ARYNews.tv | Urdu – Har Lamha Bakhabar

Tag: arrived

  • وزیراعظم عمران خان کی آرمی ایوی ایشن بیس کوئٹہ آمد

    وزیراعظم عمران خان کی آرمی ایوی ایشن بیس کوئٹہ آمد

    کوئٹہ: ڈی جی آئی ایس پی آر نے کہا وزیراعظم عمران خان آرمی ایوی ایشن بیس کوئٹہ پہنچے تو آرمی چیف جنرل قمر جاوید باجوہ نے استقبال کیا، وزیراعظم بولان ہیلتھ کمپلیکس کا سنگ بنیاد رکھیں گے جبکہ گوادربھی جائیں گے۔

    تفصیلات کے مطابق پاک فوج کے شعبہ تعلقات عامہ (آئی ایس پی آر) کے ڈایریکٹر جنرل میجر جنرل آصف غفور نے سماجی رابطے کی ویب سائٹ ٹوئٹر اپنے بیان میں کہا وزیراعظم عمران خان کوئٹہ پہنچ گئے، کوئٹہ کینٹ آمد کے موقع پرگورنر، وزیراعلیٰ بلوچستان اور وفاقی وزرا بھی ان کے ہمراہ تھے۔

    آرمی چیف جنرل قمر جاوید باجوہ نے وزیراعظم کا کوئٹہ آرمی ایوی ایشن بیس پراستقبال کیا، وزیراعظم بولان ہیلتھ کمپلیکس اور سی پیک میں شامل کوئٹہ ژوب روڈ این 50 کا سنگ بنیاد رکھیں گے۔

    ڈی جی آئی ایس پی آر کا کہنا ہے کہ کوئٹہ ژوب روڈمغربی راہداری سے منسلک ہے، وزیراعظم عمران خان گوادر کادورہ بھی کریں گے۔

    یاد رہے وزیراعظم عمران خان گوادر میں ملک کے بڑے ایئرپورٹ کا سنگ بنیاد رکھیں گے، سیکریٹری ایوی ایشن و ڈی جی سی اے اے شاہ رخ نصرت وزیراعظم کو نیو گوادر انٹرنیشنل ایئرپورٹ کے متعلق بریفنگ دیں گے، نیو گوادر انٹرنیشنل ایئرپورٹ کو دورجدید کے تقاضوں کے مطابق تعمیر کیاجائے گا۔

    بعد ازاں وزیرِ اعظم عمران خان شام کو کراچی پہنچیں گے، جہاں وہ کراچی ٹرانسفارمیشن کمیٹی کے اجلاس کی صدارت کریں گے، کمیٹی وزیر اعظم کو منصوبوں پر عمل درآمد سے متعلق بریفنگ دے گی۔

    خیال رہے نیو گوادر انٹرنیشنل ایئرپورٹ چالیس ارب روپے کی لاگت سے تین سال میں مکمل کیا جائے گا، گوادر انٹرنیشنل ایئرپورٹ چائنہ پاکستان اقتصادی راہداری (سی پیک) کا اہم منصوبہ قراردیاجارہا ہے ، چائنہ کے اشتراک سے سول ایوی ایشن اتھارٹی ایئرپورٹ کو تعمیر کرے گی۔

  • یورپی یونین کی وزارت خارجہ کی سربراہ فیڈریکاموگیرنی کی وزارت خارجہ آمد

    یورپی یونین کی وزارت خارجہ کی سربراہ فیڈریکاموگیرنی کی وزارت خارجہ آمد

    اسلام آباد : یورپی یونین کی وزارت خارجہ کی سربراہ فیڈریکاموگیرنی کی وزارت خارجہ پہنچ گئیں ، جہاں پاکستان اور یورپی یونین کے مابین اسٹریٹیجک مذاکرات ہوں گے،مذاکرات میں دو طرفہ تعلقات اور اہم علاقائی و عالمی امور پر تبادلہ خیال کیا جائے گا۔

    تفصیلات کے مطابق یورپی یونین کے خارجہ تعلقات اور سیکورٹی پالیسی کی سربراہ فیڈریکا موگیرینی نے وفد کے ہمراہ وزارتِ خارجہ کادورہ کیا، وزیر خارجہ مخدوم شاہ محمود قریشی نے معزز مہمان اور وفدکا استقبال کیا۔

    اس موقع پرپاکستان اور یورپی یونین کے مابین اسٹریٹیجک مذاکرات ہوں گے، یورپی یونین وفد کی قیادت فیڈریکا موگیرینی جبکہ پاکستانی وفد کی قیادت وزیر خارجہ مخدوم شاہ محمود قریشی کریں گے۔

    مذاکرات میں دو طرفہ تعلقات اور اہم علاقائی و عالمی امور پر تبادلہ خیال کیا جائے گا۔

    یورپی یونین کی خارجہ امورکی سربراہ فیڈریکاموگرینی دورے کے دوران میں وزیراعظم عمران خان سے ملاقات بھی متوقع ہے۔

    یاد رہے 13 مارچ کو وزیرخارجہ شاہ محمودقریشی نے بزنس لیڈرز سمٹ سے خطاب کرتے ہوئے کہا تھا جی ایس پی پلس کے حوالے سے یورپی یونین کے شکرگزار ہیں، 26 مارچ کو پاکستان اور یورپی یونین میں معاہدہ ہونے جارہا ہے۔

    مزید پڑھیں : 26 مارچ کو پاکستان اور یورپی یونین میں معاہدہ ہونے جارہا ہے ، وزیرخارجہ

    گزشتہ ماہ 24 فروری کو وزیرخارجہ شاہ محمود قریشی نے یورپی یونین کی نمائندہ فیڈریکاموگرینی سے ٹیلیفونک رابطہ کیا تھا جس میں انہوں نے یورپی یونین کی جانب سے پاک بھارت کشیدگی کم کرانے کے لیے تعاون کی یقین کرائی تھی۔

    فیڈریکاموگرینی نے موجودہ صورت حال میں پاکستان کے رویے کو سراہتے ہوئے زور دیا تھا کہ دونوں ملک تنازعات کو مذاکرات کے ذریعے پرامن طریقے سے حل کریں۔

  • آرمی چیف جنرل قمر جاوید باجوہ 3 روزہ سرکاری دورے پر لندن پہنچ گئے

    آرمی چیف جنرل قمر جاوید باجوہ 3 روزہ سرکاری دورے پر لندن پہنچ گئے

    لندن: پاک فوج کے سربراہ جنرل قمر جاوید باجوہ تین روزہ سرکاری دورے پر لندن پہنچ گئے، جہاں وہ برطانوی عسکری قیادت سے ملاقاتیں کریں گے۔

    ڈی جی آئی ایس پی آر کے مطابق آرمی چیف جنرل قمر جاوید باجوہ سرکاری دورے پر لندن پہنچ گئے ہیں، وہ تین دن تک برطانیہ میں قیام کریں گے اور وہاں فوجی سیاسی قیادت کے ساتھ ملاقاتیں کریں گے۔

    ڈی جی آئی ایس پی آر میجر جنرل آصف غفور نے سماجی رابطے کی ویب سائٹ ٹوئٹر  پر بتایا کہ آرمی چیف برطانوی دورے میں عسکری اور سیاسی قیادت کے ساتھ ملاقات میں دو طرفہ پیشہ ورانہ امور پر تبادلہ خیال کریں گے۔

    آرمی چیف جنرل قمر جاوید باجوہ نے اس سے قبل چین کا بھی تین روزہ کام یاب دورہ کیا، جہاں انھوں نے چین کے اعلیٰ سول و عسکری قیادت کے ساتھ ملاقاتیں کیں۔ آرمی چیف کی چینی صدر شی جن پنگ سے بھی ملاقات ہوئی۔

    یہ بھی پڑھیں:  نئے ڈی جی آئی ایس آئی سمیت کسی افسرکا سوشل میڈیا پر کوئی اکاؤنٹ نہیں: آئی ایس پی آر

    خیال رہے کہ آج پاک فوج میں اعلیٰ سطح پر تقرر و تبادلے کیے گئے ہیں، لیفٹیننٹ جنرل عاصم منیر کو ڈی جی آئی ایس آئی تعینات کیا گیا۔

    دوسری طرف ڈائریکٹر جنرل آئی ایس پی آر میجر جنرل آصف غفور نے ٹویٹ‌ کیا ہے کہ کہ آج ڈی جی آئی ایس آئی کا عہدہ سنبھالنے والے لیفٹیننٹ جنرل عاصم منیر کا کوئی سوشل میڈیا اکاؤنٹ نہیں۔

  • نوازشریف جیل جاتے ہی بیمار، طبی معائنے کے لئے میڈیکل ٹیم اڈیالہ پہنچ گئی

    نوازشریف جیل جاتے ہی بیمار، طبی معائنے کے لئے میڈیکل ٹیم اڈیالہ پہنچ گئی

    راولپنڈی : ایون فیلڈ ریفرنس میں سزایافتہ نواز شریف کے طبی معائنے کے لئے میڈیکل ٹیم اڈیالہ جیل پہنچ گئی، طبی معائنے کے لئے نواز شریف کو سیل سے جیل اسپتال منتقل کردیا گیا ہے۔

    تفصیلا ت کے مطابق محلات میں رہنے کےعادی نوازشریف جیل جاتے ہی بیمارپڑگئے، میڈیکل ٹیم طبی معائنے کے لیے اڈیالہ جیل پہنچ گئی ہیں اور نواز شریف کو سیل سے جیل اسپتال منتقل کردیا گیا ہے۔

    خصوصی میڈیکل بورڈ پمزاسپتال کے 4سینئر ڈاکٹرز پر مشتمل ہے، جس میں پمزشعبہ میڈیسن کے سربراہ پروفیسر شجیع بورڈ کے چیئرمین ہیں، شعبہ امراض قلب، گردہ، معدہ و جگرکے ماہرین شامل ہیں جبکہ ڈاکٹر نعیم ملک، ڈاکٹر مشہود، ڈاکٹر سہیل تنویر میڈیکل بورڈ کے رکن ہیں۔

    انسپکٹرجنرل جیل خانہ جات نے نوازشریف کی بیماری کی تشہیرکرتے ہوئے پھرتی دکھائی اور علاج کیلئے فوری طور میڈیکل بورڈتشکیل دینے درخواست دی تھی، جس کے بعد نواز شریف کے علاج کے لیے خصوصی میڈیکل بورڈ تشکیل دیا گیا۔

    انسپکٹرجنرل جیل خانہ جات نے میڈیا کے لئے جاری پریس ریلیز میں نوازشریف کی بیماری کو بھرپور کوریج دینے کی درخواست کی ہے۔

    ذرائع کا کہنا ہے کہ میڈیکل بورڈ کی تجویز پر نوازشریف کے تفصیلی ٹیسٹ کیےجائیں گے، میڈیکل بورڈ طبی معائنے سے متعلق رپورٹ پنجاب حکومت کوپیش کرے گا، جس کے بعد ٹیسٹ نتائج کی بنیاد پر نوازشریف کی اسپتال منتقلی کا فیصلہ ہوگا۔

    خیال رہے کہ نواز شریف 9 دن سے اڈیالہ جیل میں قید ہیں۔

    یاد رہے کہ 13 جولائی کو نوازشریف اور مریم نواز کو لندن سے لاہورپہنچتے ہی گرفتار کرلیا گیا تھا ، جس کے بعد دونوں کو خصوصی طیارے پر نیو اسلام آباد ایئر پورٹ لایا گیا، جہاں سے اڈیالہ جیل منتقل کردیا گیا تھا۔

    واضح رہے کہ احتساب عدالت نے رواں ماہ 6 جولائی کو ایون فیلڈ ریفرنس کا فیصلہ سناتے ہوئے نوازشریف کو 11، مریم نوازکو 8 اور کیپٹن ریٹائرڈ صفدر کو ایک سال قید سنائی تھی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • چیف جسٹس ثاقب نثار کی جنرل اسپتال لاہور آمد

    چیف جسٹس ثاقب نثار کی جنرل اسپتال لاہور آمد

    کراچی: چیف جسٹس آف پاکستان جسٹس میاں ثاقب نثار نے جنرل اسپتال کا تفصیلی دورہ کیا اور نئے تعمیر پنجاب انسٹیوٹ آف نیورو سائنسزکا دورہ بھی دورہ بھی کیا۔

    تفصیلات کے مطابق چیف جسٹس سپریم کورٹ جسٹس میاں ثاقب نثار اچانک دورے پر لاہور کے جنرل اسپتال کا دورہ کرنے پہنچ گئے۔ چیف جسٹس مختلف اسپتال کے مختلف وارڈ میں بھی گئے۔

    چیف جسٹس نے مریضوں سے ملاقات میں اسپتال کے حالات دریافت کیے تو مریضوں نے رو رو کر چیف جسٹس کے  سامنے شکایات کے  انبار لگا دیئے۔

    مریضوں نے شکایت کی کہ مریض تڑپ رہاہوتاہےلیکن ڈاکٹر چیک نہیں کرتے اور دور دور سے آنے والے مریضوں کو نظر انداز کیا جاتا ہے، جس پر چیف جسٹس نے اسپتال کے عملے کو مریضوں کو بہترعلاج فراہم کرنے کی ہدایت کی۔

    چیف جسٹس آف پاکستان کی آمد پر مریضوں کی جانب سے شکایات کے انبار لگانے پر انتظانیہ نے پھرتی دیکھاتے ہوئے اسپتال کے دروازے ہی بند کردیئے تاکہ مریض چیف جسٹس سے شکایات نہ کرسکیں۔

    جنرل اسپتال کی انتظامیہ کی جانب سے اسپتال میں داخل ہونے کا گیٹ بند کردیا گیا جس کے باہر مریضوں اور ان کے لواحقین کی بڑی تعداد دروازہ کھولنے کے لیے دہائیاں دیتی رہی۔

    جنرل اسپتال میں کینسر کے علاج کے لیے آنے والے مریض نے علاج نہ ملنے پر چیف جسٹس کو دہائیاں دیتے ہوئے کہا کہ کئ ماہ سے آرہا ہوں اسپتال انتظامیہ میرا علاج ہی کر رہی ہے۔

    مریض نے چیف جسٹس نے کہا کہ اسپتال انتظامیہ کی جانب سے پرائیویٹ اسپتال میں علاج کروانے کا کہا جارہا ہے۔

    چیف جسٹس نے کینسرکےمریض کی شکایات پر اسپتال کی انتظامیہ کو تنبیہ کی اور مریض کو فوری علاج فراہم کرنے کی ہدایت کردی۔

    چیف جسٹس نئے تعمیر پنجاب انسٹیوٹ آف نیورو سائنسزکا دورہ کریں گے، چیف جسٹس کےساتھ چیف سیکرٹری زاہد سعید، سیکٹری ہیلتھ نجم شاہ موجود بھی ہیں۔

    چیف جسٹس کے ہمراہ پرنسپل ڈاکٹرغیاث النبی طیب، ایم ایس صلاح الدین سمیت دیگرشخصیات موجود بھی ہیں۔

    یاد رہے کہ رواں 12 تاریخ کو چیف جسٹس سپریم کورٹ جسٹس میاں ثاقب نثار نے کراچی کی سینٹرل جیل کا بھی اچانک دورہ کیا تھا، چیف جسٹس کچن, اسپتال, اور قیدیوں کی مختلف بیرکوں میں بھی گئے تھے۔

    خیال رہے کہ جسٹس ثاقب نے قیدیوں کو فراہم کیے جانے والے کھانے کا معائنہ بھی کیا تھا اور چیف جسٹس اور جسٹس فیصل عرب نے کھانا خود کھا کر چیک کیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔