پاکستانی ڈرامہ انڈسٹری کی معروف اداکارہ حرا خان نے ماڈل ارسلان خان کے ساتھ منگنی کا اعلان کردیا۔
ماڈل و اداکار ارسلان خان نے انسٹاگرام پر ویڈیو شیئر کی جس میں حرا خان کو ارسلان کو شاعدی کے لیے منفرد انداز میں پروپوز کرتے دیکھا جاسکتا ہے۔
اداکارہ نے ارسلان سے اظہار محبت کے لیے رقص کیا اور گھٹنوں کے بل بیٹھ کر ان کے آگے انگوٹھی پیش کرتے ہوئے سوال کیا کیا آپ مجھ سے شادی کریں گے؟
جواب میں ارسلان خان ہاں کہتے ہوئے جذباتی ہوگئے۔
ارسلان خان نے اپنی پوسٹ میں حرا کو مخاطب کرتے ہوئے لکھا کہ ’ آپ مجھ سے کہتی ہیں کہ جب سے ہم ملے ہیں میں نے آپ کو کوئی سرپرائز نہیں دیا لہٰذا یہاں آپ کیلئے ایک سرپرائز ہے کہ جو میرا بہترین دوست ہے! چلو شادی کرلیتے ہیں۔
حرا خان نے مداحوں کو ساتھی فنکاروں کی جانب سے مبارک باد دی جارہی ہیں جن میں درفشاں سلیم، عمر شہزاد، زباب رانا، کومل کیر، زارا نور، سعد قریشی ودیگر شامل ہیں۔
واضح رہے کہ حرا خان اے آر وائی ڈیجیٹل کے ڈرامہ سیریل ’وہ پاگل سی‘ میں سارا کا کردار نبھایا تھا جبکہ وہ بلاک بسٹر ڈرامہ سیریل ’میرے ہمسفر‘ میں ’رومی‘ کا کردار ادا کرچکی ہیں۔
