ڈبلن: انٹرنیشنل چیمپئنز کپ کے سنسنی خیز مقابلے میں آرسنل نے چیلسی کو شکست دے دی.
تفصیلات کے مطابق انٹرنیشنل چیمپئنز کپ میں آج دو بڑے انگلش کلب مدمقابل آئے، جہاں فتح نے آرسنل کے قدم چومے.
تماشائیوں سے بھرے ہوئے اسٹیڈیم میں کھیلے جانے والے اس کھیل کا فیصلہ پینالٹی شوٹ آؤٹ پر ہوا، میچ میںآرسنل نے شان دار کھیل کا مظاہرہ کرتے ہوئے ہاری ہوئی بازی جیت لی.
پہلے ہاف میں چیلسی کا پلڑا بھاری رہا، میچ کے پانچویں منٹ میں چیلسی کے کھلاڑی اینٹینو روڈیگری نے گول داغ کر برتری دلا ئی۔
دوسرے ہاف میں بھی سنسنی خیز مقابلہ ہوا، اختتامی لمحات میں آرسنل نے زبردست گول کر کے میچ میں کم بیک کیا. یہ گول فرانس سے کھیلنے والے الیگزینڈر لیکازیٹی نے اسکور کیا۔
مقابلے کا فیصلہ پینالٹی شوٹ آؤٹ پر ہوا، جس پر چیلسی کو ناکامی کا سامنا کرنا پڑا، آرسنل کے گول کیپر کی شان دار کارکردگی نے ٹیم کو فتح دلوائی.
یاد رہے کہ اس وقت انٹرنیشنل چیمپئنز کپ کے مقابلے جاری ہیں، جن میں انگلش کلبس کا پلڑا بھاری نظر آرہا ہے.
گذشتہ دونوں مانچسٹر یونائیٹڈ نے معروف اسپینش کلب ریال میڈرڈ کو دلچسپ مقابلے کے بعد شکست دے دی تھی.
یاد رہے کہ یہ رونالڈو کے کلب چھوڑنے کے بعد ریال میڈرڈ کا پہلا میچ تھا.
فیفا 2018: مسلمان کھلاڑیوں نے فرانس کی جیت میں اہم کردار ادا کیا
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
