ان کو باقاعدہ گرفتار کرلیا گیا ہے۔

    نیب ذرائع کا کہنا ہے کہ ملزم سیف عباس کو گرفتاری کے بعد نیب دفتر منتقل کردیا گیا جہاں سیف عباس سے کے ڈی اے میں غیرقانونی الاٹمنٹ سے متعلق پوچھ گچھ کی جارہی ہے۔

    ترجمان نیب کے مطابق سیف عباس ایم کیو ایم پاکستان پی آئی بی کے رہنما ہیں، سیف عباس کے ڈی اے اراضی کی غیرقانونی فروخت اور الاٹمنٹ میں نیب کو مطلوب تھے۔

    ان پر300پلاٹوں کی غیرقانونی الاٹمنٹ کاالزام ہے، ترجمان نیب کا مزید کہنا ہے کہ سیف عباس نے بطور ڈائریکٹر لینڈ اپنے اختیارات کا ناجائزاور غیر قانونی استعمال کیا۔

    مزید پڑھیں: سابق ڈی جی کے ڈی اے کو ہتھکڑیاں لگا کر ان کے دفترمیں پھرایا گیا

    اس سے قبل اسی کیس میں شعیب میمن کو3مئی کو گرفتارکیا گیا تھا، سیف عباس کا ریمانڈ حاصل کرنے کے لئے انہیں کل عدالت میں پیش کیا جائیگا۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • دبئی میں گاڑیوں کو نذر آتش کرنے والا شخص گرفتار

    دبئی میں گاڑیوں کو نذر آتش کرنے والا شخص گرفتار

    دبئی : متحدہ عرب امارات کے شہر دبئ کی شاپنگ مال کی پارکنگ کھڑی گاڑیوں کو آگ لگانے والے ملزم کو آتش زنی کے مقدمے میں گرفتار کرلیا ہے۔

    تفصیلات کے مطابق متحدہ عرب امارت کے شہر دبئی میں واقع آوٹ لیٹ نامی شاپنگ کے پارکنگ میں ایک ایشیائی شخص نے کھڑی ایک بس کو نذر آتش کردیا تھا، بس میں ہونے والے آتشزدگی نے ارد گرد کھڑی دیگر گاڑیوں کو بھی اپنی لپیٹ میں لے لیا۔

    دبئی پولیس کے ترجمان کا کہنا تھا کہ ہنگامی خدمات انجام دینے والے عملے نے بروقت کارروائی کرتے ہوئے پارکنگ ایریا میں کھڑی گاڑیوں میں لگی آگ پر قابو کیا، خوش قسمتی سے آتشزدگی کے واقعے کوئی جانی نقصان نہیں ہوا البتہ 11 مہنگی گاڑیاں جل کر تباہ ہوگئیں۔

    پولیس کا کہنا تھا کہ سیکیورٹی اہلکاروں نے سیکیورٹی کیمروں اور عینی شاہدین کے تعاون سے گاڑیوں میں آگ لگانے والے ایشیائی شخص کو آتش زنی کے مقدمے میں گرفتار کرلیا ہے۔

    دبئی پولیس کے فوجداری تفتیش کے ڈائریکٹر لیفٹیننٹ کرنل عادل الجوکر کا کہنا تھا کہ مذکورہ ملزم کا تعلق ایک ایشیائی ملک سے ہے جو متحدہ امارات سے فرار ہونے کی کوشش میں تھا۔

    دبئی‘بٹ کوائن کا لالچ دے کر 70 لاکھ درہم لوٹنے والا گروہ گرفتار

    کرنل عادل الجوکر کا کہنا تھا کہ ملزم کا بس ڈرائیور سے ماضی میں کسی بات جھگڑا ہوا تھا جس کے باعث انتقامی کارروائی کرتے ہوئے ملزم نے بس کو آگ لگائی تھی جس نے دیگر گاڑیوں کو بھی اپنی لپیٹ میں لے لیا تھا۔

    دبئی پولیس نے جعل سازی کرنے والے ایشیائی گروہ کو گرفتار کرلیا

    غیر ملکی خبر رساں اداروں کا کہنا تھا کہ دبئی کی پولیس نے بہت ہی کم وقت میں کارروائی کرتے ہوئے گاڑیوں کو نذر آتش کرنے والے شخص کو گرفتار کیا ہے جو ایک ریکارڈ ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ترکی: ناکام فوجی بغاوت، 211 فوجیوں سمیت 300 افراد کی گرفتاری کا حکم

    ترکی: ناکام فوجی بغاوت، 211 فوجیوں سمیت 300 افراد کی گرفتاری کا حکم

    انقرہ: ترکی نے ماضی کی ناکام فوجی بغاوت میں ملوث ہونے کے شبہے میں 211 ترک فوجیوں سمیت 300 افراد کی گرفتاری کا حکم جاری کر دیا۔

    تفصیلات کے مطابق 18 جولائی 2016 کو ترکی میں فوج کے باغی گروہ کی اقتدار پر قبضے کی کوشش عوام نے ناکام بنادی تھی، اس دوران عوام سڑکوں پر نکل کر ٹینکوں کے سامنے ڈٹ گئے تھے بعد ازاں ترک فوج کے باغی ٹولے نے باسفورس پل پر ہتھیار ڈال دیے جس کے بعد انہیں گرفتار کر لیا گیا تھا۔

    ترکی میں ہونے والی اس ناکام فوجی بغاوت سے متعلق تحقیقات کرنے والی ’استغاثہ ٹیم‘ کے سرابراہ کی جانب سے حکم جاری کیا گیا ہے کہ مشتبہ 300 افراد کی گرفتاری عمل میں لائی جائے جن میں 211 فوجی بھی شامل ہیں، خیال یہ ظاہر کیا جارہا ہے کہ یہ افراد بغاوت میں ملوث ہو سکتے ہیں تاہم گرفتاری کے بعد پوچھ گچھ کی جائے گی۔

    ترکی:عدالت نے 13صحافیوں کو دہشت گردی کے الزام میں سزا سنادی

    واضح رہے کہ فتح اللہ گولن کو انقرہ میں بغاوت کرنے والے گروپ کا ماسٹر مائنڈ سمجھا جاتا ہے، گولن خود ساختہ جلاوطنی کے بعد سے امریکا میں ہی مقیم ہیں، ترک حکام نے امریکی حکومت کو درخواست دی تھی کہ فتح اللہ گولن کو ترکی کے حوالے کیا جائے لیکن امریکا نے گولن کو ترکی بھیجنے سے انکار کردیا تھا۔

    ترکی میں بغاوت کی کوشش عوام نے ناکام بنادی، 250 سے زائد افراد ہلاک

    خیال رہے کہ رواں سال 29 اپریل کو ترکی کی عدالت عالیہ نے دہشت گرد گروہوں سے رابط اور سنہ 2016 میں باغیوں کی حمایت کرنے کے الزام میں 13 صحافیوں کو سزا سناتے ہوئے جیل منتقل کرنے کا حکم دیا تھا، بعد ازاں صحافیوں کی جانب سے اس عمل کی شدید مذمت بھی کی گئی تھی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • دبئی پولیس کی کارروائی، گداگر گرفتار، 3لاکھ درہم اور ہتھیار برآمد

    دبئی پولیس کی کارروائی، گداگر گرفتار، 3لاکھ درہم اور ہتھیار برآمد

    دبئی : دبئی میں پولیس اہلکاروں نے کارروائی کرتے ہوئے مسجد کے باہر سے گداگر کو گرفتار کرکے 3 لاکھ درہم نقد جبکہ خطرناک ہتھیار بھی برآمد کرلیے ہیں۔

    تفصیلات کے مطابق متحدہ عرب امارات کے شہر دبئی میں پولیس نے گداگرروں کے خلاف آپریشن کرتے ہوئے رواں برس کے آغاز میں ہی سیکڑوں گداگروں کو گرفتار کرکے جیل منتقل کردیا ہے۔

    غیر ملکی خبر رساں اداروں کا کہنا تھا کہ دبئی پولیس نے مسجد کے باہر بیھٹے ہوئے ایک شخص کو گرفتار کرلیا جو صدا لگا کر بھیک مانگ رہا۔

    غیر ملکی میڈیا کا کہنا تھا کہ سیکیورٹی اہکاروں نے اس ایشیائی گداگر کی تلاشی کو اس کے پاس سے 3 لاکھ اماراتی درہم اور ایک خطرناک ہتھیار برآمد ہوا، جس کے بعد پولیس نے اسے حراست میں لے کر جیل منتقل کردیا۔

    پولیس کا کہنا تھا کہ ایک شخص کو اس وقت گرفتار کیا گیا تھا جب اس کے پاس سے تلاشی کے دوران 70 ہزار درہم برآمد ہوئے تھے، مذکورہ شخص حیرت انگیز طور ہر اندھا بن کر دبئی کے شہریوں کو دھوکا دے رہا تھا۔

    پولیس حکام کا کہنا تھا کہ سیکیورٹی اہلکاروں نے سال 2018 کے پہلے تین ماہ میں ہی 232 گداگروں کو حراست میں لے کر جیل بھیج دیا ہے، مذکورہ آپریشن ماہ گذشتہ کئی برس سے رمضان المبارک کی آمد سے قبل کیا جاتا ہے۔

    پولیس حکام کا کہنا ہے کہ متحدہ عرب امارات میں موجود گداگر بچوں کا استحصال ان سے زبردستی بھیک منگوانے میں ملوث ہوتے ہیں، اسی دوران تین بچوں کو بھی گرفتار کرکے دبئی فاؤنڈیشن کے بحالی مرکز میں منتقل کردیا تھا۔

    دبئی کے شعبہ تحقیقات کے ڈپٹی ڈائریکٹر برگیڈیئر محمد رشید بن سری کا کہنا تھا کہ دئبی پولیس نے سال 2015 میں 1405، سنہ 2016 میں 1021 جبکہ گذشتہ برس 653 گداگروں کو رمضان المبارک سے قبل حراست میں لیا گیا تھا۔

    برگیڈئر محمد رشید کا کہنا تھا کہ ’رمضان المبارک میں جو بھی شخص گداگری کرتا ہوا پکڑا گیا اسے فوری طور جیل بھیج دیا جائے گا اور اس کی جمع ہونجی بھی ضبط کرلی جائے گی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پیوٹن کے خلاف روس بھر میں مظاہرے جاری، 1ہزار روسی گرفتار

    پیوٹن کے خلاف روس بھر میں مظاہرے جاری، 1ہزار روسی گرفتار

    ماسکو : چوتھی بار روس کے صدر منتخب ہونے والے ولادیمیر پیوٹن کے خلاف ماسکو سمیت روس بھر میں شدید احتجاج کا سلسلہ بدستور جاری ہے، پولیس نے اپوزیشن رہنما سمیت 1ہزار مظاہرین کو گرفتار کرلیا.

    تفصیلات کے مطابق روس میں چوتھی مرتبہ صدر منتخب ہونے والے ولادیمیر پیوٹن کی حلف برداری سے قبل ہی ماسکو سمیت روس بھر میں ہونے والے شدید احتجاجی مظاہروں کے دوران اپوزیشن رہنما بھی گرفتار کرلیے گئے۔

    غیر ملکی خبر رساں ادارے کا کہنا تھا کہ روسی پولیس نے ہفتے کے روز مظاہرہ کرنے والے تقریباً 1 ہزار افراد کو موجودہ روسی صدر کے خلاف مظاہرہ کرنے کے جرم میں گرفتار کرلیا گیا، جس میں 41 سالہ اپوزیشن رہنما الیکسی نوالنے کو بھی حراست میں لیا گیا ہے۔

    ولادیمیر پیوٹن کے خلاف روس کے دارالحکومت ماسکو، رشیا کے دوسرے بڑے شہر سینٹ پیٹرزبرگ میں گذشتہ کئی روز سے مظاہرے جاری ہیں، دونوں شہروں میں مظاہرہ کرنے والے افراد کو پولیس نے بلااجازت احتجاج کرنے پر گرفتار کیا ہے۔

    غیر ملکی خبر رساں اداروں کا کہنا تھا کہ تقریباً الیکسی نوالنے سمیت 350 اپوزیشن کارکنان کو گرفتار کیا گیا تھا۔

    روسی میڈیا کا کہنا تھا کہ اتوار کے روز الیکسی نوالنے کو بلا اجازت احتجاج کرنے اور وفاقی پولیس کے خلاف مزاحمت کرنے مقدمات درج کرنے کے بعد رپا کردیا گیا۔

    روسی خبر رساں اداروں کا کہنا تھا کہ مظاہرین ماسکو کے پشکن اسکوائر پر احتجاج کے دوران یوکرائنی زبان میں ’شرم کرو، شرم کرو‘ ’روس پیوٹن سے آزاد ہوکر رہے‘ کے نعرے لگا رہے تھے۔

    دوسری جانب چھوتی بار روس کے صدر منتخب ہونے والے ولادیمیر پیوٹن کی حمایت میں نیشنل لیبریشن موومنٹ نے بھی ہفتے کے روز ہی پشکن اسکوائر پر ریلی کا انعقاد کیا، جس کے باعث صدر پیوٹن کے حامی اور ان کے مخالفین آمنے سامنے آگئے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • شاپنگ مال میں فائرنگ کا منصوبہ، 17 سالہ نوجوان گرفتار

    شاپنگ مال میں فائرنگ کا منصوبہ، 17 سالہ نوجوان گرفتار

    ڈلاس: امریکی ریاست ٹیکساس میں قائم شاپنگ مال میں فائرنگ کی منصوبہ بندی کرنے والے 17 سالہ نوجوان کو گرفتار کرلیا گیا۔

    تفصیلات کے مطابق 17 سالہ مسلم نوجوان متین عزیزی کی شدت پسند تنظیم داعش سے روابط تھے جس سے متاثر ہوکر اس نے دہشت گرد حملے کی منصوبہ بندی کی، تاہم پولیس نے کارروائی کرتے ہوئے نواجوان کو حراست میں لے لیا ہے۔

    امریکی پولیس حکام نے گرفتاری سے متعلق کہا ہے کہ ملزم کی جانب سے شاپنگ مال میں حملے کی منصوبہ بندی کی جاچکی تھی، ملزم رواں ماہ مئی کے وسط میں حملہ کرنا چاہتا تھا علاوہ ازیں اس نے حملے کو کامیاب بنانے کے لیے دیگر لوگوں کو اپنے ساتھ ملانے کی کوشش بھی کی۔

    امریکا: ریستوران میں برہنہ شخص کی فائرنگ، 4 افراد ہلاک، 2 زخمی

    پولیس حکام کا مزید کہنا تھا کہ ملزم نے حملے کی منصوبہ بندی کے تحت تقریبا 1 ہزاز 4 سو ڈالرز کے ہتھیار اور دیگر جرائم میں استعمال ہونے والے آلات خریدے، تاہم پولیس نے خفیہ اطلاعات اور بھرپور کارروائی کے ذریعے ایک بڑے پیمانے پر ہونے قتل عام سے شہریوں کو بچا لیا۔

    دوسری جانب ملزم متین عزیزی نے پولیس کو بیان ریکارڈ کراتے ہوئے کہا ہے کہ وہ کسی صورت اس حملے کو کامیاب بنانا چاہتا تھا، اس کی خواہش تھی کہ وہ پاکستان جائے جہاں سے وہ افغانستان کا سفر کرے اور داعش میں شمولیت اختیار کرے۔

    عوامی باتھ روم میں پستول بھولنے پراسکول ٹیچرگرفتار

    خیال رہے کہ ملزم امریکا میں واقع ’پلینو ویسٹ ہائی اسکول‘ کا طالب علم ہے جسے اسکول کیمپس سے گرفتار کیا گیا ہے، نوجوان متین عزیزی کے خلاف دہشت گردی کے الزام کے تحت کارروائی جاری ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • دبئی‘بٹ کوائن کا لالچ دے کر 70 لاکھ درہم لوٹنے والا گروہ گرفتار

    دبئی‘بٹ کوائن کا لالچ دے کر 70 لاکھ درہم لوٹنے والا گروہ گرفتار

    دبئی : متحدہ عرب امارات میں پولیس نے کارروائی کرتے ہوئے دو ایشیائی بھائیوں کو بٹ کوائن کا لالچ دے کر 70 لاکھ درہم لوٹنے والے 10 رکنی گروہ کو گرفتار کرلیا.

    تفصیلات کے مطابق متحدہ عرب امارات کے سیکیورٹی اداروں نے گذشتہ روز دبئی کے علاقے المقربات میں کارروائی کرتے ہوئے دو بھائیوں کو دھوکا دینے والے 10 افراد پر مشتمل گروہ کو گرفتار کرکے ستر لاکھ درہم کی خطیر رقم برآمد کرلی ہے۔

    دبئی پولیس نے ہفتے کے روز بیان جاری کیا تھا جس میں پولیس حکام کا کہنا تھا کہ مذکورہ گروہ نے دو ایشیائی بھائیوں کو بٹ کوائن کا لالچ دے کر کسی آفس میں لے گیا تھا، جہاں انہوں نے دونوں بھائیوں پر حملہ کرکے تشدد کیا اور رقم لے کر موقع سے فرار ہوگئے۔

    کرمنل انویسٹی گیشن ڈپارٹمنٹ کے ڈائریکٹر لیفٹینٹ کرنل عدیل الجواکر کا کہنا تھا کہ ’پولیس کو 25 اپریل کو اطلاعات موصول ہوئی تھیں کہ ایک گینگ نے دو بھائیوں کو دھوکا دے کر رقم لوٹی ہے‘۔

    کرنل عدیل الجواکر کا کہنا تھا کہ ’متاثرہ بھائیوں کو بٹ کوائن(برقی کرنسی) فروخت کرنے والوں کی تلاش تھی، مذکورہ گینگ نے انہیں لالچ دی اور دعویٰ کے کہ وہ بٹ کوائن فروخت کرتے ہیں‘۔

    پولیس کا کہنا ہے کہ اس دوران گینگ کے سربراہ نے دکان اور دکان کا لائسنس فروخت کرنے ایک شخص کو بھی دھوکا دیا، جس نے اپنا شو روم فروخت کرنے کے لیے اشتہار دیا تھا۔

    گینگ کے سربراہ نے دکان خریدنے کا دعویٰ کیا جس پر دکان کے مالک نے شو روم دیکھنے کے لیے دکان کی چابیاں اسے دے دیں، گینگ کے سربراہ نے موقع سے فائدہ اٹھاتے ہوئے دونوں بھائیوں کو مذکورہ شوروم میں بلالیا۔

    پولیس نے عرب میڈیا کو بتایا کہ دوران واردات گینگ کے چھ ارکان نے آفس کے اندر دونوں بھائیوں سے ملاقات کی اور باقی چار افراد باہر انتظار کرتے رہے۔

    پولیس کا کہنا تھا کہ جیسے دونوں بھائی آفس میں داخل ہوئے گینگ کے افراد نے ان پر حملہ کرکے تشدد کیا اور دونوں کے ہاتھ باندھ کر کمرے میں بند کردیا اور رقم لیکر موقع سے فرار ہوگئے۔

    دبئی پولیس کے کمانڈر انچیف میجر جنرل عبداللہ خلیفہ المیری کا کہنا ہے کہ پولیس افسران قابل تحسین ہیں جنہوں نے مذکورہ گینگ کو بغیر کسی ثبوت کے تھوڑے وقت میں گرفتار کرلیا۔

    جنرل عبداللہ کا مزید کہنا تھا کہ پولیس حکام نے مذکورہ گینگ کو اسمارٹ منصوبہ بندی اور مصنوعی ٹیکنالوجی کے ذریعے ٹریس کیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سڑک پر افراتفری پھیلانے کے جرم میں کتا گرفتار

    سڑک پر افراتفری پھیلانے کے جرم میں کتا گرفتار

    کینیڈا کے شہر اوٹاوا میں ایک گرفتار شدہ کتے کی تصویر سوشل میڈیا پر وائرل ہوگئی، پولیس کے مطابق کتا ایک ہرن کا پیچھا کر رہا تھا جس سے سڑک پر افراتفری پھیل گئی۔

    تفصیلات کے مطابق گذشتہ روز سوشل میڈیا پر 21 سالہ طالبہ نے اپنے کتے کی ایک تصویر شئیر کی تھی، جس میں کتے کو پولیس وین میں بند دیکھا جاسکتا ہے۔ سوشل میڈیا پر شئیر کی گئی تصویر کو کچھ ہی لمحوں میں ڈیڑھ لاکھ سے زائد افراد دیکھ چکے ہیں۔

    پولیس نے کتے کو ہرن کا پیچھا کرنے پر گرفتار کیا تھا جس سے سڑک پر افراتفری پھیلی اور قریبی مقام کے لوگ بھی پریشانی کا شکار ہوئے۔

    کینیڈین پولیس کے ہاتھوں گرفتار ہونے والا کتا فن

    کینیڈین خبر رساں ادارے کے مطابق طالبہ کے والد تھامسن نے بتایا کہ ’میں اور میری گرل فرینڈ اپنے پالتو کتے فن کے ساتھ چہل قدمی کر رہے تھے، اس دوران جیسے ہی ہم نے فن کی بیلٹ کھولی، وہ کسی چیز کو سونگھتے ہوئے اس کی جانب بھاگ گیا‘۔

    کتے کے بھاگ جانے کے آدھے گھنٹے بعد تھامسن کے پاس اونٹاریو پولیس کا فون آیا جس میں انہوں نے بتایا کہ کتے نے وہاں موجود افراد کے لیے مشکل پیدا کردی ہے۔

    پولیس کے مطابق فن سڑک کے درمیان ایک ہرن کا پیچھا کرتے ہوئے بھاگ رہا تھا جس کے باعث سڑک پر افراتفری پھیلی ہوئی تھی۔ اس دوران وہ قریبی اسپتال کے گراؤنڈ میں بھی گیا اور وہاں سے دوبارہ سڑک پر آیا جس سے لوگوں میں پریشانی پھیل گئی۔

    کتے نے اپنی سرگرمی اس وقت ترک کی جب ہرن بھاگ گیا جس کے بعد پولیس نے کتے کو گرفتار کرلیا۔

    کتے کی پولیس وین میں گرفتار تصویر کو سوشل میڈیا پر بہت تعجب سے دیکھا گیا۔

    فن کی مالکن نے سماجی رابطے کی ویب سائیٹ ٹویٹر پر کتے کی تصویر لگائی اور ٹویٹ کیا کہ ’فن ایک بہت پیارا کتا ہے جو انسانوں اور جانوروں سے بھی پیار کرتا ہے‘۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • سوشل میڈیا پر فیک آئی ڈیز بناکر لڑکیوں کو بلیک میل کرنے والا نوجوان گرفتار

    سوشل میڈیا پر فیک آئی ڈیز بناکر لڑکیوں کو بلیک میل کرنے والا نوجوان گرفتار

    گوجرانوالہ: سی آئی اے پولیس نے سوشل میڈیا پر فیک آئی ڈیز بناکر لڑکیوں کو بلیک میل کرنے والے نوجوان کو گرفتار کرلیا،ملزم لڑکی بن کر کالج کی لڑکیوں سے دوستی کرنے کے بعد ان کی تصویریں لیکر ان کو بلیک میل کرتا تھا۔

    تفصیلات کے مطابق گوجرانوالہ میں سی آئی اے پولیس  نے کارروائی کرتے ہوئے سوشل میڈیا پر فیک آئی ڈیز بنا کر لڑکیوں کو بلیک میل کرنے والے نوجوان مدثر ابراہیم کو گرفتار کرلیا۔

    ڈی ایس پی سی آئی اے عمران عباس چدھڑ کے مطابق ملزم مدثر ابراہیم کالج کی لڑکیوں سے لڑکی کلاس فیلو بن کر دوستی کرتا تھا اور سب سے پہلے ان سے تصویریں شیئر کرتا تھا۔

    جس کے بعد ملزم مدثر ان تصویروں کی ایڈیٹنگ کرکے لڑکیوں کو بلیک میل کرتا اور ان سے پیسے اور دیگر قیمتی اشیا وصول کرتا تھا۔

    ڈی ایس پی نے بتایا کہ ملزم لڑکیوں کے گھر والوں کو بھی بلیک میل کرکے ان سے بھتہ بھی وصول کرتا تھا۔ ملزم مدثر ابراہیم کے قبضہ سے نقدی اور موبائل فون برآمد کر لیا گیا۔

    مزید پڑھیں : لڑکی کو بلیک میل کرنے والا نوجوان گرفتار

    عمران عباس نے کہا کہ ملزم مدثر ابراہیم عادی مجرم ہے اور اس کے خلاف تھانہ کینٹ میں ڈکیٹی کا مقدمہ بھی درج ہے۔

    یاد رہے فروری میں فیڈرل انویسٹی گیشن ایجنسی (ایف آئی اے) کے سائبر کرائم ونگ نے لڑکی کو قابل اعتراض تصاویر کے ذریعے بلیک میل کرنے والے مبینہ نوجوان کو گرفتار کرکے مقدمہ درج کرلیا تھا۔

    ایف آئی اے کے مطابق ملزم حماد کا تعلق کوئٹہ سے ہے اور وہ موبائل کی خریدوفروخت کا کام کرتا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • جرمنی: داعش سے تعلق کے شبہے میں تین شامی نوجوان گرفتار

    جرمنی: داعش سے تعلق کے شبہے میں تین شامی نوجوان گرفتار

    برلن : جرمن پولیس نے شام و عراق میں مسلح کارروائیاں کرنے والی عالمی دہشت گرد تنظیم داعش کی رکنیت رکھنے کے الزام میں تین شامی مہاجرین کو گرفتار کرلیا.

    تفصیلات کے مطابق جرمن پولیس نے فرانسیسی سرحد کے قریب سے 3 شامی مہاجرین کو دہشت گردی کے شبہ میں گرفتار کرلیا۔ مبینہ دہشت گرد مغربی ریاست سارلینڈ کے پناہ گزین کیمپوں میں مقیم تھے۔ گرفتار افراد کو نامعلوم مقام پر منتقل کردیا گیا ہے۔

    تفتیش کاروں کے مطابق ملزمان کی گرفتاری اس وقت عمل میں آئی جب پناہ گزینوں کے کیمپ میں خدمات سر انجام دینے والے ایک ملازم نے ملزم کی ویڈیو دیکھی جس میں وہ جنگی وردی پہنے اور ہاتھ میں دستی بم اور دیگر اسلحہ تھامے ہوئے تھا۔

    ویڈیو دیکھنے کے بعد ملازم نے پولیس کو مطلع کیا۔

    جرمنی کے ریاستی دفتر استغاثہ کے بیان میں کہا گیا ہے کہ پولیس کی جانب سے حراست میں لیے جانے والے تینوں شامی نوجوانوں میں سے دو افراد کا تعلق عالمی دہشت گرد تنظیم دولت اسلامیہ سے ہے۔

    تفتیش کاروں کا کہنا ہے کہ مذکورہ ملزمان جرمنی میں سوشل میڈیا کے ذریعے نوجوانوں کو کالعدم تنظیم احرار الشام میں بھرتی کررہے تھے تاکہ انہیں شام میں جاری خانہ جنگی میں استعمال کیا جاسکے، مذکورہ شدت پسند گروپ کو عالمی دہشت گرد تنظیم داعش نے تشکیل دیا تھا۔

    تفتیش کاروں کا کہنا تھا کہ گرفتار ملزمان میں سے دو افراد پہلے سے جرمن پولیس کی مرتب کردپ دشدت پسند افراد فہرست میں شامل تھے، فی الحال ان کی جانب سے طے کردہ کسی حملے کے بارے میں معلومات نہیں ملیں۔ ۔

    جرمنی: خودکش حملے کی منصوبہ بندی‘نوجوان گرفتار

    پولیس کا کہنا ہے کہ مذکورہ ملزمان کے خلاف بڑی تعداد میں ثبوت موجود ہیں، جن میں ان کے موبائل فون اور کمپیوٹر سے حاصل کردہ ڈیٹا بھی شامل ہے۔

    پولیس کے مطابق تینوں ملزمان شام میں جاری خانہ جنگی کے دوران سنہ 2015 میں جرمنی میں داخل ہوئے تھے اور سیاسی پناہ کے لیے درخواست دی تھی۔ جرمنی آنے کے بعد تینوں ملزمان جرمنی کے شہر سارلوئس میں رہائش تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔