کوچز نے اتھلیٹ ارشد ندیم کو پیرس اولمپکس میں شرکت کی اجازت دیدی۔
اتھلیٹکس فیڈریشن آف پاکستان نے ارشد ندیم کی پیرس اولمپکس کی تیاریوں کو حتمی شکل دے دی، کوچز نے ان کو پیرس اولمپکس سے قبل دو ایونٹس میں بھرپور شرکت کی اجازت دے دی۔
ارشد ندیم 18 جون کو فن لینڈ کے ایونٹ میں حصہ لیں گے جبکہ وہ 7 جولائی کو پیرس میں ہونے والے ایونٹ ڈائمنڈلیگ میں حصہ لیں گے۔
اولمپیئن جیولین تھرور ان دنوں ری ہیب مکمل ہونے کے بعد پنجاب اسٹیڈیم میں بھرپور ٹریننگ کر رہے ہیں۔
لاہور: چیئرمین واپڈا نے ورلڈ ایتھلیٹکس چیمپیئن شپ میں سلور میڈل جیتنے والے ارشد ندیم کو تاریخی کارکردگی پر 17 لاکھ روپے نقد انعام دیا۔
تفصیلات کے مطابق واپڈا ہاؤس لاہور میں ارشد ندیم کے اعزاز میں تقریب منعقد کی گئی چیئرمین واپڈا نے ارشد ندیم کو تاریخی کارکردگی پر 17 لاکھ روپے نقد انعام دیا۔
چیئرمین واپڈا نے واپڈا ایتھلیٹ محمد یاسر کو کانسی کا تمغہ جیتنے پر 5 لاکھ روپے انعام دیا۔
چیئرمین واپڈا سجاد غنی نے اس موقع پر کہا کہ پوری قوم کو ارشد ندیم کی شاندار کارکردگی پر فخر ہے، واپڈا اسپورٹس بورڈ ارشد ندیم کو مقابلوں کے لئے بھر پور تربیتی سہولیات دے گا۔
بڈاپیسٹ : عالمی ایتھلیٹکس چیمپئن شپ کے جیولن تھرو فائنل میں پاکستان کے ارشد ندیم نے سلورمیڈل جیت لیا،
تفصیلات کے مطابق فرانس میں ہونے والی عالمی ایتھلیٹکس چیمپئن شپ میں پاکستان کے ارشد ندیم نے اپنے ملک کا نام ایک بار پھر روشن کردیا۔
پاکستان کے 26 سالہ ایتھلیٹ ارشد ندیم جیولن تھرو فائنل میں دوسرے نمبر پر رہے جبکہ بھارت کے نیرج چوپڑا اس بار بھی فائنل میں ٹاپ پر رہے۔
فائنل میں ارشد ندیم اور نیرج چوپڑا کے درمیان سخت مقابلہ ہوا ، نیرج چوپڑا نے 88.17 میٹر کی تھرو لگا کر گولڈ میڈل حاصل کیا جبکہ قومی ایتھلیٹ نے سلور میڈل حاصل کیا ۔
ارشد ندیم نے چوتھے راؤنڈ میں87.15میٹر کی سب سے بڑی تھرو کی تھی جبکہ تیسرے راؤنڈ میں 87.82 میٹر کی تھرو کی تھی۔
ارشد ندیم پہلی کوشش میں 74.80 میٹر کی تھرو پھینکنے میں کامیاب رہے، دوسری کوشش میں انہوں نے 82.81 میٹر کی تھرو پھینکی، فائنل مقابلے کی تیسری تھرو میں انہوں نے 87.82 میٹر جبکہ چوتھی باری میں 87.15 میٹر کی تھرو لگائی۔ ورلڈ اتھلیٹکس چیمپئن شپ کی آخری تھرو میں ارشد نے 81.86 میٹر کی تھرو لگائی۔
واضح رہے کہ ارشد ندیم نے گزشتہ سال برمنگھم میں 90.18 میٹر کی تھرو کرکے گولڈ میڈل جیتا تھا اور 90 میٹر سے زیادہ کی تھرو کرنے والے پہلے ساؤتھ ایشین ایتھلیٹ بن گئے تھے ۔ ان کی یہ تھرو اب بھی کسی بھی ایشین پلیئر کی دوسری سب سے بڑی تھرو ہے ۔
لاہور: کامن ویلتھ گیمز کے گولڈ میڈلسٹ ارشد ندیم وطن پہنچ گئے، علامہ اقبال ایئر پورٹ پر ان کا شان دار استقبال کیا گیا، انھوں نے گفتگو میں کہا کہ حکومت سے اپیل ہے کہ ہمیں انٹرنیشنل لیول کی ٹریننگ دی جائے۔
اے آروائی نیوز براہِ راست دیکھیں live.arynews.tv پر
تفصیلات کے مطابق گولڈ میڈلسٹ ایتھلیٹ ارشد ندیم غیر ملکی ایئر لائن کی پرواز میں استنبول سے لاہور پہنچ گئے، ایئر پورت پر اہل خانہ، رشتہ داروں اور شہریوں کی بڑی تعداد ان کے استقبال کے لیے موجود تھی۔
اسپورٹس بورڈ کے عہدے داروں کی جانب سے بھی بھرپور استقبال کیا گیا، ایئر پورٹ پر ارشد ندیم کے مداحوں نے ڈھول کی تھاپ پر بھنگڑا ڈالا۔
کامن ویلتھ گیمز کے ہیروز کو وزیراعظم ہاؤس سے بلاوا آگیا
ارشد ندیم نے میڈیا سے گفتگو کرتے ہوئے کہا اللہ پاک کے فضل اور عوام کی دعاؤں سے 2 گولڈ میڈل جیتے، جس کے لیے میں کوچز اور فیڈریشن کا شکر گزار ہوں جنھوں نے مجھے ہمیشہ سپورٹ کیا۔
گولڈ میڈلسٹ نے بتایا کہ ٹوکیو گیمز میں بھی انجریز تھیں لیکن میں نے ہمت نہیں ہاری، حکومت سے اپیل ہے کہ ہمیں انٹرنیشنل لیول کی ٹریننگ دی جائے، اور ایتھلیٹس کے لیے الگ میدان مہیا کرے۔
یاد رہے کہ ارشد ندیم نے کامن ویلتھ گیمز کے جیولین تھرو ایونٹ میں گولڈ میڈل حاصل کیا۔
What a superb performance from Arshad Nadeem!
He earns Pakistan their first track and field Gold after 60 years 🥇🥇, setting precedence with a new Games record.
Congratulations @NOCPakistan 👏🏾#CommonwealthGames2022 | #B2022 pic.twitter.com/6H5YlKxeLg
— Commonwealth Sport (@thecgf) August 7, 2022
صوبائی وزیر کھیل ملک تیمور مسعود نے کہا کہ ارشد ندیم نے قوم کا سر فخر سے بلند کیا ہے، ہم ملک میں ایتھلیٹس کی بھرپور سپورٹ کریں گے، اور میاں چنوں میں واقع ارشد ندیم کے گاؤں میں عالمی معیار کا گراؤنڈ بنائیں گے۔
انجری سے دوچار اور کوچ کے بغیرارشد ندیم نے کامن ویلتھ گیمز میں کیسے تاریخ رقم کی؟ حقیقت سامنے آگئی۔
ارشد ندیم کامن ویلتھ گیمزمیں شرکت کیلئے برمنگھم پہنچے تو وہ کہنی کی انجری کا شکار تھے، مدد کیلئے کوچ بھی ساتھ نہ تھا۔
ایسے میں کسی کو ارشد ندیم سے گولڈ میڈل کی امید نہ تھی مگر ارشد ندیم نے جیولن تھرو میں سونے کا تمغہ جیت کر تاریخ رقم کرڈالی۔
جیولن تھرو کا فائنل شروع ہوا توارشد ندیم نے پہلی باری میں 86.81 میٹر کی تھرو کرکے ذاتی ریکارڈ بنایا۔
پانچویں راونڈ میں اینڈرسن پیٹرز نے 88.64 میٹر کی تھرو کرکے پاکستانیوں کے خوابوں کو چکنا چور کرڈالا اور اب ارشد ندیم کی گولڈ میڈل حاصل کرنے کی امیدیں دم توڑ چکی تھیں۔
مگر کہنی کی انجری کا شکار ارشد ندیم نے پانچویں باری میں بساط ہی پلٹ دی، قومی ایتھلیٹ نے پانچویں تھرو 90 میٹر سے دور پھینک کر نہ صرف تاریخ بنائی بلکہ جیولن تھرو میں پاکستان کے لئے پہلا گولڈ میڈل بھی اپنے نام کرلیا۔
یہی نہیں ارشد ندیم کی آخری تھرو نے کامن ویلتھ گیمز کی تاریخ میں سب سے لمبی تھرو کا ریکارڈ بھی بنایا، اسی کے ساتھ ہی وہ نوے میٹر سے لمبی تھرو کرنے والے جنوبی ایشیا کے پہلے ایتھلیٹ بھی بنے۔
اس سے قبل انیس سو باسٹھ میں پرتھ کے دولت مشترکہ کھیلوں میں پاکستان کے ایتھلیٹ غلام رازق نے 120 گز ہرڈلز میں گولڈ میڈل جیتا تھا۔
برمنگھم میں ہونے والے کامن ویلتھ گیمز میں پاکستان نے مجموعی طور پر آٹھ میڈل جیتے، جوڈو میں شاہ حسین شاہ نے پاکستان کو سب سے پہلا میڈل جتوایا۔
ویٹ لفٹنگ میں نوح دستگیر بٹ اور جیولن میں ارشد ندیم نے گولڈ اپنے نام کیا، پانچ میڈلز پاکستان نے ریسلنگ کے مختلف مقابلوں میں جیتے۔
اسلام آباد: چیئرمین پی ٹی آئی عمران خان نے کامن ویلتھ گیمز میں پاکستان کیلئے گولڈ میڈل جیتنے پر ارشد ندیم کو مبارک باد پیش کی ہے۔
تفصیلات کے مطابق سماجی رابطے کی ویب سائٹ ٹوئٹر پر جاری بیان میں سابق وزیراعظم عمران خان نے کہا کہ اتھلیٹ ارشد ندیم کوانجری پرقابو پانےاور پاکستان کیلئے گولڈ میڈل جیتنے پر مبارکباد دیتا ہوں۔
عمران خان نے اپنے ٹوئٹ میں ارشد ندیم کو90.18 میٹرکی جیولن تھرو پھینکنے کا نیا عالمی ریکارڈ بنانے پر بھی مبارکباد دی۔
Congratulations to javelin thrower Arshad Nadeem for overcoming injury & winning the Gold for Pakistan plus setting a new Games record with a throw of 90.18m. pic.twitter.com/QSRyp5tQmd
— Imran Khan (@ImranKhanPTI) August 8, 2022
اس سے قبل صدرمملکت، وزیراعظم اورآرمی چیف نے بھی جیولین تھرو میں عالمی ریکارڈ بنانے اور کامن ویلتھ گیمز میں طلائی تمغہ جیتنے پر ارشد ندیم کو مبارک باد پیش کی تھی۔
واضح رہے کہ برمنگھم میں جاری کامن ویلتھ گیمز میں پاکستانی ایتھلیٹ ارشد ندیم جیولین تھرو کے فائنل میں گولڈ میڈل حاصل کرنے میں کامیاب ہوئے۔
یہ بھی پڑھیں:طلائی تمغہ جیتنے پر صدر، وزیراعظم اور آرمی چیف کی ارشد ندیم کو مبارکباد
پاکستان کے فخر نے ایونٹ کے فائنل میں کامن ویلتھ گیمز کی تاریخ میں سب سے لمبی تھرو کر کے بھی نیا ریکارڈ قائم کیا۔
جیولین تھرو ایونٹ کے فائنل میں ارشد ندیم نے پہلی تھرو 86.81 میٹر پھینکی جبکہ عالمی چیمپئن اینڈریسن ہیٹرس نے پہلی تھرو 82.30 میٹر پھینکی۔
ارشد ندیم نے دوسری تھرو کی تو اُسے فاول قرار دیا گیا جس کے بعد انہوں نے تیسری تھرو 88میٹر پھینکی اور اپنا ریکارڈ توڑ دیا۔
اس سے قبل پاکستانی ایتھلیٹ کا ذاتی ریکارڈ86.38 میٹر تھرو تھا۔
برمنگھم : کامن ویلتھ گیمز میں نیزے بازی کے فائنل مقابلے میں گولڈ میڈل جیتنے والے پاکستان کے قابل فخر کھلاڑی ارشد ندیم نے کہا ہے کہ یوم آزادی گولڈ میڈل کے ساتھ منائیں گے۔
مقابلے میں کامیابی کے بعد میڈیا سے گفتگو کرتے ہوئے انہوں نے کہا کہ ایونٹ میں پہلی بار گولڈ میڈل جیتا ہے اور کامن ویلتھ گیمز میں ریکارڈ قائم کیا ہے۔
ارشد ندیم نے کہا کہ جو قسمت میں ہوتا ہے وہی ملتا ہے، اللہ کا جتنا شکرادا کروں کم ہے، مجھے خوشی ہے کہ14اگست کو جشن آزادی میڈلز کے ساتھ منائیں گے۔
انہوں نے بتایا کہ88میٹر کی تھرو کرنے کے بعد مزید جوش آیا اور سوچا کہ میں یہ کرسکتا ہوں، اللہ تعالٰی نے ہمت دی اور میں نے تھروکی۔
گولڈ میڈ لسٹ ارشد کا کہنا تھا کہ بھارتی کھلاڑی نیرج چوپڑا میرا اچھا دوست ہے، ایونٹ میں اس کی کمی محسوس ہوئی۔
انجری گیم کا حصہ ہے، دعا ہے کہ نیرج چوپڑا جلد صحت یاب ہو، نیرج چوپڑا بھی مقابلےمیں شریک ہوتے تو اور بھی مزا آتا۔
ارشد ندیم نے کہا کہ ٹوکیو اولمپکس کے بعد انجری ہوئی، ایک سال بعد ورلڈ چیمپئن شپ میں حصہ لیا، اولمپکس کے بعد میرا ٹارگٹ ورلڈ چیمپئن شپ، کامن ویلتھ اور پھراسلامک گیمز تھے۔
انہوں نے مزید کہا کہ انجری پرکام کررہےہیں، آئندہ مقابلوں کے لئے بھرپور تیاری کروں گا، آئندہ بھی پاکستان کے لیے مقابلے جیت کر ملک کا نام روشن کروں گا۔
پاکستان کی شان ارشد ندیم نے ورلڈ ایتھلیٹکس گیمز کے فائنل کیلئے کوالیفائی کرلیا۔
تفصیلات کے مطابق پاکستان کے جیولین تھرور ارشد ندیم نے ورلڈایتھلیٹکس گیمز کے لئے اپنی ٹکٹ کنفرم کرالی، امریکی شہر برمنگھم میں جاری ایتھلیٹکس کے اس عالمی میلے میں ارشد ندیم نے مجموعی طور پر ایونٹ میں نویں پوزیشن حاصل کی۔
پاکستانی کھلاڑی نے پہلی تھرو 76.15 اور دوسری تھرو 74.38 میٹر پھینکی جبکہ تیسری تھرو 81 میٹر کی تھی۔
یہ بھی پڑھیں: ارشد ندیم ٹوکیو اولمپکس میں کیسے آئے؟ جانئے ان کی زبانی
ارشد ندیم نے فائنل میں رسائی پر خوشی کا اظہار کرتے ہوئے 24 جولائی کو بھی بہترین پرفارمنس دینے کے عزم کا اظہار کیا ہے جبکہ کہنی کی ابجری مکمل ٹھیک نہ ہونے کے باوجود اس ایونٹ میں پاکستان کی نمائندگی کررہے ہیں۔
واضح رہے کہ اولمپکس میں پانچویں پوزیشن پانے والے ارشد ندیم نے پنجاب اسٹیڈیم میں چھ ہفتوں تک کوچ سلمان بٹ اور ڈاکٹر اسد عباس کی نگرانی میں ٹریننگ کی تھی۔
لاہور: پاکستان ایتھلیٹکس فیڈریشن نے جیولین ہیرو ارشد ندیم کا آپریشن لندن میں کرانے کا فیصلہ کیا ہے۔
تفصیلات کے مطابق ایتھلیٹکس فیڈریشن کا کہنا ہے کہ پاکستانی اسپورٹس ہیرو ارشد ندیم کے بازو میں انجری کا آپریشن کامن ویلتھ گیمز کے بعد لندن میں کرایا جائے گا۔
اس سلسلے میں صدر پاکستان ایتھلیٹکس جنرل ( ر) اکرم ساہی نے کہا ہے کہ ارشد ندیم کے بازو کے آپریشن کے لیے غیر ملکی اسپورٹس سرجن اور فزیوتھراپسٹ کی خدمات حاصل کر لی گئی ہیں۔
انھوں نے کہا ارشد ندیم قومی ہیرو ہے، جنوبی افریقا میں بھی ٹریننگ کے دوران بھی اسپورٹس فزیو سے ان کا علاج کروایا گیا۔
دوسری طرف جیولین ہیرو ارشد ندیم نے بھی امید ظاہر کی ہے کہ بازو کی سرجری کے بعد وہ اولمپکس سے پہلے فٹ ہو جائیں گے۔
خیال رہے کہ پاکستانی اتھلیٹ ارشد ندیم اور جیولن تھرور یاسر علی جنوبی افریقا میں ٹریننگ کا پہلا مرحلہ مکمل کر کے گزشتہ ہفتے ہی لاہور واپس پہنچے ہیں۔
اتھلیٹکس فیڈریشن نے ارشد ندیم کے لیے ٹاپ جیولن تھرو کوچ ٹرسیس لیبن برگ خدمات حاصل کی ہیں، جن کی زیر نگرانی انھوں نے ٹریننگ حاصل کی، اب لیبن برگ اہم ایونٹس میں ارشد ندیم کی کوچنگ کریں گے۔
نیرج چوپڑا نے بھارتی الزام تراشیوں کو غلط قرار دیتے ہوئے ارشد ندیم کے حق میں بیان دے دیا۔
بھارتی میڈیا کو دیئے گئے انٹرویو میں ٹوکیو اولمپکس میں گولڈ میڈل جیتے والے نیرج چوپڑا نے کہا کہ فائنل میں ارشد ندیم نے میرا جیولن لیا وہ کوئی بڑی بات نہیں ہے، میری بات کو توڑ مروڑ کر غلط انداز میں پیش کیا جا رہا ہے۔
نیرج چوپڑا کا کہنا تھا کہ تمام جیولن تھرور آپس میں بہت پیار سے رہتے ہیں، اسپورٹس سب کو مل کر رہنا سکھاتا ہے، میں اپیل کرتا ہوں کہ اس معاملے کو اتنا مت اچھالیں۔
اپنے انٹرویو میں نیرج چوپڑا نے اس بات کی بھی تصدیق کی کہ طلائی تمغہ جیتنے کے اگلے روز اختتامی تقریب سے پہلے ڈائننگ ہال میں ارشد ندیم سے ملاقات کی تھی، ہم دونوں نے بہت گرمجوشی سے ملاقات کی، اس موقع پر ارشد ندیم نے ایک بڑی مسکراہٹ کے ساتھ مجھے مبارکباد دی تھی۔
واضح رہے کہ اپنے وطن واپسی پر ایک انٹرویو میں نیرج نے کہا تھا کہ اگر پوڈیم پر ان کے ساتھ پاکستان کے ارشد ندیم بھی ہوتے تو ’ایشیا کا نام ہو جاتا اور یہ کتنا اچھا ہوتا‘، نیرج کے اس بیان پر بھی بھارتی میڈیا نے واویلا کیا تھا۔
یاد رہے کہ ارشد ندیم نے ٹوکیو اولمپکس کے کوالیفائنگ مقابلوں میں 85 اعشاریہ 16 میٹرز دور جیولن پھینک کر فائنل راؤنڈ کے لیے کوالیفائی کیا تھا، وہ کوالیفائنگ مقابلوں میں گروپ بی میں پہلے نمبر پر رہے تھے جبکہ مجموعی طور پر کوالیفائنگ راؤنڈ میں ان کی تیسری پوزیشن رہی تھی۔
ارشد ندیم نے اپنی پہلی تھرو 82 اعشاریہ چار میٹر دور پھینکی، ان کی دوسری تھرو فاؤل قرار پائی جبکہ ان کی تیسری تھرو 84 اعشاریہ چھ دو میٹر دور پہنچی۔ اس تیسری تھرو کے باعث وہ 12 ایتھلیٹس میں سے پانچویں نمبر پر رہے۔
ارشد ندیم کی اس سال کی بہترین کارکردگی 86 اعشاریہ 38 میٹرز تھی جو انہوں نے ایران کے شہر مشہد میں منعقدہ مقابلے میں دکھائی تھی۔