Tag: arrested

گوجرانوالہ: ایف آئی اے نے عمرے کی آڑ میں گداگری میں ملوث 3 خواتین مسافر  کو گرفتار کرلیا۔

تفصیلات کے مطابق وفاقی تحقیقاتی ادارے (ایف آئی اے) امیگریشن نے سیالکوٹ ائیرپورٹ پر عمرے کی آڑ میں گداگری میں ملوث 3 خواتین مسافروں کو گرفتار کرلیا۔

ایف آئی اے امیگریشن نے سیالکوٹ ایئرپورٹ پر کارروائی کی، اس دوران عمرے کی آڑمیں گداگری میں ملوث 3 خواتین مسافر کو گرفتار کرلیا گیا، گرفتار خواتین کو سعودی عرب سے پاکستان پہنچنے پر گرفتار کیا گیا۔

ایف آئی اے ترجمان کا کہنا ہے کہ گرفتار خواتین کا تعلق ملتان، مظفر گڑھ اور رحیم یار خان سے ہے، گرفتار خواتین کئی ماہ تک مکہ میں گداگری کرتی رہیں۔

دوسری جانب ایف آئی اے نے کراچی ائیر پورٹ پر کارروائی کرتے ہوئے گداگری میں ملوث سعودی عرب جانے والے مسافر کو گرفتار کرلیا، گرفتار مسافر کی شناخت الہاندو پنہور کے نام سے ہوئی۔

ترجمان کا کہنا ہے کہ مسافر پرواز ایکس وائی 638 کے ذریعے سعودی عرب جارہا تھا، مسافر کا نام بلیک لسٹ کیٹیگری میں شامل تھا، ابتدائی تفتیش کے مطابق مسافر سال 2019 میں عمرہ ویزہ پر سعودی عرب گیا تھا۔

ترجمان کا مزید کہنا تھا کہ مسافر سعودی عرب میں بھیک مانگنے میں ملوث رہا ہے مسافر کو مزید قانونی کارروائی کیلئے انسداد انسانی اسمگلنگ سرکل کراچی منتقل کردیا گیا۔

لاہور: سیف سٹی کیمروں کی مدد سے خواتین کو ہراساں کرنے والے ملزم کو گرفتار کرلیا گیا۔

تفصیلات کے مطابق لاہور میں غالب مارکیٹ کی حدود میں لڑکا خواتین کو ہراساں کر رہا تھا کہ سیف سٹی ٹیم نے کیمروں میں لڑکے کو خواتین کو ہراساں کرتے دیکھا، جس کے بعد سیف سٹی آفیسر نے قریبی فرسٹ رسپانڈر پولیس کو موقع پر روانہ کیا۔

ترجمان سیف سٹیز کا کہنا ہے کہ فرسٹ رسپانڈر ڈولفن فورس نے کارروائی کرتے ہوئے لڑکے کو گرفتار کر لیا، لڑکے کو تحریری معافی مانگنے اور آئندہ ایسا نہ کرنے پر چھوڑ دیا گیا۔